|
اضراب في النهود بسبب الزكاة
|
الاضراب في سوق المحاصيل بسبب زياده الزكاة للقنطار الواحد من 25 الي 35 جنيه ...
ههههههههههههههههههه دي الا يحلها الله
|
|
|
|
|
|
|
|
Re: اضراب في النهود بسبب الزكاة (Re: البحيراوي)
|
مرحب بيك بحيراوي طبعاً في الحالة دي نجر سااااااااااااااااااااااااي لانو الزكاة دي بحددا مجلس الافتاء و الفقهاء و مختلف عليها ..
لكن هم لو عندهم ذكاء ما مفروض اساساً يفرضو اي جباية علي المزارعين ديل أساساً مفروض يدوهم
| |
|
|
|
|
|
|
Re: اضراب في النهود بسبب الزكاة (Re: Mohamed Sanad)
|
توقف تجار المحصول عن العمل في سوق محصولات النهود بسبب زيادة الرسوم من قبل الزكاة
توقف أكثر من 40 تاجر محصول ومندوبي الشركات من مواصلة نشاطهم التجاري بسوق وبورصة سوق محصولات النهود العالمي وذلك بسبب رسوم أضافية من قبل ديوان الزكاة بمحلية النهود أعتبرها تجار المحصول زيادة غير مبرئة للذمة وصرح للصحافة الاستاذ تاج السر رشاد الدسوقي رئيس شعبة تجار المحصول بسوق محصولات النهود قال باننا كتجار محصول هذه الرسوم الزكوية نعتبرها ضريبة وبعد ان سلمنا بالامر بان الزكاة شعيرة تعبدية ولكن كل تجار البورصة يعتبرونها جباية وتحصيل وكشف الدسوقي بان الرسوم المفروضة من الزكاة 15ج لكل قنطار صمغ ، و6 ج لكل قنطار فول فجأءة أرتفعت الي 25 ج للصمغ و9 ج للفول ونحن كغرفة تجار أعترضنا علي الامر وأجتمعنا مع مكتب جباية الزكاة وأتفقوا معنا ان نعمل علي دفع 20 ج للقنطار مؤقتا ولكننا فوجئنا مجددا بمنشور جديد من ديوان الزكاة ارتفع قنطار الصمغ الي 35 ج ، والان نحن كتجار قاطعنا العمل في البورصة وأوقفنا الشحن للمحاصيل الصادر ومن هنا نرسل رسالة للامين العام لديوان الزكاة في السودان بأنهم عليهم ان يتقوا الله في كيفية تطبيق جباية الزكاة وهي عبارة عن شعيرة تعبدية ينبغي ان تحصل من أهلها وليس من التاجر وعلمت الصحافة ان حجم الوارد للبورصة في اليوم من الصمغ العربي يتجاوز ال1000 قنطار في اليوم ، والفول 5000 الف قنطار في اليوم حيث بلغ سعر قنطار الفول 500 ج ، والفول 117ج للقنطار الي ذلك أكد مدير سوق محصولات النهود الاستاذ هشام أم بدة المنا بان التجار توقفوا عن مزاولة نشاطهم للبورصة بسبب منشور زيادة مالية من قبل ديوان الزكاة ولقد جلسنا من شعبة تجار المحصولات والامن الاقتصادي توطئة لجلسة مع أدارة ديوان الزكاة لمعاجلة أمر الزيادات علي امل ان يواصل التجار نشاطهم للبورصة .
| |
|
|
|
|
|
|
Re: اضراب في النهود بسبب الزكاة (Re: عبد الحميد حسين)
|
أ ارتدوا؟؟ ثكلتهم امهاتهم، يمنعون زكاة اموالهم؟؟ والله لو منعوا ملوه كانوا يؤدونها لقاتلهم عمر البشير عليها
اذن فليستعد تجار النهود ومزارعيها بحرب من الله ووكيله في الارض، خادم القرآن الكريم
شكرا ود سند
سلم على معروف، وهو بالمناسبة ببقى ليك شنو؟
| |
|
|
|
|
|
|
Re: اضراب في النهود بسبب الزكاة (Re: أحمد ابن عوف)
|
احمد مرحب بيك بس افتراض انهم مسلمين ده ما يقيني احتمال يكونوا مسيحين مثلاً او كفار ساي كده او مسلمين ما مقتنعين بالوكيل ده.. بعدين الناس ديل اضربوا يعني اساساً الموضوع بتاع الاضراب ده ما بخش في شبهة المنع داك موضوع براهو
| |
|
|
|
|
|
|
Re: اضراب في النهود بسبب الزكاة (Re: Mohamed Sanad)
|
تحياتي يامحمد قبل فترة تقريبا وفد من دولة أفريقية كان في زيارة للسودان وهاك يا طواف وزيارات وإكراميات وهبات وغيرو .. أها في النشرة الأخبارية لتلفزيون الحزب الحاكم مدير الزكاة قال نحن بنصدر تجربتنا الزكوية ( الإسلامية) لكافة الدول الأفريقية .. طبعا قصة نصاب وحول وعين ونقد وغيرها من الاشتراطات الشريعية أشياء لا وجود لها في فقه (ضرورة) الحزب الحاكم قدس الله سره ... أتمنى صادقا ألا تلين لهم إرادة وأن يستمروا في إضرابهم لأجل غير مسمى وأن يحددوا المبالغ التي يمكنهم دفعها ... فهي مرتبطة مع جبايات وآتاوات بعضها حكومي وبعضها (كيري) تسببت في إرتفاع الأسعار بشكل لا يصدق ... ولنا في أسعار الأغنام أسوة حسنة .. الحكومة بتأخذ حقها على الخروف حي قبل ذبحه وحقها يفوق أرباح ( التاجر) والجزار مجتمعين ... أي دين يعتنقون ؟ الشفيع
| |
|
|
|
|
|
|
Re: اضراب في النهود بسبب الزكاة (Re: Alshafea Ibrahim)
|
مرحب بيك الشفيع انا طبعاً موضوع الزكاة دي إشكالي عندي يعني بافتراض ان الزكاة هي وسيله دولة الرسول (ص) فهي بتقوم مقام الضرائب في الدوله الحديثه بمقاييس الاصاله و المعاصره .. يعني الناس مفروض تجري تحديثات مناسبه و اعمال ادوات الحديثه لجعلها مناسبه و منطقيه و الاستغناء عن الضرائب بتاتاً و ده برضو افتراض. انا علماني يعني مضوع الزكاه يفترض ان يكون مسأله شخصيه زي الصلاه و كده و ليس جبراً و طبعاً الموضوع ده في الحاله دي بكون اختصاص مؤسسات دينيه و ليس موضوع دوله .
المهم الموضوع ده كبير ممكن نفتح ليهو مجال براهو لانو مهم ما ممكن المواطن المسكين يكون بيدفع ضرايب و اتاوات و حاجات وهميه ساي كده و تجي تتطالبوا بي زكاه و انت اساساً بتحسب ليهو الزكاه كيف يعني من اموال اساساً هي غير موجوده او نقص نصابها الشرعي لان الدوله اخزتها منه مسبقاً لنا عوده
| |
|
|
|
|
|
|
|