|
|
 تم وضع حجر الاساس لمصنع اليرموك بمدينة نيالا
|
تم خلال الايام القليلة الماضية وضع حجر الاساس لمصنع اليرموك الجديد بمدينة نيالا حاضرة ولاية جنوب دارفور. و قد شهد احتفال حجر الاساس نفر قليل من المسئولين الامنيين من حكومة السودان و ممثلين لحكومة دولة صديقة.
و من هنا نؤكد ان السودان ماضي في برامجه التطورية رغم انف المتربصين و اعداء الوطن الذين يحاولون دائما طعن ظهر السودان من الخلف.
و لا نامت اعين الجبناء.
|
|
 
|
|
|
|
|
|
|
|
Re: تم وضع حجر الاساس لمصنع اليرموك بمدينة نيالا (Re: الزبير صالح الزبير)
|
محجوب نهارك سعيد
يا جنابو ده خبر الناس بحتفلو بيهو و بفرحو ليهو يا أخوي.
أي تطور دا الانت بتتكلم عنه البتم بصناعه السلاح؟ ، الشي العارفنو التصنيع في الدول النامية بسوهو لتغطية الحوجة المحلية للمستهلك ذي الزيت، السكر، الصابون و-bla bla bla بمنطقك ده يا جنابو معناهو نحو الحرب سائرين.
أخ محجوب أنا من أبناء نيالا البحير وحاليا نيالتنا عندها مشكلة حادة في المياه والكهرباء إن كان الهدف التطور يلا | Quote: " المسئولين الامنيين من حكومة السودان و ممثلين لحكومة دولة صديقة" |
خليهم يتطورو الحياة اليومية لانسان نيالا المغلوب علي أمره في توفير الماء و الكهرباء.
سوال تاني: إنت ليه في ايران شركات التصنيع الحربي ذي شركة ايران خودرون والمفاعل النوي حقهم و شريكات كتيرا بسوها في الخلاء البعيد من المدن وفي داخل الجبال؟ وما بسوها في مدن ذي طهران وأبدان؟
كل الاحترام والتقدير
Khalidkeba
| |
|
|
|
|
|
|
|
|
|
Re: تم وضع حجر الاساس لمصنع اليرموك بمدينة نيالا (Re: خالد كيبا)
|
| Quote: الشي العارفنو التصنيع في الدول النامية بسوهو لتغطية الحوجة المحلية للمستهلك ذي الزيت، السكر، الصابون |
الاخ خالد كيبا
نحنا جننا و جن كلام الافندية
و هنا بنطبق عليك حكاية الزول صاحب المرسيدس وكان ينطقها حمارسيدس. حاول احد الافندية تصحيحه فقال ليهو انتو انطقوها و نحنا بنركبها.
| Quote: أخ محجوب أنا من أبناء نيالا البحير وحاليا نيالتنا عندها مشكلة حادة في المياه والكهرباء إن كان الهدف التطور ي |
اهو جينا نحل واحدة او اثنين من المشاكل: اولا توفير فرص عمل للعطالة و المتبقين يموتو في الحرابة طالما اي واحد فيكم ممكن عادي يشيل سلاح زي امريكا (هي امريكا احسن مننا في شنو) و يبقي الثلث الاخير منكم ليعيشو في بحبوحة الي حين
| |
|
|
|
|
|
|
|
|
|
Re: تم وضع حجر الاساس لمصنع اليرموك بمدينة نيالا (Re: Nagat Sid Ahmed Elshiekh)
|
يا محجوب دي ردود أولاد نيالا من الفيسبوك يا أفهم زول في السودان
Quote: Mansour El Souwaim · متابعة · جامعة السودان كلية الموسيقى والدراما
لا ما هذا.. قاصدين أنه إسرائيل تمشي تضرب هناك لأنه الناس ما ناس وللا شنو يا كيبا؟
|
Quote:
Yousif Abdelrhman Abdalla · Omdurman Ahlia University
كيبا .. انا فى نيالا وما عارف حكاية المصنع ده .. وزى ما افترض منصور (اسرائيل ما بتمزح فى الحاجات الزى دى ) يعنى بالعربى كده دايرين يقرضو الفضل مننا .. او ممكن نكون فاهمين غلط والمقصود توفير سلاح حقيقى لاطفال المدارس بدل ال toys الصينى .. لانها بصراحه غير مسليه وما بتطلع رصاص حقيقى .. اه يابلد
|
ديل يكونو برضو افندية حمير ومرسيدس يا محجوب ياعالم تصنيع السلاح لحل مشكلة العطالة....
