|
|
 عثمان مرزية امنجي كااايس التوبة لكن طريقة نهيييييي زندقي...!!!
|
عثمان مرزبة يد طالوش وصدر صبة وعضلات تبش تبشنة تاريخية وفي بدايات بزوغ فجر عضلاته الرهيبة في كراكير ذلك الحي الفقير اشتهر سريع بين اقرانه كدشماني لا يشق له غبار وحامي حمي الفريق في حفلاته ومبارياته الكروية مع فريق الحنالفة
ورغم كل الخصائص العنيفة الا ان مرزبة كان ودودا وبشوشا ومحبوبا بين اهل الفريق لما طلت عليه من شهامة ونخوة
وتسخير مبرر لعضلاته التبشية وهوكاتو الذي وصفت بانها تفوق حقنة الملاريا من يد التمرجي الشهير (دنقولة)....!!!
|
|
  
|
|
|
|
|
|
|
|
Re: عثمان مرزية امنجي كااايس التوبة لكن طريقة نهيييييي زندقي...!!! (Re: عبدالكريم الامين احمد)
|
هكذا نمي وشب (مرزبة) وسط اسرته التي لاتقوي من شظف العيش علي توفير وجبات كافية له ولاخوانه الكثر ليجد لنفسه
طريقا وعملا في الاماكن المطرفة من الاسواق ليمارس العتالة الكروباوية في مخازن كبار التجار في المدنية...وسارت الامور ورغم صعوبتها سلسلة وشريفة وظل مرزبة ممارسا لتسخير هولاكاته وضرباته اللاذعة بكل نبل ونخوة حية تقي الفريق من مستهبلي الحفلات وصعاليك الحلال وحرامية النسوان.....
الا ان حط في سماء الحي وبعد غياب طويل في اروقة الجامعات ومعسكرات الجبهجية (علي) ابن ذلك الحي الفقير الذي ظهرت عليه بوادر نعمة وثروة وعربة من النوع الليلي علوي ادهشت عند حضوره بها ذات عصرية من عصريات الحي
كل الفتية المتجمعين في ميدان الدافوري وشهقو عاليا عندما صاح احدهم بان صاحب هذه العربية هو (علي) ود ناس عثمان
بتاع الطاحونة الحفتان داك ياااااااااااااخي
| |
|
|
|
|
|
|
|
|
|
Re: عثمان مرزية امنجي كااايس التوبة لكن طريقة نهيييييي زندقي...!!! (Re: عبدالكريم الامين احمد)
|
كانت ايامات الجبهجي (علي*) التي قضاها في اججازته تلك ايامات زاخرة بالشمشمة والاشاعات وسط الفريق عن سر التحول الفجائي الذي حل علي اسرة (عثمان الحفتان) من كراسي ليبيا والسور الطوبي والجير والخرفان التي ضبحت وبالاضافة الي زيارات بعض علية القوم من جبهجية المدينة الذين زارو ولاول مرة ذلك الحي الفقير ويحملون مالذ وطاب من خراف وبطيخ وبلح بركاوي لم يتذوقه (مرزبة) ذات يوم....
كان يمكن ان تمر زيارة 0(علي ) الجبهجي دون ان يلتفت الي مهارت (مرزبة) الاساسية في الدشمان والهوكات ولكن حصلت المعجزة عندما قرر كبار اللصوص مجازفة منزل عثمان الحفتان ذات ليل وتضرب الكواريك عاليا للغوث والمساندة اللوجستية ليطل مرزبة اول الناجدين ويطقطق الحرامية ويقبض عليهم ويربطهم في لمحة كالبرق مما اعجب علي الجبهجهي الذي قرر في ليله ذلك تسخير مقدرات هذا المارد لخدمة المشروع الحضاري بكل السبل ضد الاوباش من معارضي الخراطيم
والمارقين....!!!
| |
|
|
|
|
|
|
|
|
|
Re: عثمان مرزية امنجي كااايس التوبة لكن طريقة نهيييييي زندقي...!!! (Re: عبدالكريم الامين احمد)
|
ياريت لو نمت اليوم داك وخليت الحرامي سرق وطلع ديش الجبهجي الملعون ده...!!!هكذا وصل مرزبة سريعا الي قرار محاولة مسح تاريخيه العجيب الدموي...ولمن وصلت مع ( علي الجبهجي ) بالليل ديك نزلني في معسكر بعيييييييد في طرف الخراطيم ونقة (وس وس وس) في اضان زول عندو دقن كبيرة وفي النهاية قال ليهو (جزاك الله خير ) وفرتق....!!!!
استلموني يا معلم وحلقوني صلعة من قول تيت وجرحو ليك فروة راسي دي لمن امنت....!!!
ولقيت روحي في عنبر فيهو (ناس عيونهم) حمر خلااااص ومافي زول بتكلم مع التاني....!!!
نوم مافي و كوابيس وقرمت زااتو لفريقنا وحفلاته ورجفت يا معلم من الهواء والدقاني (علي ) وناسو ديل مودني ويين.. يارب.!!!!!!
| |
|
|
|
|
|
|
|
|
|
Re: عثمان مرزية امنجي كااايس التوبة لكن طريقة نهيييييي زندقي...!!! (Re: عبدالكريم الامين احمد)
|
وكانت هذه هي ضربة البداية وانطلاق ساعة الصفر عند مرزبة الي كراكير وبيوتات التعذيب وفقد استطاع الدقانة نزع الرحمة والرافة من قلبه ودور ليك في البشرية الخونة والمارقين اعداء الله ديل..
شي خلع اضافر
وشي ضرب هووكات في الرقبة
والبطن وشلاليت..جوز ومرات اربعة لساتك فووق
وشي مسمامير في الراس
وشي الطيارة قامت وارنب نط
وشي يا معلم طشت ملااااااااااااااااااان موية يرفعو الخاين العميل عدو الله اربعة ساعات ونص لمن يااامن زااااااااااااتو..!!!
| |
|
|
|
|
|
|
|
|
|
Re: عثمان مرزية امنجي كااايس التوبة لكن طريقة نهيييييي زندقي...!!! (Re: عبدالكريم الامين احمد)
|
والشرتيت دور يا معلم وكل كاسوري والتاني الجنيهات دي تتطاقش واخوك ورت معاهو ورة شديدة
اشتريت رقشة
شوية شوية اشتريت امجاد
شوية شوية يا معلم ركبت عربية (جياد)..
والحلة والفريق بقيت افط عيد وامشي العيد التاني وبعد شوية رخيت ليك حنان الحلة زااتهم
(مالي ومالهم يا معلم عرست لي واحدة ديري لاند تقيل)
ارضع بالليل وبالنهار امشي اطقطق ليك الكافرين اعداء الثورة ديل والقصة واااارة يامعلم
ونعود
| |
|
|
|
|
|
|
|
|
|
Re: عثمان مرزية امنجي كااايس التوبة لكن طريقة نهيييييي زندقي...!!! (Re: عمر صديق)
|
Quote: لانو قدراتك السردية والتصويرية ما زالت بخير ولكن تلاحظ ان الاسلوب والمفردات حصل لها تدنئ مفاجئ
ربما يكون السبب من الاحباطات التالية منذ مظاهرات يناير مرورا بالكتاحة وحتي فقاعة الفجر الكاذب |
هلا ياعمر
وتحياتي
والكلام ده انا كاتبو في المنبر هنا بتاريخ 15-3-2009
وناقلو الان من المكتبة بتاعتي بضبانتو وحتي التعديلات العملتها فيهو لسسع ما جات لانها في النهاية
يعني مافي اثر للواقع السياسي الاني موثر عليه اطلاقا ..ده طبعا لو فرضنا معاك جدلا بانو في واقع فقاعي
لاني بالعكس شايف الفجر الجديد فتح نفاجات ايجابية وضخ مشروع لادارة السودان التفت حوله قوي سياسية كثيرة
وبقليل من الجهد والمرونة في تفعيل برنامج الحد الادني وبقليل من دبلوماسية ادارة التحالفات والاستقطاب ممكن يكون نواة لمشروع يجمع غالبية القوي المعارضة بكل انواعها العسكرية والشبابية والحزبية بمختلف الايدلوجيات المختلفة..
