كتب الكاتب الفاتح جبرا المتوفرة بمعرض الدوحة
|
|
 السفير الاثيوبي يلقن الخارجية السودانية درسا قاسيا
|
نعم السفير الاثيوبي في الخرطوم الذي زار امس الاول سجن اانساء بامدرمان متفقدا سجينات بلاده في ابوة كادت ان تنعدم .. في الوقت التي فشلت فيه وزارة خارجيتنا في ان تساعد او تزور اثنين من بحارتها تم احتجازهم لسنتين في الصومال ..بل حتي عندما اطلق سراحمهما لم يجدا سفيرا او دولة في انتظارهم !!!
|
|
  
|
|
|
|
|
|
|
 Re: السفير الاثيوبي يلقن الخارجية السودانية درسا قاسيا (Re: العوض المسلمي)
|
| Quote: في الوقت التي فشلت فيه وزارة خارجيتنا في ان تساعد او تزور اثنين من بحارتها تم احتجازهم لسنتين في الصومال |
العوض انت كمان ما تبالغ وتعصر علي الجماعه ديل كمان ، الصومال شنو ، نسيبنا عندة مشكله مع واحد سعودي في فلوس اشتكاة في المحكمة والمحكمة حكمت علية برد الفلوس المشكلة نسيبنا ما قدر ينفذ الحكم عشان الراجل مختفي مشي اشتكي للامير سلمان عندما كان اميرا للرياض ومشكورا وجه الامير بان تدفع امارة الرياض المبلغ كاملا لنسيبي علي ان تاخذة هي بطريقتها من المدين وحولت المعاملة للحقوق الخاصة فطلبو منه شهادة من سفارته حسب نظامهم فذهب نسيبنا للسفارة ولم يدر بخلدة انه سوف يرجع بدون الشهادة واعتبر القروش خلاص دخلت جزلانه واشهدكم يا سادة بان هذا ما حصل تماما القنصل قال لنسيبنا احنا عندنا تعليمات من البشير شخصيا انو ما نتدخل بين مشاكل المواطنيين السودانيين ونظرائهم السعوديين
تقول لي زيارة سجون
يا اخوي والله العظيم انا سفارات السودان التانية ما بعرفهىا ولكن سفارة الرياض دي بيجيبو ليها ارازل الناس ( الا من رحم ربي امثال همزة باعو وجنابو الرشيد موسي الزين وجنابو مدثر وجنابو احمد عطا المنان )
يا اخي في السفارة لو مرقت سالم بتكون اخدت ليك نهرة ولا حديرة بس
| |
|
|
|
|
|
|
|
|
|
Re: السفير الاثيوبي يلقن الخارجية السودانية درسا قاسيا (Re: falcon)
|
العوض
المحزن انا ما قلت ليك لسة
المحزن يا اخي انو نسيبي دة دخل في نوبة زهج شديدة خلاص ومرق منهاعندة فشل كلوي وضغط وهو الان معاق رجلاة لاتقويان علي حملة من كثرة فقدة للكالسيوم بسبب الغسيل جاته هشاشة عظام
انت قايل المصايب الجات للبشير دة من شوية ، دة كله دعا المظلومين ومن اكلت حقوقهم ########ت امالهم
| |
|
|
|
|
|
|
|
|
|
Re: السفير الاثيوبي يلقن الخارجية السودانية درسا قاسيا (Re: العوض المسلمي)
|
الحبيب العوض
السلام عليكم ورحمة الله وبركاته ،،،
عندما تزور الطبيب يسعدك ويشرح صدرك اهتمامه بك وصبره على شكواك وطول باله أكثر من علاجه الذي سيصفه لك لاحقاً.
وهذا ما لحظته ذات مرة بالسفارة الهندية بالرياض.
فعلى امتداد طاولات طويلة جلس بعض أفراد الجالية الهندية يقصون مشاكلهم وآلامهم وأمامهم في الجانب المقابل موظفين يستمعون بكل صبر لهم ويدونون ملاحظاتهم في أوراقٍ أمامهم ليصفوا لهم العلاج لاحقاً.
وصدقاً وقتها عرفت الفرق بين أن تكون في مصاف الدول والمتقدمة وبين أن تبقى في مؤخرة الركب.
مودتي.
| |
|
|
|
|
|
|
|
|
|
Re: السفير الاثيوبي يلقن الخارجية السودانية درسا قاسيا (Re: العوض المسلمي)
|
يا العوض سلام ليك ولكل الحضور
دا نوع من المروة الواحدة حقت الرجال هم فقدوها وبنعرفها ديك لو الواحد حاصلة ليهو حاجة غلط في بلد غربة لو بتكرهوا مفروض
تقيف معاه في غلطه دا عشان يمرق نظيف منو بعد داك كلوا حاجة واختلاف تتحل مرة تانية
السفارة تهدد وتم تهديد الدارسين في مصر من قبل السفارة السودانية في مصر بواسطة بعض العاملين فيها وقدام السفير ايه رايك؟ وفي حضور ناس تانين شهود
خليك من القتل البتم هناك زي فترة ميدان مصطفي محمود وغيرها والله المصريين كانوا بيسالوا انو طيب السفارة ح تعمل شنو والله حرام البيحصل دا
اتخيل,,, اثيوبيا دولة عريقة رغم ما يحدث فيها من مشاكل
| |
|
|
|
|
|
|
|
|
|
Re: السفير الاثيوبي يلقن الخارجية السودانية درسا قاسيا (Re: الفاتح سليمان)
|
سلام ياشيخ العوض ....
