الدعاية مطلوووووشه والهدف التســـويق لأكلاتنا الســــودانية وحاجاتنا الجميلة بدون حرج بل علينا أن نؤمن بنجاح حواء بعد أن شهد لها العالم (المرأة السودانية) بمهارتها في الطبخ والتدبير المنزلــي،،، قطعاً ســأورد نماذج وشواهد حية من السعودية .. ..
__ الدعاية الأصلية تجدونها في الاسفل
حاشية: ____ - الدعاية جزء لا يتجزأ من هذا البوست. - (سرو لاسيس) دي شنو ما عارف معناها لكن في الغالب تعني حلو ولذيذ. - اعملوا حسابكم من غداء الزميلة رانية الشيخ .. والله صحي () فهو غير مضمن في هذا العرض.
01-28-2013, 01:17 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
غايتو عندنا مشكلة كبيرة في فن التســويق وفي الخليج دا بالذات مهن التسويق ومندوب المبيعات ومدير المبيعات .. الخ مسيطر عليها بواسطة العمالة المصرية والاسيوية وأهل الشام والمهن دي زي ما بقولوا أهلنا عودنا فيها عود مره .. والله صحي باختصار لا نجيد فن التســـويق مع انو عندنا حاجات كتثرة نجحت وبدون أي مجهود ابســـط مثال ياخ الكمونية الواحـــدة دي والله ضاربه الســــوق ضرب صاح والعرب ديل بقوا يأكلوها أكل السنين لامن ضايقونا فيها اها دجاج كنتاكي دا يفرق من جـــدادنا شنو عليكم الله؟ وبعدين ناس التعليم العالي ديل بدل يخرجوا اطباء ومهندسين ومحاسبين .. الخ ما يفتحوا كليات تدرس التسويق والمبيعات ياخ .. ..
فوالله لم أجد ألذ وأطيب من دجاج الحاتي والبوادي وكل دجاج نمرة 2 ... والله صحي
<<<<<<<<<<<<<<<<<<<<<<
( الحاتي والبوادي + مطعم البحر الابيض) بسوق الخرطوم 2 كان يملكها نفس الشخص هو المرحوم/عبدالواحد للأسف اغلق مطعم الحاتي والبحر الابيض بعد وفاة المالك لكن البوادي لايزال يعمل بنفس النكهة والطعم القديم وماشاء الله شغال مية مية ومكتبتي (ميم) تفتح في مقابله تماماً جنابو عمر عثمان - خبير بالخرطوم 2 وسوق الخرطوم 2 منذ العام 1973م هههههههه أى سؤال
01-28-2013, 02:25 PM
omer osman
omer osman
تاريخ التسجيل: 06-09-2007
مجموع المشاركات: 15218
تحياتي البشاري تطرقت لي موضوع مهم جدا هوالتسويق نحن كسودانيبن لاتنقصنا الخبرة بدليل نجاح شبابنا في مجال المبيعات في الشركات الكبيرة في السودان واستصحب معي مجموعة شركات دال اغلب المناديب سودانيين مميزين معناها نحن محتاجين دراسة + تدريب وتاني في مشكله تسويق في محلاتنا عدم العرض الممتاز وعدم النظافة يعني بتلقي شخص عامل بقالةكبيرة لكن اسلوب العرض صفر النظافة صفر ودي مشكله كبيرة ومعناها فشل التسويق تسلم بشاري
01-28-2013, 02:45 PM
ebrahim_ali
ebrahim_ali
تاريخ التسجيل: 02-05-2002
مجموع المشاركات: 2968
تحياتي لك يالبشاري وكل العابرين دجاج البوادي لا مثيل له فانا كنت ساكن نمرة (2) فكنا نشبع بدخاخين البوادي وآخر إجازة لي العام الماضي ظللت منتظر قرابة النصف ساعة حتى أجد طاولة أيضاً المكان هو نفس المكان قبل عشرات السنين والاقبال كل يوم يتزايد جابنو عمر تحياتي مكتبة ميم دي وين قصاد البوادي كان جزارة الطيب وعمك بتاع الخضار والناصية الصيدلية فنحن كنا خلف الطلمبة مباشرة نفتح شمال
01-28-2013, 02:50 PM
Balla Musa
Balla Musa
تاريخ التسجيل: 12-30-2004
مجموع المشاركات: 15238
ثم انه انا بقاتل عديل في الكنتاكي دا وما بحب يجيب سيرتو بأي سوء
اها لو جينا لي موضوع التسويق نحن صفر تعرف ليه لانه نحن للاسف بنعتبر اللباقة والحنك هم نفاق وأسلوب القناعة نوع من الذل والإهانة ههههههه
عشان كدا
ثم انه ياخ تمشي السوبر ماركت تلاقي الرفوف دي ######اااااااااااانه ولو عايز حاجة من الرف لمن ينزلوها ليك الكتاحة تقيف .. والمشكلة انه اليوم كله تاكل العنقريب في الضل ونايم
لكن شوف في أي دولة تاني بتلاقي صاحب السوبر ماركت اليوم كله شايل المنديل وطالع ينظف في البضاعة مع أنها ما ######انة ...
