|
Re: لمن اتنين أصحابك يتشاكلوا في المنبر .. تتصرف كيف ؟! (Re: وضاحة)
|
تعمل نايم يا معلم .. اصعب بلنجة البتجيك من نيران صديقة ... اوعك تدخل بين اتنين في كوماج حتى ولو كانو اصحابك .. عندنا واحد في الحلة زمان اسمو نادر .. نادر دا يا محمد عمر بيضرب البلنجة بي نظام المروحـة.. دي ما عارف اشرحـه ليك كيف .. لكن للضمان كدا نحن مسمنو ( بضرب بجلي .. بقع ) يعني كان جلتك في الاولى بتجيك في التانية .. المهم كان عامل غيبوبة مع شاكر .. عدوهو اللدود ، قوم انا بي قصر قامتي وقتها دخلته في النص عايز نظام احجز فشنو .. قام نادر طلع ليك بلنجة تجاه شاكر انا بي قصرنتي ديك قمته حددت ليك تجاه البلنجة ونزلته كم درجـة لي تحت نظام الود زوااغ يعني تخيل بحسابات الثانية .. قمته نسيت ليك موضوع البنيه الراجعة وقمته رفعته راسي لي فوق .. فقامت جاتني ليك البنيه الدبل ما هم بنيتين قلت ليك .. فووووو شالني ليك انا بتذكر اني دقيت في التعريشة بتاعت الحصير حقت دكان جورس النجار .. لما صحيت لقيت الاخوان ودوني الضل وبهببو فيني طبعا لو ما ربك اللهمني ليك لي نادر في بنيتو المصرجـة دي كان نادر طوالي جا الدايمة
| |
|
|
|
|
|
|
Re: لمن اتنين أصحابك يتشاكلوا في المنبر .. تتصرف كيف ؟! (Re: tmbis)
|
Quote: تعمل نايم يا معلم .. اصعب بلنجة البتجيك من نيران صديقة ... اوعك تدخل بين اتنين في كوماج حتى ولو كانو اصحابك .. عندنا واحد في الحلة زمان اسمو نادر .. نادر دا يا محمد عمر بيضرب البلنجة بي نظام المروحـة.. دي ما عارف اشرحـه ليك كيف .. لكن للضمان كدا نحن مسمنو ( بضرب بجلي .. بقع ) يعني كان جلتك في الاولى بتجيك في التانية .. المهم كان عامل غيبوبة مع شاكر .. عدوهو اللدود ، قوم انا بي قصر قامتي وقتها دخلته في النص عايز نظام احجز فشنو .. قام نادر طلع ليك بلنجة تجاه شاكر انا بي قصرنتي ديك قمته حددت ليك تجاه البلنجة ونزلته كم درجـة لي تحت نظام الود زوااغ يعني تخيل بحسابات الثانية .. قمته نسيت ليك موضوع البنيه الراجعة وقمته رفعته راسي لي فوق .. فقامت جاتني ليك البنيه الدبل ما هم بنيتين قلت ليك .. فووووو شالني ليك انا بتذكر اني دقيت في التعريشة بتاعت الحصير حقت دكان جورس النجار .. لما صحيت لقيت الاخوان ودوني الضل وبهببو فيني طبعا لو ما ربك اللهمني ليك لي نادر في بنيتو المصرجـة دي كان نادر طوالي جا الدايمة |
ههههههههه .. قلت لي بجلي بقع ههههههههههههههههههههه بتكون ذنوبك كترت اليوم داك .. وزي ما عارف ربنا دا كرييييييم .. يسخّر ليك الكفارات من حيث لا تحتسب .. عشان أوريك الكفارات بتجي كيف يا مان .. زماااان لمن كنا في الجامعة .. وفي آخر يوم المفروض نسلم فيهو مشاريع التخرج بتاعتنا .. في يوم التسليم دا .. أنا لي يومين لي ورة كدا ما نمت .. 48 ساعة بالتمام والكمال .. عشان أقدر أخلص من المشروع .. المهم انتهيت يا زول وشايل المشروع في هاردديسك وماشي السوق العربي عشان أطبع الكلام الكتير دا .. ربك رب الخير جمب مجمع الأوقاف الزمان وانا بعاين لي محلات الطباعة الكتيرة دي .. شايف من هناك في واحد مجنون ماشي والناس كلها بتزح منو .. طبعا عدم النوم بخلي الزول ماااااا بستجيب بسرعة للمؤثرات الخارجية .. في محل ناصية كدا في الأوقاف والغريبة المحل لفت نظري بس لأنو القزاز كان مظلل وللا بيرسون ما عارف .. في تلك اللحظة المفصلية من حياتي قصاااااد القزاز المظلل دا .. تااخ .. جاني كف من الزول المجنون دا .. إتلفت يمين شمال لقيت ما في زول بعرفني قلت الحمدلله وطبعا ما بقدر أتشاكل وللا اتضارب معاهو .. ما مجنون!! ها تضارب ليك زول مجنون .. ألذ ما في الموضوع .. لمن دخلت المحل أبو قزاز بيرسون دا لقيت طعمجية الجامعة كلللللهم جوة المحل .. ومصورين الكف والتلفت بتاعي داك .. وراقدين واطة من الضحك
___________________
والله يا علاء تعمل نايم تتمغس تقول تخش في النص تلقى المنظر كدا مااااا نفس الملامح والشبه
| |
|
|
|
|
|
|
Re: لمن اتنين أصحابك يتشاكلوا في المنبر .. تتصرف كيف ؟! (Re: moaz elsir)
|
عليك بالمبدأ الذي أثبت فعاليته علي مر السنين علي الأقل في السودان: مجالس الجودية تلم في المجلس: الشيوخ العمد الشراتي زائدا الناس الأكثر نفوذا للطرفين ويستحسن شخصين مختلفين يعني مش شخصية واحدة مؤثرة مشتركة يستحسن التفاوض مقدما عبر الشخصيتين الأكثر نفوذا ومن ثم الشيوخ والعمد والشراتي للحكم المتزن في الأمر بس طول بالك نحن السودانيون راسنا قووووووي خلاس وفي النهاية بتنحل ____ الحليلة
| |
|
|
|
|
|
|
|