شاركت فاطمة المهدى (طم طم )بعزف على الة الفلوت أغنية انا ام درمان فى احتفالنا السنوى بذكرى الأستاذ محمود محمد طه ,وذلك لأن الاستاذ محمود كان مهتما بهذه القصيدة وطلب انشادها من قبل تلاميذه (فيا سودان اذ ما النفس هانت اقدم للفداء روحى بنفسى) وقد كان!!
من أنسانيات الفنان الموصلى انه يمنح عزيز وقته فى بلدان نعرف للزمن فيها عزيز قيمة ونضن به حتى على راحتنا ونفوسنا،فهو يلبى طلبات بنية مثل فاطمة تعشق السودان ولم تعش فى أرضه ولها أذن موسيقية وحس سودانى ,يساعد فى تنميتة امثال الموصلى بسخاء و(طولة بال)،بفضل الله وكرم الموصلى وفنانيين أحباء قامت هى بعزف العديد من المقطوعات الموسيقية،وكان اخرها انا ام درمان بالرغم من ظروف امتحاناتها وعدم تمكنها من التدريب الكافى الا انها شاركت بها فى الاحتفال,فهى مهداة للموصلى وجميعكم.. كما الامتنان والشكر للدكتور كمال يوسف وباقة من أعز من عاشرنا فى حياتنا وحملنا فى افئتدنا ذكراهم أينما أرتحلنا من الفنانيين,الذين كانوا طوع أمرنا بمدنا بما نسأل من مقطوعات،وهم كنفيس الدرر منثورين فى بقاع الارض مشارق ومغارب ,اخشى ان احصرهم يسقط أسم أحدهم سهوا فنؤرق لذلك السهو ونألم له لذلك هم يعلمون انهم مذكورين ونحن عن شكرهم عاجزين ومازلنا نطلب رعايتهم لأبنتنا مزيد.. بثينة تروس
01-23-2013, 07:36 AM
بثينة تروس
بثينة تروس
تاريخ التسجيل: 08-17-2012
مجموع المشاركات: 696
ياسلام عليها فاطمه يابثينه والله رفعت راسنا عاليا واكثر ما عجبني فيها آنها تتصرف فعدما يسبقها المتابعين بالاداء لفرق السرعة (تمبو) فهي تقفز حتي لا تسبب الحرج للمتابعين برغم آن سرعتها هي الصحيحة انا فخور بفاطمه وحقا بنا جميعا آن نكون فخورين بها وتحياتي لتلميذي الذي تفوق فابدع د كمال يوسف وكل من ساعد فاطمة
01-23-2013, 11:51 AM
عبدالله عثمان
عبدالله عثمان
تاريخ التسجيل: 03-14-2004
مجموع المشاركات: 19192
نحن ما الشعب السودانى المهذب و المثقف و العزيز..جينا يا مدينة نحن إيد ممدودة صادقة بالعصاير و الخبيز..........جينا يا مدينة نحن إيد مشدودة قوة لمن البركان يغيظ..............جينا يا مدينة نحن مايانا الأبينا والطردنا الإنقليز..................جينا يا مدينة الليلة شن حاصل علينا؟! المرارات تحتوينا المدامع فوق عينينا والغنيوات الحزينة القيم مركوزة فينا يلا نختار السفينة
نحن جيل سوداني واعد لا يعرف المستحيل..............جينا يا مدينة نحن جيل سوداني واضح لا يكضب لا يميل..............جينا يا مدينة نحن من تلك المعاني الراكزة في شعر الخليل.............جينا يا مدينة نحن من تلك الفوارس من زئير ترهاقا لى عبد الفضيل...جينا يا مدينة نحن عشاق الأغاني ويلا يارشا يا كحيل.................جينا يا مدينة ونحن مداح الخلاوي البضوو الدنيا ليل..................جينا يا مدينة الليلة شن حاصل علينا؟! المرارات تحتوينا المدامع فوق عينينا والغنيوات الحزينة القيم مركوزة فينا يلا نختار السفينة
نحن أحباب الرواكيب والعناقريب والسبيل................جينا يا مدينة نحن ما الشعب المهذب نحن ما الشيخ الجليل.............جينا يا مدينة نحن ما البت المرتبة تشبه الشعب الأصيل................جينا يا مدينة نحن ما الأم البتمسح عن حناجرنا العويل.................جينا يا مدينة الليلة شن حاصل علينا؟! المرارات تحتوينا المدامع فوق عينينا والغنيوات الحزينة القيم مركوزة فينا يلا نختار السفينة
