|
|
 ممكن ياريس بكري لحظة من وقتك ؟
|
ياريس اتمني ترجع لينا عدد الصفحات مائة بوست زي زمان
تعبنا من ملاحقة البوستات حتي الصفحة الخامسة في اقل من ساعات
نتمني الاستجابة
|
|
  
|
|
|
|
|
|
|
|
Re: ممكن ياريس بكري لحظة من وقتك ؟ (Re: العوض المسلمي)
|
شكرا يا حبيب و اوعدك بالنظر فى الامر مع انو بدرى على تقيم التعديلات الجديدة فى المنبر كدى خلينا نديها شهر على الاقل ....كمان ما تنسى اضافة تعليقات و مشاركات اكبر دولة فى الانترنت اقصد دولة الفيسبوك و التى عدد سكانها اكثر من 4 مليار فى اخر كل موضوع مكسب كبير لصاحب الموضوع و ضيوفه.......لهذا و جب على تقليل حجم الصفحة و عدد المداخلات بها اقصد قبل التعديلات كان عدد المداخلات 50 مداخلة و الان 20 مداخلة و مسموح ب 50 مداخلة من الفيسبوك
على كل حال خلينا نديها صنة و نقيم التجربة رغم المشاكل المسسببها الفيسبوك للسيرفا ده هداه هد
وشكرا
| |
|
|
|
|
|
|
|
|
 Re: ممكن ياريس بكري لحظة من وقتك ؟ (Re: بكرى ابوبكر)
|
| Quote: على كل حال خلينا نديها صنة و نقيم التجربة رغم المشاكل المسسببها الفيسبوك للسيرفا ده هداه هد |
يا زول صنة شنو ....؟؟؟
طقة بي طقة .... خلي إمشي لي ناس الحكومة و إفك ليك الحظر و بعدين خليهن ليه 200 ...
بطل كياشة ......
| |
|
|
|
|
|
|
|
|
|
Re: ممكن ياريس بكري لحظة من وقتك ؟ (Re: بكرى ابوبكر)
|
| Quote: نسيت اقول انو دولة الفيسبوك جديرة بالتعب و الانحاء لها لانها اسقطت حسنى مبارك و القذافى و الاسد فى الطريق |
اتاحة امكانية تعليق القراء عن طريق الفيسبوك نقلة نوعية كبيرة جدا في سودانيزاونلاين ،، بتوقع يكون ليها أثر كبير خالص في عدد المتصفحين ،،، بس أتمني من كل عضو عندو موضوع فاتحو او موضوع عاجبو يعمل ليهو شير في الفيس بوك ،، يفيد ويستفيد!
| |
|
|
|
|
|
|
|
|
|
Re: ممكن ياريس بكري لحظة من وقتك ؟ (Re: mayada kamal)
|
إذا عرف السبب .. بطل العجب
مادام الموضوع عنده علاقة بإتاحة المشاركة لناس الفيس
ففي رأيي ده يستاهل التعب !!
مع إنو التقييم فعلا حيحتاج لشوية زمن
ربما إستفتاء للأعضاء و القراء بعد شهر
كفيل بتوضيح المكاسب و المثالب
بشكل علمي
تحياتي
| |
|
|
|
|
|
|
|
|
|
Re: ممكن ياريس بكري لحظة من وقتك ؟ (Re: خالد عبدالوهاب)
|
Quote: نسيت اقول انو دولة الفيسبوك جديرة بالتعب و الانحاء لها لانها اسقطت حسنى مبارك و القذافى و الاسد فى الطريق
يعني قصدك شنو يا ريس
|
شكرا ميادة و مرحب بيك ........و الله يا ميادة انا ما عارف ليه كل المسئوليين فى الحكومات و البحبوهم بخافوا من ناس الفيسبوك
قصدى بكلامى اعلاه واضح انو ادارة سودانيزاونلاين تنحنى و ترحب بمشاركات شباب الفيسبوك و تعبت ايام و ليالى لبرمجة برنامج لان يكونوا معنا و سوف نقيم مشاركاتهم فى الفترة القادمة
| |
|
|
|
|
|
|
|
|
|
Re: ممكن ياريس بكري لحظة من وقتك ؟ (Re: بكرى ابوبكر)
|
| Quote: شكرا ميادة و مرحب بيك ....... |
العزيز بكري ابو بكر
دا شرف كبير لي انو
واحد قامة زي سيادتك
يتواضع ويرد علي
تشكر كتير على هذا التقدير
| Quote: و الله يا ميادة انا ما عارف ليه كل المسئوليين فى الحكومات و البحبوهم بخافوا من ناس الفيسبوك |
في حالة السودان احتمال ضعيف جدا/ وغير وارد
انو الفيسبوك يعمل ثورة وتغيير للنظام في السودان
الشعب السوداني ذكي جدا ولماح// وبيعرف انو معارضتنا الكسييييييييييحة هذه
لا تقوى على حشد واخراج 100 شخص في مظاهرة تكون نواة لاعتصامات ومن ثم لتغيير النظام زي ماحصل في مصر وتونس ووووو
عليك الله يا بكري ابو بكر
اسع نموذج تراجي مصطفى ونجلاء سيد احمد وفتحي البحيري وصلاح جدادات وامنة مختار ومن لف لفهم
العاملين فيها هم واجهة للمعارضة
والفلم الداير بينهم الايام دي
ترجى منهم يسقطوا ليك نظام
هو بعد الانحنا شفنا منهم وشايفنه الايام دي
اكيد الناس اقتعنت انو الحكومة والانقاذ ملائكة عدييييييييييل قدام اولئك القوم
*****
ونبارك ليك خطوة اندماج الفيسبوكاب في المنبر
وحبابهـــــــــــــــــــــــــ1000ـــــــــم/ موووش فقط عشره
بلا كشره
| |
|
|
|
|
|
|
|
|
|
Re: ممكن ياريس بكري لحظة من وقتك ؟ (Re: ombadda)
|
اتقدم بجزيل الشكر للريس بكري علي التشريف والحضور والرد والوعد بالمراجعة ....
كما واشكر اعضاء المنبر القدامي والبرالمة علي مداخلاتهم الثرة ...
وشكر خاص للمتابعين في الفيس بوك والذي اتمني من تحديد وضعهم وضبط مشاركاتهم حتي لا يؤخذ الجمع بجريرة الواحد ...
| |
|
|
|
|
|
|
|
|
|
Re: ممكن ياريس بكري لحظة من وقتك ؟ (Re: العوض المسلمي)
|
الاخ المسلمى سلام و تحية
ارى ان اتاحة الفرصة للاخوة فى الفيس بوك ابداء ارائهم فيه
تثمين لدور المنبر و الاطلاع على اكبر قدر ممكن من وجهات النظر
رغم التلتلة التى تحدث اوان البحث عن بوست.
Quote:
في حالة السودان احتمال ضعيف جدا/ وغير وارد
انو الفيسبوك يعمل ثورة وتغيير للنظام في السودان
الشعب السوداني ذكي جدا ولماح// وبيعرف انو معارضتنا الكسييييييييييحة هذه
لا تقوى على حشد واخراج 100 شخص في مظاهرة تكون نواة لاعتصامات ومن ثم لتغيير النظام زي ماحصل في مصر وتونس ووووو
عليك الله يا بكري ابو بكر
اسع نموذج تراجي مصطفى ونجلاء سيد احمد وفتحي البحيري وصلاح جدادات وامنة مختار ومن لف لفهم
العاملين فيها هم واجهة للمعارضة
والفلم الداير بينهم الايام دي
ترجى منهم يسقطوا ليك نظام
هو بعد الانحنا شفنا منهم وشايفنه الايام دي
اكيد الناس اقتعنت انو الحكومة والانقاذ ملائكة عدييييييييييل قدام اولئك القوم
*****
ونبارك ليك خطوة اندماج الفيسبوكاب في المنبر
وحبابهـــــــــــــــــــــــــ1000ـــــــــم/ موووش فقط عشره
بلا كشره |
الاخت الكريمة ميادة السلام و التحيات
الحقيقة انا لفتت نظرى مداخلتك دى لما حوته من غرائب و عجائب.
قلت فى حالة السودان احتمال ضعيف ما عارف المؤشرات و المعايير البنيتى عليها ردك دا يا ريت تنورينا لان نفس الحديث ردد فى تونس
و مصر و ليبيا والآن يكثر ترديده فى السودان كنوع من التثبيط و لكن يا اختى الكريمة كل المؤشرات تبين ان نظام الخرطوم يحتضر اذا نظرنا
للاقتصاد او الامن او التعليم او الصحة او الفساد الذى كون له الرئيس مفوضية لم تقدم شخصا واحدا حتى الآن للقضاء و التململ الحادث الآن بين
الكيزان انفسهم و ليست محاولة قوش ببعيدة عن الاذهان و كدى خليك من دا كلو عاينى للبلد الكلو يوم ناقصة حتة لغاية خريطتا بقت دائرية.
نعم الشعب السودانى ذكى و لكن لماذا ابتسرتى المعارضة فى شخوص بعينهم من حقهم ان يختاروا اسلوب المعارضة الذى يرون انه يتسق
و اشياءهم دون وصاية من احد.
بعدين يا اخت ميادة عليك الله زى الجدعة بتاعت ناس الحكومة و الانقاذ ديل ملايكة عدييييل دى ما تدفسيها عشان تمر ساى زى عمر البشير
خادم القرآن التى طفت الى السطح و لكن جوبهت بشدة و يبدو انها قد توارت بعض الشئ.
غايتو اتلومتى فى حق الملايكة لوم الجمال ما يشيلنو ليه كده يا ميادة؟
يا ميادة ناس المعارضة ديل مافى زول قال انهم مبرءين من العيوب لكن كمان اخوانا حارقى البخور و حملة المباخر
حقو يشوفو عوجة رقبتهم هسه عليك الله يا ميادة البعملو فيهو ناسكم دا انت ماك شايفاهو و لا بتعتبرى انهم قد غفر لهم ما تقدم
من ذنوبهم و ما تأخر
| |
|
|
|
|
|
|
|
|
|
Re: ممكن ياريس بكري لحظة من وقتك ؟ (Re: امجد الجميعابى)
|
نحي الريّس على مجهود و اجتهادات التطوير للموقع
و نتمنى التواصل مع الـ end users الأعضاء و القراء و اشراكهم في التقييم
ببوست لمناقشة التعديلات و التعليقات عليها أو مناقشة مقترحات جديدة تسهم في تحسين الموقع أو بأي وسيلة أخرى مناسبة
| |
|
|
|
|
|
|
|
|
|
Re: ممكن ياريس بكري لحظة من وقتك ؟ (Re: محمد البشرى الخضر)
|
يعني حسي الناس البتسك عدادات قراءها ...
لازم يجمعوا عدد ردود فيسبوكاتها كمان ؟ ...
يعني الداير يتبوبر ...يقول
بوستي حصل 150 رد ... 115 بوردابي و 35 فيسبوكابي ؟؟؟
حقو يا بكري تضيف كالكوليتر في الصفحة ... لزوم الحساب ....
لانك كده عصرت عليهم شديد يا هندسة ...
| |
|
|
|
|
|
|
|
|
|
Re: ممكن ياريس بكري لحظة من وقتك ؟ (Re: يحي قباني)
|
انتو جادين؟؟
لا بالجد جادين؟؟
يا بكري قلة احترام "بعض" الاعضاء هنا من ألفاظ واساءة وغيرو ما قادر تسيطر عليها.. كمان جابت ليها فيسبوك؟
ولا كمان حتعمل كاروهات هناك برضو ؟
مع احترامي الشديد لأعضاء الفيسبوك من المتابعين وقراء سودانيز والانا منهم... لكن التجربة دي حتقفلب الموقع دا لحاجة تانية..
لانو القراء نفسهم عارفين انو في "بعض" منهم لا يمكن السيطرة عليهم..انت يا بكري المشاكل بين الاعضاء ما قادر عليها داير تفتح ليك جبهة تانية مع القراء؟؟!
وريني حتسيطر عليهم كيف؟؟ اعمل لي عصاب وقول لي قوانين المنبر...
حتفتح طاقة لتصفية الحسابات بين البعض هنا..
ويا ريت القراء يكونو فاهمين وجهة نظري
ما ضروري بكري يفهما:)
اما قصة مملكة الفيسبوك وإسقاط الحكومات..فلا تعليق هههههههههههه
| |
|
|
|
|
|
|
|
|
|
Re: ممكن ياريس بكري لحظة من وقتك ؟ (Re: إدريس محمد إبراهيم)
|
فتح باب التعليقات لقراء الفيسبوك.. فكرة رائعة من الريس بكرى تستحق الاشادة و تصب
في تطوير وانتشار الموقع..ولكن السؤال ، هل هناك امكانية التحكم في التعليقات المخالفة
للائحة او المسيئة ، بالحذف او التعديل ؟
اما بخصوص تجربة الشكل الجديد والتعديلات في المنبر ..اعتقد من عيوبها ان عملية الكليك
المتكررة لتقليب الصفحات المتعددة في البوستات و مع بط ء الشبكة او الجهاز ، تدعو
للملل وتفسد متعة القراءة المتواصلة للالمام بأكبر قدر من جوانب الموضوع دفعة واحدة
كما هو متاح بنسبة اكبر في الشكل السابق للمنبر ..وكحل وسط ارى من الانسب ان يرتفع عدد
المداخلات في الصفحة الى 30 مداخلة بدل 20 الحالية و يخفض عدد تعليقات الفيسبوك
الى 30 تعليق (اظن ال 50 تعليق اكثر من الحاجة ) ..
| |
|
|
|
|
|
|
| |
العوض المسلمي
Ahmed musa
بكرى ابوبكر
سليمان القرشي
ABUHUSSEIN
الزبير صالح الزبير
أيمن محمود
mayada kamal
محمد قرشي عباس
عبد اللطيف السيدح
أحمد ابن عوف
Abureesh
ombadda
ناذر محمد الخليفة
امجد الجميعابى
محمد البشرى الخضر
يحي قباني
سارة علي
إدريس محمد إبراهيم
حسن محمود
فيس بوك
تويتر
انستقرام
يوتيوب
بنتيريست