01-28-2013, 08:34 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: تحياتي لك يالبشاري وكل العابرين دجاج البوادي لا مثيل له فانا كنت ساكن نمرة (2) فكنا نشبع بدخاخين البوادي وآخر إجازة لي العام الماضي ظللت منتظر قرابة النصف ساعة حتى أجد طاولة أيضاً المكان هو نفس المكان قبل عشرات السنين والاقبال كل يوم يتزايد
الأخ ابراهيم علي
تحياتي،،، طيب ياخ وقت الناس ديل جيرانكم كلموهم عليك الله يعني كنتاكي أحسن منهم في شنو؟ المشكلة عندنا الزبون هو البفتش المحل ومش المحل هو الذي يسعى لجذب الزبائن
كن بخير
01-30-2013, 08:42 AM
omer osman
omer osman
تاريخ التسجيل: 06-09-2007
مجموع المشاركات: 15218
Quote: جابنو عمر تحياتي مكتبة ميم دي وين قصاد البوادي كان جزارة الطيب وعمك بتاع الخضار والناصية الصيدلية فنحن كنا خلف الطلمبة مباشرة نفتح شمال
هلا ابراهيم ومعليش للرد المتأخر انشغلت شوية اليومين الفاتو ديل ... طيب الجزارة جارتي بالحيطة من الناحية الشرقية ومحلي ده زمااان كان بتاع خضار ثم مطعم ....... الخ لحدي ما انا جيت فتحت المكتبة .... البيت خلف الطلمبة طوالي كان بيت ناس محمود توفيق الحلفاويين على ما اظن وكان فيهو دكان الغاز بتاع طلمبة عمك حسن القاضي
01-28-2013, 08:31 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: تطرقت لي موضوع مهم جدا هوالتسويق نحن كسودانيبن لاتنقصنا الخبرة بدليل نجاح شبابنا في مجال المبيعات في الشركات الكبيرة في السودان واستصحب معي مجموعة شركات دال اغلب المناديب سودانيين مميزين معناها نحن محتاجين دراسة + تدريب
يا سليمان بصراحة لخبطته اموري كلها في السطر الأول قلت لا تنقصنا الخبرة وبعدين جيت قلته محتاجين دراسة + تدريب التسويق علم كبير ومهم جدا وطبيعتنا نحن السودانيين خلقنا ضيق وما لحوحين زي الجماعة الفوق ديل زائدا لا بزعلوا ولا بكلوا ولا يملوا يفضلوا وراك لغاية ما تشتري منهم
Quote: وتاني في مشكله تسويق في محلاتنا عدم العرض الممتاز وعدم النظافة يعني بتلقي شخص عامل بقالةكبيرة لكن اسلوب العرض صفر النظافة صفر ودي مشكله كبيرة ومعناها فشل التسويق
اها دي ام المشاكل نفسها يا سليمان اخوي هنا بجيك البنغالي ولا المصري ينظف الثلاجة ويلمعها وبعدين يرص البضاعة رصة ما تخرش الميه نحن المندوب يجي يجدع ليك البضاعة في اقرب مكان ويفوت غايتو لو في زول بتاع تسويق يجي يحكي لينا تجاربه هنا يكون كويس
تحياتي يا حبيب
01-28-2013, 03:38 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: ( الحاتي والبوادي + مطعم البحر الابيض) بسوق الخرطوم 2 كان يملكها نفس الشخص هو المرحوم/عبدالواحد للأسف اغلق مطعم الحاتي والبحر الابيض بعد وفاة المالك لكن البوادي لايزال يعمل بنفس النكهة والطعم القديم وماشاء الله شغال مية مية ومكتبتي (ميم) تفتح في مقابله تماماً جنابو عمر عثمان - خبير بالخرطوم 2 وسوق الخرطوم 2 منذ العام 1973م هههههههه أى سؤال
أووووووووو جنابو عمر الصفوة
ياخ انا من قبييل عايز أقول هذا البوست برعاية جنابو عمر شكراً على الصورة ومنتظرين المزيد من الصور والمساهمات عمر ياخ الجماعة ديل فنانين عديل والله
01-28-2013, 03:15 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: تحياتي ي الامين البشاري كلمة بشاري بتكيفني شديد صدقني ...
تسلم يا ســـامي
Quote: ماركة مسجلة حبيبة الشعب كمو ... المنافسة شديدة عليها فى البورصة الخليجية ... واصبحت جزء لايتجزأ من المفلطح ....
بالله شفته الجماعة بيأكلوها كيف يعلم الله ضايقوا السودانين فيها ولو ما جيت بدري ما بتلقى شئ مع انو الكمونية دي في ناس وسودانيين بقولوا ليك بنقرف منها :))))))))
تحياتي
01-28-2013, 04:27 PM
عصام علي أحمد
عصام علي أحمد
تاريخ التسجيل: 07-16-2006
مجموع المشاركات: 2419
Quote: المطاعم السودانية فى دبي تعانى من نفس المشكلة
الديكور والنظافة والتسويق والعناية بالعملاء نحن فيها صفر كبير
عصام علي
سلامي وتحياتي،، وعشان تكون (فير) وعادل اكلهم حلو ولذيذ يعني (سرو لاسيس) مشكلتنا دي بنحاول نعالجها بإذن الله عندنا حاجات حلوة كتيرة لو اتسوقت صاح ممكن نسكب من وراها دهب تصدق بحزن حزن شديد لما اشتري لي فول حاجات معبأ في الصين ولا مصر بالله مش حاجة تجنن؟
خليك قريب
01-29-2013, 08:20 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
(يا خي الحاتي ده قبل الدجاج كنا بنأكل فيه أجدع وألذ باسطة ومعجنات ، والزمن داك مطعم بستان تو ريستورانت كان عندهم بروستد ولا أحلى
والطلمبة التي ذكرها أخونا إبراهيم علي طلمبة شل سابقاً لمالكها عمنا المرحوم حسن القاضي ومجموعة كبيرة من أولادنا عملوا بها ردحاً من الزمن
رجعتنا لزمن جميل والخرطوم 2 كانت آخر روعة بناسها واسواقها حتى ستات الكسرة . )
يا سلام على الخرطوم 2 وسوق 2..
طلمبة عمك القاضي...ومجمع عمك الزين عيسى وجزارة عمك عبد القادر وبقالة عمك محمد عثمان الظافر..و...
تعرف مرة يا ولياب..واحد بوصف لي عمك محل في سوق 2..قام قال ليهو على يدك اليمين جنب البار...طبعاً هو ناسي انو البارات اتقفلت من زماااااان...عمك قال ليهو ( ياااا حليل البارات يا ولدي)..
مع ودي
01-29-2013, 10:03 AM
ولياب
ولياب
تاريخ التسجيل: 02-14-2002
مجموع المشاركات: 3785
Quote: تعرف مرة يا ولياب..واحد بوصف لي عمك محل في سوق 2..قام قال ليهو على يدك اليمين جنب البار...طبعاً هو ناسي انو البارات اتقفلت من زماااااان...عمك قال ليهو ( ياااا حليل البارات يا ولدي)..