وطالماالحد الادني للبرنامج هو ازالة النظام فما بكون في عصلجات كثيرة وبمرور الوقت سنعبر الجسر وسنتصر لهذا الشعب الطيب الذي عاني كثيرا من سلطة الجبهة الاسلامية
وتحياتي وتقديري
| |
|
|
|
|
|
|
|
|
|
Re: عثمان مرزية امنجي كااايس التوبة لكن طريقة نهيييييي زندقي...!!! (Re: عبدالكريم الامين احمد)
|
اووووووه هلا يا باوقة ومشتاقين والله ومشتاقين لهتافيتك الفجة لووووول ودوري المظاليم كاري وكار شعبي الفضل فكل الشعب لاعب ومنذ مجي ناسك الجيوحرامية فما, غريبة علي العب في هيك دوريات
...............................................................................................................
كيكي
ان لم ترتق بتلك المفردات الموغلة في الدونية
نقلناك من دوري المظاليم الى اللعب ( بالتيوة )
وشكرا
| |
|
|
|
|
|
|
|
|
|
Re: عثمان مرزية امنجي كااايس التوبة لكن طريقة نهيييييي زندقي...!!! (Re: محمد أحمد إدريس)
|
وانا مجهز للشلوت التاني ...
يا الله ياخي ...!!!
اتذكرت ليك امو حجة نفيسة صحبة امي
وابوه عمك ادريس الزول التمام ياخي
واتذكرت ليك علاء الدين وانا بشوفو في اليوم خمسة مرات في اليوم بجي ماشي للجامع الجنب بيتنا
معقول علاء الدين ده يكون بقي كافر..؟؟؟
معقول...!!!
يامعلم نسيت ليك تعليمات الضرب والسلخ الاداني ليها الضابط ابو دقن وجريت علائ الدين جنباوي
عشان افهم السالفة شنو وليييييييه الناس ديل جابو هنا وهو ود عمك سيد الدين زاااتو وامام الفريق...!!!
وفهمني ليك علاء الدين بانو المعاهو ديل كلهم اولاد الفريق وجابوهم هنا لانو (علي الجبهجي) شال الميدان بتاع الكورة في الفريق وجاب صينين وخواجات داير يبني عمارة كبيرة وعريضة...وكسر سوق الحلة محل ناس عمك (فريني) وعمك عمر سمك وجهجهة ليك باكات الحلة والبشرية والامة دي بقت حق االاكل والشراب في تلتلة
| |
|
|
|
|
|
|
|
|
|
Re: عثمان مرزية امنجي كااايس التوبة لكن طريقة نهيييييي زندقي...!!! (Re: سلمى الشيخ سلامة)
|
واها ظاهرنا وشترنا يا مرزبة الناس ديل بالحجار فجابونا... هنا... بالبوكسي...!!!
لتطل سحابة علي خفيف من الحنية من الشفقة بعد سنين طويلة من القساوة والرحمة التي نزعت من قلبه وهطلت بعض زكريات الحي وايامه الاولي فيه ولكنه قمع كل ذلك سريعا عندما تذكر الرقشة والامجاد والقبضة الثمينة والعافية في الرضاعة الكافية حيث (الديري لاند )ابو شحم ولحم في انتظاره ليلا...
وكمان معقول يسمع كلام الاولاد المطاميس ديل..ويكضب كلام (شيخ) علي...!!!