محجوب كتب: Quote: لاخ خالد كيبا
نحنا جننا و جن كلام الافندية
و هنا بنطبق عليك حكاية الزول صاحب المرسيدس وكان ينطقها حمارسيدس. حاول احد الافندية تصحيحه فقال ليهو انتو انطقوها و نحنا بنركبها. |
سبحانة الله يا جنابو انت مثال حي لسودان اليوم البنبزو فيهو المعلمين والافندية الزمان كانو بجلبوهم من مصر ووبخرجوهم من بخت الرضا لتعليم في ارياف السودان.
محجوب كتب: | Quote: ا طالما اي واحد فيكم ممكن عادي يشيل سلاح زي امريكا |
محجوب كتب: | Quote: ا (هي امريكا احسن مننا في شنو) |
محجوب كتب: | Quote: ا و يبقي الثلث الاخير منكم ليعيشو في بحبوحة الي حين |
يا محجوب عدم المعرفة بلشي ما هو عيب بس العيب هو النقص الحواري و الافلاس في الاسلوب والسذاجة الغبية. المرة الجاية وقت تفتح موضوع في قروب عام سميه إعلان عشان الناس ما تبدا تجادلك.
محجوب كتب: | Quote: اولا توفير فرص عمل للعطالة و المتبقين يموتو في الحرابة طالما اي واحد فيكم ممكن عادي يشيل سلاح زي امريكا (هي امريكا احسن مننا في شنو) و يبقي الثلث الاخير منكم ليعيشو في بحبوحة الي حين |
تاني الخبر هو معلومة ممكن تكن صح أو خطاء يعني إضافتك للموضوع لازم فائدة.
محجوب كتب: | Quote: اهو جينا نحل واحدة او اثنين من المشاكل: |
تاني ناس الإنقاذ المهندسين في مجال الانتاج العسكري ممكن ديل يا محجوب أكتر مجموعة مفتوحة للعالم وهم معنا هنا بيدرسو في أمريكا وألمانيا وقادة في الإنقاذ في الاسلوب المتحضر أكاد أقسم بلله إنت ما ليك أي علاقة بيهم. علي الرغم من عدم رضانا للحاصل في السودان لكن هم زملاء واصحابنا انت بلشي ألكاتبو دا شتان بينك وبينهم.
Khalidkeba
| |
|
|
|
|
|
|
|
|
|
Re: تم وضع حجر الاساس لمصنع اليرموك بمدينة نيالا (Re: Khalid Kodi)
|
ردود أولاد نيالا
Quote:
Tariq Ahmed
ياخالد لو كان الخبر صحيح فهذه كارثة ولماذا يوضع هذا المصنع في مدينة نيالا ؟ هل تسعى الحكومة للاخلاص من اهل دارفور باي وسيلة ممكنة ام ماذا ؟ واي مصنع حربي ينشا داخل المدن؟ نداء لكل ابناء نيالا الشرفاء ان يقفوا صفا واحدا للحيلولة دون قيام هذا المصنع في كافة انحاء دارفور اذا صح الخبر
a few seconds ago |
| |
|
|
|
|
|
|
|
|
|
Re: تم وضع حجر الاساس لمصنع اليرموك بمدينة نيالا (Re: خالد كيبا)
|
| Quote: تم وضع حجر الاساس لمصنع اليرموك بمدينة نيالا |
مشتاقين يا ود (مجِ مٍـيج)..