مع التحية يا ياسر
طبعاً الزمن داك نحن لسه صغار وماكنا بنعرف الشراب والحمد لله حتى في الكبر بس كنا شايفين البارات والبيرات بأشكالها وناس شري ووسكي ، وأذكر قصاد الطرمبة كان في محل (بار) واللوحة كانت مكتوبة بخط الفنان إدمون منير .
عمك قال حليل زمن البارات ( وقالوا لمن نميري طبق الشريعة وأعدم الخمور في النيل الأسماك سكرت لط ووقفت سلك ) .
01-29-2013, 12:38 PM
امير طمبل
امير طمبل
تاريخ التسجيل: 10-22-2010
مجموع المشاركات: 1722
Quote: اسأل ناس بحري عن فراخ (سنبلة الخضراء) في شارع المعونة..
و أنت الصادق يا أيمن يا صديقي يااااااه رجعتني لي زمنا سمح بالحيل من لا يعرف سنبلة الخضراء ما عندو أساسا علاقة ببحري سر الهوي و العجب في الوقت داك صديقنا أحمد جامايكا و الحليب البارد و الساخن و الباسطة من حلواني بحري يا الله ده كلام عجيب جدا في الوقت داك . طبعا يا أيمن في حاجات كده انت ما بتكون عاصرتها مثلا عمك(ويصا) و التيمان بالقرب من البوستة بحري و عمنا الشعله الذي يجاور سوق الخضار و كافتيريا (هافانا) الشهيرة في الوقت داك قبل ما يجو الفارات من حتاتهم تحياتي الشديدة ليك و الي حبيبنا البشاري واي عودة تاني
01-29-2013, 01:06 PM
امير طمبل
امير طمبل
تاريخ التسجيل: 10-22-2010
مجموع المشاركات: 1722
كسودانيين عندنا مشكلة تسويق لمنتجاتنا كبيرة - في الوقت الممكن حقيقة نقدر ننافس و نجد لنفسنا مكان في السوق العالمي .. أكثر من منتج ممكن يسوقوا ,أعني المنتج بمعناه الكبير إذا كان خدمة (service) او منتج عديل او حتي ملكية فكرية خاصة بخلطات في طبخ معين (زي ماكدونالدز و KFC ).
مرة في لندن في واحد صديق إريتري كان مصر علي إننا نمشي لـ ناندوس (أشهر ماركة للدجاج المشوي في بريطانيا) و عمل لي دعاية كبيرة ليهم و بروبقندا ليهم و كان بقول لي ده أجمل دجاج ممكن تأكلوا في الدنيا ,مشيت للمطعم و في بالي دجاج نمرة اثنين و كنت بقول مين يارب بعمل دجاج أفضل من دجاج البوادي و الحاتي ؟ النتيجة وجدت الفارق واسع شديد لصالح دجاجي نمرة اثنين . حقيقة مافيش أطعم و أجمل و أشهي من دجاج نمرة اثنين :-)
(و شايف كمان معتز قريش بتكلم اليوم عن الصمغ كعلاج ), ربنا يسخر لينا ناس شطار و أذكياء يسوقوا منتجاتنا للعالم الخارجي , و ده المكن يحقق رفاعية لأهلنا و شعبنا .
01-29-2013, 07:31 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: كسودانيين عندنا مشكلة تسويق لمنتجاتنا كبيرة - في الوقت الممكن حقيقة نقدر ننافس و نجد لنفسنا مكان في السوق العالمي .. أكثر من منتج ممكن يسوقوا ,أعني المنتج بمعناه الكبير إذا كان خدمة (service) او منتج عديل او حتي ملكية فكرية خاصة بخلطات في طبخ معين (زي ماكدونالدز و KFC ).
