يا برالمة يقع في ايدينكم العدو ..

Quote: مابتقصر ياهشام والله .. يقصّر الملح يأخ ... ونردهالكـ في الأفراح .. وسبتكـ لابد له من أحد .. والاحاد الجاية كتير .. فابشر بأحد قدمت أنت سبته ... وبئس أحد لم يكن له سبت يتقدمه ولا دياولو ... مشكور باحبيبنا .. ود ومحبة ....

..
لأني شايف البرالمة ديل شغلهم نضيف ..
بعضكم جاي المنبر ولياقتو زي سادمبا بس (نقول ما شاء الله) ..

طن محبة ..

Quote: بسم الله شكرا أخ هشام كمال الدهن في العتاقي ولو لا كتاباتكم الغنية والثرة والتي إستفزتنا أيما إستفزاز لكي نرتاد منتداكم ما كنا متقرفصين بينكم الآن وعسى أن نفيد كما إستفدنا من أخوانا وأخواتنا وأعمامنا وجدودنا الموجودين في الحوبة هذه منذ الأزل ودمتم سالمين

..

Quote: مرحب بيكم في منبر حرية الكلمة .. شكرا ليك على الترحيب بس الجرسه فوق شنو بس برضو الكلمه ولو كانت حره هى مسؤوليه المسؤوليه المسؤوليه المسؤوليه واذن الآذان يمكن كانت تلطيف جو شكرا يا جميل

Quote: تست تست تست احمممم دي اول مشاركة في هذا المنبر بعد سنين عجاف برلوم مركب مكنة ركشة

Quote: أول مرة أعرف إنك جـبـان يا قريبي ...... الناس تكسر تلج للريس إنت تكسر تلج للبرالمة .....؟؟؟؟

Quote: شكرا يا هشام على الترحيب يا أخوي البرالمة ديل ما جاين من بيوتهم على منبر بكري ، معظمهم جاين بخبرتهم من منابر أخرى لذلك لن يرهبهم سطر فتأمل

Quote: هشام مرحب بيك في البوست بتاعنا ده بوست البرالمة دفعة 2013 ديل ثورة الربيع المنبري شارك ... عقب .. انتقد .. رد بس جيب المنتوج الكتابي راقي مفيد ده يظهر قوة دفعة 2013 عشان كده جقلبة السناير من البرالمة بقت واضحة جكسا

Quote: أحي أنا بقينا في أهدي ليك وأنت تهدي لي أنا ماعارف الناس شغالا بالموضوع دا كتير ليه أصلا البورد دا زي الملجة كل زول بيعرض العندو والحكم في النهاية للقاريء بغض النظر عن تاريخ التسجيل هسع في ناس فطاحلة في شتي ضروب الحياة فن ، أدب ، أقتصاد ، الخ واقفين في الباب لو دخلو بيفيدو أحسن من ناس قاعدين هنا أكل الدهر عليهم وشرب ولم يقدمو شيء فمن الظلم الحكم علي الناس بتاريخ التسجيل. في زول هنا جاب العضوية عبر إمتحان؟ الناس لو تركت خلف ظهرها دا تاريخ تسجيلو جديد ما أرد عليهو ,دا ما بعرفو ما أتداخل معاهو ، شلتي وشلتك وشيلني وأشيلك إحتمال نسمو بالبورد لي قدام. سلام ياحبيب الاشواق كميات

Quote: الاخ هشام تحياتى اتمنى ان نتعلم ونستفيد منكم ، ونقدم كل ماهو مفيد

Quote: بالمناسبة في برالمة سناير هني زي حالتي دي هههه بالمناسبة كان عندنا باسويرد من 2002 بس الزمن داك لسعوبة النت والمشاركة من العمل تكاسلنا وكدة ونسينا فاندفن في طي النسيان أضف في ناس كتيرة بتلقاها كانت بتكتب في منتديات أخرى من سنين عددا ف تيك كير ينوبك خير هههههههه

Quote: ود القوز حبابك يا زول يا جميل .. اي قدمنا السبت الدنيا ما مضمونة بكرة يمكن تبقي لينا واسطة وكدي .. لأني شايف البرالمة ديل شغلهم نضيف .. بعضكم جاي المنبر ولياقتو زي سادمبا بس (نقول ما شاء الله) .. طن محبة ..

ياكيمو ..
لا يأخ .. والله حقكـ محفوظ ..
والعين مابتعلى الحاجب ..
شفت حقكـ بالاقدمية محفوظ كيف !..
لانك ماقالعت ليهو ..
قعدت في مكانكـ وجاك بارد مبّرد لحدت عندكـ ..
لكن الناس البيقابضو في البرالمة ديل ..
والانا شايف بعضهم ( أي البرالمه ) جايين من حتات ..
لاتقل مطلقاً عن سودانيز .. ومتودكين ع الآخر ..
كان إرعوى شوية ..
وحتى لو قوقل أي إسم كان اتحسس خطوتو قبال مايخطيها ..
وده ماخوف ..
لا .. ده دليل كياسه وفطنه والمؤمن كيّس فطن ..
يعني هسه تجي للزول في بوهيتو القوية وتقعد تتعاور معاهو ..
ولا تشوف ليكـ مخارجة من سيكـ متحمدكـ متحمدكـ أحسن ليكـ ؟...
لكن تقول شنو ..
للناس الماعندها ذرة إيمان وماخاته الرحمن في قلبها ..
الواحد من ديل يقعد يكابس كده لاااامن يجيهو يابس ..
المصيبة لمن يكون الواحد منهم ماعندو حاجة وقاعد في صقيعة الله دي ...
وكل مايشوف ليهو زول جديد شادي حيلو يقعد يتحسس كرسيهو ..
نظام خوف وكده ..
لكن الينفش الطرور ..
والزول القرعوبتو فاضية اليمشي يستفيد منها ويخج فيها لبن ..
أحسن ليهو .. ولا يقوم يعلقها في مشلعيب كدلاله على خواءه الفكري ..

متكيف منك للدين ياكيمو .يأخ ...
وأبشر بأحد وافر الهطول منشكح الأسارير نظير سبتكـ المنقة ده ..
ولا عزاء لملاسي ومن لف لفه ...
ولا نامت أعين الجبناء .........

قواسيب محبة .....

Quote: النجيضه كلام ود الباهى ده ..... ياخى شكراً ليك ولى هشام

..
الله لا وقعك في ايدو ..
والشكر ليكم انتو العملتو الحراك ده في البورد ..

دمت بخير وعافية ..

Quote: هشام ******************* اغلب المسجليين الجدد ضكور وكدا من الموكد بكون في ترابط بينا شديد والكسح جاي ورا لكن كمتابع قديم للمنتدي دا في اقلام كثيرة ترفع لها القبعات احتراما