|
Re: ما فيكم زول عندو طوب وحديد قنعان منهن (Re: دينا خالد)
|
Quote: يا نزار فى رااااااقد واكتر من الكمية الطالبه انت دى بس تعال ميدان التحرير بالليل ... |
شكرا دينا...إلا الكمية الموجودة في ميدان التحرير ما فايتة تحرير الثوار من القبضة الحديدية...
إذا كان أخوانا نحن لا هسي قاعدين ليهم كم وعشرين سنة باقي ليك ديك بيقعدو كم سنة؟؟
عشان كده سيخ وطوب ميدان التحرير دا مونة سنين لي قدام
| |
|
|
|
|
|
|
Re: ما فيكم زول عندو طوب وحديد قنعان منهن (Re: nazar hussien)
|
Quote: كل طلبيتك دي متوفره يا نزار
واحنا مغروضين لينا في شوية قروش
عشان نقدر نحرك الحاجات دي من محلها لانها ما بتتحرك الا بيها
انت جيب القروش
وتعال شيل الحديد والطوب ولو حبيت اسمنت كمان |
مافي مشكلة يا محمد...الاسعار كيف؟؟
والطلبية وين؟
| |
|
|
|
|
|
|
Re: ما فيكم زول عندو طوب وحديد قنعان منهن (Re: الزبير صالح الزبير)
|
Quote: جيت داخل وقلت نزار دة عاوز يفلق منو بالطوب يا نزار ما تجرب طريقة ناذر لا دايرة طوب ولا سيخ انا غايتو اتوكلت وجربتها نص فرشة |
المشكلة يا الزبير....
اني بديت بالطريقة القديمة ديك...ولمو فيني طلب...كيس الاسمنت عندهم زي البيضة...بفقشوه وبدوه الطوة...والسيخ بتعاملوا معاه زي خيط الغزل...حالا حالا كملو اسمنتي وسيخي وقعدو يدوبو...وشابكني ليك...(ها زول ها أسمنتيك وسيخك ديل ...وينن؟؟؟
| |
|
|
|
|
|
|
Re: ما فيكم زول عندو طوب وحديد قنعان منهن (Re: nazar hussien)
|
قال ليك يانزار واحد مشى لست الشاى قال ليها ادينى كباية شاى قالت ليهو ما عندى شاى اديك جبنة ؟ قال ليها لا قالت ليهو ليه ؟ قال ليها عشان الجداد ما جاب الطوب
هسى انت الجداد لسه ما جاب الطوب ؟ ياخ تبنى شنو فى الدنيا دى اشترى ليك بيت جاهز وشيتا عندك قروش تخليك تبنى فى السودان الفضل معناها عندك قروش كتار "ماحاسدة " لكن بقول ليك الكلام الجد تعال اشترى ليك فيلا فى بلدنا دى جاهزة وسمحة ورخيصة ما بوريك الا تقول موافق وسترة وصلحة زى ما بتقول امى رحمة الله عليها الاتنين اقراهن بضم الحرف الاول
| |
|
|
|
|
|
|
Re: ما فيكم زول عندو طوب وحديد قنعان منهن (Re: سلمى الشيخ سلامة)
|
Quote: قال ليك يانزار واحد مشى لست الشاى قال ليها ادينى كباية شاى قالت ليهو ما عندى شاى اديك جبنة ؟ قال ليها لا قالت ليهو ليه ؟ قال ليها عشان الجداد ما جاب الطوب
هسى انت الجداد لسه ما جاب الطوب ؟ ياخ تبنى شنو فى الدنيا دى اشترى ليك بيت جاهز وشيتا عندك قروش تخليك تبنى فى السودان الفضل معناها عندك قروش كتار "ماحاسدة " لكن بقول ليك الكلام الجد تعال اشترى ليك فيلا فى بلدنا دى جاهزة وسمحة ورخيصة ما بوريك الا تقول موافق وسترة وصلحة زى ما بتقول امى رحمة الله عليها الاتنين اقراهن بضم الحرف الاول |
سلمي بنت الشيخ سلامة شخصيا هنا معانا وسط كسار الطوب دا يااااااه....إلهي يعلي مقامك اكتر واكتر...
الجداد أنا زاتي يا سلمي...هسي في ذمتك كان ماني جداد...ومباري الجداد بمشي أكب قروشي وسط كّوش...
أبدا ما عندي قروش. كتار والحمدلله..والدليل قرعتي الماديها هنا...عايز الاقي لي زول قنعان من البناء وسط الكوش....
ومع ذلك بلودكم دي وين البشترو فيها طوالي بالفلل ورخيصة دي...
| |
|
|
|
|
|
|
Re: ما فيكم زول عندو طوب وحديد قنعان منهن (Re: nazar hussien)
|
نزار ازيك ياخوى زمان كان فى السودان الفضل فى مشروعات بتاعة الناس محدودى الدخل الحكومة "كانت " بتبنى ليهم بيوت والدفع محكوم بدخل الفرد البرنامج دا قاعد يعمله الان الرئيس السابق للولايات المتحدة جيمى كارتر رغم انها بلاد راسمالية لكنها اشتراكية كاملة الدسم الان ياصديقى عليك ان توكلنى ان اشترى ليك بيت بالاقساط المريحة وحات سيدى الحسن ماشة اعمل البرنامج دا واتحكر فى بيت زى اى زول وبعدين فى بيوت ضربة حظ تلاقى بيت بسعر 0 3الف دولار كامل وفيهو حديقة فى بعض الولايات وبالمناسبة البيوت هنا ارخص من السودان مليون مرة
| |
|
|
|
|
|
|
Re: ما فيكم زول عندو طوب وحديد قنعان منهن (Re: أيمن محمود)
|
Quote: عليك ان توكلنى ان اشترى ليك بيت بالاقساط المريحة وحات سيدى الحسن ماشة اعمل البرنامج دا واتحكر فى بيت زى اى زول وبعدين فى بيوت ضربة حظ تلاقى بيت بسعر 0 3الف دولار كامل وفيهو حديقة فى بعض الولايات وبالمناسبة البيوت هنا ارخص من السودان مليون مرة |
إنت متأكدة يا بت الشيخ ببيعوا لي السودانيين الزينا ديل؟؟؟؟ ياخ الأامريكان كنتاكي الله والرسول دا محرمنو علينا يبيعوا لينا بيوت؟؟؟
| |
|
|
|
|
|
|
Re: ما فيكم زول عندو طوب وحديد قنعان منهن (Re: nazar hussien)
|
Quote: كمان عليكم الله لو في زول عندو باقي قطعة واطا ... 150-200 متر يدينا ليها لحدي ما الله يفرجا ! |
والله يا نزار ما دايرين نبوظ ليك البوست دة لكن ما دام جابت ليها شحدة واطا اها انا كمان مقروض لي في سبتك بالله لو في زول عندو واحد زايد يشحدنا لية
| |
|
|
|
|
|
|
Re: ما فيكم زول عندو طوب وحديد قنعان منهن (Re: الزبير صالح الزبير)
|
Quote: كمان عليكم الله لو في زول عندو باقي قطعة واطا ... 150-200 متر يدينا ليها لحدي ما الله يفرجا ! |
يا ايمن انت هسي بالله عليك غالبك من الخرط البتجيك تجازف ليك 150 متر؟؟؟؟؟
انت قايل في زول فارز حاجة؟؟؟
ثم ثانيا...عشان السودانيين ديل ما يكشوا من طلبي دا....قروشي حاضرة كان دايرنا بي عملة هنا أو هناك.....بس كل ما في الامر عايزين زول ينزل لينا من سعر السوق الما معروف دا...ويكون هو فعلا حاليا الطوب والسيخ ميتات في يدو...وريما صرف نظر وماشي حيث سلمي الشيخ سلامة....
| |
|
|
|
|
|
|
Re: ما فيكم زول عندو طوب وحديد قنعان منهن (Re: الزبير صالح الزبير)
|
الزبير...
حاولت أكتب ليك رد بالماسنجر حلف بالتكتلو ما يمشي ليك..
