|
|
 عن احدوثة ود احمد وطاهر والنعمه بت احمد(جزء من روايه جديده)
|
قالو النسوان وقعن الحفير وكت وصل خبر لقو ابو الشاره مكتول ،مين الو عداوه معاه فيشان يحدث الحدث كان ماعنده غير هم هاالناس مين غدرو وليش ترا هادي اول مره يحصل ماحصل ..لحد في الفريق الرجال انشدهو في النسوان ومين يمنعهم وفي مين يخبر البشاره في الخلا بخبر موت ابووان لقو من يخبرو كيف يصل هاالخبر لعنند وداحمد سادر وحدو مو خابر وين بكون.. ود الطاهر ناغمو فيشان ان هو ماخبر وداحمد وين فد حدا مابخبر تاني قال:
بجي قلبو بحس بها الحدث فيشان ابو البشاره مو بس عم ود احمد ها الراجل روحو معلقه في طرف رويحة عمو ان ماخبر بكون نضمي كلو نضم هواء لاتنشغلو بيهو بتشوفو شويه واب.
هاالجنا متل رفيقو فد كلمه مابتتلقي عنده علا خير هاالحدث مو حدثا هين فيشان كدي ود الطاهر متلفح شالو ودمعو متل حبات المطر علا واقف علي حيلو واوال ماجو الرجال يجهزو الراجل منعن بفد كلمه( ارجو ود احمد هلا بصل!!)
هادول الرجال مافضل زول مادخل نفسو بكلمه ،والاكلمتين علا كان بتزحزح جبل الحسانيه هاداك كان اتزحزح ود الطاهر من كلمتووكل زول بدور يتاكد من ود احمد يمكن مايحضر! يمكن بعيد؟ بس مسك في اصبرو بجي...وعم احمدمتل التكنو شيتا حدثو اتفض من رقدتو وشد راحلتو وناضم رويحتو يارب لزمنا الصبر مين هادا الفاتت معاه روحنا مايكون ابو البشاره عمي!!
بس من دخل الفريق النسوان بقن يتقنعن ويعدلن في تيابن والجنا من تب علي ضهر الواطه الناس تحسب لو الف حساب،النسوان يتحكن يوم سمايتو كان بصر للمره البتدنقر تسلم عليه،اصلو جنا سبعه ابوه خلا في بطن امو ليه شهرين،اول مامات رجعت دار ابوها من يوم ولد فد بكية نامن تمت امو الاربعين ورجعت دارابوه حتي سكت..لامن دخل المدرسه الضهر الوليدات برجعو بيوتن هو بسدر الخلا،اتعلم الفراسه وقص الاتر وركوب البل والفصاحه والدوبيت،والرقيص بالسف.
بعد اتعلم الكتابه وفك الخط دخل علي اموقائل:
انا بعد قريت وكتب تاني مدارس ماني ماشي واوعاك تشيلي توبك تشكيني علي الرجال،فيشان الوليدات لامن يتمو علامن انا عندي شيتا اخر بدور اسوي.
من ديك مافي زول في الفريق بنزلو كلمه الواطه،لاقاه عمك ود الزين ود فضل المولي مهموم وخاترو مكسورلامن ناغمو وسعالو
ود الزين حبابك شن فيك مارديت السلام ؟
حبابك ولدي ترا الدنيا ماها مخليانا في حال
خير شن فيك خاترك مكسور
وشدة مانو مغبون التكانو راجي من يسعالو نضم:هلا كنت مارق عليك ،وحات البل الهم مانومني الليل ..
خير ان شاءالله كل شي الو حل
الا هادي الشغله
خير ات قول الشغله والله بخت الحل من عنده ات ماك مؤمن!!
استغفر الله اها ودبله ودالصادق
الابالي؟
ايه
شن فيهو؟
عاد ياود اخوي قال بدوربتي ام الحسن الا راسه ناشف متل الحجر قالت مابتدورو .
فيشان ابالي؟؟
اشان ابالي وماعنده شي وحات وليداتي الوليد فد شي ناقصه ماها في علا الرزق بيدالله اشان ناباه بيهو..
اها وكتين دخلتني في هاالنضم النسعاله شن عنده زين؟
زين اها قوماك
ودخل بعد طايبه ماكتر النضم هوي ياام الحسين اختي هاداابوك مهموم من ابيانك لود الصادق دحين ان مابياه حاريه لك حد انضمي فيشان صلاة العصرنعقد لك عليهو
دحين ان مابياه في شان خاترانه ابالي كلنا اباله واكان فيشان المال ؟ المال مال الله وبعد ترضي وتدخلي بيته ان قصر فيك ترا انا بقيف لو قبال اخياك هادول.
البنيه رضت شن عنده تقولوكان عمره تلتاشر حول ومن ديك انخبر بين البنوت بكلمته الواحده القاطعه..وبقي سادر في الفريق.
وقف وركز ايده علي عصاتووقال ياناس ها بشوفكن اتلكعتو!! بتجروتلحقو النسوان ؟؟كدي خلوهن الينطن في المويه اول بالتبادي مخلين الراجل الميت دار تمرقو العايشات؟علا من مات؟
عمك سعيد ود علي ودالنور
ابو البشاره! هلا هلا لاحولا الابالله،امانه مافقدنا وراح علينا معاه شيتا كتر ، والرجال يرفعو لو في الفاتحه الايقش دمعو بتوبو اللافحو..
