لموا ليك في عادل الباهي زعمطوه زعمطة السنين عشان قال ليهم يا سنترليق ......
Quote: Emad Siwakit يامثقف يادرجة اولي المهندس بكري تعب وسهر الليالي عشان يضيف تعليقات الفيس بوك لكي يجد الموضوع اكبر قدر من النقاش .. يجي امثالك ويتريق ويقول سنترليق .. ياريس بكري نرفع اليك شكوى عاجلة ضد المدعو عادل الباهي ونتمنى من الله القدير ان ينزلك لهذا السنترليق ويحرمك من متعتة درجة اولى يارب ..
Quote: حامد بدري · كاااااااااااااااااااااك ود الباهي ذكرني جمال مبارك مع انو الزول ده حقاني لكن الظاهر بقا يجليها واقف زمان كان الحلاقه دقن وراس هسع بقا معاها شيل بالحلاوة هههههههههههههه
Quote: Mohand Elnajme · يا الباهي ودلالة على قوة السنترليق نستطيع ان نتمكن من انحراف اي بوست عن مضمونه وانظر النتيجة الان كم 10 : صفر ويجب ان تتنبهو جيدا لقوة المنافسة .. عذرا جادات للتهميش
Quote: Omar Adrmani عادل الباهي بطل إساءة يا برجوزاي... رضينا بالهم والهم ما رضي بينا ههههههههههههههههههههههه
Quote: Mohand Elnajme · عادل الباهي .. وهل اخرج السنترليق الا اصحاب المواهب الشامخة .. مش زي ناس الواسطة وجو بي تذكية
Quote: Abdelbagi Alm Alhuda والله ما شفت أغبى منك ... غباء مركب
دي قوية غايتو لكن ما عرفت المقصود بيها ود الباهي ولا جادات
Quote: Abdul Hameed ياجماعة ما تفورو ساى - اسى كان ما سنترليق تقدرو تخشو الحوش ؟ احمدو ربكم واسكتو ياهامش انتو
01-20-2013, 10:42 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
ياكونت سلام يأخ التعليق بتاع والله مافي أغبي منك مقصود بيها صلاح جادات لانو في عنوان البوست كتب الاغبياء يمتنعون هههههههههه .
يازول والله ناس الفيس بوك الف مرحب بي كل أنسان بيعبر عن رائه بطريقة محترمة ولكن لو التعليقات بتحرف البوستات عن مسارها وتتنافي مع الاداب زي موقع المشاهير زمان إحتمال صاحب الحوش يقفل الشغلانية وتحرم ناس كتار مهذبين من المشاركة معنا .فالناس حقوا تبتعد عن الاساءات حتي تؤتي التجربه آكلها .
01-20-2013, 11:07 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: لموا ليك في عادل الباهي زعمطوه زعمطة السنين عشان قال ليهم يا سنترليق ......
. .. يا كونت حركتك جعانـه .. عادل الباهي دا الاخوان بي هناك ادوهو ميزتو من الصباح .. وود الصايم فرش ليهو عديل كدا وجاب عدة الشغـل .. ياخ تاااني تجي تجدد الجرح الاليم ..؟ عادل الباهي : ما يهمك يا بن عمي يا دفعـة .. اصلو البتجيك من بره البورد دي احتماله صعب خلاص .. وطعمه حنضل .. يوم انا في بوست طارق جبريل اب صلعتة لمت ليك فيني واحده اسمه ناهد شكيته على الله .. والله في صمة خشمي ادتني ميزتي .. اضف لذلك .. كان معاها كم واحد وقعوا ليك فيني من طرف ... عشان كدا طالما بكري دا فتح ليهو برنامج ما يطلبه المستمعون .. فشنو اتوقع انك كل يوم تترشى .. عشان كدا اقترح انو الواحد لما يكتب ليهو بوست يا يكتب ليهو مداخلـه .. يكتب واحده للبورداب .. وواحده للاخوان الفيسبوكاب .. انتهى ..
بالنسبة للفسابكـه .. وانا بديكم ميزة بقوليكم .. غايتو ضرو عيشكم .. لكن الله في
Quote: الحل الوحيد يا تمبّس .. تكسّر ليهم التلج .. وتعمل ليهم كمان شربات ليمون ...
والله ماف حل يا صبري إلا بكري يعمل ليهم مكتبة بتاعت مزرعــــة سعيدة عشان يشغلم .. عارف السؤال شنو يا صبري ..؟ المشكلة الكبيرة انو في آخر دراسة جدوى اجريت عن الناس البره سودانيزاونلاين وليهم اهتمامات بي مواقع الكترونية أخرى وا أن كانت مواقع حوار ا, مواقع أخرى متخصصة في دونما حوارات وسياسة ..؟ اثبتت الدراسات أنو معظم الناس ديل بيعتبروا بورداب سودانيزاونلاين عبارة عن ناس فاكنها في روحم .. بالاضافة لي أنهم ما عندهم موضوع الكلام لذلك مسالة انو الواحد يفضي ليك نفسو من الفيس بوك عشان يرد ليك دي ذاتـه ميزة كويسة سواء ان كان الرد سلبي او ايجابي او مرشوش .. فوقو طعمية بي فوق .. لذلك : لا تطمع في انو تكون بينك وبين اي فسابكي علاقة حميمة حتى وإن جبت ليهو مصنع بتاع تلج ومصنع شامبيون لانو الجواهم بطل ..
01-20-2013, 11:32 AM
Ahmed musa Ahmed musa
تاريخ التسجيل: 07-08-2007
مجموع المشاركات: 16669
Quote: لذلك : لا تطمع في انو تكون بينك وبين اي فسابكي علاقة حميمة حتى وإن جبت ليهو مصنع بتاع تلج ومصنع شامبيون لانو الجواهم بطل ..
والله يا تمبس دس قفلة مبالغة شحمانة ضاربة سمك من الموردة تعرف ؟ انا من جيت ليك الباب فاتح بقيت زي الماشي في قشر بيض اعلق واخلي التعليق للمساء اجي اقراه تاني حتى اعمل رد ومرات امششي اتفسح بالتعليق في الفيس حبة اشوف طعمه هناك حتى اجي للحق ... الفيسبوكاب هم بورداب حقيقيين بس ظروف دخلت ناس وما دخلتهم
Quote: والله يا تمبس دس قفلة مبالغة شحمانة ضاربة سمك من الموردة تعرف ؟ انا من جيت ليك الباب فاتح بقيت زي الماشي في قشر بيض اعلق واخلي التعليق للمساء اجي اقراه تاني حتى اعمل رد ومرات امششي اتفسح بالتعليق في الفيس حبة اشوف طعمه هناك حتى اجي للحق ... الفيسبوكاب هم بورداب حقيقيين بس ظروف دخلت ناس وما دخلتهم
دا كلام شنـو يا مولانـا ..؟ طيب اديك ميزة .. انت اكتب كلامك العايز تكتبو في الفيس بوك بي هناك .. وتعال حاحي بي هنـا .. يعني بي صورة اوضح : جرب كلامك بي هناك .. وتعال لينـا زول نجيضة .. بالنسبة لي السمك وكدا .. عليك الله تحية خاصة جدا لمن شاركنـا وجبة السمك الشهية بصاج السمك انا وانت وداليا ..
Quote: والله ماف حل يا صبري إلا بكري يعمل ليهم مكتبة بتاعت مزرعــــة سعيدة عشان يشغلم ..
هههههههههههههههه قوية ... السؤال: إنتو النوع دا بتجيبوهو من وين ؟
Quote: عارف السؤال شنو يا صبري ..؟
السؤال شنو ياخ ؟
Quote: المشكلة الكبيرة انو في آخر دراسة جدوى اجريت عن الناس البره سودانيزاونلاين وليهم اهتمامات بي مواقع الكترونية أخرى وا أن كانت مواقع حوار ا, مواقع أخرى متخصصة في دونما حوارات وسياسة ..؟ اثبتت الدراسات أنو معظم الناس ديل بيعتبروا بورداب سودانيزاونلاين عبارة عن ناس فاكنها في روحم .. بالاضافة لي أنهم ما عندهم موضوع الكلام لذلك مسالة انو الواحد يفضي ليك نفسو من الفيس بوك عشان يرد ليك دي ذاتـه ميزة كويسة سواء ان كان الرد سلبي او ايجابي او مرشوش .. فوقو طعمية بي فوق .. لذلك : لا تطمع في انو تكون بينك وبين اي فسابكي علاقة حميمة حتى وإن جبت ليهو مصنع بتاع تلج ومصنع شامبيون لانو الجواهم بطل ..