بالمناسبه حكومة نيالا نشطت الدفاع الجوي بالنظر. ودا عهد قطعه وزير الدفاع
العارف بالله عبد الرحيم بن محمد بن الحسين علي أنهم لايتهاونون
في أمر الدفاع بل سيضربون بيد من حديد !! بالذات عندما الأمر يتعلق بكرامة الوطن وسوف
يطبقون نظريه جديده أكثر تقنيه وفاعليه وهي: الدفاع بالنظر(طبعاً هي قيد النظر) !!
ثم تلي وزير الدفاع المفدي هذه الأبيات - ووضعها نصب أعينهم - قائلاً :
يا مـــن يرى مد البعوض جناحها في ظـــلـــمــــة الليل البهيم الأليل
ويــرى مــناط عــروقــها في نحرها والمـــخ من تــلــك العظام النحل
ويــرى خــريــر الــدم فـي أوداجها مـــتنقــلا مـــن مفصل في مفصل .
ثم بعدها مسح يداه علي وجهه وقال للشعب:
توكلوا وقولوا وراي آآآآميييين .. ما حتجينا عوجه تب!
.
| |
|
|
|
|
|
|
|
 Re: تم وضع حجر الاساس لمصنع اليرموك بمدينة نيالا (Re: Mohamed Adam)
|
الهبيب محجوب .. سلامات
| Quote: من هو المستشار الذي اتخذ هكذا قرار؟ |
فكرة المصنع بنيالا دي فكرة شيطانية لانه اسرائيل ما حاتسكت وحاتضرب المصنع الايراني تاني مرة لو اتبني في الخرطوم..
عندما ضربت اسرائيل المصنع المرة الاولى اصاب جلابة الخرطوم الهلع والجزع وعرّدو بالشوارع والساحات خايفين من الموت ..لانه اذا كان في صاروخ جلا من المصنع كان قرضهم..
فكرة بناء المصنع بنيالا بتضرب عفورين بصاروخ واحد..
اولاً الإنتاج يكون قريب من مناطق الاستهلاك..
ثانياً لا يحدث قلق اذا هجمت اسرائيل فاذا حاد الصاروخ عن الهدف ففيهو الخير والبركة ويكونوا الاسرائيلين ساعدوا الجلابة..
وبذلك تتحقق عبقرية لفكرة في بقاء جلابة الخرطوم في دائرة الامان وتصدير المخاطر لخارجها..
تحياتي
| |
|
|
|
|
|
|
|
|
|
Re: تم وضع حجر الاساس لمصنع اليرموك بمدينة نيالا (Re: Mahjob Abdalla)
|
تقصد مصتع الموت الايراني ؟؟
ظهر ايه يا هذا؟
مصنع اليرموك هذا واحدة من جرائم نظام الابادة الجماعية والنظام الصفوي الايراني في ابادة ابناء الشعب السوداني.
الرسالة الاساسية ظهرك مكشوف سواء كان بنيالا او غيرها.
لن يسكت سوداني حر عن جرائم هذا الراقص وتحافه الصفوي ضد الوطن واهله.
