هذا ماتعلمناه انا وصديقى اب دومة من فتحى الاعور....ثقافة جنسية

Quote: هذا أمر واقعي وخطأ يقع فيه الكثير من المعلمين . ويفترض في الاسر والمعلمين يدركوا ان الاطفال حينما يسألون هم فعلايجهلون . وهنالك قاعده عامه الطفل عندما يدرك عن ما يسأل تكون له القدره على احتمال الاجابه وادراكها .

Quote: عندما كنت طالبا فى المرحلة الثانوية وفى مادة الاحياء كان استاذنا الجليل يتنقل بنا من باب الى باب فى مادة الاحياء وعنما ياتى باب التناسل والتزاوج والتعريف بالاجهزه التناسليه عند الرجل والمرأة يقوم الاستاذ يزوق منها لحد ما جاءت اخر السنه والناس فى قمه الزنقه والامتحانات حتى درسنا الباب ده وفى اثناء الحصه قام بعض الطلاب بامطار الاستاذ بوابل من الاسئله وهاك ياضحك وهمز ولمز قام الاستاذ وقف فى نص الفصل وقال نحنا عشان الحركات ده بنتزاوغ من الباب ده وقلنا ندرسه اخر السنه علشان الناس بتكون مهمومه بالامتحانات لكن الظاهر برضو مانفع.

Quote: ما الذي يقوله الآباء لابنائهم عن الجنس؟ هل من الضروري أن يقولوا لهم أي شيء؟ الي اي حدود يصل الاباء مع ابنائهم ؟ هل من مصلحة الطفل ان يتربي جنسيا ام يترك للفطرة؟ على عاتق من تقع مسؤولية التربية الجنسية؟ على المدرسة؟ على الأهل؟ ام على الابناء لكي يكتشفوها بانفسهم، مع ما في ذلك من مخاطر وأوهام؟ "التربية الجنسية: عيب، ام ضرورة؟

Quote: الجُلكينة

(عدل بواسطة Fawzi Babiker on 01-21-2013, 07:16 PM)