1993م في مطار نيروبي حصلت لينا مشكلة انا واثنين من اصدقائي حيث رفض
موظف الجوزات ادخالنا برغم حصولنا على تأشيرة دخول سليمة 100% من سفارتهم في الخرطوم
، بالصدفة قابلت الدكتور كمال شداد كان في الترانزيت ماشي الكاميرون مع اللواء ابراهيم نايل ايدام.
حكيت ليهو الموضوع طوالي قال لي تعال دخلني الــ vip وقال لي ابراهيم نايل ايدام الشباب ديل موضوعم
كذا كذا وجه سعادة السفير يتابع الموضوع ده واذا الشباب ديل ما دخلوا يعمل برقية لى الخارجية مافي
كيني يخش السودان اصلو !!!
نايل ايدام قدامي بلغ السفير الكان موجود بالكلام ده !!
الجماعة مشو بي هنا وسعادة السفير زاغ مننا بي هنا هههههههههههههه
بعد داك حلينا مشكلتنا بي 10 دولار فقط !!!!!
تاني يوم ضربت ليهم في السفارة سمعتهم ليك الكلام المفروض يتقال !!!!
| |
|
|
|
|
|
|
|
|
|
Re: السفير الاثيوبي يلقن الخارجية السودانية درسا قاسيا (Re: البحيراوي)
|
سلام .........
صاحب البوست
وبقيت الزملاء
بالله عندنا سفارأت يا خي دي مجمعات ضرائب خارجية !!
يحلبوك وخدمة بابو ..............
هل النصوص الجامدة من 1997م لي يوم الليلة ؟؟
تم تفعيلها لحل مشاكل الناس في الخارج وهل لها وجود ؟؟
كدي نشوف قانون السلك الدبلوماسي والقنصلي لسنة 1997م
عملاً بأحكام المرسوم الدستوري الثالث عشر لسنة 1995م أجاز المجلس الوطني ووافق رئيس الجمهورية على القانون الآتي نصه :
اختصاصات البعثة القنصلية وسلطاتها
14- تكون للبعثة القنصلية في منطقة تمثيلها الاختصاصات والسلطات الآتية :
(3) رعاية المواطنين السودانيين وممتلكاتهم.
بالله البند هذا موجود وله قيمة ، أعرف شخصية جاءت إلى المستشفى وكلها فرح بمقدم المولود الجديد
إلى العمليات وبعدها يخرج الجنين للعالم وتظل الأم حبيسة البدروم في المشفى ويظل الزوج في حالة من الهستريا
وعدم التصرف ويظل المسلسل إلى الآن .
وين السفير والسفارة وين القسم بتاعك ؟
| |
|
|
|
|
|
|
|
|
|
Re: السفير الاثيوبي يلقن الخارجية السودانية درسا قاسيا (Re: محمد حسن العمدة)
|
السبب يا العوض انهم دبلوماسين من منازلهم
بررردلب درجة سفير، ووزير مفوض ومستشار واعلامي وووالخ
من وين يعرفوا فن التعامل اذا هم اصلا جايين بتزكية من الدفاع الشعبي او دبابين سابقين ومحسوبين متنفذين
ده غير انتمائهم وولائهم للنظام ماعندهم اي مساكة تانية
تكون امنجي قاتل ليك كم رقبة او عذبت كم نفر في بيوت الاشباح (مثل تبيدي القذر) طوالي تكافى بوظيفة دبلوماسية
مرات السفير بكون طرطور ساكت والسفارة بمشيها ممثل الامن اللي عادة مايكون بدرجة (قنصل)
ياراجل شوفنا العجب في سفاراتنا في الخارج وكله موثق لليوم الاسود
الله يقرفهم جميعا بمن نعرفهم ومن لانعرفهم
| |
|
|
|
|
|
|
|
|
|
Re: السفير الاثيوبي يلقن الخارجية السودانية درسا قاسيا (Re: العوض المسلمي)
|
| Quote: ولا يزال السودانيون يتعرضون للظلم في كثير من دول العالم وخاصة الثالث دون ان يكلف اي سفير في تلك البلاد مجرد السؤال عنهم او محاولة حل مشاكلهم ... |
حسب كلام الأخ الزبير ( حكومتنا تنادي بعدم التدخل بين مشاكل المواطنيين ونظرائهم السعوديين ) بينما الملك الصالح عبد الله بن عبد العزيز يوجه سفرائه بأنهم عينوا لخدمة بلادهم ومواطنيهم في تلك الدول .
| |
|
|
|
|
|
|
|
|
|
Re: السفير الاثيوبي يلقن الخارجية السودانية درسا قاسيا (Re: امجد الجميعابى)
|
Quote: فى فترة من الفترات شان تدخل السفارة السودانية فى الرياض لازم تقطع ايصال من الباب ب 3 ريالات سعودية.
الاخوة المقيمين فى السعودية هل ما زال هذا الاجراء متبعا ام استحت سفارتكم؟ |
الأخ / الجميعابي
لا يوجد هذا الاجراء في الوقت الحالي ولا توجد ترعتي الرهد وكنانة ولا تلك الهلمجرات الكثيرة ، ولكن الملاحظ صراحة سرعة إنهاء الاجراءات ، ما عدا إستخراج الجنسية والجواز للأبناء والبنات تلك تأخذ وقتا طويلاً .
| |
|
|
|
|
|
|
| |
العوض المسلمي
الزبير صالح الزبير
البحيراوي
falcon
الفاتح سليمان
omer osman
سامى عبدالله
حيدر حسن ميرغني
ولياب
امجد الجميعابى
Hani Arabi Mohamed
معاذ الدخري
فيس بوك
تويتر
انستقرام
يوتيوب
بنتيريست