طارق عمر
تحيــاتي ،،، عارف الجداد دا لو تم تسويقه بطريقة حلوة وعلمية ومدروسه تاني زول ببيع جداد مشــــوي ماف في العالم دا كلو
كن بخير
01-30-2013, 07:31 PM
عباس الدسيس
عباس الدسيس
تاريخ التسجيل: 10-11-2012
مجموع المشاركات: 3403
سلام يا باش ذكرته الكمونيه ونسيت الكوارع تصدق وتامن بالله واحد من الخليجين المعانا وصاني لي كوارع اجيبها ليهو مع الصباح في الفطور مسألة التسويق وما لينا فيها نصيب بجيك ليها راجع يا الحبيب بالتفصيل
01-29-2013, 05:46 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: المطعم ده برضو يا بشاري عندو فراخ بروست حاجة عجيبة و العجب الشوربة و السلطة الخضراء موبالغه
أمير طمبل
سلامي وتحياتي،،، انت ما جاي من السودان قريب ولسه طعم الحاجات عندك غايتو السودان شكلو تطور في مسائل السفاسف دي أي مغترب يمشي هناك ولأنهم ما عندهم برنامج يقوموا يعزموا ليك قندهار ولا عوضية سمك ... الخ
كن بخير
01-29-2013, 07:52 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
أظرف حاجة في الخليج انو ملتقى ثقافات متنوعة شعوب من كل دول العالم متواجدة هنا بعض هذه الشعوب بتروج لحاجات بلدها بطرق علمية ومدروسه وتجمع كل هذه الشعوب بتخليك تعرف عنها عاداتها ولبسها واكلها ..... الخ الخ اها نحن بالجد مقصرين في الحته دي شـــديد وساحكي لكم هذه الحكاية في مرة مشيت جدة وطبعاً كل ما ازور جدة لازم امشي الكرنتينة وباب شريف اها مرة قلت للمرافق لي من اهل جدة يلا ياخ ناكل شية سودانية اها قام قال والله في مطعم كده بهناك بعمل جنس شية ارح ليهو قلت ليهو طــوالي يا زول ارحكاكا مشينا ولما وصلنا المطعم السيارات دي ما تديك الدرب وكلها سيارات حديثة تابعة لسعوديين فقمت قلت ليهو السيارات دي شنو؟ قام مرافقي قال لي: يا معلم ديل ســـعوديين جربوا ليك شيتنا دي وضاقوا طعمها ومن ديك تاني ما فكوا دربها لي يوم الليلة دي اتوكلنا ودخلنا وكلام صاحبي دا شفقني إننا ممكن ما نلقى لينا صحن شية دخلنا جوه والله يا جماعة زحمة ألف وبالعافية طلعنا ب 3 طلبات شية اها شيتنا دي هنا برضو ما سوقناها تمام وممكن تضرب ليك الاوصال والكباب بتاع الشوام والاتراك دا البعملوه من اللحم المجمد دا مرافقي قال ياخ الزول دا يومياً بضبح 3-5 خرفان سواكني عشان الشية وشنو بتجيك شية صافية وكباية كركدي سااااقط ومن العظام بتجيك شوربة مجانية تاكل لامن تشبع ... وتشرب لامن تروى (ترمس الكركدي مجدوع هناك بلا رقيب)
كدي شوفوا النعمة عليكم الله!
01-30-2013, 02:40 AM
محمد جبره
محمد جبره
تاريخ التسجيل: 01-12-2013
مجموع المشاركات: 940
خطيبة صاحبي اتصلت عليه عشان يمر عليها بعد الشغل لاخذ دبلته واشياء اخري بعد ان وصلو لطرق مسدود وقررت هي فسخ الخطوبة
بعد ما وصلها قال ليها محتاجين نقعد نناقش اعلان فسخ الخطوبه يكون كيف قام وداها ليك الحاتي نظام الغداء الاخير وكدا و كانت اول مره ليها تجي الحاتي تعرف بعد ما ضربت الجداد وغسلت يدها ............... انقرا ما لبست الدبلة تاني ..............