هذه هي تنمية يرموك الراقص وصحبه الارهابي نجاد وبقية الزمرة
| |
|
|
|
|
|
|
|
|
|
Re: تم وضع حجر الاساس لمصنع اليرموك بمدينة نيالا (Re: أحمد أبكر)
|
والأهم يا محجوب هو
أن المخططين الإستراتيجيين لحكومة (الإنقاذ) لم تفت عليهم أن نيالا ليست عصية ولا قصية على إسرائيل
وقتاعتهم التامة أن إسرائيل يمكنها أن تضرب نيالا إنطلاقاً من قواعد عسكرية من أوغندا أو دولة جنوب السودان (العدوتين)
طيب ،، لماذا نيالا رغم ذلك؟
هنا أتفق مع كلام الزميل حيدر الزين (الزمالة دي حقة البورد) بالمناسبة
أتفق معه في تحليله ، قصده أم لم يقصده
1- قرب المصنع من مناطق الإستهلاك
2- رمي أية آثار صناعية سالبة للمصنع جراء ضرب من الخارج أو إختلالات من الداخل ، رميها في فئران التجارب البشرية ( سكان نيالا)
والمصنع قد يكون متقدم من حيث تكنولوجيا الأسلحة البيولوجية .. ولكم أن تتخيلوا !!!
وتذكّروا أن نيالا - بعامل النزوح - أضحت ثاني أكبر مدينة سودانية من حيث عدد السكان بعد العاصمة
متفوقة في ذلك حتى على بورتسودان ومدني والأبيض
والأثر ليس فقط في وفاة المصابين ، أو جري وتعريد السكان كما تهكّم حيدر ،
بل في جينات الأجيال اللاحقة من عقم وتشوه
نقول كل هذا والخبر قد يصدق وقد يكذب
لكن التحليل يبني على الإفتراضات ، ولا يضير أن كذب الخبر ، ما دام ليس هناك فعل يترتب علي التحليل في هذه الحالة
والحيطة والحذر يلزمان
| |
|
|
|
|
|
|
|
|
|
Re: تم وضع حجر الاساس لمصنع اليرموك بمدينة نيالا (Re: أحمد أبكر)
|
Quote: خونا خالد كيبا
والله مزعلني أعصابك المحترقة بدون سبب ، و البنزين الكثير الإنت صرفتو دا
وكل ذلك بسبب عدم إطلاعك على أسلوب حبيبنا (الهبيب ) محجوب الملئ بال
Sarcasm
كما في حالة مداخلاته وهو يعلق على الخبر
وال
Humour
كما في ردوده عليك
وذلك رغم كونكما الإثنين سناير في المنبر دا
ودا بيؤكد أنو حوش بكري بقى واسع شديد - ما شاء الله ، عيني باردة
الراجل بيمزح معك ياخي .. يا أفندي خالد
تحياتي لكما
|
شكرا يا ود ابكر
يبدو ان اخونا خالد لم ينتبه لسخرية حبيبنا محجوب.
محجوب من قدامى المحاربين في المنبر دا من اجل سلام وامن دارفور.
لو صحت الحكاية .. دا اللعب الذكي القاعدين نقولوا لاخونا بريمة.
حرب مدورة عندنا و تنمية مدورة بي هناك.
| |
|
|
|
|
|
|
|
|
|
Re: تم وضع حجر الاساس لمصنع اليرموك بمدينة نيالا (Re: Zoal Wahid)
|
| Quote: من دار فور سلام و من نيالا تحية اوعدك يا محجوب أن مصنعكم ده لن تقوم لها قائمة و نحن ناس نيالا حيين و لا ميتين ا الزمن قدامكم و نحن بالمرصاد قال’ تطور ؛ يا تخلف’ |
سلام يا شباب
اول حاجة اسمحو لي ارد علي بتاع الفيس بوك الذي سمي اسمه "الطوفان القادم"
يا اخي المصنع ختينا حجر اساسو و حنبنيهو ان شاءالله في حياتك و انت بس حتقعد تطقطق في كيبوردك و لن تفعل شيئا. اولا شئ ممكن تعملو امشي القي مكان المصنع ده وين و بعد داك تعال نتبارز في الكيبورد.