Quote: جــدى الشِـفِـت وتـفتـيحـة هو (جدى باللفة.....اخو حبوبتى اُم سِروال)...... جاء الينا من البلد زيارة ، فمكث معنا وقتاً جميلاً .... وفى رواية اُخرى (تكّـل معنا) ...... تعلمت منه أشياء كثيرة جميلة ، كان اهمها فى ذاك الوقت (تجليـد العناقريب ومشاغلة الجِكس............آى والله جدى علمنى مشاغلة الجكس ........... الجلوك كان شِفِت وتفتيحة و واقع من السماء سبعة مرات وفى كل مرة كان الظاهر عليهو بضحك). جاءت الينا تهانى بنت جيرانا وصديقة اُختى الكبرى كانت تهانى (شديدة للدين) وهذة (الشِدة) لم تــُخفى على جدى الشِفت الذى نقشها من اول كحلى.......كان صدر تهانى أروع من أى شئ فى الدنيا (ودا برضو نقشو جدى المُفتيح من اول جرة نور)......كانت تهانى ترتدى فنيلة (تيشيرت)، مكتوبٌ عليها فى منطقة الصدر BOSS ......... وسألها جدى فى خُبث ، بعد أن برم شاربه عدة برمات، حينها عرفت بانه (ح يهبب حاجة ......... أصلو الجلوك لسانو فاكى ومتبرى منو) فصرت اردد فى سرى (يالله تستر) .... فسألها جدى (دا شنو يابتى الفى سدرِك دا؟؟) ......ردت تهانى بكل براءة (دى كلمة بالانجليزى) ..... فسألها جدى (واها الكلمة دى شنو) ردت تهانى BOSS .......... فضحك جدى بصوت خافت وخبيث (وقال ليها .......يعنى BOSS فى السدُر )..... واردف قائلاً لها (انا ذاتى بعرف انقليزى......... بعرف beautifully وبعرف sweet woman وبعرف well وبعرف very good)......ثم ضحك جدى مرة اُخرى بدهاء( وقال ليها........ و بعرف تانى حاجات كتيرة ، بس لكن اسى يابتى نسيتها). جاءت الى بيتـنا (شافعة صغيرونة) يبدو انها كانت فى مُرسال .........( الشافعة كانت مدغلبة) ولكنها جميلة .......... (جرَ جدى فيها نور طوييييل) ثم نظر الىّ ضاحكاً (وقال لى ...... ياولدى الشافعة دى قطرنا فاتها ............ دحين كدى قوم عليها واديها لىّ قرصة فى وِريكاتا ديل ، برد لى بها حشاى) . جئنا انا وجدى من السوق بعد ان اشترينا حبال (لتجليد العناقريب) ........... دخلنا المنزل وكان به سِرب من الحسناوات ........ وكان من صفات جدى انه (رجل بكاى وكبكابة) وبمعنى أخر(كنترولو بفك لمن يشوف ليهو جكسوية شديدة)........دخلنا المنزل وبداء هو بالسلام(فجاط السلام جوطة عجيبة) ...........ومده يده متكبكباً وهو متأبطاً شراً فى افكاره وبداء يسلم (سمحات الله يسلمكن ، حلوات الله يخليكن).......فبعد ان دخلنا الغرفة (قلت ليهو، شنو ياجدى ، سمحات وحلوات دى...........قال لى والله ياولدى انا كان قصدى اقول سلامات الله يسلمكن ، سلامات الله يخليكن...............لكن الحريم الصُـفُـر متل اللالوب ديل لبـَـشننى). لم يكن جدى (التفتيحة) (بتاع جكس وبس) ......... انما كان رجل ذكى وحاضر البديهة..........جاءت سعدية بت المدينة فى زيارة الى حبوبتى، لان احدى بناتها كانت مريضة ، سعدية بت المدينة هذة كانت إمراءة جاهلة.....والجهل ليس مشكلة ان اصبح قدر ولكن (على العليها كانت متفلهمة )....... فقضت وقتاً معنا ، فعندما همت بالذهاب، ارادت ان تخفف القلق الذى يسكن (حبوبتى) من مرض إبنتها فقالت لها (يا الحاجة ماتشيلى هم .... انتِ ماسمعتى بالمثل البقول إن ترككم عسى لكم خيرٌ لكم).........فاصاب المثل هذا جميعنا بالدهشة .......فبعد ان (تجارخت) تسألنا عن هذا المثل الغريب ........... فأجاب جدى(الشِفِت) دون تردد او تفكير وبسرعة بديهة قائلاً (المراة دى أصلها جاهلة ومتفلقصة ..... بتكون قاصدة قول الله تعالى *عسى ان تكرهو شئ فهو خيرٌ لكم*). عندما هم جدى بالرجوع الى البلد نادّ علىّ وطلب منى أن احضر ورقة وقلم ، ففعلت وطلب منى ان اكتب له خطاباً ....... فبداء يُملئـنى الخطاب وبداءت فى الكتابة ، فوقفت من الكتابة مندهشاً لان الخطاب كان موجه لاخته (حبوبتى) و لنا نحن فى المنزل، فقلت له (كيف ياجدى تكتب لينا جواب وانت قاعد معانا !!!!!!!!!!!! ......... قال لى ياولدى ان بكرة إن شاء الله نازل البلد ولمن اصل، ما من الساهل القى لى زول يكتب لى الجواب ، وليداتى و وليدات الجيران المتعلمين كلهم فى البندر ........ دحين اكتب لى انت الجواب دا من هنا وانا إن شاء الله لمن اصل البلد برسلو ليكم راجع وبكدا تعرفوا انى وصلت بالسلامة )..........فنظرت اليه معجباً بذكائه وقلت له ( والله ياجدى انت كان كنت قريت كان تكون اول شايقى يطلع القمر)..........فنظر الىّ ضاحكاً ورتب على كتفى ثم سرق النظر الى تهانى التى كانت تذاكر مع اُختى بجوارنا وقال لى (انا ياولدى كان كنتَ قريت كان طلعتَ حاجات كتييييييرة).....فضحك ضحكته الخبيثة الطيبة وبرم شاربه عدة برمات. عثمان حمد

