|
|
 أيمــن الطيب .. وكيل (الجـــدادة) ..
|
كنت قد وعدت الأخ ايمـن الطيب في حلقات سابقة من سلسلة القرع الشهيرة .. بأن اسلط الضوء على وكيل الجدادة ..
واليوم اوفي بوعدي فيما يتعلق بوكيل الجدادة ..
عشان ما يقول حرمتو من ايتها حاجة .. 
|
|
  
|
|
|
|
|
|
|
 Re: أيمــن الطيب .. وكيل (الجـــدادة) .. (Re: tmbis)
|
التحية لشباب فرقة الاصدقاء المسرحية ..
وتحية خاصة للعمالقـة .. استاذ موسى الأمير .. واستاذ الطيب شعراوي ..
واذا كنا من الذين نمنح الاوسكارات في حفلات ضخمـة نقيمها في حديقة عبود .. أو حدائق حبيبي مفلس ..
لمنحنا امثال استاذ موسى الأمير والطيب شعراوي اوسكارات متعددة فقط في جزئية صغيرة من هذا العمل ، وذلك للتعايش مع الشخصيات وتجسيدهـا بطريقة اقرب إلى الواقع ..
| |
|
|
|
|
|
|
|
|
 Re: أيمــن الطيب .. وكيل (الجـــدادة) .. (Re: tmbis)
|
لو كنا نعلم ان غيابنا من الرياض سيعجل بتدفق الابداع والتجليات
كنا عجلنا بالرحيل ، أو على الاقل طولنا الغياب!!
تحياتي ليك ولأيمن الطيب
وفي اي اوسكارات قادمة ماتنسى ولدنا كبسور ياخ!!!
واصل تشتري من المحل دا، الظاهر محمد رجع من السودان ههههههههه
| |
|
|
|
|
|
|
|
|
|
Re: أيمــن الطيب .. وكيل (الجـــدادة) .. (Re: عبد اللطيف بكري أحمد)
|
| Quote: واصل تشتري من المحل دا، الظاهر محمد رجع من السودان ههههههههه |
هههههههه ..
طيعا هذي بشريات اخرى من كراماتك وانت بلندن الخير
امبارح من طلعت الساعة تمنية صباحـا .. رجعته الساعة تمنية بالليل ، بعدما مريت السيدة زميلة البورد وانا تحت باب العمارة وطلبت منها بي طريقة عسكرية ان يللا خارجينـا بسرعة ..
بعدما خلصنا مشوار العليـا .. والحمد لله .. مشينا لي صاحبك بتاع الفوول الفي المصيف ..
جيت البيت بعدما ضربنا الفول .. وحبست بي حجـر من الحجارة المزيفـة .. ضربت ليك نومه دولية جدا .. صحيت الساعة اتنين عديل كدا من صباح اليوم .. لقيت اتصال من ود الصايم الساعة اطناشرات وشوية .. وانا قبل كم يوم طبعا حلمان لي حلم كويس .. قلت اكيد محمد الصايم توصل لي تركيبـة ممتازة وذلك في غياب محمد
المهم قلبي اكلني ولو رجعته لي ود الاصيم الساعة اتنين بي توقيت الرياض بكره اللي هو حسع دي كان لقيتني في الحراسـة الزول دا فقري جدا انت ما عارفو ..
بقيت مستني الصباح .. عشان اشوف الزول دا ..
اتصلت عليهو من الرقم السري الما بيعرفو عشان يرد بي سرعة .. نظام ارهاب مني .
قام رد لي قالي برجع ليك ..
رجع لي قالي جيب مفتاح عربيتك وابقى مارق جمب الباب بتاع الشركة عندي حاجات جايبه ليك ..
المهم بعدما جا .. واداني الحاجات ، لقيت ليك الزول دا من شدة ما مرتاح لمن ظاهر في صوتـو ..
قلت ليهو يا زول انت اكان مرتاح بتدقدق للناس الساعة مية بالليل مالك .. قالي ما دي الراحـة زاتا .. طيب قلت ليهو جيب من جوووه ..
قالي لما دقيت ليك امس .. انا جيت شايل الجرادل .. من محمد قالي اتصلت عليهو لقيتو جا ومشيت جبته تموين بتاع تلاتة جرادل قالي عشان تصلح وشك وتصلح نفسياتك .. تلاتة جرادل ياخ دا ثراء فاحش عديل .. قلت ليهو انا ح اجيب شيشة فيها تلاتة ليــات عشان اعوض ايام الشقا والبؤس بتاع الايامات الفاتت ..