ود الطاهر ياعم احمد دحين نشيل الجنازه نمرق والا نرجي البشاره ود سعيد
البشاره الحضره بندورا ليه علا مكانو بعيد والميت اكرامو دفنو دحين النشيل بس بنوت عمي وامهن اليدخلن يشوفن ابوهن الا ماني داير لي عويل ونواح
ود الطاهر: زين
وات ياود الطاهر هاالنضم الفي راسك لا تنضم به الا نرجع من الدافنه زين؟:
خير تب ؟علا كت بقول اكان خبرنا مين عمل هاالعمل!
اوعاك تفتح للعرب هلا راس بالنضم زين.
البكي شالو مع البشاره علي راسو جحافل داخله وقبائل مارقه لامن تمن تلاته ادوار وفضلو ناس الفريق وحدن بدا القول البشاره ود سعد :
عاد مافي زول تب قصر الابدور اشكر الناس وبرجع الخلا البل مواعيد ايبتن للمويه جات ، دحين البدور يسدر معانا منو والبدوريحرس الساحه منو، انا من ناحي متل ماكان بدور ابوي الله يتغمده برحمته بتنازل لود احمد عن مكاني راضي ومن زمن ابوي حي مالي شي في هادي امور الناس علا اكان ود احمد دار السند يانا سنده وياهو اخونا المن قمنا ماالنا تالت...دحين قبال اقوم من ها المجلس العنده فد اعتراض والا نضم علي ود احمد اليقولو فيشان هادا تصريف حاجات الناس كلفه عليهو دحين المابدور ود احمد شيخا لها القبيله الينضم فيشان ان قمنا من المجلس مانعود تاني لفتحو...فد زول نضم علي ود احمد مافي وزين دارو شياختو..
علي ود الفاضل: بندور نقعدفيشان القبائل لهسه داخله مارقه
ود التوم : كلامك زين اليمرق البشاره مع الرعاويه ونفر والا نفرين يحرسو هاالفراش.
عم احمد: الباقين اليمشو معايشن دار الناس يحرسو شنو بعدين بعد خمستاشر يوم من الليله بعد البل ترد وترجع الي معاكم نضم..
خير خير
الناس انشدهوفي الخبر الداير الناس فيشانو،البقول دار يعرس لبت اعمو والبقول بدور يقسم التركه والبقول دار يتنازل عن شياخة الفريق..ورسل جاب عوان العلام..وكل السعالويقول اصبر بنعرف كلنا...والجنا اصغر كبار الفريق واول مره يقول الننسوان يحضرن النضم اشان مابدور يلاوي له مره في الشارع
وبت وداحمد خايفه يكون دار ينضم في حقها علا الوكت منو مناسب واللمين ود الطاهر مشي له عند اهلو ياوليدي جمعت الناس شن عندك تقص؟?
علا مابرد لو بطن قالو: وحات غلاك وغلا هادا اخوك ودالطاهر بدور انضم فرد مره فيشان النضم بحرق الجوف ودحين يوم باكر جا الجميع يخبر الخبر بدورك تطمن بالك وعوجه تب متها في...
باكر عشيه اتلم جميع اهل الفريق في المضيفه وكل حد مترقب ايش بقول فيشان الامر ان مامهم مابجمع العرب ساي..مارجا كتير نضم(ياناس اولا بالتبادي نضمي دا ليه زمن ساكت عليهو ماحدثت فد حدا في الفريق علا وكت النضم جاب لو دم وكتل بدور انضم فيشان نخبر مين الو في هاالقبيله عداوه والنضم البدور اقولو ان ماخبرتو زين ماقلتو... وفي اول التبادي البشاره اخوي ايجي مارق لقدام... وفد صيحه من البنيات ماني دايره .. قالو الاباله قبال عمي يموت خت هاالورقه الفي ايدي موصي ان مات النسعال عن الكتلو والشي التاني ناس التوم ود حاج الطاهر ليهن زمن كدي في من بيسرق من ابلن علا مانضمو اكان خافو كان استحو...قصيت الخبر نامن وصلني الزول البسرق البل منو غريب من هاالفريق وقصيت الحديث لعمي الله يرحمه وحماني افضح امرو وعمي مات!الاوليد عوان الابالي خبرني بها الورقه الفي ايدي
اها ياحاج الطاهر شن عندك؟
لا لا ابلنا الانسرقن مابنتهم حدا يمكن سربن مع ابل اخرا وبنعرفه وشمه في واكان الشاله دلاها الدامر بنخبر علا يودودها علي جيهات مصر
البشاره: علمنا ابوي كتل الامن كتلو؟
عاد فد رد علي هاالسعال ماعندي ونامن نخبر الحقيقه لابد انها تبين عقدبنية ودالحسن في بكانه ...
..
|
|
 
|
|
|
|
|
| |
مها عبدالمنعم
أيمن محمود
مجاهد محمد الهادي
كمال علي الزين
حبيب نورة
فيس بوك
تويتر
انستقرام
يوتيوب
بنتيريست