|
Re: صديق أحـمد.. هذه لم يسبقك عليها أحد! (Re: Osman Musa)
|
عدلان أحمد عبدالعزيز
التحيه ليك ولضيوفك الكرام المبدع صديق أحمد ربنا يديهوا الصحه والعافيه
قبل ايام كان زواج أبنه أمجد 3 او 4 من الابداع المتواصل كل فنانين الطنمبور كانوا حضور
ان شاء الله بفتح بوست في الايام الجايه واحاول انزل كل اغاني الرائع / صديق أحمد
| |
|
|
|
|
|
|
Re: صديق أحـمد.. هذه لم يسبقك عليها أحد! (Re: saidahmed shami)
|
يا سلام يا اخي عدلان
المطرب صديق احمد من اعذب الاصوات الغنائية السودانية
وله اداء رائع لا يجاريه فيه الا عمالقة اهل الفن
هو فناني الاول بلاشك ومعظم الاشرطة التي استمع اليها للمطرب صديق
ربنا يمتعه بالصحة والعافية
شكرا عدلان
بوست اكثر من رائع
| |
|
|
|
|
|
|
Re: صديق أحـمد.. هذه لم يسبقك عليها أحد! (Re: عبد الحكم ابراهيم الحاج)
|
التحيات الطيبات،
حيدر حسن ميرغني نصر الدين هجام
عبدالمنعم إبراهيم الحاج، ملاحظاتك حول البناء الشعري للقصيدة أضفت بعد جمالي واجب الانتباه له. الشاعر ابراهيم ابنعوف متفرد وفعلاً استخدم تقنيات غير مألوفة لكن لا يقدر عليها سوى شاعر مجيد، لحنّها عبقري، أداها مطرب طبقات صوته قادرة على التحليق في كل المستويات، وقرأت في منتديات أرقي، أن مجموعة المرددين كانت تتكون من صابر، مقداد، و مصفح.. لا بد أنهم سحرة، و سيدرك كلامي كل من حاول أن ينسق حركات ضرب الأرجل مع الدوران في الحلقة مع ايقاع الصفقة وزد عليها ترديد كل كلمات الأغنية، في مستوى التبادل الجماعي. إنه السحر! عثمان موسى، وين بلودك ياخ من فارقت جوارنا تاني ما شفناك. سيدأحمد شامي، مبروك لأمجد و ما ظنيت صديق أحمد حوّجه ليغني "ريدكم لي شديد يا يابا"، وعقبال يفرح بي أحفادو.
ودالباوقة عبدالحكم ابراهيم الحاج
يعطيكم العافية ورحمة تغشى الفنان بابكر ود السافل فخيراتنا نوع نوع، في المعيشة وفي السحنات وفي الثقافة و الطرب.
| |
|
|
|
|
|
|
Re: صديق أحـمد.. هذه لم يسبقك عليها أحد! (Re: عدلان أحمد عبدالعزيز)
|
تحياتى يا عدلان...باالله شوف الكلام دا: ما نجض واتحبكت زباينو .. بعيد يا الدايرين تعاينو ...ده فد وِحيد ما هو حايق
كلام يوزن الراس.... السلام من عين شمس لا حد فلسطين يغشى الفنان المجيد المجدد صديق والشاعر الرقيق ود ابنعوف وشابيب الرحمة تتنزل على يس
شكرا على الامتاع
| |
|
|
|
|
|
|
Re: صديق أحـمد.. هذه لم يسبقك عليها أحد! (Re: سامى عبد المطلب)
|
التحية لك عزيزى
والتحية عبرك لهذا المتفرد الصداح صديق أحمد
والدعوات الصادقة له بالشفاء التام ..
من أمتع اللحظات تلك التى كانت لنا فى منزله العامر وقتها بشمبات الأراضى
فى رفقة أحبابه معتصم { المصفح } والمقداد .. حديث عذب
ودندنات و لطف بلا حدود ..
| |
|
|
|
|
|
|
Re: صديق أحـمد.. هذه لم يسبقك عليها أحد! (Re: طه كروم)
|
ليس سهلا ان يدرجك العظيم محمد وردي ضمن فنانيه المفضلين او الافضل لديه ربما .. الزول ده عندو صوت بطوعو بطريقة غريبة جدا بذكرني لعب ميسي .. العندو البانة بصوت صديق احمد ووردي ياخوانا يلحقنا بيها .. تحياتي لكم وللكبير جدا صديق احمد ربنا يحفظو ..
| |
|
|
|
|
|
|
Re: صديق أحـمد.. هذه لم يسبقك عليها أحد! (Re: طه كروم)
|
يا سلاااااااام يا أ.عدلااان
زمممن ما سمعت لصديق احمد والمقطع ده عجبنى شديييييييييييييييد
Quote: شيق الزول في كلامها .. يا خالق في نظرتها في سلامها .. يا خالق شقي اليزهد في غرامها و يروح زي الضاربو فالِق |
واافر ودى،،
| |
|
|
|
|
|
|
Re: صديق أحـمد.. هذه لم يسبقك عليها أحد! (Re: ابراهيم الفاضل)
|
سلام يا صاحبي و اشواق كتيره و حكايات اكتر و متابع دراستك سطر سطر و سلامي لضيوفك في البوست و صديق احمد فنان كبير و صل لكافة السودانيين/ات رغم انه يغني أغاني مجموعة اثنية محدده وهذا شأن العباقرة الشعبيين .
يا جماعة ركزوا لينا برضو في الراحل الخالد (ياسين عبد العظيم)... هذا الفنان العجيب و الذي غنى من اشعار حميد ما يدهش كل عشاق حميد .
ـــــــــــــــــــــــ يا عدلان ياخ اعمل إي حركة بتاعة تلفون ياخ .
| |
|
|
|
|
|
|
Re: صديق أحـمد.. هذه لم يسبقك عليها أحد! (Re: طارق جبريل)
|
الأعزاء
ابن النخيل، زمان كان في محل ملابس جاهزة شمال الجامع الكبير الخرطوم أظن اسمه كان "ابن النخيل"، أي علاقة؟ ذكرتني بالأحباب الضو البشير و صديقه الحاج، محمد و عثمان أبو القاسم من أهاالي الأراك، فلو كنت على علاقة بذلك الدكان فستعرف الذين ذكرتهم.
سامي عبدالمطلب، طه كروم، يا دكتور، سمعت عنك من الأصدقاء من جامعة جوبا أوائل تسعينات القرن الماضي، عساك وعساهم طيبين. عبد الله إدريس، "زي البانة ميالة" دويتو جميل بين وردي و صديق للأسف لا أملك التسجيل. ابراهيم الفاضل، أشاركك الإعجاب بالمقطع، فيه حميمية وقُرب لا تتوفر للمتاوق على الجمال عن بعد. سفيان بشير نابري، و الله في البال و في يوليو الماضي ذهبت للبناية في الشهداء حيث محلكم القديم فلم أتعرف عليه. رسل لي تلفونك في الخاص. طارق جبريل، عساك طيب و ناس الامتداد من جم.
محبتي،
| |
|
|
|
|
|
|
|