______________
ما عارف ليه لما انتبهت لكلمة "نتبارز" خجلت منها. عموما انا اقصد "المبارزة" و ليست التي خطرت في بالي.
| |
|
|
|
|
|
|
|
|
|
Re: تم وضع حجر الاساس لمصنع اليرموك بمدينة نيالا (Re: Mahjob Abdalla)
|
Quote: المثل يقول: الأردة جربت الحجر
كده نجرب مدينة نيالا
والله الإسرائليين ديل لو وصلوا نيالا يكونوا بالغوا عديل كده |
الاخ علي عبدالله حسن
مرحبا بك اولا في هذا المنبر و عبرك التحية لكل البرالمة
عموما نحن لا نلتفت كثيرا الي اسرائيل و من لف لفهم. نحن نسير في درب التطور ان شاءالله الي تصل دولتنا في مصاف الدول المتقدمة
| |
|
|
|
|
|
|
|
|
|
Re: تم وضع حجر الاساس لمصنع اليرموك بمدينة نيالا (Re: Mahjob Abdalla)
|
| Quote: سبحانة الله يا جنابو انت مثال حي لسودان اليوم البنبزو فيهو المعلمين والافندية الزمان كانو بجلبوهم من مصر ووبخرجوهم من بخت الرضا لتعليم في ارياف السودان. |
الهبيب خالد كيبا
شكرا لمرورك الكريم مرة اخري و ارجو ان تبقي معنا حتي تتأكد من قولي هذا و ما يحدث في نيالا
عموما داير اقول تاني برضو
عشان حركات الافندية البتعمل فيها انا بقيت جنابو.
و تاني شئ انا ناس نيالا ديل بشوفهم رهاب رهاب من زمن الدورات المدرسية. لما نجي ما شمال دارفور عشان نلعب كورة يقومو يعملو "Bullying" لينا في المباراة "انتو شفتو قطر قبال كده؟" و بالله انتو جيتو عشان تلعبو كورة و لا جيتو تشوفو قطر؟ و كلام كثير زي ده.
عموما كل مرة نتغلب و نرجع زعلانين.
يا اخي بيني و بينك انا كان اول زيارة لي لنيالا كنت عايز اشوف القطر شكلو شنو و بمشي كيف في الحديد لكن لما الحكاية تبقي في تشجيع الكورة بتزعل شوية.
| |
|
|
|
|
|
|
|
|
|
Re: تم وضع حجر الاساس لمصنع اليرموك بمدينة نيالا (Re: Mahjob Abdalla)
|
| Quote: يا محجوب أكتر مجموعة مفتوحة للعالم وهم معنا هنا بيدرسو في أمريكا وألمانيا وقادة في الإنقاذ في الاسلوب المتحضر |
| Quote: أكاد أقسم بلله إنت ما ليك أي علاقة بيهم |
| Quote: علي الرغم من عدم رضانا للحاصل في السودان لكن هم زملاء واصحابنا انت بلشي ألكاتبو دا شتان بينك وبينهم. |
غايتو في المقاطع ديل بالغت عديل يا خالد
| |
|
|
|
|
|
|
|
|
|
Re: تم وضع حجر الاساس لمصنع اليرموك بمدينة نيالا (Re: Mahjob Abdalla)
|
Quote: بختنا ياهبيب القتل الآن مش بالسلاح الوطنى وحسب بل بالسلاح من فخر انتاج اقاليمنا
وعقبال مصنع للسلاح فى كل حى |
الهبيب خالد كودي
شكرا لمرورك الكريم
نحن هدفنا تمليك بندقية (Assault Weapon) لكل فرد هناك و لذلك كانت استراتيجتنا في اختيار هذا المكان. فقد انتجت بلادنا خيرة المهندسين و الاطباء و لكنهم اختارو العمل خارج حظيرة الوطن و نحن نتفهم ذلك فأن تمكنا من توفير فرص العمل و التقدم لما اختارو العمل خارج الوطن.
تصدق يا خالد في عملية حنجرة اضطر رئيسنا للسفر مرتين الي االخليج. اي والله الخليج اللي بنوها السودانيين و هناك لم يجد غير دكتور سوداني اصيل ود بلد اجري له العملية.