Quote: لقد نشأت وترعرعت (وترعرعت دى ماعندها اى علاقة بالعرعرة) فى كنف جدتى .....أطال الله عمرها....وبمعنى اخر (حبوبتى) ..... (وحبوبتى دى عندها سراويل كُتار ... النوع الحده الركبة داك).... آآهـ كم انا اشتاق الى تلك السراويل......... كنت اسعد وافرح عندما اراها وهى ترتدى تلك السروايل التى كان تُعانقها حتى (الرُكب) ....... وكانت تكتمل روعتها مع ارتدائها (لجزمة الزيزى) ..... كان شكلها اروع (من مليون ماردونا على ارض الملعب)........ كانت تردى تلك السراويل لانها لا تعرف ثقافة الإسلِب والتانقا ( التانقا كما يحلى لى تسميته بابوسبعة).......... كنت حينها العب كرة القدم( شلاقة وونسة) فى احدى أندية المدينة ...كنت العب فى خانة الظهير وكانت معروف بـ (باك الخشب) لاننى لا اجيد سوى (الشلاليت والطِفيش فى الاوت)....كنت لا امتلك ملابس للكرة .... اذهب الى التمرين وكل شئ ارتديه كان (شحدة ) .....( الكدارة شحدة والفنيلة شحدة .... حتى الشُربات شحدة) ولكن الشئ الوحيد الذى لم اكن اعانى فى وجودة هو (الشورت) اى (لباس الكورة) ........ لان (دولاب حبوبتى) كان يعج بالسراويل وهو كان فى نظرى اروع من ملايين محلات الازياء الرياضية ..... كان اروع سراويلها هو ذاك الملون (كُراع صفراء وكُراع بيضاء).....كان ذلك السروال اقربهم الى قلبى (ولائق مع هدوم الكورة).....كنت اظن احياناً انها فصلته من أجلى .... واحيانا كنت اقول فى نفسى (ياربى حبوبتى دى زمان كانت بتلعب راس حربة فى نادى الخرجين وللاشنو!!) .....فهذا ليس غريب على نساء (حينا) أن يلعبن كرة القدم ...... (لان علوية مرة منصور كانت زمان هى القون بتاع فريق الحى بتاعنا ...... وعلوية دى زمان قالوا عادى جداً كان بتدق الحكم) واذا جئت الى حينا (وقلت عاوز علوية مافى زول ح يعرفها ليك إلا تقول عاوز علوية القون) حيث صار هذا اسم شهرتها .......... وكذلك بخيتة الإستوبر ..... وفتحية الجناح (وقالوا زمان فتحية دى كانت شديدة للدين وعندها عفش كارِب)........صار سروال (حبوبتى) معروف لدى جميع اعضاء الفريق وصار يُقلدونه لشدة اعجابهم به (كان جيت التمرين تلقى الناس كلها كُراع حمراء وكُراع خضراء وكُراع زرقاء و كُراع سوداء) حتى الجكس صار معجب بذاك السروال العظيم (ولمن اكون ماشى التمرين الجكس كان بشاغلنى وبقولو لى برمودتك شديدة.......قال برمودة قال) ........( الغبيانات ماعرفت) حقيقة ذاك السروال الرائع ....... كانت (حبوبتى) تعتقد بان لا احد يشاركها فى سروالها العتيق .......لذلك كانت تضعه دائماً فى طرف الدولاب او يكون معلقاً على (حبل الغسيل) مما يُسهل علىّ سرقته........ فقط كنت اُعانى فى صباح يوم التمرين اذ لم اجد ذاك السروال فى الدولاب او على الحبل ............. فحينها اعلم ان سروالى العزيز يُعانق ارداف (حبوبتى) ...... لذلك كنت اذهب وانتظرها (فى صاج العواسة) ........ لاننى اعلم عندما تجلس حبوبتى للعواسة (قاعدة تشتِح كُرعيها) ..... اذهب الى (صاج العواسة) حتى يطمئن قلبى وارى باُم عينى إذا كانت ترتديه ام لا....... وكانت حسرتى الكبرى عندما اراها ( لابسة السروال المايغبانى) ....... وحينها (تنطلق النار فوقى) ........... وابداء اُفكر فى إحدى الحيل حتى استدرج(حبوبتى ) الى ان (تملُص سروالها) الذى سوف اتبختر به انا فى وسط الملعب ........ او اُناجى الله سِراً (إن شاء الله ياحبوبتى تقرُصِك نملة فى البكان الحساس داك عشان تملُصى لى السروال) ............ ذاك السروال الذى شهدته جميع ملاعب مدينتى...... آآهـ كم انا اشتاق اليه. عثمان حمد

Quote: يا اخوانا ست البنات عرفت بالتاكيد بالممارسة والحناسة كيف تشرب واحد ليمون ودة كفاية