نحن أولاد المزارع و المزارع فى الأصيل...............جينا يا مدينة نحن أخوان المساكين الحنينين و اللى حار بيهم دليل......جينا يا مدينة نحن ناس حرَّم تقيِّل جيبو قهوة و جنزبيل.................جينا يا مدينة نحن ما تلك الأنامل ترسم الوطن الكبير..................جينا يا مدينة نمشى فى جمر المآسى مهما كان دربو الطويل...........جينا يا مدينة الليلة شن حاصل علينا؟! المرارات تحتوينا المدامع فوق عينينا والغنيوات الحزينة القيم مركوزة فينا يلا نختار السفينة
نحن ما عشم الصديق الجانا يكسح ساعة السيل و الحريق...........جينا يا مدينة تلقى فى إيدينا موية لما يشتعل الحريق............................جينا يا مدينة تلقى فى إيدينا جمرة لمن الماعون يضيق..........................جينا يا مدينة نحن ما الشعب البشمر و البتلِّب شان يصارع الموجة يمرق لى الغريق..جينا يامدينة نحن ما الإيد البتمسح دمعة الأبو و الشقيق..........................جينا يا مدينة الليلة شن حاصل علينا؟! المرارات تحتوينا المدامع فوق عينينا والغنيوات الحزينة القيم مركوزة فينا يلا نختار السفينة
01-23-2013, 02:58 PM
Yasir Elsharif
Yasir Elsharif
تاريخ التسجيل: 12-09-2002
مجموع المشاركات: 48742
الحبيب الموصلى بختها وبخت امها باهتمامكم,ومحظوظه هى بأن تجد موسيقار (ترابى) يرعى شباب فى سنها ويرفع من قدر اماكنياتهم.. بعد الشغل ان شاء الله سوف انزل عمر السنيين والتى قمت بكتابتها لها وشاركت هى بها فى اوبرا فى سبتمبر المنصرم. بثينة تروس
01-24-2013, 04:22 PM
بثينة تروس
بثينة تروس
تاريخ التسجيل: 08-17-2012
مجموع المشاركات: 696
الأديبة ألأستاذة عائشة موسى بختها طم طم وجميع جيلها بأهتمامكم ورعايتكم وبذل عظيم وقتكم فى متابعتهم،وهى عظمة لو علم هؤلاء الشباب قدركم لجالدوا فيكم بالسيوف .. متعك الله بتمام العافية والصحة ومزيد العطاء بثينة تروس
01-24-2013, 04:30 PM
بثينة تروس
بثينة تروس
تاريخ التسجيل: 08-17-2012
مجموع المشاركات: 696
صاحبى ياسر الشريف طبعا انت عارف (كورت) بنيتك برجعوها مليانه كيف وبماذا..لذلك عليك اتكالنا..اصلوا انا مربياهن(سلفكة) اتكال على الصالحين.. وشكرا ليك بتزيين هذا البوست باصوات بناتى امنه وحوراء وراثات الصوت الجميل من صديقتى الموهوبة هدى كمبال والتى اثرت فى الدورة المدرسية فى الثانوى فى زماننا بابداع التمثيل والصوت،ثم الصوت الملائكى فى الانشاد..وياريت تهدى لعائشة موسى انا (موسى)العشقى ربى ارنى..بصوت هدى كمبال.. محبتى بثينة تروس
01-24-2013, 06:08 PM
بثينة تروس
بثينة تروس
تاريخ التسجيل: 08-17-2012
مجموع المشاركات: 696
ياموصلي القوم اكتر ما اسعد فاطمة ملاحظتك لعزفها انا امدرمان Yes ...he is the only one get it.. W ناوية إذا تيسرت تسجل ليك ( المواويل) عاجباها عجب شديد..
01-26-2013, 07:38 AM
بثينة تروس
بثينة تروس
تاريخ التسجيل: 08-17-2012
مجموع المشاركات: 696
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة