|
أين إختفى أخونا (منير)؟
|
والله الزول ده ليهو وحشة شديدة
والمنبر يفتقده بشدة
الزول ده قاعد في اي بلد عشان نسأل عنه البورداب هناك؟
|
|
|
|
|
|
|
|
Re: أين إختفى أخونا (منير)؟ (Re: Elsanosi Badr)
|
أخي العزيز أشرف مصطفي .. تسلم وتشكر كتير علي سؤالك عني .. سائل منك الخير .. والله مشغول لي فترة طويلة ما قادر آخد راحة .. هسة البوست ده لمحته ومعنوياتي طارت السماء .. قلت أخلص الفي يدي وأجي فإذا بي ألقاه حاتل في زحمة الصفحات المتسارعة للأسفل .. غايتو الواحد لو ما كان حريف وغطَّاس كان سؤالك راح شمار في ملحا حار .. ..
| |
|
|
|
|
|
|
Re: أين إختفى أخونا (منير)؟ (Re: Munir)
|
الأعزاء الأفاضل محمد إبراهيم علي صلاح عباس فقير مدثر صديق حيدر حسن ميرغني أمير قناوي علاء الدين يوسف علي محمد Elsanosi Badr
أشكركم جداً علي إنكم عبرتونا وأديتونا قيمة .. ما نعدمكم إن شاء الله .. الله يديكم الصحة والعافية .. الواحد لسه عايش في الدنيا دي والنفس طالع ونازل لكين المنبر بقينا نجي كاسحين فيهو مرة مرة نلقط العناوين ونجري تاني نكابس المعايش .. كل ما نقول خلاس إنتهينا نلقانا يادوب ابتدينا ..
| |
|
|
|
|
|
|
Re: أين إختفى أخونا (منير)؟ (Re: Munir)
|
الود منير الضلامى سلامات وشكرا يا اشرف انا برضو مفتقده منير بشده غياب امثال منير عن المنبر واحده من الحاجات البتخليك فعلا تقلع عن قرايتو ... صاح منير ظلامى لكن كتاب وبحفزك على الكتابة والتفكير منير ظلامى منير وصاحبى ... النصيحة :: بريد قرايتو شديد ...
| |
|
|
|
|
|
|
Re: أين إختفى أخونا (منير)؟ (Re: دينا خالد)
|
كمان جابت ليها البت الشقية نجمة سودانيزاون لاين دينا خالد شخصياً؟ .. غايتو أقول شنو يا دينا .. رفعتوا معنوياتي عديل كده .. لو كان الواحد عارف إنو الناس حيسألوا عنه كان غاب وعمل غمران من زمان وعمل لنفسه قيمة ، بدل البهدلة النحن فيها دي ..
أشكرك جزيلاً .. والله يخليك لينا ويخلي لينا بوستاتك العاصفة ..
| |
|
|
|
|
|
|
Re: أين إختفى أخونا (منير)؟ (Re: Munir)
|
مرحبا منير, اخونا وود حلتنا, علي طلتك مجددا. افتقاد اراءك بالمواضيع كان واضحا, بالفترة السابقة. والشكر لاشرف, للمبادرة الجميلة. تمنياتي يا منير لاولادك والاهل بالسودان بمزيد العافية والهناء.
مودتي
| |
|
|
|
|
|
|
Re: أين إختفى أخونا (منير)؟ (Re: الفاضل يسن عثمان)
|
Quote: مرحبا منير, اخونا وود حلتنا, علي طلتك مجددا. افتقاد اراءك بالمواضيع كان واضحا, بالفترة السابقة. والشكر لاشرف, للمبادرة الجميلة. تمنياتي يا منير لاولادك والاهل بالسودان بمزيد العافية والهناء
|
أخي العزيز ود الشعبية الفاضل يسن .. سلامات يارجل وعساك بخير أنت والأسرة .. والله الواحد عاوز يجي يخش الدافوري بتاع المنبر لكين لكثرة المشغوليات بقيت زي المكتَّف .. تقول تعمل مداخلة تلقي الشغلة محتاجة تفرُّغ شوية عشان تقدر تطرح فكرتك بوضوح وتقدر تدي المحاورين قدرهم من الإهتمام ..