من الذي أعدّ هذه الدراسة
ـــــــ سودانيز أونلاين اشتهر بأنّه قبلة المُعارضة في المقام الأول وقبلة السياسيين في المقام الثاني وقبلة الكُتّاب المُتميّزين في المقام الثالث
01-20-2013, 11:30 AM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
والله الواحد زاتو عنقرتو وجعتو تكون قابض ليك زول كربون فوق يجيك واحد من تحت يفقهك بي طوبه في غفله وماتكون عامل حسابك لكن في التجربة دي والله بتزكرني تجربة موقع المشاهير زمان والموية تكضب الغتاس .لكن عليك الله ياتمبس أول ماتشوف ود الصايم دا في الرياض حايم أقبضو كربون ، شاف الجماعة قابضني كربون ماساعدتني بكلمة طيبة طوالي فتح ليك شنطة الشغل بتاعتو ووقع ليك فيني كاااكات
Quote: ونبقى في الكتابة من المدرجات
ياكونت أنا بي هناك ساي قلت السنترليق الجماعة هجمو علي هجمة رجلا واحدا والله شوية كدة كان دمي تفرق بين القبائل . يلا تعال هنا سريع ورينا ماذا تقصد بالاقتباس الفوق دا
01-20-2013, 02:00 PM
عباس الدسيس عباس الدسيس
تاريخ التسجيل: 10-11-2012
مجموع المشاركات: 3403
عبدالمجيد الكونت سلام يا الحبيب شغل جميل بتاع الفيس اسفل الصفحة المشكله بجهجه باكات صاحب الموضوع ممكن اكون في زول لابت ليك بي تار من ناس المنابر الاخري ارشك رش الجن شوف التعليق المرفق:
Quote: Abdalaziz Hussain المصدر يا سيدنا دسيس رد · 1 · إلغاء إعجابي · إلغاء متابعة المنشور · منذ 22 ساعة
الرد:
Quote: عباس الدسيس الشريف عبدالعزيز يا حبيبنا سلام انسخ العناوين بتلقي المصدر في قوقل مع خالص تحياتي وربنا اجعل محمود من اصحاب الجنة رد · 1 · أعجبني · منذ 22 ساعة
المداخلة تاني:
Quote: Abdalaziz Hussain ما تقول لي حبيبنا حباك ضب رد · أعجبني · إلغاء متابعة المنشور · منذ 22 ساعة
الرد الاخير:
Quote: عباس الدسيس الشريف والله يا عبدالعزيز انت لذيذ قلتا ليك ضب ياخ ناس الاطراف ديل اهلنا لسع ما خشيت ثقافة ((حباك برص)) الورل معاك كيف يا فردة رد · أعجبني · منذ 7 ساعات
شوف الراجل المعلق هنا ظريف كيف:
Quote: Abbas Omer · متابعة · يعمل لدى Al-ghad collages for health sciences. توثيق جميل جدا أ.عباس.. رد · أعجبني · منذ 17 ساعة
Abbas Omer · متابعة · يعمل لدى Al-ghad collages for health sciences. عباس الدسيس الشريف ..نشكر لك نزولك المصاطب الشعبية :) رد · 1 · إلغاء إعجابي · منذ 17 ساعة
01-20-2013, 02:23 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
سلامات يا كونت الذّ تعليق واحد علّق على كلام للسيدح كررّو فوق وتحت وعاد نفس الخطأ في المحلّتين قال - في ما معناه - يا ريس شوف صرفة للسيدح عود في اب عشرين وعود في اب خمسين وفي الاتنين غلط سجّلني محلّو :)
01-20-2013, 02:49 PM
humida humida
تاريخ التسجيل: 11-06-2003
مجموع المشاركات: 9806
Quote: والله شغلانة سمحة خلاااس،، وهي ممكن تكون زي "التشكيل" في الحروف الابجدية!! يعني نحن الهمزة والكسرة والضمة.. لي اللم القمرية! أو ممكن تكون زي شخبطة الحمامات!