حسع بكون يازول شيخ علي ده شال الميدان عشان ينبي جامع كبيرررر ومستشفي وروضة
ولاولاد الصعاليق ديل دايرين يلعبوا كورة بالعصر وبالليل يتدردقو مع الجكس في الميدان...
يازول هووي شيخ علي ده ما بكضب وهيييييع يا زول ده علي ابو دقن...!!اولاد مساخيت صعلوقين
وووقعت ليك كاسوري في ناس (علاء الدين) اعداء الدين الكفار ديل من طرف ودورت فيهم هووكات تقيلة وعيال حسودييييين خلاص (تخيل زول فيهم رمش مافي)..ولاقال لي براحة يا مرزبة احنا اولاد فريقك....
| |
|
|
|
|
|
|
|
|
|
Re: عثمان مرزية امنجي كااايس التوبة لكن طريقة نهيييييي زندقي...!!! (Re: عبدالكريم الامين احمد)
|
Quote: عثمان مرزية نموذج لكثير من الانقاذيين بالمنبر والشارع
يفتشو للمخارجة بعد ما الجيوب اتملت والعمارات اتبنت
لكن ذاكرة لشعب لن تنسي .
|
هلا يا يوسف وتحياتي والاشواق
ونعم مرزبة نموذج للكثيرين ممن قلت عليهم وبقرني استشعارهم حسو بان السفينة التي كانو في الماضي يفاخرون بانها سارت ولاتبالي بالرياح
قد دنت نهايتها الحتمية
وايضا انحسار الاموال الميري من اثر اللهط واللبع الشديد تلك الاموال التي وباسم الدين واسم الوطن جلسو حولها القرفصاء وعدموها نفاخ النار
ولكن فعلا للشعوب ذاكرة
ولن ينجو الطغاة واعوانهم من المجرمين
| |
|
|
|
|
|
|
|
|
|
Re: عثمان مرزية امنجي كااايس التوبة لكن طريقة نهيييييي زندقي...!!! (Re: عبدالكريم الامين احمد)
|
Quote: كلمتك يا فردة قبل كدا
قلت ليك الشغل دا داير تحرير ويبقى فى مقام كتابات جورج امادو ولا يقل سطرا
احترم تفاصيل الكتابة عندك
كل مرة بتمنى انى اكون زيك بالجد
لانه عندك مقدرة على التفاصيل مدهشة
شكرا لادهشانا حتى لو كان من الارشيف |
اووه سلمي سلملم يااخ
مشتاقين يعلم الله ويعلم ايضا شيخي شكر الله
وشكرا كثير علي حضورك يا سلمي وانتي ياااخ شيخة في شيوخي الكبارفي سكك ودروب الكتابة ومدارات الحكي الضاجة بالدهشة
فكوني دوما بالف خير وعافية
| |
|
|
|
|
|
|
|
|
|
Re: عثمان مرزية امنجي كااايس التوبة لكن طريقة نهيييييي زندقي...!!! (Re: طارق جبريل)
|
البحير (اميركرتونة) تخيل امير كرتونة الفارة الكنا بنطقطوا لمن كان عامل فيها بجازف الجكس
تف لي في وشي...زي السلامة عليكم وقال لي شنوووووو..؟؟؟
قال لي (مرزبة يا سفاح يا########)...!!!!
يا معلم انا وفردتي (دبشك) ضايرنا ليك العيال ديل ورقدناهم سلطة وامير جبت ليهو هواء بعد يومين
ساقو لسلخانة (قلع الضفر)... قلعوا ليهو خمسة ضفر زي السم من (كراعو الشمال) سبعة يوم بمشي زي ود الطهور.....!!!!
