نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: كلــــــــــــــــــــــــــب السُـــــــــــــــــــــرة (Re: أيمن الطيب)
|
محمد يوسف طه
سُرة السرور كمان
showgi idriss
Quote: وين السرة الكلــــــــب ولا الشايلاه جيت جاري يخسي شيطانك قلت دي قصة قصيرة لقيتها طويلة خلاس ايش هايدا خيو
|
في الحقيقة هي قصة قصيرة - بس نعمل شنو مع المزاج المتقلب !
رانيه محمد الشيخ
Quote: دا وفاء ولا بلاش :))))
|
وفاء السرة مش؟
أيمن الطيب
Quote: سلامات يا باشمهندس وألف مرحب بيك,, أصل رواية بتاعة بتاع السرة دى شنو لو سمحت!!!! حتى يكتمل الفهم.. فى رواية ضعيفة تداولها الناس لكن إحتمال يكون عندك الخبر اليقين... تحياتى,,
|
سلام يا أيمن قصة ###### السرة لو حكيناها - اسمنا المكتوب بالرصاص بيتمسح سريع
| |
|
|
|
|
|
|
Re: كلــــــــــــــــــــــــــب السُـــــــــــــــــــــرة (Re: محمد مختار جعفر)
|
استاذنا محمد مختار ،،، شرفني مرورك
Quote: حقيقة العنوان جاذب ، وكان يمكن أن تستمر فى سردك حتى تصبح رواية تصل الى مكامن المقولة الشعبية ، : ( ك ل ب . السرة ) لتعالج جانباً من فصولها ولا ضير من إختلاق شيء من الخيال الذى يعطى بعدا من الرمزية المحببه مع إطفاء شيء من واقع التراث القصصي فى مثل هذه الأمثال التى ماعاد الجيل الحاضر يعي حقيقة واقعها ، .... |
كلامك ده قولو لى زول عندو حديدة بتاعة كتابة سنينة احنا يا الله - بنتعلم الحجامة في ضهور اليتامى ،،، وبما انو يبدو انك صاحب باع طويل في الادب القصص والرواية ...الخ عايز رأيك في لونيتي الخاصة في الكتابة (الهراء) وهي كالاتي - لايمكن وصفها بالقصة القصيرة بل هي عبارة عن (مشهد) أو مايمكن ان نسميه حوار ذو مسحة قصصية - يطول أو يقصر ولايتقيد بقيود القصة القصيرة - يشبه fast food
قصة كلـــب السرة رواياتها متعددة ،، أقربها في رأيي المتعلق بالمثل الشهير ( ###### السرة لابيعشر لا بخلى كلاب الحلة تعشر)
| |
|
|
|
|
|
|
Re: كلــــــــــــــــــــــــــب السُـــــــــــــــــــــرة (Re: أيمن الطيب)
|
كرا .. رو .. رو .. كش .. كشرن.. كش - كسرتها ؟! خلاص كسرتها وإرتحتا؟!! ،،، انا من قبيل ما قلت ليك ما تخش المطبخ ده؟ ،،، قلت ليك والا ما قلت لييك ؟؟ - آي قلتي لي ،،، بس انا... انا كنت عايز أشرب موية ! - تشرب !؟ تشرب !؟ ... أنا ما قلت ليك تاني ما تشرب بكباية القزاز ؟ ... وبعدين الحافظة الخاتنها ليكم بره دي عشان شنو ؟ يلا امرق بره المطبخ ده .... مرقت روحك - لكن يا امي انا لسا ما شربتا ! - قلت ليك امرق .. انا بجيبها ليك بره ... الله! ... شوفو الولد عليكم الله ! عدمني الكبابي ... - طيب أفتح التلفزيون ؟! - افتحو ... افتحو الله يفتح نافوخك ده ... عذبتوني في حياتي دي! كو .. كو .. كو - قبال ما تفتح التلفزيون اجري شوف الباب ده فيهو منو ؟ .... .... امي ...امي مااالك تاني – داير شنو؟ – ديل ناس خالتي زينب جو بره جو؟ .. جو بتين ؟! ال في الباب ديل هم ؟! - آي ديل هم ... جو بعربية بيضاء - يااا حليلك يازينب والله ... خلاص اجري...اجري اتشطف سريع - هي لكن هم ما شافوني - حيييي انا منك ... خلاص أمشي رتب الصالون سريع ،،، وكلم اختك تجري تجيب طقم الشاي بتاع ناس محاسن - كويس .... - ياولد تعال - شنو؟! في شنو تاني ؟! - البس ليك سفنجة
| |
|
|
|
|
|
|
Re: كلــــــــــــــــــــــــــب السُـــــــــــــــــــــرة (Re: أيمن الطيب)
|
أيمن الطيب
Quote: يا أبويمن,, الواضح جدا إنو وليد فتح ليك الدرب عشان تقول الفى نفسك... (ك ل ب السرة محترف إثارة نزاعات وشمطات وجوطات فى نص المحاولات الجادة والشغلة تقلب شكلة وكبسيبة ونبحيبة وواحد من رجال الحلة ماشى صلاة الصبح يردم التجمع بكمية من الطوب وكلو جريو يمشى يشوف أهلو بى وين,,,, تحياتى,, |
شكلك عايز ليك عضة في راسك يا ايموني غايتو ليد الفيهو اتعرفت
| |
|
|
|
|
|
|
Re: كلــــــــــــــــــــــــــب السُـــــــــــــــــــــرة (Re: أيمن محمود)
|
Quote: استاذنا محمد مختار ،،، شرفني مرورك Quote: حقيقة العنوان جاذب ، وكان يمكن أن تستمر فى سردك حتى تصبح رواية تصل الى مكامن المقولة الشعبية ، : ( ك ل ب . السرة ) لتعالج جانباً من فصولها ولا ضير من إختلاق شيء من الخيال الذى يعطى بعدا من الرمزية المحببه مع إطفاء شيء من واقع التراث القصصي فى مثل هذه الأمثال التى ماعاد الجيل الحاضر يعي حقيقة واقعها ، ....
كلامك ده قولو لى زول عندو حديدة بتاعة كتابة سنينة احنا يا الله - بنتعلم الحجامة في ضهور اليتامى ،،، وبما انو يبدو انك صاحب باع طويل في الادب القصص والرواية ...الخ عايز رأيك في لونيتي الخاصة في الكتابة (الهراء) وهي كالاتي - لايمكن وصفها بالقصة القصيرة بل هي عبارة عن (مشهد) أو مايمكن ان نسميه حوار ذو مسحة قصصية - يطول أو يقصر ولايتقيد بقيود القصة القصيرة - يشبه fast food
قصة كلـــب السرة رواياتها متعددة ،، أقربها في رأيي المتعلق بالمثل الشهير ( ك ل ب ) السرة لابيعشر لا بخلى كلاب الحلة تعشر) |
السيد / أيمن ... لك التحية مرة أخرى نعم كما تفضلت ، هي صياغة حوارية فى قالب درامي ومشهد قصصي قصير ، أشبه بفكرة كاريكاتوريه تمس شغاف العادات والتقاليد عند الأسرة السودانية البسيطة ببساطة أهلها ونياتهم الطيبة ، وياريت لو ( طعمتها ) أكثر بكلماتنا الدارجة التلقائية التي تصدر من حبوبات وأمهات زمان ويتناقلها جيل اليوم ، والكثير منهم لايعرف معناها ، ... وكما فى اللغة من معنى إصطلاحي ومعنى لغوي فدارجتنا السمحة فيها من المعاني التربوية والأخلاقية وفيها ما ترمي الى العظة والى السخرية ، ... ياخي كلامنا البلدى ده حلو وجميل خلاص ... أكتب ياخي وكلنا سواء ... شكراً ولك التقدير ... محمد مختار جعفر
| |
|
|
|
|
|
|
Re: كلــــــــــــــــــــــــــب السُـــــــــــــــــــــرة (Re: محمد حامد)
|
محمد مختار جعفر
Quote: السيد / أيمن ... لك التحية مرة أخرى نعم كما تفضلت ، هي صياغة حوارية فى قالب درامي ومشهد قصصي قصير ، أشبه بفكرة كاريكاتوريه تمس شغاف العادات والتقاليد عند الأسرة السودانية البسيطة ببساطة أهلها ونياتهم الطيبة ، وياريت لو ( طعمتها ) أكثر بكلماتنا الدارجة التلقائية التي تصدر من حبوبات وأمهات زمان ويتناقلها جيل اليوم ، والكثير منهم لايعرف معناها ، ... وكما فى اللغة من معنى إصطلاحي ومعنى لغوي فدارجتنا السمحة فيها من المعاني التربوية والأخلاقية وفيها ما ترمي الى العظة والى السخرية ، ... ياخي كلامنا البلدى ده حلو وجميل خلاص ... أكتب ياخي وكلنا سواء ... شكراً ولك التقدير ... |
للاسف الجزء الاغلب من حياتي كانت خارج السودان منذ الطفولة (ليست الباكرة) وحتى الآن ،،، وما اكتبه انا اعده اعمال تجريبية ...لا أكثر
| |
|
|
|
|
|
|
|