Quote: سلامات يا كونت الذّ تعليق واحد علّق على كلام للسيدح كررّو فوق وتحت وعاد نفس الخطأ في المحلّتين قال - في ما معناه - يا ريس شوف صرفة للسيدح عود في اب عشرين وعود في اب خمسين وفي الاتنين غلط سجّلني محلّو :)
ود البشرى سلامات ياخي
صراحة السيد ح مفروض يشطبوه من زمن السروايل داك ... لكن بكري عنده فلسفته الخاصة الزول ده بكون ماسكها لي السيد ح من الوقت داك عشان كده الزعلة خلته يكتب غلط ... غايتو قصة الفسبكة البي تحت دي الله اعلم تنتهي علي خير ... عشان كده نحن نعمل زايغين بس
Quote: يا كونت حركتك جعانـه .. عادل الباهي دا الاخوان بي هناك ادوهو ميزتو من الصباح .. وود الصايم فرش ليهو عديل كدا وجاب عدة الشغـل .. ياخ تاااني تجي تجدد الجرح الاليم ..؟
تامبا يافردة .... وينك والحي بيك
ياصديقي انا لي فترة من المنبر ... بالتالي اللياقة ما فل ... وجيت لقيت الجماعة مقبقبين قريبك ده ... يعني عايزني اعمل ليه شنو .... لازم اشمت ياخي مع الشامتين ... عموما الله يستر والناس ديل ما يتقرنوا فينا بلا سبب
Quote: بالنسبة للفسابكـه .. وانا بديكم ميزة بقوليكم .. غايتو ضرو عيشكم .. لكن الله في
دي هسة ما الرووووب عديل .... بالله يا الفسابكة ما ترحموا تمبس ده ... شايف روحه وعامل لينا فيها هنا شاويش المنبر ... اجلدوه ولحقوه ود عمه ودالباهي ده بالله عليكم
Quote: ياكونت سلام يأخ التعليق بتاع والله مافي أغبي منك مقصود بيها صلاح جادات لانو في عنوان البوست كتب الاغبياء يمتنعون هههههههههه .
هههههههههههههههههه سلامات ياعادل غايتو تبريرك لي انه المقصود جادات فيه نوع من المنطق ... لكن في حالة الشماتة الحاصلة دي ما اظنه بيكون مقنع فبالتالي لازم تجيب اثبات من الزول بتاع المردجات العلق التعليق ده انه قاصد جادات والا حتكون القصة دي محمداك محمداك
غايتو يا صاحبي الجاتك من المدرجات اصله ما سامحتك
01-20-2013, 04:53 PM
أبوبكر أبوالقاسم أبوبكر أبوالقاسم
تاريخ التسجيل: 11-27-2007
مجموع المشاركات: 2805
صراحة ... الفسباكة ديل قوة لا يستهان بها ومكون جديد ولكن يمتلك فاعلية كبيرة ... في تقديري ستقدم دعما كبيرا وجيدا للحوار في المنبر اذا تم توجيه هذه القوة والطاقة الى مكانها الصحيح عن نفسي اتمنى ان تكون العلاقة بين الفسباكة والبورداب كما هي الان ... رقابة لصيقة من الفسباكة لا تخلو من بعض القفشات والمناورات وكله في اطار جميل وطيب
ساعود للرد على مداخلات الفسباكة الذين تداخلوا بالتفصيل
01-20-2013, 07:00 PM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
Quote: غايتو يا صاحبي الجاتك من المدرجات اصله ما سامحتك
يا الكونت الناس ديل قبقبوني الصباح وأنا عديت صباحي خنق لكن لو الوضع دا تكرر معي بقلع الجلاب وأشيل سكيني وأنزل ليهم تحت ياقاتل يامقتول ، نحن زاتنا قبل نجي هنا قعدنا مدرجات لمن جاتنا بواسير زاتو
01-20-2013, 07:15 PM
بدرالدين الطائف بدرالدين الطائف
تاريخ التسجيل: 01-09-2013
مجموع المشاركات: 1747
والله بكرى ماقصر انه اتاح للناس فرصة المشاركة فى الحوار والدلو بارائهم . ودى فرصة جميلة جداً للاعضاء انهم يعرفوا رأى المتابعين للمنبر فى كتاباتكم. غايتو نظام مرايه الواحد يشوف فيها نفسه فى عيون الاخرين بدون حرد كتابه.