اها بعد سبعة يوم خارجو الاولاد الصعلقوقين ولمدة شهر كل واحد فيهم ضروري يجي يعمل تمام
وبلم ليك فيهم ببقطع فيهم كف كفين وانا ماشي....!!!!
| |
|
|
|
|
|
|
|
|
|
Re: عثمان مرزية امنجي كااايس التوبة لكن طريقة نهيييييي زندقي...!!! (Re: محمد جمعه الخير)
|
| Quote: عبدالكريم (أمسك ) فى قرأءة ود الباوقة |
هلا احمد وحبابك
ولوكنت بمسك في كلام ود الباوقة ومن لف لفه كان زمااااااان مشيت الدفاع الشعبي وناس كتيبة جاموس عملوني كفتة
-------
بتفق معاك انو اللياقة الاسفيرية تعبانة والكورة في ارض الملعب السودانيزي شغال فيها (علي الماشي) علي طريقة الشهير كمبا في اواخر ايامه في الملاعب ولكن السرد ده قديم ووممكن يكون فيه ضعف هنا او هنوووووك
ولقدام ممكن نصلح كورتنا ولياقتنا ونجي نداقش بصورة مثلي بجاي
| |
|
|
|
|
|
|
|
|
|
Re: عثمان مرزية امنجي كااايس التوبة لكن طريقة نهيييييي زندقي...!!! (Re: عبدالكريم الامين احمد)
|
Quote: ياسلاام عليك ياكيكي ومتابع معاك بشغف توبة عثمان مزربة ..
الحمد لله حلتنا كان فيها زي علي كتار بس ماعندنا زول بقي زي مرزبة . |
هلا يا محمد جمعة وحياك الغمام
ومرحب بيك في سودانيز ونتمني ان يطيب لك المقام
وعلي ومن لف لفه من الجبهجية متغلغلين بكثرة في الحارة السودانية وكل المدن والقري وخاربين البلد خراااااااب
بحركاتهم وملحستهم وكتل حيلهم والاستهبال
ولكن ليهم يوم ومهما طال السفر
| |
|
|
|
|
|
|
|
|
|
Re: عثمان مرزية امنجي كااايس التوبة لكن طريقة نهيييييي زندقي...!!! (Re: عبدالكريم الامين احمد)
|
والقصة وااااااره مع اخوك...وره شديدة خلاص
وشوية شوية من مكاتب الالزامية الجبنا خشيت لي في موظفة مرطبة و(بايركس) وعندها 5 رقشات
ومربطة يا معلم (قندول عيش الريف ما زيها) خشيت ليك معاها في اقرب عرس جماعي(رافسنجاني) ودبلت الدفاع بتاعي ...وبقيت عندي جوز وااحدة في بحري والثانية في امدرمان........!!!!
اها مع الترطيبة والنغنغة اخوك بقي اسمو (شيخ مرزبة) وبقيت اشتغل تعذيب خسوسي..!!!
ماخليت ليك حبشي ومصري وارتيري وجزائري وتونسي والخواجات ديل تقطع في الواحد فيهم (كف دبل جنت) تخلي وشو زي الطماطم....!!!!
| |
|
|
|
|
|
|
|
|
|
Re: عثمان مرزية امنجي كااايس التوبة لكن طريقة نهيييييي زندقي...!!! (Re: عبدالكريم الامين احمد)
|
اها يوم كده يامعلم مع العصرية كده اسمع ليك صوت بوكسي خاشي تووش واشوف ليك جلاكين ممكن زي عشرة جلكين كده مربطين ليك عيونهم..ومربطين ليك اياديهم من الخلف... طيارة قامت علي خفيف...
اها صفارة السلخانة ضربت ولفحت ليك السوط بتاعي.... عشان ندور كاسوري في غنيمة الكفار
اعداء الدين...والعملاء ديل....
شوووو شوووو سوط سوطين القي ليك روحي بضرب في عمك ادريس امام الجامع....
يا الله ياخي..
عرفنا علاء الدين ولدك يا حاج ادريس بقي كفار...انت كمان بقيت كفار... سبحان الله والدنيا دي خربت ولاشنو...
شوووو شووووو في الجلكين الجنبو....القاهو ليك منو...عمك عمر سمك...!!!
