كتب الكاتب الفاتح جبرا المتوفرة بمعرض الدوحة
|
بوست تجربة سااااااي (نيو ممبر)
|
عندنا حبوبتا لينا مشت الحج مع ولد بتها , يوم رمي الجمرات ود بنتها قال ليها لازم توكليني ارمي ليك الجمرات عشان الزحمة وانتي ما بتقدري فالت ليهو ما بوكلك انا ذاتي دايرة اشوف الشيطان بعيني دي . ....................................... انا كمان بفهم حبوبتي دي عايز اشوف موضوع العضوية دا بعيني عشان كدا قلت اعمل بوست تجربة واقوم اعمل خروج وافتح سودانيز كزول قراء ساي ذي زمان كان لقيت بوستي دا قاعد معناه الموضوع جد وكان ما لقيتو الترابة دي في خشم حبوبتي المشت الحج
ستار
حبوبتي دي ما عندها اي علاقة بحبوبة الاعلامي غريبة
|
|
|
|
|
|
|
|
Re: بوست تجربة سااااااي (نيو ممبر) (Re: محمد عبد الماجد الصايم)
|
محمد جبره مرحبا بك جدا جدا الحكاية شنو اصلو ؟ عرس ولا عيد ؟ أفجخ ساهي وكمان فجخي جد اربط كوزك وسايرين واطلع العالي وادلا بالدقداق وكمان ممكن تدوبي كان عندك سعية قال قلبي دق قال اصلو حب ؟ هههههههههههههههههه والله انتي الذ عضو جديد غايتو انا بصاحبك ... خلاص ؟ عشان كلمة حبوتا لينا وليتها كانت حبوبتن صوحيب صوحيب جيب ايدك
| |
|
|
|
|
|
|
Re: بوست تجربة سااااااي (نيو ممبر) (Re: عبدالله ود البوش)
|
بوستك دا ذكرني بمستر Bean
مدة مافي واحد رسل ليهو جواب قام كتب جواب لنفسو ودخل الجواب في ظرف وطلع برا الباب وراح رامي الجواب بخرم فتحة البوستة الموجود في بابو . بعدها فتح الباب ودخل اول ما شاف الجواب واقع في الاوضة عمل حركة كدا بتاعت خلعة وبسمة عريضة فرحاً بالجواب القادم . لو لقيت اللقطة دي بجيبها ليك هنا
حبابك
| |
|
|
|
|
|
|
Re: بوست تجربة سااااااي (نيو ممبر) (Re: الطيب عثمان يوسف)
|
محمد جبره حبابك ألف ياخ في الحوش شكلك كدا زول بتاع حنك وحنــّااااك شديد
عارف في واحد كضاب كضب جد مرة كدي قابل ليهو واحده فقام قال لازم أقوم أمارس عليها مهارات الكضب حقي المهم بعد ربع ساعة كدا قال ليها :
عارفه يا هناية والله من شفتك قلبي دا بدل يقول تك تك تك بقي يقـــول: هناية..هناية...هناية
أوع يكون الزول دا قريبك بس
| |
|
|
|
|
|
|
Re: بوست تجربة سااااااي (نيو ممبر) (Re: الامين موسى البشاري)
|
Quote: محمد جبره حبابك ألف ياخ في الحوش شكلك كدا زول بتاع حنك وحنــّااااك شديد
عارف في واحد كضاب كضب جد مرة كدي قابل ليهو واحده فقام قال لازم أقوم أمارس عليها مهارات الكضب حقي المهم بعد ربع ساعة كدا قال ليها :
عارفه يا هناية والله من شفتك قلبي دا بدل يقول تك تك تك بقي يقـــول: هناية..هناية...هناية
أوع يكون الزول دا قريبك بس |
البشاري اب نجمة
قبل ما ارد عليك خشيت درس عصر في بوستك بتاع تفنيات المنبر عشان نرد ليك بيان بالعمل
زولك الكضاب دا ما قريبي ولا حاجه نحن قلوبنا بدق دقك دقك ...انت ما سمعتها ولا شنو (وش فاري الكلوش)
مشكور على الترحيب وقطعا حنتلاقى
| |
|
|
|
|
|
|
Re: بوست تجربة سااااااي (نيو ممبر) (Re: الطيب عثمان يوسف)
|
القمندان الطيب عثمان
اديك العافية و شكرا على الترحيب بحبوبتي واحكي ليك واحدة من اشراقاتا الجميلة : زمان كان عندنا عرس , تاني يوم الصباح والناس لسه مجدعة في السراير حبوبتنا دي دخلت اوضة لقت ليك فستان الزفاف بتاع العروس في السرير , قفلت عليها الباب وخشت ليك في الفستان بي طرحتو و جات طالعة , اليوم داك صف الحمام كان اطول من صف العمرة .
تحية تشرط البوت
| |
|
|
|
|
|
|
Re: بوست تجربة سااااااي (نيو ممبر) (Re: رشا سالم)
|
Quote: باااااااز يا خطير
ياني جبره
نبارك ليك السمح |
كان كدة دايرين نكتة تانية. دي اضافة جميلة للمنبر (شدّ لينا - صوتك- بالله ) . عشان الناس ما تقول انا بكسر تلج انا مقتنع تماما بان محمد جبرة من افضل الاصوات الغنائية وخايف يكون ترك الغناء لانها ح تكون خسارة. لك ولأسرتك التحية.
| |
|
|
|
|
|
|
|