هذه الفرصة القصد منها تفجير طاقات الشباب العاطل عن العمل و بدلا من مساسكة الحركات يمكنهم العمل لبناء الوطن.
في تقديري العمل لا يمكن حصره في الزراعة بل انا علي يقين ان خيروك بين البندقية و الزراعة فعليك ان تختار البندقية لانك ان ملكته فسوف لن تنام جائعا بل سوف ينام المزارع.
| |
|
|
|
|
|
|
|
|
|
Re: تم وضع حجر الاساس لمصنع اليرموك بمدينة نيالا (Re: Mahjob Abdalla)
|
Quote: يا مـــن يرى مد البعوض جناحها في ظـــلـــمــــة الليل البهيم الأليل
ويــرى مــناط عــروقــها في نحرها والمـــخ من تــلــك العظام النحل
ويــرى خــريــر الــدم فـي أوداجها مـــتنقــلا مـــن مفصل في مفصل |
الهبيب محمد ادم
وين الحي بيك يا اخي
بعض مرات كده جن الافندية بجيني برضو مع الشعراء و لكن اخف وطأة و الا كان ختيناك مع هبيبنا خالد كيبا.
عموما يا اخي عبدالرحيم لاول مرة يتخد قرار سليم بأنشاء هذا المصنع الوطني بعيدا المساكن البشرية و نتمني له التوفيق و لنا جميعا لاجل بناء سودان خالي من كل الذين لا نرغب فيهم.
| |
|
|
|
|
|
|
|
|
|
Re: تم وضع حجر الاساس لمصنع اليرموك بمدينة نيالا (Re: Mahjob Abdalla)
|
يامحجوب
ياخوى تانى الكتابة المغلفة فى السخرية دى مابتنفع
أصبح معانا ناس الفيس بوك وديل ناس دغريين وبخشوا شمال طوالى..
داك واحد
اتنين
واحد من بيروت بكلم واحد فى منطقة عسير السعودية
من عسير: ويش حالكم يارجال؟
من بيروت: يارجال الرصاص منهمر فوقنا مطر
من عسير: اللهم اجعلها امطار خير وبركة
وثالثا
المصنع دا لأهداف عدة ويبدو أن المستشار المرة دى ما ابليس
المرة دى المستشار كوز عديل
الهدف الأول تمويه وذلك بعمل عدة مصانع فى مناطق متفرقة من الهامش حيث لاتتعدى المسافة بينها قطر مساحة الدمار إذا ضربت
الهدف الثانى حمايته من اسرائيل بالنظر الى تحالفها مع الهامش
الهدف الرابع اذا اسرائيل خانت العشرة وضربت سيكون حققت نظرية اضرب العدو بالعدو.
ورابعا
أرميهم يامحجوب قبل مايرموك.
| |
|
|
|
|
|
|
|
|
|
Re: تم وضع حجر الاساس لمصنع اليرموك بمدينة نيالا (Re: Balla Musa)
|
Quote: فكرة المصنع بنيالا دي فكرة شيطانية لانه اسرائيل ما حاتسكت وحاتضرب المصنع الايراني تاني مرة لو اتبني في الخرطوم..
عندما ضربت اسرائيل المصنع المرة الاولى اصاب جلابة الخرطوم الهلع والجزع وعرّدو بالشوارع والساحات خايفين من الموت ..لانه اذا كان في صاروخ جلا من المصنع كان قرضهم..
فكرة بناء المصنع بنيالا بتضرب عفورين بصاروخ واحد..
اولاً الإنتاج يكون قريب من مناطق الاستهلاك..
ثانياً لا يحدث قلق اذا هجمت اسرائيل فاذا حاد الصاروخ عن الهدف ففيهو الخير والبركة ويكونوا الاسرائيلين ساعدوا الجلابة..