حتي انت يا عمر سمك بقيت كافر..
لاحولا علاء الدين ده خرب الحلة والفريق ده كلووو ولاشنو...
منو..؟؟
ده عمك فريني...!!!!
يا الله ياخي الحلة دي قصتها شنو ياربي كلها بقت كفار ولاشنو...؟؟؟؟
لا ياولدي احنا يانا نحنا الزمان زاااتنا بس زولك (علي الجبهجي) ده كسر الدكاكين ولمن قمنا وكوركنا اهو جو ناس قبضونا وجابونا بالبوكسي هنا...!!!!
| |
|
|
|
|
|
|
|
|
|
Re: عثمان مرزية امنجي كااايس التوبة لكن طريقة نهيييييي زندقي...!!! (Re: عبدالكريم الامين احمد)
|
سحابة اخري من الحنية طلت سريعا في قلب (مرزبة) الذي غادرت الشفقة والرحمة مواني ومرافي قلبه من اثر التعذيب والنعمة والون تو ابو ديري لاند في بحري وامدرمان وضباب سيرة الرقشات الرقدت هبطرش والامجاد والاتوس ودكان الاتصالات والشرتيت الوفير الذي يهيه اليه (علي الجبهجي) من دون حساب لايزال في الافق...
ورغم هيبة عمك ادريس وطعونية سن عمك عمر سمك وفريني الا مرزبة لم يتواني في ضرب اولئك الجلاكين ضرب غرائب الابل الجلكونية وينفذ تعليمات ضابط ابودقن في ضرورة تفسيح هولاء الجلاكين الاشرار اعداء الله والثورة واعداء التنمية وتاديبهم حتي يتادبوا ويقعدو في التراب بلاش لولوة
ودكاكين معاهم....
ونعود
| |
|
|
|
|
|
|
|
|
|
Re: عثمان مرزية امنجي كااايس التوبة لكن طريقة نهيييييي زندقي...!!! (Re: عبدالكريم الامين احمد)
|
الله ياخي
اشوف ليك خالتي نفيسة ام علاء الدين...وحجة خديجة وحجة كلثوم شنكارات ...
يا الله ياخي نسوان الحلة ديل كمان متين بقن كفار...!!
علاء الدين دي خرب الحلة دي ولاشنو...عمك ادريس بي كفار وخالتي نفيسة ونسوان الحلة كلهن بقن كفااار...
يا الله ياخي القصة دي شكلها كده باظت من كبارها...!!!
(الحمد الله انا زااتي اتخارجت من الحلة دي كان انا زااااااااتي بقيت اكبر كفار )....!!!
ياحجة نفيسة مالكم...والجابكم هنا محل سلخانة الكفار دي شنو يا حجة..؟؟
منو...عثمان مرزبة,,,... ولامنو..؟؟؟
تفففففففففف عليك ...!!!
نفيسة دي يا معلم وقعت ليك فيني نبذ وشتم تقيل....
وعرفت منها بعد النبذ داك بانهن جابوهم هنا لانو نسوان الفريق ظاهرن وشترن علي الجبهجي بالحجار لانو
كسر المدرسة الفي الحلة وقال داير يبني مدرسة جديدة للوليدات بالقروش....!!!!!
لم يفكر مرزبة كثيرا في كلامات النسوان الكفار ناس حجة نفيسة ديل واتخارج سريع سريع من سلخانة النسوان ليترك الي اخوات نسيبة تجضيم العجوزات الشمطانات و(تقطيع اوصالهن) ومعط شعرهم وضربهن ضرب عجائز الابل الكافرة...!!!!
| |
|
|
|
|
|
|
| |
عبدالكريم الامين احمد
بدر الدين احمد موسى
عمر صديق
أيمن محمود
يوسف السماني يوسف
سلمى الشيخ سلامة
طارق جبريل
احمد الامين احمد
محمد جمعه الخير
فيس بوك
تويتر
انستقرام
يوتيوب
بنتيريست