|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: ســحـب وأســقـاط الجـنـســيـة والـجــواز الـســـودانـى (Re: يسرى معتصم)
|
Quote:
السيد وزيرالداخليةالـســـودانـى الـمـحــتـرم
الـمـوضـــوع : ســحـب وأســقـاط الجـنـســيـة والـجــواز الـســـودانـى
أنا المواطن / يسـرى معتصم محمد حسن أقر أنى بكامل قواي العقلية وبمحض ارادتي أرجو من سيادتكم التكرم بسحب وأسـقـاط الجنسية والجواز الـســـودانـى عـنى .
ولكم الشــكـر.
رقم الجنـسـيـة : 129632 بالمـيـلاد
الـجــواز رقـم 389820
مقدمه:
يسرى معتصم محمد حسـن
|
الاخ يسري السلام عليكم ورحمة الله
هل منبر بكري مكتب وزيرالداخلية هل يمثل مكتب لادارة الجنسية اذاكنت ترغب في في اسقاطها ليك الذهاب الي السفارة وتقديم طلبك وتسليمهم لها
وربنا يوفقك في خياراتك
| |
 
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: tasneem)
|
السلام عليكم ورحمة الله وبركاته
الأخت TASNEEM
لك الشكـر
والأسباب أحتفظ بها لنفسى
-------------------------------
كتب البعض فى الفيس بوك مايلى:-
سلم لي على ...... في غرينسبورو معاكم
أنا لست فى غرينسبورو
شكلك قبضت الجواز الامريكي ولا الانجليزي
أملك الجنسية والجواز الأمريكى قبل ثمانية أعوام
ولا أملك حسابآ فى الفيس بوك حتى أتمكن من الرد
وأكرر مع الزملاء مطالبآ الأخ العزيز/ بكرى بوقف تعليقات الفيس بوك لأن البعض من الأعضاء لايملكون حسابآ فى الفيس بوك وأنا منهم
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: يسرى معتصم)
|
Quote: أملك الجنسية والجواز الأمريكى قبل ثمانية أعوام
|
كان كدي...مع إحترامي ليك يا يسري
طلبك دا فارغ...وجعجعة...تخدم غرضا
خاصا...بك...وكان الأولي أن ترسل
لهم الجواز والجنسية بالبريد
مرفقا بها هذا الطلب...طالما عندك حديدة...
الطلب دا لو قدمتو وما عندك حديدة
الناس المفروض تسألك ليش ...وحرام
والنيل والجروف والقمر بوبا...
أما أنك تحمل الجواز الأمريكي
البيقول في صفحتيه 32 و 33
We are covered by the american banner
let us cling to it, and if required sacrifice our
lives defending it
فلماذا بعد هذا تود الاحتفاظ بالجواز والجنسية السودانية
Just cover your self with the American banner and cling to it>
وعوجة ما بتجيك...
ياخ انت من حقك
to persue happiness
حسب الدستور الامريكي...مالك ومال الهم والغم
والدولار بي كم...وطن الاسمن والسيخ امس القريبة دي كانن بي مليونين
واليوم بي خمسة مليون ...ومشروع الجزيرة باعوه...ونافع قال
ألحسو كوعكم...ناس أوباما ديل أتلقي الكوع درسوه في الابتدائي
كجزء من أعضاء الجسم وبس...هنا عندنا لازم تلحسو عشان الحاجات
تبقي كويسة...فمالك ومال القراية أم دق...
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: يسرى معتصم)
|
سلام
كونك انسان جسد وروح ستظل أقرب الكائنات الى نفسي ... إن كنت حاملا جنسية وطني أو لا تحملها ... أمريكيا أو غير ذلك
على الانسان أن يعيش في مكان راحته فالأرض خلقها الله للانسان ...
كل هذه المستندات لا تعني شئ البتة ... لذا لا داعي لاعلان رغبتك هذه ...
ولك الحق في ذلك واصدق كل المبررات التي دعتك لذلك ... ولك الحق ... في ذلك ...
وهكذا تتقلب بنا الحياة، من رغد إلى ضيق ومن حزن إلى فرح ، أو فرح الى حزن وظلم الآخر ... الحاكم خاصة ... ومن عسر إلى يسر حيت الهجرة، غايتوا نحن مع الطيور الما بتعرف ليها خرطة ولا في إيدها جواز سفر ... *** ... لكن لو لقينا جوازكم ده ما بناباهو أبداً ,,, ليس كرها لأوطاننا وإنما هربا من الظلم المحيق بنا وان هذه الأرض ملك لنا لنا حق الهجرة في مكان ما بنرتاح ... والسلام
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: يسرى معتصم)
|
شئ مؤسف التنازل عن الجنسية .
ولاتوجد اسباب تستدعى الانسان أن يتنازل عن جنسية وطنه والذي يشكل له الماضى والحاضر والمستقبل .
أن صح الخبر ، أعتقد ان صحاب القرار لديه مشكلة نفسية وليس سياسية أواقتصادية واجزم ان صاحب القرار الوهمى لايعرف عن وطنه السودان شئياً وربمااتولد خارج الوطن أو قضاء طفولته وشبابه خارج الوطن .
السودان ملك للجميع وسوف يكون كذلك .
ويجب على صاحب القرار الوهمى الافصاح عن اسباب تنازله عن جنسية وطنه طالما نشر التنازل في منبر عام .
اعتقد ان صاحب الاقرار لايملك الاهلية لتكييف واقعة خطيرة التنازل عن جنسية الوطن . لذلك يرفض القرار الوهمي .
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: يسرى معتصم)
|
طلبك مع اللأسف لا يقل عن من يطالب والده بإسقاط نسبه منه!!!!
ولم نسمع طوال حياتنا بالأب العاق مهما كان ظلمه وقساوته وهنا أعنى الوطن القيمة والوجدان وليس السلطةالقائمة ووزاراتها .
الوطن إتتماء وجدانى فبل أن يكون مستندات تمنح وتسحب اويقدمها صاحيها لجهة لتسهيل إجراءات حياتية بحتة ويرميها عند البديل .
ظلمت اخى يسرى الوطن بالتنكر لإبوته علناومهما كانت الأسباب والدوافع يبقى هذا الوطن حالة وجدانية غير قابلة (( للطراش )) مهما كانت العلل والمنقصات وكثافة( الطمام)
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: Jamal Mustafa)
|
تحياتى الاخ يسرى
وكما قال الاخ عثمان محمدين مشكوراً :
Quote: كونك انسان جسد وروح ستظل أقرب الكائنات الى نفسي ... إن كنت حاملا جنسية وطني أو لا تحملها ... أمريكيا أو غير ذلك
على الانسان أن يعيش في مكان راحته فالأرض خلقها الله للانسان ...
كل هذه المستندات لا تعني شئ البتة ... لذا لا داعي لاعلان رغبتك هذه ...
ولك الحق في ذلك واصدق كل المبررات التي دعتك لذلك ... ولك الحق ... في ذلك ... |
بالضبط عثمان لخص ليك الحالة الانسانية المفروض نكون عليها
ولكن السؤال المهم ...!!!!
ماهى الدوافع والأسباب وان كنت لا أستنكر عليك حقك فى هذا الاجراء رغم اختلافى معك
اذا سلمنا بأن الدوافع من سياق الواقع المتمثل الان فى كل اوجه الحياة بالبلاد
فحينها انت سودانى شعوراً ووجداناً وأشجان حتى وان اسقطت عن نفسك الجنسية والجواز السودانى
دوافعك يا يسرى تتحدث عن انتماءك وهواك الحقيقى حتى وان اسقطت اوراقك الثبوتية
دمت بالف خير وكامل احترامى حتى وان كنت اختلف معك فى جدوى هذه الخطوة ..
| |
|
|
|
|
|
|
|
 Re: ســحـب وأســقـاط الجـنـســيـة والـجــواز الـســـودانـى (Re: أيمن الفاضل)
|
هلا حبيبنا ..أيمن ..
Quote: شكراً فايز
السؤال التالت
هل صاحب البوست من مواليد السودان أو هل عاش في السودان فترة كافية تؤهله للحصول علي الجواز السوداني ؟ |
برغم اني ماعارف الفترة الكافية دي تكون من كم لكم لكن اقدر اقول ليك اتولد في السودان ..
الحقنا بالسؤال الرابع اخي أيمن قبل الدوام يخلص ..
تحياتي واحترامي ..
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: فايزودالقاضي)
|
الموضوع جادي يا أخ فايز
ما عارف الضحك لزومو شنو
وليه جايب وش ضاحك في بداية كل مداخلة
طبعاً أنا ما شغال في الجوازات
بس أنا سوداني وافتخر
ما حاولت أن أعرفه إن كان صاحب أبسط فعلاً سوداني أم لا
مداخلتك الأولي لفتت انتباهي
كل الأرتريين لو أرادوا الحصول علي الجواز السوداني لامتلكوه
قابلت ناس ما شافو السودان بي عينهم ويحملون الجواز السوداني
وده غلط
في العالم كلو ما في دولة بتدي جوازها لي ناس ما شافو البلد
أنا أعلم جيداً مستوي التداخل بين السودان وارتريا
ومن بين كل جيراننا أجد الأرتريين هم الأقرب للسودان
فما في واحد يجي يصيد في الماء العكر
أنا بتكلم عن أوراقنا السودانية
وسلام ليك ولصاحب البوست
| |
|
|
|
|
|
|
|
|
 Re: ســحـب وأســقـاط الجـنـســيـة والـجــواز الـســـودانـى (Re: أيمن الفاضل)
|
Quote: الموضوع جادي يا أخ فايز
ما عارف الضحك لزومو شنو
وليه جايب وش ضاحك في بداية كل مداخلة |
العزيز ايمن معذرة لو فهمت إني ماجادي رغم اني جادي والله ...
ختيت الوجه الضاحك لاني فعلا من أول سؤال ليك عرفت انك عايز تصل لشنو وبذات الخطوات وبذات افتراض الاسئلة لذلك كنت بضحك لتطابق تخميني مع اسئلتك ...ولك العتبى ..
| Quote: بس أنا سوداني وافتخر |
كلنا ياايمن ..
| Quote: ما حاولت أن أعرفه إن كان صاحب أبسط فعلاً سوداني أم لا |
ياايمن مادام عايز يسلم الجنسية والجواز لوزير الداخلية فمن البديهي انه سوداني ..
Quote: مداخلتك الأولي لفتت انتباهي
كل الأرتريين لو أرادوا الحصول علي الجواز السوداني لامتلكوه |
ماكل الارتريين بس كل من استوفى شروط الحصول على الجنسية السودانية يستطيع ان يحصل عليها سواء كان ارتري او كاميروني او اى جنس ، يعني زيو وزي اى مواطن سوداني آخر فالجنسية هي مستند له شروط وليس بهوية - حسب فهمي -
Quote: قابلت ناس ما شافو السودان بي عينهم ويحملون الجواز السوداني
وده غلط |
غلط كبير مش مجرد غلط ده بحسب فهمي لكلامك ..
واكيد مابتقصد اولاد السودانيين المولودين في الغربة ولسه ماشافوا السودان
Quote: أنا أعلم جيداً مستوي التداخل بين السودان وارتريا
ومن بين كل جيراننا أجد الأرتريين هم الأقرب للسودان |
ده كلام سليم ياايمن ونحن كاهل شرق السودان هم اقرب الناس لينا
ونحن اقرب الناس ليهم من بين جميع السودانيين ..
ويسري ده من اقرب الناس لينا ..
Quote: فما في واحد يجي يصيد في الماء العكر
أنا بتكلم عن أوراقنا السودانية |
دي مافهمتها ...
شكرا اخي ايمن ..(ختيت ليك وردة فوق ) .
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: فايزودالقاضي)
|
شكراً فايز علي الرد الوافي
Quote: العزيز ايمن معذرة لو فهمت إني ماجادي رغم اني جادي والله ...
ختيت الوجه الضاحك لاني فعلا من أول سؤال ليك عرفت انك عايز تصل لشنو وبذات الخطوات وبذات افتراض الاسئلة لذلك كنت بضحك لتطابق تخميني مع اسئلتك ...ولك العتبى .. |
معقول ؟؟؟
خلاص هاك ده 
Quote: Quote: فما في واحد يجي يصيد في الماء العكر
أنا بتكلم عن أوراقنا السودانية
دي مافهمتها ... |
أنا خايف واحد يفهم كلامي غلط
مثلاً يفهمه إنو ضد الأرتريين كجيران
أو ضد ناس سودانين عندهم علاقات قبلية مع الجيران الأرتريين
بالنسبة للتداخل القبلي
في فهم مغلوط في حتة الحقوق هنا
كل السودان في حدودو هناك تداخل مع الجيران
ده ما بس في ألشرق
بل في العالم كلو في تداخل زي ده
ده لا يعني إنو الناس ألفي الجانب الآخر من الحدود عندهم ألحق في الحصول علي الجنسية السودانية بس لانو في ناس من أهلهم عايشين هنا
| Quote: فالجنسية هي مستند له شروط وليس بهوية |
ده الأنا قاصده
شكراً علي الوردة
ولك التحية والتقدير
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: حاتم الفاضل)
|
مرحب حاتم الفاضل
Quote: | Quote: في العالم كلو ما في دولة بتدي جوازها لي ناس ما شافو البلد |
الكلام دا ما فيهو آي شي من الصحة ... لاقانونياً ولا في الواقع المعاش ....
هنالك من يمتلكون جنسيات دول أوروبية وعمرهم ما شافو اوروبا ولم تطأ أقدامهم تلك البلاد ... |
هل تقصد أشخاص يحمل آبائهم جنسيات تلك الدول ولكنهم ولدوا وعاشوا خارجها ؟
إن كان هذا قصدك فانا اتحدث عن شي تاني
ناس لاهم لا آباهم ما عندهم علاقة بالسودان
ديل ما في (قانون) بيديهم حق الجنسية
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: عبدالله الامين صالح)
|
أيمن ..سلامات ..
Quote: بالنسبة للتداخل القبلي
في فهم مغلوط في حتة الحقوق هنا
كل السودان في حدودو هناك تداخل مع الجيران
ده ما بس في ألشرق
بل في العالم كلو في تداخل زي ده
ده لا يعني إنو الناس ألفي الجانب الآخر من الحدود عندهم ألحق في الحصول علي الجنسية السودانية بس لانو في ناس من أهلهم عايشين هنا |
ياايمن ليس هناك فهم مغلوط الا في عقول البعض ممن ابوا بإصرار عدم الفهم ..الحديث عن التداخل القبلي بين السودان وارتريا هو حديث عن علاقات ضاربة في عمق التاريخ وجغرافية واحدة منذ الخليقة ومجتمعات مشتركة الاصول والعادات والتقاليد والانساب والانتماءات بكل معانيها ،علاقات بهذه المتانة من الصعب الغاءها بهذا الفهم المغلوط ..هذه الخصوصية تتطلب خصوصية في التعامل بين الدولتين وفي حركة هذه القبائل المتداخلة ذات الارض والتاريخ والثقافة الواحدة وعدم التعرض لمصالحها المربوطة بالارض زراعة كانت ام مرعي او حركة مجتمع ..فاالقبائل البيجاوية تاريخيا تمتد ارضهم مابين السودان وارتريا ومازالت العلاقة بينهما ممتدة الى خارج حدود الآخر ومستمرة لم ولن تنقطع بقانون او بغير قانون..
قانون الجنسية محدد ببنود وشروط متى ماتوفرت للمتقدم استحقها دون النظر الى كونه من قبائل التداخل او من غيرها او كان يحمل جنسية ارترية او موزبيقية فذاك شأن آخر لايعني السودان او السودانيين فليس من شروط الحصول على الجنسية السودانية احضار خلو طرف من كل دول الجوار بعدم الحصول على جنسيتها ...
بعض السودانيين يضعون انفسهم موضع الاصل والمرجع لهويات السودان وكأنهم يملكون صكوك التجنيس والانتماء فيه وهم في تشكيك دائم في هويات الاخرين خاصة ممن هم في اطراف الحدود بمزايدة مستفزة ...
من المفارقات الغريبة اخي ايمن لنا جيران جعلىين ورباطاب وشكريين ممن ولدوا بارتريا ولهم فروع فيها بمناطق تسني واغردات وحتى مصوع ومازال لسانهم الراطن يميزهم حتى عنا ورغم ذلك عند حصولهم على الجنسية السودانية لم يكونوا محل تشكيك فهم فوق الشروط والبنود وحصلوا على الجنسية السودانية دون الاهتمام لمكان مولدهم ومولد اجدادهم بارتريا رغم دخولهم السودان ولأول مرة بعد اللجوء إبان حرب التحرير الارترية ، وعندما تحررت ارتريا تم استخراج هوياتهم الارترية من ممثليات ارتريا بالسودان بعد اثبات انهم من مواليد ارتريا وباسماء قبائلهم السودانية (جعليين ، رباطاب ، شكرية ) دون الحاجة لتسمية انفسهم باسماء قبائل حدودية او ارترية...ده الفرق بين السودان اقدم دول المنطقة وبين دولة ارتريا حديثة المولد وفي فهمهما للانتماء والتزامها بقانون الجنسية الواضح ..
ولك تقديري أيمن لجميل حوارك ..
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: فايزودالقاضي)
|
Quote:
بعض السودانيين يضعون انفسهم موضع الاصل والمرجع لهويات السودان وكأنهم يملكون صكوك التجنيس والانتماء فيه وهم في تشكيك دائم في هويات الاخرين خاصة ممن هم في اطراف الحدود بمزايدة مستفزة ...
من المفارقات الغريبة اخي ايمن لنا جيران جعلىين ورباطاب وشكريين ممن ولدوا بارتريا ولهم فروع فيها بمناطق تسني واغردات وحتى مصوع ومازال لسانهم الراطن يميزهم حتى عنا ورغم ذلك عند حصولهم على الجنسية السودانية لم يكونوا محل تشكيك فهم فوق الشروط والبنود وحصلوا على الجنسية السودانية دون الاهتمام لمكان مولدهم ومولد اجدادهم بارتريا رغم دخولهم السودان ولأول مرة بعد اللجوء إبان حرب التحرير الارترية ، وعندما تحررت ارتريا تم استخراج هوياتهم الارترية من ممثليات ارتريا بالسودان بعد اثبات انهم من مواليد ارتريا وباسماء قبائلهم السودانية (جعليين ، رباطاب ، شكرية ) دون الحاجة لتسمية انفسهم باسماء قبائل حدودية او ارترية...ده الفرق بين السودان اقدم دول المنطقة وبين دولة ارتريا حديثة المولد وفي فهمهما للانتماء والتزامها بقانون الجنسية الواضح .. |
كويس والله بقيت تعرف تكتب حاجة مفهومة..
مشى السودان الكتير وقعادك في كسلا علمك العربي والكتابة خلى بالك..
دي محمدة والله ما تجي تاني تخربها بمباراة تراجي ..
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: HAIDER ALZAIN)
|
Quote: كويس والله بقيت تعرف تكتب حاجة مفهومة..
مشى السودان الكتير وقعادك في كسلا علمك العربي والكتابة خلى بالك..
دي محمدة والله ما تجي تاني تخربها بمباراة تراجي .. |
اها ياايمن جاك واحد جعلى ممن ذكرتٌ ..
ده هسه يكاتلنا في كسلتنا الدخلها مع جبهة الشرق ككيان شمال ..
ــــــــــــــــــ
التحية لتراجي وآمنة مختار ومحمدE سليمان وهشام آدم.
