|
بَنْق البَنْق ..
|
السلام عليكم، أخوانا و أعمامنا السماسرة في السودان عندهم مصطلحات بعرفوها براهم .. و لغاية قريب كان في مفردات كدي الواحد بِقول فيها و يرددا و ما عارِفا هي زاتا شنو .. زي ديل مثلاً: جديدة كَرْت - بي تراب يابانا - و بَنْق البَنْق . . - كرت دي طبعا اختصار كلمة الخرطوم في اي بضاعة داخلة السودان "KRT" .. - "تُراب يابانا" دي كانت اكتر واحدة بتضحكني و المقصود بيها العربية الجديدة و فيها غُبار الميناء .. - أما "بَنقْ البَنْق" دي فمبالغة عديل كدا، و مقصود بيها الحاجة الجديدة و من شدة ما بتلمع عاملة زي صوت لمبة النايلون لما تَولِّعا .. بَنْق بَنْق بَنْق بَنْق بَنْقققققققق .. أها يا أخوانا عضو جديد بَنقْ البَنْق ..
******************************************************** ربنا يقدرنا و نكون اضافة مفيدة للحوش الكبير مشكور يا سيد الحوش و سلام لحبيبنا و صديقنا الاستاذ القانوني هيثم منصور و أختنا المهندسة رهف و د. أمير بوب و سلام تاني يا ناس الحوش يديكم العافية ..
|
|
|
|
|
|
|
|
Re: بَنْق البَنْق .. (Re: طاهر قرشي)
|
Quote: جديدة كَرْت - بي تراب يابانا - و بَنْق البَنْق |
يا زول حبابك (قطع شك) إنت من دخلت الحوش نورك شلع ؤ بق ...بنق بنق الظاهر عليك زولا سمح ويا مراحب وحبابك طَن
| |
|
|
|
|
|
|
Re: بَنْق البَنْق .. (Re: عبيد الطيب)
|
Quote: يا زول حبابك (قطع شك) إنت من دخلت الحوش نورك شلع ؤ بق ...بنق بنق الظاهر عليك زولا سمح ويا مراحب وحبابك طَن |
يديك العافية يا عبيد و ان شاء الله بس نكون قدر حسن ظنك ..
| |
|
|
|
|
|
|
|