..
الكلام الفوق دا طبعا فيما يتعلق بي المعسل .. قلنا نفرد ليهو مساحـة ح ارجع لي باقي الرد حقك
| |
|
|
|
|
|
|
|
|
 Re: أيمــن الطيب .. وكيل (الجـــدادة) .. (Re: حيدر حسن ميرغني)
|
| Quote: اوعى تكون زعلان مني |
يا حيدر ..
الأمريكي دا حمامتي .. لكن مشكلتو ما بيسمع الكلام ، كل مرة نكلمو ما بيسمع اهو حسع دي وقع في شـر اعمالو ..
جيت لقيت القطريين ديل لامين ليك فوقو رجم من مسافة قريبة جدا
بعدين يا حيدر ياخ في زول بزعـل من اخوهـــو .. إنت الله ما ليك واللا شنــو ..؟
| |
|
|
|
|
|
|
|
|
|
Re: أيمــن الطيب .. وكيل (الجـــدادة) .. (Re: rani)
|
هههههههه ..
والله يا راني الجماعة ديل بالغو بطريقة عجيبة ، يعني بدوك (الجلكسـة) من حتة اصلو ما بتتخيله
عاين بداية القصة من قبل القرمـة بتاعت الساندوتش .. موديهو على خشمو قاليهو ( سييييبو )
بعدين الحوار الما بين موسى الامير والطيب ، موسى الامير زنق ليك الطيب زنقـه شديدة وجاب كثافتو .. بي فهم انو عمك دا اضانو تقيلة وبيسمع جزو صغير من الكلام وبعدين ما عايز اي زول يتكلم قبالو ..
قالو لو داير جدادة (خسوسي) بعدين بعدين
| |
|
|
|
|
|
|
|
|
 Re: أيمــن الطيب .. وكيل (الجـــدادة) .. (Re: عزالدين عباس الفحل)
|
Quote: لم أسـتطـيـع الـربـط ،
بين أيمن الطيب ،
والدجــاجـة ،
والـوكـيـل ،،،
،،،
|
... ايمن الطيب دا يا الفحــل هو وكيل الجدادة ..
فهمتني ..
يعني لو جاتك مشية لي قطـر تقول انا عايز جدادة (خسوسي) بعداك طوالي بجيك ايمـن .. لانو ماسك الجداد الامريكي الخسوسي
تمام يا زول ..؟
| |
|
|
|
|
|
|
|
|
|
Re: أيمــن الطيب .. وكيل (الجـــدادة) .. (Re: طلحة عبدالله)
|
Quote: جرادل ودقدقة انصاص الليالي وتموين وود الصايم وحاجات تانية حامياني ..
يا تامبا بقيت مشبوه بى صراحة . |
يا زول اكان ما جرادلنـا ودقدقتنا دي .. الماسك ليكم الوطـن العربي والأمريكان ديل منـو ..؟
..
بعدين راسك الفاضي دا هو الجايب ليك الهوا .. عامل راسك القاطعو من راسك دا
| |
|
|
|
|
|
|
|
|
 Re: أيمــن الطيب .. وكيل (الجـــدادة) .. (Re: tmbis)
|
| Quote: وفي اي اوسكارات قادمة ماتنسى ولدنا كبسور ياخ!!! |
بعدين يا عبد اللطيف كبسـور دا حبيبنـا عديل كدا ..
كدي ادخل على حسابي في اليوتيوب وبتلقاهـو قالب الدنيا بي هناك ..
حسابي yashoogy او alaa.tmbis
او اديا صنة شوية كدا بنجيب ليك منو اوسكـار .. الناس ديل والله فعلا يستحقو اكتر من اوسكار واحد
| |
|
|
|
|
|
|
|
|
|
Re: أيمــن الطيب .. وكيل (الجـــدادة) .. (Re: tmbis)
|
تكنيك عالي جدا من الاستاذ موسى الأمير ..
فارسيتو في الصوت ، وهو استخدام الصوت المستعار .. في اكثر من مكان ..
التداخـل السريع جدا وقطع الطريق امام عبارات الطيب شعراوي بطريقة غياظة جدا .. ..
الايماءات في حركـة اليدين والمكياج الذي وصل بـه الشخصية وربطـة الشال العجيبة.. النضارة .. مع الانحناءه في الظهــر ، والحركة والتمويه في الجسم مع ايقاع الكلام .. التلقائيه في التعايش مع الشخصية والغوص في داخلها..
كلها تتجسد في شخصيات نمطيـة يمكن ان نجدهـا في البيت في السوق في الحلــة ويبدو انو موسى الأمير قد درس الشخصية تماما حتى التفاصيل الدقيقة جدا في طريقة الكلام عندما تحاول ان تتحدث بسرعة وتوصل اكثر من معلومـة يختلط الكلام في بعضه حتى يصب أن يخرج من الحنجرة كاملا .
| |
|
|
|
|
|
|
|
|
 Re: أيمــن الطيب .. وكيل (الجـــدادة) .. (Re: ناصر احمد الامين)
|
سلامات يا شباب,,,
مبدئيا,,
أخوانا الثعالب,,
الجداد الفوق د ما للأكل,,
دا جداد زينة! زينة يا أخوانا
زينة وعاج ب ان ى,,
الكتالوج فى الطريق..
يا تامبا ,,
الوكالة ما باباها لكن الفيك عرفتها,,
إنت يمسكوك من السمك تقلب جدا د!!!
حركات أولاد الموردة دى ما مفارقاك
كلو كلو..Quote: كنت قد وعدت الأخ ايمـن الطيب في حلقات سابقة من سلسلة القرع الشهيرة .. بأن اسلط الضوء على وكيل الجدادة ..
واليوم اوفي بوعدي فيما يتعلق بوكيل الجدادة ..عشان ما يقول حرمتو من ايتها حاجة .. |
الله ما يحرمنا منك ومن عمايلك  ...
ناصر اللمين الجا سألك (إتغديتو) فوق دا كان طرف أصيل فى قصة جداد مشهورة تمت مقايضته أواخر الليل بكمية من البلطى والعجل,,
علما بإنو الجداد كان مجمد ومجهول المصدر حتى تاريخه
وتعددت الروايات,,
الأعزاء,,
عبد اللطيف بكرى,,
طلحة عبدالله..
مزمل خيرى,,
ود الفحل,,
رانى الغواصة...
بشير أحمد,,
ناصر اللمين..
حميدة المحتار,,
خالد بودابستا,,
شكرا للدعم والمساندة,,
سبحن الله يكتل جداد الناس وجدادو حايم
فرقة الأصدقاء المسرحية إمتاح حتى الشبع,,
| |
|
|
|
|
|
|
|
|
|
Re: أيمــن الطيب .. وكيل (الجـــدادة) .. (Re: nazar hussien)
|
Quote: متعة لكن يا تمبس...
الشعراوي وموسي ...مدهشين بجد... |
.. مظلومين لكن الجماعة ديل ..
احسن ناس بتمثل في السودان واحسن مجموعة متجانسـة .. وبعد ده كلووو .. يجيك علي مهدي لابس ليهو عمة وجلابية جناح ام جكـو ويمثلنا خارجيا في المهرجانات والمحافل الدولية ..
يا للظلم ..
| |
|
|
|
|
|
|
|
|
|
Re: أيمــن الطيب .. وكيل (الجـــدادة) .. (Re: humida)
|
| Quote: الواحد بقى حايم في البورد دا ذي الزول العازمنو عرس و ما بعرف غير العروس ..!! |
مولد طبعا فاتك
متذكر صاحبك الأمريكي بتاع طفل الانابيب ..؟
أمبارح يازول كنت قاعد كويس هنا .. بعد شوية اشوف ليك واحد امريكاني جا من غير سبب ولما ليك في اخوانـا في قطـر فرش متاع شديد ..
جيت قلت ليو يا زول الكلام دا عيب .. قام قلب ليك جلود على اهلنـا السعوديين ..
قلت ليهو ياخ الكلام دا عيب عليك .. قام طوالي ضربني ليك في كراعي الشمال محل عملية الزايدة القديمة
طبعا بعداك انت عارف بعمل ليهو شنـو .. حسع اهنداك قاعد يطقع بالحجار ، وشغال زعمطـه في ريش الجداد ..
عندك اي سؤال ؟؟
| |
|
|
|
|
|
|
|
|
|
Re: أيمــن الطيب .. وكيل (الجـــدادة) .. (Re: tmbis)
|
أبوي الله يديهو العافية يحكي لي كان في سواق لوري معاهم في كموسنجي رسل ليهو قال ليهو تعال لقينا ليك شحنة
للأبيض ،،
اها قام السواق جاء فاضي عشان الشحنة،،
الكموسنجي شفقان جاء لوري فاضي اداهو الشحنة وباع ليك عمنا داك، ولما جاء عمنا لقى الدار خلاء
الكموسنجي اتضاير وقعد يتعذر ،(وكان شايل ليهو جدادة في يدو) معليش والله ناس البضاعة اتضايقو
وسفرناها ، كدي هاك الجدادة دي :
السواق من الزعل بقى ما بشوف قدامه .. مسك ليك الجدادة من كريعاتها ووقع ليك جلد بالجدادة في راس الكمسونجي خلى ريشها يتطاير
وكان اول زول يجلدو بجدادة،، ويخيل لي آخر زول !!
ايمن الطيب الشووروم عندك والله، وانا متبرع ارعى توقيع عقد الوكالة وحضور المراسم في الدوحة ، أهو بالمرة الزول يلاقيك ياخ،، تمبس دا مسئوليتي اجيبو ليك لحد عندك .....
تمبس ود الصايم اتجلى في الجرادل شكلو ههههههه
| |
|
|
|
|
|
|
|
|
|
Re: أيمــن الطيب .. وكيل (الجـــدادة) .. (Re: عبد اللطيف بكري أحمد)
|
| Quote: وكان اول زول يجلدو بجدادة،، ويخيل لي آخر زول !! |
ههههههههههه
هذا راااح .. اقولك راااح ..
والله يا عبد اللطيف انا زمان حكيت القصة بتاعت عاطف فرنب ود حلتنـا بخصوص الجدادة الخسوسي دي والزول الدقو بالجدادة دا لكن لا ضير في انو احكيها تاني ..
بعد
بعدين بالمناسبة .. لو كانت الجدادة دي لسة ما بيضت الزول الدقوهو بالجدادة دا وضعو شنـومن ناحية فنية كدا ..؟
بالنسبة لي ميزة عاطف فرنــــب ..
عاطف بلعب جناح يمين .. وانا حارس مرمى زي ما عارف وواقف في الجهة البكون فيها عاطف الجناح بي شمالي .. قام عاطف جاري بالجناح وبيت ناس احمد بيفتح في ميدان ابو عنجـة والدافوري مسخـن وناس احمد عندهم كمية بتاعت جداد وحمام مبالغـة .. والزمن داك خير والخير باسط .. الجداد بطلع الشارع بياكل مع الحمام وبيوسع صدرو ويتحاوم ويمشي يدخلو قفصو يبيض بيض مختلف الحجم والطعم والمذاق ..
المهم عاطف جاري بالكورة .. وفجأة لقى نفسو في جوه المراح حق الجداد والكورة مدردقــة في النص .. وعاطف طبعا اروش
قوم يا جداد اتجارى بين كرعين عاطف وسط احتجاج الديك واعلان ضيقو الواضح جدا من عاطف كونو قطع ليهم الفسحـة بتاعت العصرية ..
عاطف الكورة طارت ليهو في راسو .. قوم تووووووفك علق لي الجدادة في التمنيات بعدين الجدادة تقيلة وربيانـة النوع الفيومي المنقرط داك ..
والله عكس ليك الجدادة اسمع ليك كااااااااك .. بعد شوية لببببببب الجدادة وقعت .. بعد شويتين جاني ليك الريش طاير .. انا وقعته اتدردقته جوه القوووون من الضحك بعد شوية لما قمته لقيت الريش مكوم ليك فيني
| |
|
|
|
|
|
|
|
|
|
Re: أيمــن الطيب .. وكيل (الجـــدادة) .. (Re: tmbis)
|
[Quote: B] جات الجدادة وكيله ما ح يجي يا منسي ..
الوكيـل دا جنــه واللا شنـــو ..؟
مـاف سبب واحد يجيبو بي هنـا .. اكن جا بي هنا بنبقيهو بروستد |
أقلبّها .. وما أروع البروستد ( الوكيل متعودعلي القلب )
الجداد .. الدجاجة .. اليايا .. الشركا
دي من البرادانة ( الدندر ) .. ومع الإعتذار للبردانين سكني البردانة
| |
|
|
|
|
|
|
| |
tmbis
rani
حيدر حسن ميرغني
طلحة عبدالله
عزالدين عباس الفحل
مزمل خيرى
بشير أحمد
humida
خالد علي محجوب المنسي
ناصر احمد الامين
أيمن الطيب
ABUHUSSEIN
فيس بوك
تويتر
انستقرام
يوتيوب
بنتيريست