| |
|
|
|
|
|
|
Re: أين إختفى أخونا (منير)؟ (Re: دينا خالد)
|
منير بتاع مدن الخيام ??? ايام الازمة الاقتصاديمة منير قال لى اشترى خيمتك و اجهزى للتشرد...امريكا انتههههت. __________________________________ وينك يا منير?...ان شاء الله طيب.
| |
|
|
|
|
|
|
Re: أين إختفى أخونا (منير)؟ (Re: smart_ana2001)
|
Quote: منير بتاع مدن الخيام ??? ايام الازمة الاقتصاديمة منير قال لى اشترى خيمتك و اجهزى للتشرد...امريكا انتههههت. __________________________________ وينك يا منير?...ان شاء الله طيب.
|
سلامات يا اسمارت أنا .. إن شاء الله إشتريتي الخيمة .. نصيحتي دي ما ترميها واطا .. اسمعي كلام البضحكك ما تسمعي كلام الببكيك ههه ..
قاعدين في الدنيا دي لكين المنبر عاوز زمن عشان الزول ما يكلفت مشاركاته .. تحياتي ليك ..
| |
|
|
|
|
|
|
Re: أين إختفى أخونا (منير)؟ (Re: دينا خالد)
|
منير ظلامي ؟
الأخ كافور الاخشيدي وإلا منو
قال المتنبئ في مدحه (أو هجائه)
تفضح الشمس كلما ذرت * الشمس بشمس منيرة سوداء ان في ثوبك الذي المجد فيه * لضياء يزري بكل ضياء
التحية لي منير ولي أشرف ولي دينا
| |
|
|
|
|
|
|
Re: أين إختفى أخونا (منير)؟ (Re: أيمن الفاضل)
|
Quote: منير ظلامي ؟
الأخ كافور الاخشيدي وإلا منو
قال المتنبئ في مدحه (أو هجائه)
تفضح الشمس كلما ذرت * الشمس بشمس منيرة سوداء ان في ثوبك الذي المجد فيه * لضياء يزري بكل ضياء
التحية لي منير ولي أشرف ولي دينا
|
أخونا الجديد الفاضل أيمن الفاضل .. مرحباً بك في المنبر وإن شاء الله يطيب ليك المقام .. هسه يا عزيزي الأبيات دي مدح بما يشبه الذم واللا ذم بما يشبه المدح واللا شنو؟؟ ههه .. يزول أنا معتبرها مدح في مدح .. سجن سجن غرامة غرامة ..
| |
|
|
|
|
|
|
Re: أين إختفى أخونا (منير)؟ (Re: بريمة محمد)
|
Quote:
الأستاذ ول أبا منير
والله فقدناك لينا زمن لكن عارفين مشغال الدنيا كتيرة.
الحمد الله شفناك بخير.
بريمة
|
عزيزي الأخ بريمة .. ألفين سلام وتحية ..
والله ياخ جدتي الله يرحمها قالت الدنيا زي الغزالة -هي جارية ونحن جارين وراها .. لغاية ما الشرك يقبضنا نحن .. نعمل شنو ؟ نطلع من deadline نخش في deadline ... نمرق من حفرة نقع في دحديرة ..
| |
|
|
|
|
|
|
Re: أين إختفى أخونا (منير)؟ (Re: Munir)
|
يا سلالالالالالالالالالالالالالالالالالالالالالالالالالالام
حيا الله اخونا منير
والله فرحت بعودتك وطلتك البهية ونورت البوست والمنبر
معليش انشغلت شوية عن رفع البوست بقيت بس افتح بوست واقوم جاري مع المشغوليات
وانا لي اكتر من اسبوعين كل مرة اقول افتح بوست للسؤال عنك لكن اتلخم
حمدا لله على السلامة ياخ وبالله خليك قريب معانا وما تختفي
ليك وحشة شديدة والله
وشكرا كتييييييييييييير لجميع المرور
| |
|
|
|
|
|
|
Re: أين إختفى أخونا (منير)؟ (Re: ASHRAF MUSTAFA)
|
سلامات استاذ منير عبد الرحيم ما عارف الليله الذكرنى بيك شنو لكن والله فقدتك وقلت اجى افتح بوست اسأل عنك علا قلت افتش فى المنبر يمكن القى عنك خبر فاتانى عمك قوقل بالبوست ده فحمدت الله انك بخير واشكر اخونا اشرف الخلانا نشوفك تانى ياخى تعال راجع ....
| |
|
|
|
|
|
|
|