فياخي شكرا جدا مقدما علي العرض...(هو أنا لاقي) بلاي أسألهم لي طوالي...وشوف بيدوني بي كم وعايزين قروشهم كيف ووين...(ركز لي علي التخفيض) أسهل لي من الأقساط
والمطلوب تاني: اسمنت 15 طن الوحدة الكمية حديد تسليح 12 ملم ( 4 لينية) طن 1.5 حديد تسليح 10 ملم ( 3 لينية) طن 2.5 حديد كانات 8ملم ( 2 لينية) طن 0.5
| |
|
|
|
|
|
|
Re: ما فيكم زول عندو طوب وحديد قنعان منهن (Re: إسماعيل حسن)
|
Quote: يانزار سلام وتحية الحال من بعضوا عليك بناس الكسر ( تلاقيهم كراع فى الحبس وجوكية بره) يا ايمن ما بالغت عديل (150-200 متر) امانة قرعتك ما كبيرة خلاص |
إزيك يا إسماعيل وأريت حالك زين
ناس الكسر ديل يأكلوا من الناس وأنا أجي أقعد تحت طوبهم وأسمنتيهم عشان تجي صاقعة واحدة تلحقني أمات طه.. لا لا...حد الله ما بيني وبين الشرابك دي
ما أريده بيكون زول عندو ومشتريه زمان وغير رأيو أو تاجر ومخزن...وبتفاهم في السعر
أي زول بفتح الراكوبة ويقول ليك اليوم الصباح الدولار بي 7...معناها بضاعتنا دي بقت بي 14 ما دايرو...
ياخ السعر العالمي دا...سعر الدنيا والعالمين قبلان بيه السودان أصبح مخيف في البيع والشراء...كان ما لقيت ليك زول ممكن تشتكيه لي عمو أو خاله أو بورد...ما تصمن الاشتريتو يكون ياهو
| |
|
|
|
|
|
|
Re: ما فيكم زول عندو طوب وحديد قنعان منهن (Re: nazar hussien)
|
نزار سلام
ياخوى انت بعنوانك دا دائر بيت جاهز ساى تغلط تدى مقاول براك تمشى السوق
غايتو الله يعينك ياخى !!!
لكن بالجد زى ماقال ليك الزبير الجماعة يجدعوا الشوال هناك وامشوا فيهو ما تقول بغم!! دا من غير التقديرات الضاربة فى اغلب الاحيان !!! بتخل الزول فى حيص بيص !!! لانو التمومة صعبة يا تبيع. دهب الأولاد !!! ولا العربية !!! ولا تخلى البنيان واقف بدون موضوع زى بوابة عبد القيوم !!!
| |
|
|
|
|
|
|
Re: ما فيكم زول عندو طوب وحديد قنعان منهن (Re: معاوية الأرباب)
|
اشتريت الحديد والاسمنت والرملة والخرصانة ومواسير الصرف الصحى , علما بأن كل ما ورد اعلاه تعديل للبيت الجاهز اصلا , وبمجرد بدء العمل ظهروا لينا كابويات الشئون الهندسية , اول حاجة وقفوا الشغل مع ان الخرط قديمة وابرزناها لهم , يعنى ما فيش مخالفة حسب علمنا المتواضع , وبعد مراجعتهم طلبوا رسوم تصديق خرط , ورسوم مبانى , ورسوم صرف صحي ," ثم المعلوم " , علما بأن البيت مسكون منذ عام 2003 , المهم يا صاحبى عجزت عن تحصيل مبالغ الكابويات ديل , وحردت ثم ندمت على أى طوبة جبتها , وقبل ان ارجع من حردتى دى تعال شيل ما طاب لك . واحذر ثم احذر كل متهور مثلى فى تجنب مثل هذه الجريمة خاصة اصحاب السكرى والضغط . تحياتى
| |
|
|
|
|
|
|
Re: ما فيكم زول عندو طوب وحديد قنعان منهن (Re: على ابراهيم رفاى حمد)
|
Quote: نزار سلام
ياخوى انت بعنوانك دا دائر بيت جاهز ساى تغلط تدى مقاول براك تمشى السوق
غايتو الله يعينك ياخى !!!
لكن بالجد زى ماقال ليك الزبير الجماعة يجدعوا الشوال هناك وامشوا فيهو ما تقول بغم!! دا من غير التقديرات الضاربة فى اغلب الاحيان !!! بتخل الزول فى حيص بيص !!! لانو التمومة صعبة يا تبيع. دهب الأولاد !!!