Quote: والطلمبة التي ذكرها أخونا إبراهيم علي طلمبة شل سابقاً لمالكها عمنا المرحوم حسن القاضي ومجموعة كبيرة من أولادنا عملوا بها ردحاً من الزمن
ديل ناس (سمير الحلفاوي) ياولياب صاح قبل فترة سألت عنه عرفت انو جاهو سكري وضعف كده ربنا يشفيهو عمك حسن القاضي ولده نزار دفعتي في المدرسة وبيتنا في نمرة 2 مقابل بيت ناس ابوهو (عمك عبدالمجيد القاضي) وجاره ونسيبه عمنا (ميرغني محجوب) ولده محمد دفعتي في المدرسة برضو ...... ناس طيبين بشكل ما معقول
01-30-2013, 10:09 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: بعد ما وصلها قال ليها محتاجين نقعد نناقش اعلان فسخ الخطوبه يكون كيف قام وداها ليك الحاتي نظام الغداء الاخير وكدا و كانت اول مره ليها تجي الحاتي تعرف بعد ما ضربت الجداد وغسلت يدها انقرا ما لبست الدبلة تاني ..............
التحية للحاتي و البوادي والجمري
هههههههههههههههههههه محمد جبره والله انت ال (ســرو لاسيس) قلت لي صاحبك أكل بعقل البنية حلاوة دجاج الحاتي والبوادي لا يقاوم ياخ والطعم سيأخذك الى هناك
01-30-2013, 10:24 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: خطيبت صاحبي اتصلت عليه عشان يمر عليها بعد الشغل لاخذ دبلته واشياء اخري بعد ان وصلو لطرق مسدود وقررت هي فسخ الخطوبة
بعد ما وصلها قال ليها محتاجين نقعد نناقش اعلان فسخ الخطوبه يكون كيف قام وداها ليك الحاتي نظام الغداء الاخير وكدا و كانت اول مره ليها تجي الحاتي تعرف بعد ما ضربت الجداد وغسلت يدها انقرا ما لبست الدبلة تاني
هههههههههههههههه دي الظاهر عليها كانت ضارباها جوعه كده مكن أمها لكن صاحبك طلع مفتح ملأ ليها مصرانه
01-30-2013, 03:10 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
الامين سلام عليك وعلى زوارك بوست طاعم طعم دجاج الحاتي والبوادي ضحكتني حكاية الريحة البتجيبك من بعيد دي لدي صديق يحب دجاج الحاتي والبوادي بجنون وهورجل بيعرف كيف يمتع نفسه بالاكل وبمزاااج في كثير من ايام الاسبوع لما الدنيا كانت بخير لازم يتحايل ويخلق لينا مشوار ويعرج بينا بنمرة اتنين وهو عارف الريحة بتجيب الرايح وما بنقدر نقاوم يا سلام زمن والله تصور انا كنت فاكر البوادي اصبح تاريخ برضو .. جميل انه لسه شغال .. يا خي عندهم دجاج عجيب
02-02-2013, 10:39 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: افتكر الطعم بتاع الدواجن المنتجة في السودان عنده علاقة بنوع الاعلاف المستخدمة في تغذية الدجاج
في اوروبا والخليخ وامريكا والبرازيل المكون الاكبر هو فول الصويا والذرة ( عيش الريف )
بينما عندنا يتم استخدام امباز الفول والفتريتة في الغالب . وقد تكون البهارات المستخدمة عامل اخر
احتمال كبير يكون كلامك صاح لكن مع ذلك حتى لو تطابق الغذاء الخاص بالدجاج دائماً بنحس إنو حاجاتنا ليها طعم تاني .. ليه ما عارف؟ وخصوصاً لما تأكلها في السودان فما عارف الحاجة نفسية ولا هي فعلاً حاجاتنا كده ....
Quote: لما تزور السودان حنابو عمر تزوره بعد الساعة 3 عشان يقطع بيك الظلط القدام مكتبة ميم ويوريك الدجاج من نوع ( المافي شنو )
ما تتمقلب زيي زرته صباحا في اجازتي الفاتت
أصبر بس خليني انزل السودان واجيهم بخطتك دي وما تنســـى حبيبنا ناذر الخليفة دا كمان تخصص قندهار وعوضية سمك وعبده كوارع
01-30-2013, 03:51 PM
سليمان القرشي
سليمان القرشي
تاريخ التسجيل: 01-12-2013
مجموع المشاركات: 1491
تعرف يابشاري بوستيك دا مرقني من امدرمان للخرطوم اتنين اها وجبت ليك خبر سمح طبعا البوادي فاتحة في مكتبة جنابو وجنابو حالف اي بوردابي يضرب جداد البوادي الفاتورة تجيهو في المكتبة والمطلوبات صورة من الباسويرد + شهاده موقعة ومختومة من المهندس بكري بانك عضو +تثنية من عضوين دحين لوجاي اجازة قريب لاتنسي الاوراق هههههههههه
01-30-2013, 07:40 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: سلام يا باش ذكرته الكمونيه ونسيت الكوارع تصدق وتامن بالله واحد من الخليجين المعانا وصاني لي كوارع اجيبها ليهو مع الصباح في الفطور مسألة التسويق وما لينا فيها نصيب بجيك ليها راجع يا الحبيب بالتفصيل
يا عبس ما تدس المداخلات ياخ هسي زي دي بعدين يلقوها كيف بالله منتظرين عودتك
02-02-2013, 10:35 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: ذكرته الكمونيه ونسيت الكوارع تصدق وتامن بالله واحد من الخليجين المعانا وصاني لي كوارع اجيبها ليهو مع الصباح في الفطور مسألة التسويق وما لينا فيها نصيب بجيك ليها راجع يا الحبيب بالتفصيل
أهلين يا عبس ياخ منتظرين قصة الكوارع فما تغيب بالله
تحياتي
02-02-2013, 10:44 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: تعرف يابشاري بوستيك دا مرقني من امدرمان للخرطوم اتنين اها وجبت ليك خبر سمح طبعا البوادي فاتحة في مكتبة جنابو وجنابو حالف اي بوردابي يضرب جداد البوادي الفاتورة تجيهو في المكتبة والمطلوبات صورة من الباسويرد + شهاده موقعة ومختومة من المهندس بكري بانك عضو +تثنية من عضوين دحين لوجاي اجازة قريب لاتنسي الاوراق
بالطريقة دي جنابو حيبيــع المكتبه في المزاد العلني جنابو زول ضكران وما بقصر ... والله صحي
ربنا يوسع ليهو في رزقه ويبارك ليه فيه بس أي بوردابي أول حاجة يمشي يضرب الجداد وبعدين يجي لزيارة جنابو
وتحياتي ليك ولجنابو
02-02-2013, 02:42 PM
سيف بخيت موسي
سيف بخيت موسي
تاريخ التسجيل: 06-06-2008
مجموع المشاركات: 2034
---------------------------------------------------------------------------------------------- المزعلني عندنا كم دبلة كدة اتجدعن لو عارفين موضوع صاحب محمد جبرة كان لحقنا لينا دبلة دبلتين كدة
02-02-2013, 02:58 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: اعتقد انه الاغلب يعرف شعار مطاعم كنتاكي وصورة الشايب الذي على الشعار هذا الرجل حين كان عمرة 14 سنة كان يعمل في مطعم وكان عنده خلطة دجاج وقال لصاحب المطعم عندي خلطة ممكن اجربها لزبائنك ورفض صاحب المطعم وذهب كنتاكي الى مطعم ثاني وثالث ورابع وعاشر حتى وصل عدد المطاعم الذي ذهب ايليها 1032 حتى وصل الى المطعم الاخير وقال له صاحب المطعم نجرب الخلطة بس على شرط اذا الزبائن احبو هذه الخلطة 95% من الارباح لي 5% لك وافق كنتاكي على الشرط وحتى اليوم عائلة كنتاكي تأخذ 5% من الارباح فقط وحتى الان وصل عدد فروع كنتاكي في العالم الى 1037 فرع
02-03-2013, 09:49 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة