كتب الكاتب الفاتح جبرا المتوفرة بمعرض الدوحة
|
Re: صورة لسيدي الرئيس وهو يغسل ملابسه عندما كان طالبا بالكلية الحربية (Re: بدرالدين الطائف)
|
زمان يا ودالباوقة كنا بنكنس الفصل الدراسي ونغسل ملابسنا في الداخليات وايضا العسكر بغسلوا ملابسهم وينظف اسرتهم لوحدهم
حتى يتعلموا الاعتماد على النفس وعندما يجد فرصة في تولى المسؤلية تكون هذه المسائل حاضرة في باله ويعرف المعاناة التى يعيشها الاخرين
ولكن بكل اسف ريسكم فهم المسألة غلط فبعد ان كان يخدم نفسه لوحده انتقم من الشعب ######ر الشعب لخدمته فالان الشعب كله يغسل ملابس الريس ,
فتالم (عكس تامل ملاسي)
| |
|
|
|
|
|
|
Re: صورة لسيدي الرئيس وهو يغسل ملابسه عندما كان طالبا بالكلية الحربية (Re: امير طمبل)
|
بمناسبة سعر ربع كيلو اللحمة دي بي كم عندي دفعتي حكي لي نكتة بمناسبة اللحمة دي قال لي عندو زبونتين من الحجات الكبار من بداية حكم سيدي الر ئيس كانو بيشترو منو يوميا وقتها كان ربع كيلو اللحمة ب 5 جنيهات بالقديم طبعا قال ليك كل يوم من الصباح الحجات يحضرو و الواحدة تجدع ليهو الخمساية في الطربيزة و تنشيل ربع الكيلو و تتخارج مع مرور الأيام بدأت اسعار اللحم ترتفع بقي محرج جدا مع الحجات ديل المهم بقي يقول ليهم يا اماتي الخمساية بقت ما بتجيب اي حاجة انا بجامل فيكم ساكت يقومو يقولو اي حاجة يا ولدي غايتو صاحبي بيتمها ليهم شي عظام و شي شخت تكررت القصة دي عدة مرات حتي ارتفعت الاسعار فوق فوق يوم من الصباح الخالات مرو عليه من الصباح و اي واحدة شايلة الخمساية لزوم اي حاجة تشد بيها حلتها صاحبي قال للخالة الأولي يا امي علي الطلاق الخمساية دي ما بتجيب ليك اي حاجة هسة اللحم بقي غالي و ناس المحلية و ناس الرخص التجارية و النفايات و الخصم و الإضافة و دمغة الشهيد ما عندي اي طريقة اديكم اي حاجة حتي العظام مافي الخالة قالت ليهو يا ولدي اي حاجة عليك الله زولي إتلفت يمين و شمال و عاين للحم معلق ما لقي غير في خروف واحد فيهو البيوض فقط قام قطع البيوض و اداها للخالة دخلت التانية طوالي قال ليها نفس الكلام قالت ليهو يا ولدي أي حاجة قال ليها وحياتك مافي اي شي اقطع ليهو منو قال ليك الخالة إتلفتت يمين و شمال قالت ليهو يا ولدي القصة دي حدها وين ؟الخالة الاولي طبعا شايلة البيوض و وواقفة ردت علي صاحبتها و هي ماسكة البيوض الي أعلي قالت ليها حدو ده هههههههههه
| |
|
|
|
|
|
|
Re: صورة لسيدي الرئيس وهو يغسل ملابسه عندما كان طالبا بالكلية الحربية (Re: امير طمبل)
|
ود الباوقة سلام انت مشكلت حكومتك دي شنو مع النظر؟! ... وزير دفاع بالنظر ... رئيس يغسل ملابسه في (طشت) و هو ينظر (نظرة رئاسية مستقبلية) .... ابو النظر زاتتتتتو ياخي!
-------------------------------------------- اطلب أغنية من اول نظرة ... و أهديها لكيكي و من لفّ لفّه
---------------------------------------------------------- manubia
| |
|
|
|
|
|
|
Re: صورة لسيدي الرئيس وهو يغسل ملابسه عندما كان طالبا بالكلية الحربية (Re: امير طمبل)
|
يا حبيبنا ود الباوقة ياخ معقولة ؟
طالب كلية حربية قاعد في العراء ومبهدل بالشكل دا ؟
عشان أقطع الشك باليقين ـ سألت زملينا بالعمل ص س س ـ وهو ضابط جيش متقاعد من الدفعة 27 والدفعة دي طبعاً بعد دفعة البشير ـ ودا بيعني أنو الدفعات الأسبق بتنال خدمات أرفع سالتو عن مستوى الخدمة المقدمة للطالب الحربي حينما كان طالباً بالكلية الحربية فقال لي أن الطالب كان يتمتع بمستوى رفيع من الخدمات في النظافة العامة ، الطعام ، وغيرها
وحكيتا معاه في جانب نظافة الملابس الشخصية للطالب ـ فقال لي يوجد عمال بمروا على الطلاب في العنابر عشان يأخدوا منهم ملابسهم ويغسلوها ويكوها
الكلام دا على ذمة أخونا ص س س ـ وهو ضابط جيش سابق
أها قولك شنو يا أبو وسن
| |
|
|
|
|
|
|
Re: صورة لسيدي الرئيس وهو يغسل ملابسه عندما كان طالبا بالكلية الحربية (Re: ود الباوقة)
|
Quote: ولكن تمعن في الصورة لترى النظرة الى المستقبل |
صدقت ,, هي فعلا والله نظرة بعيييييدة جدا ,,, كان بفكر لي هبر البلد من زمنا خدو مشلخ حكمتو بااااالغة والله,, إنت يا ود الباوقة يا خوي بترمي الزول ده كل يوم في مطمورة اغرق من القبالها بي بوستات الفنجطة دي ,, والله صحي
ود الباوقة ياخوي حبابك إنت وزوارك الكرام وكل سنة وإنتو طيبين بمناسبة مولد سيد البشرية المصطفى عليه افضل الصلواة والتسليم
| |
|
|
|
|
|
|
Re: صورة لسيدي الرئيس وهو يغسل ملابسه عندما كان طالبا بالكلية الحربية (Re: محمد حيدر المشرف)
|
Quote: مرحبا امير طمبل عليك الله اشرح لينا الاقتباس دا الواحد شكلو بقى ما مواكب
|
البشير دفع الله حبابك إنت قاصد الحتة دي
Quote: إنت يا حبيبنا من زمن ربع الكيلو حليلك هسة بقت في حاجة جديدة إسمها (مس كول) و في رواية أخري (دو..تريس) |
ال (مس كول) و ال (الدو .تريس) الله يسلمك يا صديقي دي عادة بتكون الحاجات أسفل الميزان من الجلافيط و الأمبروكسات و باقي العضام و الشحم الزائد بالنسبة للامبروكسات دي وجبة شهيرة جدا في الكمبو و هي عبارة عن الحلاقيم بتاعت الخروف بس ما اديتني رأيك في نكتة صاحبي الجزار
| |
|
|
|
|
|
|
Re: صورة لسيدي الرئيس وهو يغسل ملابسه عندما كان طالبا بالكلية الحربية (Re: محمد حيدر المشرف)
|
Quote: يا أباحسين عادل الله يهديك ياخى .. وفى البال الجميل ونساتنا تلك فى Cafe des deux Moulins فى باريس يا صديق .. نهارات نيسان الجميله 2009 كما أذكر وتذكر .. ألم تحدثنى أنت بأن هؤلاء -لله درهم- أخج من مشى على وجه الأرض ..
يا لها من أيام ياخى .. وهاهى الأيام تثبت نظرتك الثاقبة والسابقه حتى لحادثة الخج يا عادل ! |
الله إهديك إنت ياخ ... ياخ ديل بي قيادة الترابي ترب الله وجهه الناس لاعبين حريق لقى ليك العشرة ما ماشه لي صالحو قام دك ليهم الكشتينة و ووزعها تااااااااني من الأول طبعاً بعد ما شال الجواكر كلها و رص ليه ورق فتوح....
هي بقت على الخج....
| |
|
|
|
|
|
|
Re: صورة لسيدي الرئيس وهو يغسل ملابسه عندما كان طالبا بالكلية الحربية (Re: ABUHUSSEIN)
|
Quote: قام دك ليهم الكشتينة و ووزعها تااااااااني من الأول طبعاً بعد ما شال الجواكر كلها و رص ليه ورق فتوح....
|
ايواااا .. القصه دى ذاتها حكيتها لى فى Cafe des deux Moulins يا اباحسين .. وما بين باريس والكليه الحربيه الكائنه شمال السروراب كليك واحده لا أكثر .. وذاكرة التاريخ تعود بنا للدفعة 18 .. ولهذه الصوره المفترى عليها ..
عادل هل تستطيع -لله درك- تكبير الصوره ؟!
| |
|
|
|
|
|
|
|