من سنة (دو ديك الــ2002) ..بتاعت السناير نشيل ونرسل أها وبعد ليبيا فتحت فوق وتحت ..وتاني قفلوا تحت .. وشدّة الناس ماخلاص فترت ..وفتحوا بوستات فتر عديل كدا أها دخلونا لقينا الناس لا قادرين يفتحوا الباب لا قادرين يوصلونا خشم الباب.. غايتوا بارك الله في محمد الصائم المختفي ..شكلوا من الترحيب فقد سؤائل ( ) أساسي كان جاكي برحب ...بس نفسو قصير إنعام حيمورة كتر خيرها..ترحب بالأعضاء الجدد و...عندها مستلزمات نظافة يابكري لو فضيت تعال خت وردتك الحمراء الكبيرة ديك..وأها النحدّثك ضحى زي ّ مابقولوا ماس هناك ديك عايز مكتبة قبل قيقراوي ( )
أها ..ياربي نغني بعد إيّه ...بعد إيّه .....ولا نفتح كوّة عشم؟؟ ـــــــــــــــــــــــــــــــــــــــــــــــ لو في واحد جاء يعمل لي فيها سنير ح أخسروا.... (زي ماقالت في بوستها) و...بعد كتبت في البوست المعني ..تأخر حسين عن الدخول للبوست أقلقني عليه..لب.. لب لقيت عمك وزنو أخف من الشال حسو ـــــــــــــــــــــــــــــــــــــــــــــ حابي أنوّه وقبل التصنيفات بتاع ونسة ضحكونجي وبتاع و...ماعرف شنو إنو عبدالوهاب علي الحاج ومحمد البشرى الخضر وأمين محمد سليمان قبل مايحرد كتابّي المفضلين هذا والحمد لله من قبل و..من بعد ..
01-30-2013, 01:58 PM
أيمن محمود أيمن محمود
تاريخ التسجيل: 01-14-2013
مجموع المشاركات: 4940
كلامك صاح والله , كنت برحب جدا بالقادمين الجدد , لكن النصيحة وفاة الفنان محمود عبد العزيز دخلت علي جدا ومرقت نفسي من الحاجات , حتي البورد بقيت ما بدخله الا بالصدف
لكن والله تستاهل ارحب بيك واهديك اغنية كبيرة باداء الراحل العزيز محمود
الله يخليك يا أيمن وتسلم أها يادفعة جوك فتحو ليك الباب؟ جابو ليك ورد؟ إستجوبك ولا لقيتهم راقدين تحت ضللة البوستات فترانين يا كمان متشاكلين وعجاجتهم قائمة في مواضيع إتجاوزتها حركة التاريخ شايف في ناس أفتو وقالوا علينا زيادة وإستعاضة كلكات ليس الأ... وفي سناير قالوا لو دخلنا بوستاتهم ح يخسرونا
كتّر خيرك كتير يا أساسي محمود عبد العزيز ربنا يرحموا ويتقبلوا ويتجاوز عن سئياته ويشهد الله وجعوا في الجوف شديد يخّيل لي (والله أعلم) قال وبلغ رسالتوا....أبقوا الصمود ما تبقوا زيف
ــــــــــــــــــــــــــــــــــــــــــــــــــــــــــــــــ قربت أكتبك مع الفوق ديل ككاتب مفضّل بس خفت يشيلوا حسّي يقولوا البرلوم دا بكسر تلج للسانير ــــــــــــــــــــــــــــــــــــــــــــــــــــــــ فاتني إنّو أقول محمد إبراهيم علي أحسن من يقرأ الراهن السياسي أقروا ليهو يرحمكم الله وجابو على أسئلة بوستو بتاع الأمساك...عسى ولعل أكان نلم في مخرج ....ولا طريق تالت
01-30-2013, 08:07 PM
Amin Tayson Amin Tayson
تاريخ التسجيل: 01-07-2013
مجموع المشاركات: 57
ياتايسون ..تسّلم ياخي بالله شفت العجاج دا والقيامة الرابطة دي وكمية الفتاوي الطلّعت في حقنا ..متوجسين مننا مالهم ماعرف ؟؟ ونحن ياادوب بنقول ياهادي...أكان نسمع ليك وآآآحسيناه أها قوووم يااا حسيناااه تشيلك الهاشمية ولصّق لينا ياكافي البلا ... مش بالله كان يشوف مويتنا شنو ..قبل ما يدّفق لينا موية الترمس في صمة خشمنا... شكلوا بعد أيييه دي ما ح تنفع ...وحنك كوّة العشم دا ما مقسّم أحسن نعرض في ..نحن جينا وكيّة للمابينا وعجاجنا حدّو السماء و..على قول المثل ... سيد الحق راضي شّن دخلك ياقاضي و..في أمثلة سرّية خاصة بالحسادة لو إستدعى الأمر ياها ال ح نلخّها ليهم هنا
01-31-2013, 08:54 AM
إسماعيل حسن إسماعيل حسن
تاريخ التسجيل: 08-09-2008
مجموع المشاركات: 442
تحياتي يا امير ولكل برلوم في الحوش ده بس خليك حريف وابعد عن الشلليات لان الحكاية هنا واكيد انت نقشتها كيمان كيمان ناس بيولعوا ليهم اللمبة وناس بيحرشو ليهم ال######ة .. انت بس ابعد من الضلمة واتحاشي تحريش ال######ة ما بتجيك وبقية البرالمة اي عوجة وانا مؤمن بنظرية الجديد شديد مرحبتين حبابك/م
مرحب بيك يا إسماعيل وزي ما قال سميّك ....ديل أهلي... وأهو نحن في المنافي دي بنفتش للوطن في كل حتّه مش هنا برضو وطن من لاوطن له ولا ياربّي الدرب راح لي؟ وزي ماقال (يوسف الصائغ) شاعر عراقي أنا لا أنظر لوطني من ثقب الباب و...لكني أنظر من قلب مثقوب و..أتأمل* في الحب الغالب و..المغلوب .. ـــــ وماشايف إي شللية ...فقط مواضيع مطروحة تستهوي البعض وإهتمامات مشتركة وهم مشترك محبتي للجميع هنا متواسية و..على قول المثل ..صاحب العقل يمّيز ـــــــ * دي ما بتاعة ملاسي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أيمن محمود
اساسي
Amin Tayson
إسماعيل حسن
فيس بوك
تويتر
انستقرام
يوتيوب
بنتيريست