وبذلك تتحقق عبقرية لفكرة في بقاء جلابة الخرطوم في دائرة الامان وتصدير المخاطر لخارجها.. |
الهبيب حيدر الزين
شكرا لمرورك الكريم و كلامك هذا لو ما كتاب برضو بيتو. فقط اربأ بك من استخدام مصطلحات مثل الجلابة لانها لا تساعد الحوار نحن بناء امة واحدة ذات رسالة خالدة
| |
|
|
|
|
|
|
|
|
|
Re: تم وضع حجر الاساس لمصنع اليرموك بمدينة نيالا (Re: Mahjob Abdalla)
|
الهبيب ود ابكر
شكرا لمرورك الكريم
Quote: أخونا خالد كيبا
والله مزعلني أعصابك المحترقة بدون سبب ، و البنزين الكثير الإنت صرفتو دا
وكل ذلك بسبب عدم إطلاعك على أسلوب حبيبنا (الهبيب ) محجوب الملئ بال |
اولا مرحب بيك في هذا الفضاء رغم انك داخل علي وزن "ما قال كش"
عموما يا اخي ما نصائح الكبار في هذا البورد الا تترك مجالا لحرق الاعصاب و لا صرف البنزين و شكرا للاخ خالد كيبا ايضا علي تحمله المشاق في الدفاع عن مدينته التي يحبها و لا يرضي فيها الا الخير.
| |
|
|
|
|
|
|
|
|
|
Re: تم وضع حجر الاساس لمصنع اليرموك بمدينة نيالا (Re: Mahjob Abdalla)
|
| Quote: لو صحت الحكاية .. دا اللعب الذكي القاعدين نقولوا لاخونا بريمة. |
الهبيب عبدالرحمن
شكرا لمرورك الكريم
الشغلانة صحيحة و المشروع بدأ اول اسبوع في يناير الجاري.
اخونا بريمة رغم ذهابه الي السودان خلال الشهور الماضية الا انه لم يتمكن من قراءة الواقع علي الارض. لست ادري ان رأي البعض من ابناء الشعب السوداني ممن يفترض انهم في المدارس يحملون الرشاشات علي الدراجات النارية و يقتلون بعضهم البعض دون رحمة.
بريمة يري مثل هذه المواقف بعدسة الشجاعة.
| |
|
|
|
|
|
|
|
|
|
Re: تم وضع حجر الاساس لمصنع اليرموك بمدينة نيالا (Re: Mahjob Abdalla)
|
Quote: يامحجوب
ياخوى تانى الكتابة المغلفة فى السخرية دى مابتنفع
أصبح معانا ناس الفيس بوك وديل ناس دغريين وبخشوا شمال طوالى.. |
الهبيب بله
شكرا لمرورك الكريم و يا اخي دائما لما تحصل مأساة بحاول اتقمص موقف الطرف الاخر في المعادلة في شخصيتين:
الشخصية المؤدبة و اتخيل كيف يدير الــ Damage Control
و احيان شخصية الــ Bad Guy مثل نافع علي نافع
و كيف يدير الــ Damage Control بطريقته
تتخيل بتكون الصورة كلير زي رسومات الاستاذ خالد كودي بس في شكل كلمات
| |
|
|
|
|
|
|
|
|
|
Re: تم وضع حجر الاساس لمصنع اليرموك بمدينة نيالا (Re: Mahjob Abdalla)
|
Quote: تخريمة: نتمني ما تنسو قصة النمر النمر..... النفس البشرية بتتطبع علي الاشياء حتي السالب، أنا بفتكر الناس احسن تخاطب الأشياء علي طبيعتها.
كل الأحترام والتقدير للجميع |
الهبيب خالد كيبا
لا عليك يا اخي و دعني اؤكد لك ان ما قلته هنا و اقوله لاحقا لا دخل لنمور التاميل به من قريب او بعيد. هذا العمل سوداني صرف و رجائي ان تتأكد بنفسك لو كان ذلك بالامكان و لو كان عندك امكانية فعل شئ لايقافه ما يحدث فأرجو الا تبخل علي مدينة نيالا بحبك بل كل السودان.