ولا العربية !!!
ولا تخلى البنيان واقف بدون موضوع زى بوابة عبد القيوم !!! |
يا حبيب كان مشيت السوق براي القروش البمشيبن السوق أجيبن من وين لازم أكون شغال عشان أحل ناس السوق ديل...
أماالعربية و دهب الأولاد داك بعناهو من زماااان...الباقي لينا الأولاد في حلقهم...
وينك يا الزبير...منتظرين فوق طوبا تهبو الريح
| |
|
|
|
|
|
|
Re: ما فيكم زول عندو طوب وحديد قنعان منهن (Re: nazar hussien)
|
شكرا يا سليمان علي النصيحة...
لكن انت ما سمعت بي...
لم يستبينوا النصح الا ضحي الغد...
دا لو إستبناهو من اساسو...
جدي الله يرحمو قال الارض في المقرن دي كانت بي .... وأنا في جيبي....كانت بتشتري خمسة أراضي,,,
باقي ليك كان إشتراهن كان بتلقاني في منبر بكري دا؟؟؟
| |
|
|
|
|
|
|
Re: ما فيكم زول عندو طوب وحديد قنعان منهن (Re: nazar hussien)
|
Quote: اشتريت الحديد والاسمنت والرملة والخرصانة ومواسير الصرف الصحى , علما بأن كل ما ورد اعلاه تعديل للبيت الجاهز اصلا , وبمجرد بدء العمل ظهروا لينا كابويات الشئون الهندسية , اول حاجة وقفوا الشغل مع ان الخرط قديمة وابرزناها لهم , يعنى ما فيش مخالفة حسب علمنا المتواضع , وبعد مراجعتهم طلبوا رسوم تصديق خرط , ورسوم مبانى , ورسوم صرف صحي ," ثم المعلوم " , علما بأن البيت مسكون منذ عام 2003 , المهم يا صاحبى عجزت عن تحصيل مبالغ الكابويات ديل , وحردت ثم ندمت على أى طوبة جبتها , وقبل ان ارجع من حردتى دى تعال شيل ما طاب لك . واحذر ثم احذر كل متهور مثلى فى تجنب مثل هذه الجريمة خاصة اصحاب السكرى والضغط . تحياتى |
ياخ طيب ما تبيع لينا أسمنتيك وحديدك دا...
| |
|
|
|
|
|
|
Re: ما فيكم زول عندو طوب وحديد قنعان منهن (Re: nazar hussien)
|
Quote: يازول معقول فى واحد مخزن اسمنت وحديد يكـــــوم يعطــــيه لبكـ بسعر اقل من سعر الســــوق الظاهـــر انت طولت خلاص من الســــــودان الناس بتحفظ قروشها بالحديد والاسمنت عشان قروشها ما تتأكل يازول سردب واشترى من سوق الله اكبر وربنا يتم وليك بيتك وتسكن فيه
|
دي وجهة نظر فيسبوكية من مقداد يعقوب
شكرا يا حبيب
| |
|
|
|
|
|
|
Re: ما فيكم زول عندو طوب وحديد وأسمنت وأبواب وسيراميك وبوهية قنعان منه (Re: nazar hussien)
|
يعني أسمع نصيحة مقداد الفيس بوك وأقدل حافي حالق بي الطريق الشاقي الترام
(من فتيح لي الخور لي المغالق)
تلقي سيد المغلق دقنه بيضاء مكوية ومحفحفة...ومشغل ولد بتو محاسب معاو...وأولادو يقروا في لندن...عندو عنقريب قدام المغلق...وبوكسي دبل قبينة...وماسورة للوضوء...كان جيتو تشتري منو بي 40 مليون ما ينقصك تعريفة...
بس يقول ليك...إنت آآآزول ماك عارف حاجة ساكت... البضاعة دي نحن بتصلنا بي التمن دا زاتو... وناس الضرايب والمحلية مجننننا جن...
بلاهي عليكم هو كان بنقص ما كان ينقص من الاربعة نونات الفوق دي.
| |
|
|
|
|
|
|
|