|
Re: الشكر للاستاذ بكري ابوبكر - عضو جديد لنج (Re: الشيخ إبراهيم الشيخ)
|
الاخ عمر عبد الخالق ، مشكور سيدي على الترحيب واتمنى ان اكون عند حسن ظنكم
حبيبنا كمال حسن علي ،،، يا اخي ليك وحشة والله ( حليل الهند وايامها ) ،، عساك بالف خير وعافية ،،، مشكور ياخوي على الترحيب والله يقدرنا على سودانيز اون لاين دي ،،، غايتو زمان كنا عوامين ايامنا الفي البر ،، لك خالص ودي
ابن العمه حبيبنا الشيخ ابراهيم الشيخ ،،،،،،اخبارك والوليدات وجميع الاهل طرفكم بالدوحة،، مشكور يا الشيخ على الترحيب ،،، ندعو الله ان يجعل قدمنا خفيفة وطلتنا ظريفة ،،، لك خالص ودي
| |
|
|
|
|
|
|
Re: الشكر للاستاذ بكري ابوبكر - عضو جديد لنج (Re: نصار)
|
حبيبنا نصار ،،، دخلت وسجلت اولى مشاركاتي في موضوع الخدمات العلاجية ،،،، مشكور كثير ياحبوب على الترحاب وربنا يعدل خطوتنا باقي سودانيز اون لاين دي دروبها زلقة ،،،، الله يكضب الشينة ،،،، عليك الله اديني معلومات اكثر عن الموضوع وداير اتكلم معك في الهاتف لو امكن ،،، احتراماتي نصار
| |
|
|
|
|
|
|
Re: الشكر للاستاذ بكري ابوبكر - عضو جديد لنج (Re: حيدر حسن ميرغني)
|
والله طرباان انا الآن حد الطرب أن يطل علينا هذا الإنسان الجميل حامد الزبيدي ليزين منبر بكري بأريحيته وجمال روحه ويعيد إلينا زمن الباقوان في رحلة الخروج إلى دلهي ونظام الدين مركز وزاد ألق هذا اليوم أن طل معه الفنان الرائع صاحب الصوت الشجي الشيخ إبراهيم الشيخ، الإنسان الودود الذي كنا ننتظرحضوره لنا في بومباي كما ينتظر الربع الخالي لمطر الخريف
نحن اليوم نحسد أنفسنا بكما
| |
|
|
|
|
|
|
Re: الشكر للاستاذ بكري ابوبكر - عضو جديد لنج (Re: كمال حسن)
|
حبيبنا كمال حسن علي ،،، لم تزيدك السنوات الا جمالا واشراقا وهذا عهدنا بك ،، لقد ذكرتنا بما انتم اهل له ،،، لا تضلل الشباب ،،، رعى الله ايام دلهي ونظام الدين وشباب ( ملة نقر – انديري ) ،،،، يا حبيبنا تعرف ايام الهند هذه كانت زاد عجيب امدنا بالكثير وسوف يظل يمدنا في مقبل ايامنا ،،، بالمناسبة حبيبنا الشيخ ابراهيم الشيخ ابن عمتي ( لكن لم التقى به منذ ان فارقت الهند ) ،،،، شوفتا الدنيا دي عجيبة كيف يا كمال ،،، يا اخوي ان شاء الله ما ينقطع الود بيننا ،،، مودتي
| |
|
|
|
|
|
|
Re: الشكر للاستاذ بكري ابوبكر - عضو جديد لنج (Re: محمد عوض السيد)
|
استاذي هاشم الادريسي ،،،، شكرا كثير على الترحيب ،، ونسال الله ان يجعل دخولنا وتوهطنا في الحوش الكبير سهلا ميسورا قادر يا كريم
ابوبكر الزبيدي ،،،، شكرا اخي على الترحاب اما بخصوص الابداع داخل الحوش الكبير كدي خلي الهمبريب ده يضربنا في الاول
الاستاذة تراجي مصطفي ،،، شكري الجزيل سيدتي على ترحيبك بنا ال الزبيدي في سودانيز اون لاين ،،، ونسال الله ان يقدرنا على المشاركة الشفافة والمسؤولة ،،،، احتراماتي سيدتي
استاذي بكري ابوبكر ( سيد الحوش ) كما يحلو لاعضاء المنبر مناداتك ،،،، في البدء اشيد بالجهد التنويري الضخم الذي تقوم به سودانيز اون لاين والتزامها الحياد والمصداقية ،،،، لكم شكري وامتناني العميقين على قبول عضويتي بمنبر سودانيز اون لاين وشكري ايضا لترحيبكم بدخولي الحوش الكبير وانضمامي لهذه الكوكبة النيرة من ابناء جلدتي ،،، ونسال الله ان يقدرنا على المشاركة المسؤولة والايجابية ،،،، احتراماتي سيدي
اخي محمد عوض السيد ،، مشكور على الترحيب الجميل ،،، ما ناقصة باذن الله كدي قول خير وباركها ،،، نحن بالمجلس الاعلى لاَل الزبيدي نؤمن بالتمثيل والتفويض ،،، خالص مودتي سيدي
| |
|
|
|
|
|
|
|