01-20-2013, 10:23 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا كونت صحي لياقتك تعبانة الغلط المعني كان كاتبه السيدح مرتّين فوق و تحت أو في اب عشرين واب خمسين يا قول الفيسبوكابي :) الفكرة بالمناسبة ظريفة واظرف مافيها تاني التعليقات لايف نتفك من بوست ود جبريل و حيدر حنين القادننا بيه :) وفيها فوايد لناس فوق كمان لو وصلت سقف مداخلات تتمها تحت أو لو وقفوك شماعة - تعبير بكري الجديد للرج - تواصل كفاحك من السنترليق لو ما عايز ناس تحت يبروك سقف مداخلات الفيس حسب بكري خمسين ممكن تعمل لوق ان و تكتب تسعة واربعين مداخلة تحت و تشمّع البوست بتاعك هههههههههههههههههه
01-20-2013, 10:43 PM
محمد عوض السيد محمد عوض السيد
تاريخ التسجيل: 06-17-2011
مجموع المشاركات: 966
ازيكم .. شايفة ناس ود البشرى ومن لف لفه شغالين كسير تلج لبكري ..ما عرفت دي ملاوذة من لسان كيبورد القراء ولا من بكري؟؟ اركز ارررررركز يا ابو حتحوت كتبت في بوست المسلمي: نتو جادين؟؟ لا بالجد جادين؟؟
يا بكري قلة احترام "بعض" الاعضاء هنا من ألفاظ واساءة وغيرو ما قادر تسيطر عليها.. كمان جابت ليها فيسبوك؟ ولا كمان حتعمل كاروهات هناك برضو ؟ مع احترامي الشديد لأعضاء الفيسبوك من المتابعين وقراء سودانيز والانا منهم... لكن التجربة دي حتقفلب الموقع دا لحاجة تانية.. لانو القراء نفسهم عارفين انو في "بعض" منهم لا يمكن السيطرة عليهم..انت يا بكري المشاكل بين الاعضاء ما قادر عليها داير تفتح ليك جبهة تانية مع القراء؟؟! وريني حتسيطر عليهم كيف؟؟ اعمل لي عصاب وقول لي قوانين المنبر... حتفتح طاقة لتصفية الحسابات بين البعض هنا..
ويا ريت القراء يكونو فاهمين وجهة نظري ما ضروري بكري يفهما:) اما قصة مملكة الفيسبوك وإسقاط الحكومات..فلا تعليق هههههههههههه
01-22-2013, 02:02 PM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
Quote: والله يا ود الباهي اخوي الفسابكة ديل اخير تصالحهم
الكونت ياحبيب الفسابكة ديل أنا ماعندي معاهم مشكلة وأي زول محترم آراءه ونقده محل تقدير وإحترام لكن أي زول زي النكره الاسمو الفاتح أحمد عباس دا ماعندي وقت ليهو خليهو يهوهو براهو ولمن يفتر من النبيح يدينا عرض أكتاف . عاين لنوعية كتاباتو لمعتك ، بدلتك أسع دا في زول عاقل بيعبرو بمجرد النظر الية
01-22-2013, 03:34 PM
الصادق ضرار الصادق ضرار
تاريخ التسجيل: 11-05-2007
مجموع المشاركات: 2345
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الفاتح سليمان
أيمن الفاضل
طارق جبريل
عادل الباهي عبدالرازق
tmbis
Ahmed musa
عباس الدسيس
محمد البشرى الخضر
humida
ناذر محمد الخليفة
أبوبكر أبوالقاسم
بدرالدين الطائف
محمد عوض السيد
سارة علي
الصادق ضرار
فيس بوك
تويتر
انستقرام
يوتيوب
بنتيريست