فنحن لا نريد مصانع الموت و اعلم انك تعلم ان الاشياء لا تحدث بالتمني بل بالعمل و العمل لا ينجزه الافراد بل الجماعة
| Quote: خاصة وأنا ما عندي شي للنقاش السياسي الحارب لكن مدينة نيالا البنحبها هي الدافع للغضب. |
و هنا في كلامك برهان علي ان السياسة ليست جزيرة في معزل عنك فأنت جزء من السياسة عندما تأتي الي مدينتك التي تحبها و ماذا عن السودان الذي تحب.
يا اخي ارجو ان تراجع مواقفك مما يجري في السودان ككل و ليس في نيالا فقط. وعموما الان الكرة في ملعب نيالا كما كانت في ملعب الكلاكلات.
الحب وحده لا يكفي كما الغضب وحده لا يكفي ايضا.
| |
|
|
|
|
|
|
|
|
|
Re: تم وضع حجر الاساس لمصنع اليرموك بمدينة نيالا (Re: خالد كيبا)
|
شكرا اخ خالد كيبا علي الاضافة القيمة
المهم الان هو ان تتكاتف الجهود لاجل ايقاف هذا المشروع و الذي اخطر مشروع ليس بسبب ان يتعرض للضرب من اسرائيل و لكن لانه يضع المنطقة الملتهبة اصلا مباشرة علي فوهة بركان.
تصدقو الان عادي جدا تلاقي زول ماشي في صحاري دارفور بعربة الدفع الرباعي تجر دوشكا و لا اي سلاح من انواع الاسلحة التي تسمي ثقيلة و هو شخص قد يكون عمره اقل من 18 سنة.
في خلال الثلاثة اسابيع الماضية كما ترون في الاخبار حصلت مشكلتين في كردفان و دارفور و في كل منهمه استخدمت الاسلحة الثقيلة. و المفارقة انها المرة الاولي التي حدثت فيها مثل هذه المشاكل بين القبائل التي كانت تعتبر حليفة الحكومة ضد التمرد و كل الاسلحة المستخدمة اتت من الحكومة مباشرة.
الذين كانو يرون ان القوميات (حسب مسمياتها) التي اقامتها الحكومة حسب تصنيفاتها قد تصمد طويلا ها هي قد وصلت مداها في اقل من 10 سنين.
فلكم فيما يحدث دروس لو تعقلون
| |
|
|
|
|
|
|
|
|
|
Re: تم وضع حجر الاساس لمصنع اليرموك بمدينة نيالا (Re: Mahjob Abdalla)
|
يا ناس نيالا
انتظرناكم اكثر من اسبوع بس عشان تتأكدو بنفسكم بس الموضوع يخص كل الشعب السوداني بأن ما تقوم به عصابة الانقاذ من بيع للوطن و تأجير اراضيه للاجانب لانشاء مصانع اسلحة الدمار الشامل فيه انتهاك كبير لنا كمواطنين.
ان ما يترتب من جراء هذا العمل هو خطير جدا سواء تم ضربه من اسرائيل او غيره.
ارجو من الجميع (جميع السودانيين الشرفاء) ان يقومو بواجبهم لاجل ايقاف هذا العمل.
| |
|
|
|
|
|
|
| |
Mahjob Abdalla
الزبير صالح الزبير
Hani Arabi Mohamed
خالد كيبا
Ali Abdalla Hassan
Nagat Sid Ahmed Elshiekh
Khalid Kodi
Mohamed Adam
HAIDER ALZAIN
حسن ابراهيم فضل
أحمد أبكر
Balla Musa
فيس بوك
تويتر
انستقرام
يوتيوب
بنتيريست