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: عبدالرحيم أبراهيم العبيد)
|
فايزحبابك
إنت أكدت كلامي عن التداخل فشكراً
| Quote: ده الفرق بين السودان اقدم دول المنطقة وبين دولة ارتريا حديثة المولد وفي فهمهما للانتماء والتزامها بقانون الجنسية الواضح .. |
فعلاً ارتريا أكثر انضباطا من السودان وأقل فسادا
وده شيء بفرح الواحد والله وياريت نحن نتعلم منهم
المشكلة هم يتعلموا مننا
شايف آخر حاجة حاولوا يتعلموا يعملوا إنقلاب بس غلبتهم
وشكراً علي الوردة الفوق
ولك التحية
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: HAIDER ALZAIN)
|
تحية طيبة
اهلنا قالوا فيما معناه الحاري ما بتعشى وانت يا استاذي العزيز ماك حاري انت قابض عديل
مسألة الجواز والجنسية دي ورق اى والله ورق الله الواحد ده كتبوا فيهو اسامينا وصورونا (امكن عشان ما نروح في ظل شنو كده التكنولجي)
لكن ابشرك
انت سوداني يعني لمة الجمعة ديك لو معاك امريكان سودانيين ولا امريكان من كل مكان لازم تحن ليها وتناديهم وتقعد في الوهيطة
وتضربلك عصيدة بى تقلية او (ملاح روووب كارب) اسم الدلع (نعيمية)
وتاني سلام اللبع داك كيف حالك الله يسلمك (مكرر من لا بداية والى ما لا نهاية)
تالت حاجة ودي ما تروح تب منك
النطة القدامية بتاعتنا دييك.. يعني لو في مجال الشغل تلقاك طوالي جاري سايق الناس نطالب بحقوق نساعد بعض نعمل كشف لفلان حبوبتو ماتت
(التلاتة حاجات دي مطبوعة داخل كل سوداني ... )
خلاصة القول
لك الحق والحرية في أن تفعل ما تريد وكل من حولك يعلمون انك منهم سوداني الجوه وجداني
عشان ما نبلع مستقبلاً
احتمال نلحقك برضوا (اتساقاً مع الاممية وكده)
تحياتي واحترامي
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: أيمن الفاضل)
|
Quote: إنت الجعليين ديل مشوا ارتريا وإلا اثيوبيا ؟
سؤال برئ يا بيه |
المك نمر اعتقد مشى اثيوبيا الحالية عبر ارتريا وكلاهم الحبشة ..
لكن من تحدثت عنهم كانوا في ارتريا وعاشوا فيها ومازالت مجموعات منهم موجودة هناك حتى الآن
اتذكر الفنان الغنى في عرسي بلغة التقري السودانية الارترية فنان ارتري اسمه (سعيد الجعلي )
سألته عن مسمى الجعلى قال لي نحن اصلا سودانيين جعليين ومن ابناء مصوع ويوجد فرع كبير في مصوع اسمه (بيت جعلي ) ولايتحدثون الا بلغة التقرى ومازالوا بها ..قلت ليهو تعالوا ارجعوا طيب ..قال لي مابتنفعوا معانا والآن رجع ارتريا ومع بيت جعلي في مصوع ..
تحياتي ايمن ..
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: أيمن الفاضل)
|
قريبى ودالقاضى
زى ماقلت ليك يطلوع ماسودانى
وبعدين لا أقرأولا أتابع ولاأملك حساب فى مايسمى الفيس بوك
وأى واحد كتب كلام سئ فى الفيس ممكن بكل سهوله أهكرحسابه والله والله والله العظيم مهما كان وعمل.
وللمرة التانية لاأملك حسابآ فى الفيس بوك ولاأقرأ التعليقات ولن أرد عليها
قريبى الماسودانى ودالقاضى
تلفونى نفسه والماسنجر حردانه
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: يسرى معتصم)
|
سودانيين موجودين بالسودان والى الان لم يستخرجوا اي وثيقة حكومية .. ومع ذلك سودانيون ..
وثيقة السفر او الجنسية تستخرج عادة لدواعي السفر او اكمال بعض الاجراءات .
ولانعدام سجل مدني بالمعنى المتعارف عليه في السودان .. ااكد ليك انو زير الداخلية ما عارف الموجود منو في السودان اوخارجه من السودانيين .
نسال الله يصلح الحال ولا تستعجل في اتخاذ قرارات مثل هذا القرار .. لانو ح تسئ لنفسك قبل الاساءة للدولة او الحكومة .
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: يسرى معتصم)
|
يسري ناكر ذاته
إنت مرقت من السودان ملوص كمان عاوز تمرق من أمريكا ملوص
| Quote: وأى واحد كتب كلام سئ فى الفيس ممكن بكل سهوله أهكرحسابه والله والله والله العظيم مهما كان وعمل. |
تهديد الناس بي تهكير حسابهم ؟
عارف ده في أمريكا إسمه شنو ؟
دة عمل إرهابي وجريمة إلكترونية
ناس ألفيس بوك ديل أبعد منهم
هنا في البوست بتاعك ده كتبوا كلام أحسن من كلامك
أمشي اقرأ كلامهم يمكن تستفيد
التحية لي ناس ألفيس بوك
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: أيمن الفاضل)
|
..لا امتلك حساب في الفيس بوك .. كثيرين لايعلافون ان الفيس بوك يشرك اطراف اخري ويعطيهم معلوماتك الخاصه خصوصا اذا انت من امريكا او كندا ..
عدم فتح حساب في ا لفيس بوك من اذكي الخطوات في الحياه خصوصا للمقيمين في القاره الامريكيه الشماليه ..
كثيرين فقدوا وظائفهم بسبب الفيس بوك لان في الفيس بوك تنعدم الخصوصيه .. كثيرين لا يجرؤن علي العمل السياسي العام بسبب الفيس بوك
..
لا للهجوم وشخصنه الامر مع الاخ يسري وفي نفس الوقت اطلب من الاخ يسري التروي ..لكم التحيه ..
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: أيمن الفاضل)
|
طيب قول الأمريكان الإنت فرحان بي جوازهم ديل في يوم ما قالوا ليك مادايرنك ..
أها حتقبل وبن ؟؟
ياسيدي ..
من الفطنة أن لا تحرق مراكب أوبتكـ ..
والسودان ده ماحق زول ..
فحقو تخلي نصيبكـ منو في الصباره ..
وفي يوم ما حتحتاج ليهو ..
وما أقرب هذا اليوم لو تعلم ..
نصيحتي ليكـ ..
شيل قشكـ ده من هنا .. قبل ماينشف ..
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: يسرى معتصم)
|
Quote: أيمن الفاضل وجمال القوز
لكم فى المنبر أيام
وأنا أكتب فى المنبر شهر 8 سنة2003
أبعدوا عنى لاأعرفكم
كما قال القذافى من أنتم؟؟؟
شوفو موضوع غيرى |
ومنو القال بعرفك
نحن جيناك في بيتك؟
إنت جيت هنا في منبر عام وفتحت بوست
أي كلام هنا عندنا ألحق نرد عليه
دي أنا فهمتها رغم إنو أنا لي أيام
معقول إنت من 2003 غلبك تفهمها
لو ما بتعرف لي نقاش وحوار إنت يفترض تبعد
وبعدين كلام القذافي ده ما لقيت غيرو ؟
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: يسرى معتصم)
|
انا أؤمن أن أي شخص حر أن يفعل ما يراه مناسب فى اختيار أن يسقط
جنسيته أو يحتفظ بها . وما عارف ليه الشباب ماخدين الموضوع بحساسية
زائدة عن اللزوم. افتكر انه حر فى خياراته.
هل تعرفوا أن المغنية الشهيرة تينا ترنر قررت التخلى عن الجنسية الأمريكية . طيب المشكلة شنو؟
رابط الخبر من قناة فوكس نيوز
What Gerard Depardieu is to France, Tina Turner may be to the United States.
The Nutbush, Tenn. native is giving up her US passport, in favor of a Swiss one.
"I'm very happy in Switzerland and I feel at home here. ... I cannot imagine a better place to live," Turner told the German newspaper Blick.
Turner has lived in the Zurich suburb of Kuesnacht since the mid-1990s. The local Zuerichsee-Zeitung newspaper said on its website the local council announced its decision to grant the 73-year-old Turner citizenship in an official notice published in Friday's edition.
The decision still requires formal approval from state and federal authorities.
Turner's rep told Zuerichsee-Zeitung the singer wanted to "clarify her situation."
"Tina Turner will therefore also give back her US citizenship," she said.
Depardieu announced he was renouncing his French citizenship because of the country's high taxes, and he was offered Russian citizenship by President Vladimir Putin.
When informed of Turner's decision, the mayor of Brownsville, Tenn., the largest town in Haywood County, of which Nutbush is an unincorporated area, said she was "surprised."
“Tina Turner -- as she has gotten worldwide fame -- has never forgotten her roots," Mayor Jo Matherne told FOX411. "We’ve been in recent contact with some of her people talking about some projects we have in Brownsville.”
Matherne said she was unsure how residents would react to the news of Turner’s citizenship swap.
“I think anytime a person, whether they’re world-renowned or the most meek and mild, makes the decision to change their citizenship we need to step back and think what causes that decision," Matherne said.
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: يسرى معتصم)
|
مع التحية يا يسري
لكم مطلق الحرية في ما تختارون من جنسية ، ولكن إعلانكم في المنبر ربما أضرك كثيراً ، حين تسقط جنسيتك أو جوازك السوداني يعني أنك إنقطعت عن وطنك وعن أهلك ، وربما إعلانك هذا يضعك في قائمة الغير مرغوبين لزيارة السودان مهما كنت تحمل من جنسية دولة أخرى . ( وإن كانت رغبتك أكيدة حيث لا تراجع ، كان عليك أن تسلك الطرق الصحيحة في التسليم لسفارة جنسيتك التي تنازلت عنها)
طلب إسقاط الجنسية عنك يعني قطع رحمك بالبلد وهذا لا يجوز .
وختاماً نسأل الله لك التوفيق .
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: ولياب)
|
يا ولد هوى انت جنيت ولا شنو
تقدر تنسى القاش
تقدر تنسى السواقى
تقدر تنسى السوريبا والمرغنية والختمية
تقدر تنسى الكارة وشمال الحلنقة
تقدر تنسى بانت وحى العمال وحى العرب
تقدر تنسى الثورة واب 5 والمربعات
تقدر تنسى شارع المليون غبى
تقدر تنسى مرطبات هنى الغنى
تقدر تنسى خيرات
تقدر تنسى استاد كسلا وابوك بيصفر ليكورة تاكا وميرغنى
تقدر تنسى غرب القاش والكرمتة
تقدر تنسى البرابرة
وبعدين تعال هنا بتنا الاخدتها مننا دى حتغتس بها هناك ولاكيييف ؟؟
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: عادل عبدالعزيز عبد الرحيم)
|
حبيبنا عادل ...سلامات ..
| Quote: تقدر تنسى شارع المليون غبى |
ياعادل الشارع يطلق عليه بعض العنصريين ومحتقري الانسان اسم ( شارع المليون بليد) لأن معظم مرتاديه من عرقيات البجا البسطاء وتحديداً القادمين من الريف الذين يأتون لهذا الشارع لشراء احتياجاتهم البسيطة ..هذا التعبير فيه تحقير وحط من قدر الانسان الذى كرمه الله ..ولحسن ظني فيك اعتقد انك لاتعلم سبب اطلاق هذاالاسم عليهم فليتك تسحب العبارة ..
تحياتي ،،
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: فايزودالقاضي)
|
| Quote: ياعادل الشارع يطلق عليه بعض العنصريين ومحتقري الانسان اسم ( شارع المليون بليد) لأن معظم مرتاديه من عرقيات البجا البسطاء وتحديداً القادمين من الريف الذين يأتون لهذا الشارع لشراء احتياجاتهم البسيطة ..هذا التعبير فيه تحقير وحط من قدر الانسان الذى كرمه الله ..ولحسن ظني فيك اعتقد انك لاتعلم سبب اطلاق هذاالاسم عليهم فليتك تسحب العبارة .. |
بالله شوف دا كمان .. عاوز تعمل لينا فيها "كشاف عنصرية " جديد زي صاحبك بتاع المكوجية والعجلاتية وما شابه !!
لا علاقة بالتسمية بالعنصرية ولم يتعمد من يقولها بإحتقار عرقية لكن التسمية تضمنت نقد سلوكيات معينة " بليدة" يقوم بها بعض مرتادي هذا الشارع..
إذا كانت في عنصرية فهي عنصرية مبطنة منك لأنك نمطت كل مرتادي هذا الشارع بأنهم من عرقية هذا البجا وانهم من بسطاء اهلنا في الريف..
وتناسيت يا هذا او تعاميت عن خصالنا الريفيه الكريمة..
جاك بلا يخمك يا عنصري.. أين طلحة عبد الله يجي يشوف هبابك دا 
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: HAIDER ALZAIN)
|
| Quote: لا علاقة بالتسمية بالعنصرية ولم يتعمد من يقولها بإحتقار عرقية لكن التسمية تضمنت نقد سلوكيات معينة " بليدة" يقوم بها بعض مرتادي هذا الشارع.. |
يااخوى بلا فلسفة معاك ..الشارع ده في كسلا ومرتادوه معروفين وهم من اهلنا البجا والعبارة تصف بشر ولا توصف سلوكيات وممكن توريني شنو السلوكيات الدعت هؤلاء لوصف اهلنا بهذا الوصف ؟!! ..ثم هناك فرق بين ان تقول فلان بليد وبين ان تقول تصرف بليد ...وقع ليك .. لاتبرر للعنصريه التى اطلقها من لك علاقة بهم في كسلا ...
| Quote: إذا كانت في عنصرية فهي عنصرية مبطنة منك لأنك نمطت كل مرتادي هذا الشارع بأنهم من عرقية هذا البجا وانهم من بسطاء اهلنا في الريف..وتناسيت يا هذا او تعاميت عن خصالنا الريفيه الكريمة.. |
هم فعلا من البجا ولم تطلق عليهم الا لانهم من البجا ..
اخي العزيز حيدر اسمح لي اقول ليك تبريرك فيه كثير من البلادة ..لعنة الله على العنصرية ومن يبرر لها
كما لايفوتني ان احي حبيبي دينق واختي تراجي وشقيقتي آمنة مختار واساتذتي هشام آدم ومحمدE سليمان ..
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: Asim Fageary)
|
تحياتي ليك يا صاحب البوست وضيوفك
كنت مستمتع بقراية البوست ومتشوق اصل للسبب الذي دفعك ليس للرغبة في اسقاط الجنسية السودانية بل في الاعلان عن هذه الرغبة في الحوش ده
واكيد عندك اسبابك ولديك مطلق الحرية فيما تختار مش عشان انت ماسك في حديدة شديدة وقوية لانك امريكي الجنسية من زمان بس شايف كتيرين نزلوا فيك نصايح وتوجيهات لكن اكيد هناك سبب خلاك تعلن الحكاية دي وراجينك
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: إسماعيل حسن)
|
| Quote: اخي العزيز حيدر اسمح لي اقول ليك تبريرك فيه كثير من البلادة ..لعنة الله على العنصرية ومن يبرر لها |
مسامحك على هذه الشتيمة واسأل الله ان يغفر لك اخي الكريم..
إن كلامي فقط كان من اجل ان تتحسس موطئ قدمك ولا ترمي القوم واهل كسلا الكرماء بالعنصرية جزافاً هكذا.. لكنك سدرت في غيك واصابني رشاش من سوء خلقك وضيقك وتبرمك من الرأي الىخر المخالف لك..
لكني اعلن لك بكل محبة اني مسامحك فيما كتبته لي اعلاه وادعو لك بالمغفرة والهداية..
فأقول ربنا يهديك يآخ انت زول كبير وما صغير وعندك تلاتة نسوان ..
وعشان مغالطتك دي قلت اسأل اهل كسلا الاصليين مش التايوانيين :
أهل وأحباب كســلا الجمال " ماهو شارع المليـون بليـد" ؟!
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: يسرى معتصم)
|
Quote: ياعادل الشارع يطلق عليه بعض العنصريين ومحتقري الانسان اسم ( شارع المليون بليد) لأن معظم مرتاديه من عرقيات البجا البسطاء وتحديداً القادمين من الريف الذين يأتون لهذا الشارع لشراء احتياجاتهم البسيطة ..هذا التعبير فيه تحقير وحط من قدر الانسان الذى كرمه الله ..ولحسن ظني فيك اعتقد انك لاتعلم سبب اطلاق هذاالاسم عليهم فليتك تسحب العبارة ..
|
الاخ فايز ود القاضى سلام
حاشاى ان اكون اقصد ذلك المعنى اللعين اللذى ذهبت اليه فى استنتاجك
وذلك لاننى من محبى مدينة كسلا واهلها كلهم بما فيهم القرويين والمدنيين بجا وغير بجا
وبعدين يكفى اهلنا البجا ذكاء انك تمثلهم هنا بذكاءك الوقاد اللذى جعلك احد نجوم البورد المهضومين
بعدين لااعتقد ان ما ذهبت اليه من استنتاج صحيح يا اخى وذلك لعدة اسباب منها
ان رواد هذا الشارع من مختلف الجنسيات فلماذا خصصت احداهم على الاخريات
ثانيا ان هذه التسمية اطلقت فى سياق محدد هوسياق الزحام واختلاط الحابل با لنابل
ثالثا ان هذه التسمية اطلقت على هذا الشارع فى بداية الثمانينات على ما اعتقد وفى ذلك الوقت لم تتسرب الينا العنصرية فى ابشع صورها بعد ان اعيد انتاجها فى عهد الانقاذ
لذلك ولكل ما سبق استبعد صحة استنتاجك اعلاه
وذلك مع شكرى وفائق تقديرى لك ولكل اهل الشرق
| |
|
|
|
|
|
|
|
|
|
Re: ســحـب وأســقـاط الجـنـســيـة والـجــواز الـســـودانـى (Re: يسرى معتصم)
|
Quote: ودالقاضى قريبى
شارع المليون تسمية عنصريه وتسمية شارع الوالى شارع النص تسمية عنصريه
لعن الله كل عنصرى
نعم لقيام دولة البجا
نعم لقيام دولة البجا
نعم لقيام دولة البجا
|
إنت يا اللخو مش قلت داير تسقط جنسيتك السودانية؟!
طيب خلينا نحن السودانيين نتدافس برانا ونحلحل مشاكلنا برانا!
مالك ومال دولة البجا ولا دولة كوش ولا دولة شلعوها الخوالدة؟!
عالم عجيبة!!
| |
|
|
|
|
|
|
| |
يسرى معتصم
Muhib
محمد المسلمي
حيدر حسن ميرغني
nazar hussien
Faisal Elrasheed
محمد علي شقدي
othman mohmmadien
فايزودالقاضي
أشرف الرحال
فتح العليم محمد أبوالقاسم
معتز القريش
Jamal Mustafa
وائل عبدالخالق مالك
أيمن الفاضل
احمد حمودى
حاتم محمد حاج المهدي
Frankly
عبدالله الامين صالح
HAIDER ALZAIN
عبدالرحيم أبراهيم العبيد
الجنيد حمد
جمال ود القوز
ولياب
عادل عبدالعزيز عبد الرحيم
Gaafar Ismail
Asim Fageary
إسماعيل حسن
محمد البحر
فيس بوك
تويتر
انستقرام
يوتيوب
بنتيريست