|
"الشعبي" يهدد بالانسحاب من تحالف المعارضة
|
"الشعبي" يهدد بالانسحاب من تحالف المعارضة السبت, 12 يناير 2013 14:04 الاخبار - فى السودانى اليوم
"الشعبي" يهدد بالانسحاب من تحالف المعارضة الخرطوم : الهضيبي يس هدد حزب المؤتمر الشعبي بالانسحاب من تحالف قوى الإجماع الوطني، إن لم تتراجع وتتبرأ قياداته من وثيقة (الفجر الجديد) الموقعة في كمبالا مع الجبهة الثورية . وقال نائب الامين العام للمؤتمرالشعبي إبراهيم السنوسي في حديث لـ(السوداني) إن الوثيقة بها مسعى واضح لفصل الدين عن الدولة واستبداله بنظام علماني ، لافتاً إلى أن حزبه مع سياسية تغيير واسقاط النظام عن طريق العمل السياسي وليس المسلح. وأكد السنوسي أن حزبه تبرأ من الشخص الذي وقع باسمه على تلك الوثيقة. وحذر السنوسي قيادات المعارضة من المضي في تنفيذ وثيقة كمبالا لأنها تفتح الباب لتقسيم السودان من خلال بند الاقاليم الوارد بها ، اضافة إلى غياب التشكيل الصحيح لهيكل الدولة سواء الفيدرالي أم الولائي أم المحلي بتخصيص الحكم لتلك المناطق والاقاليم وهو ما يغيب دور الدولة وسلطانها، مشددا على اعتراض حزبه على الفترة الانتقالية التي حددتها الوثيقة بواقع 5 اعوام لإقامة انتخابات من بعدها "خاصة وأن الوثيقة اضافت مكونات لا علاقة ولا وجود لها في السودان " بإدراجها مصطلحات ومسميات تبدأ بإقامة دولة مدنية علمانية وهو ما لن نوافق عليه البتة". أحدث المقالات - فى السودانى اليوم
المصدر: http://www.alsudani.sd/news/index.php?option=...-02-46-28andItemid=212
|
|
|
|
|
|
|
|
Re: andquot;الشعبيandquot; يهدد بالانسحاب من تحالف المعارضة (Re: ثروت سوار الدهب)
|
سلام ثروت ..
Quote: حمرة العين ما عند نافع براه ابراهيم السنونسي ذااااااااااااااااااتو بحمر |
ما اظنها تحميرة لكن اتساق من المؤتمر الشعبي ومغازلة للبقية من الحركة الاسلامية داخل وخارج السودان.. في ظني انه المؤتمر الشعبي بيطرح نفسه بوضوح انه الوريث الشرعي للحركة الاسلامية في السودان وان الترابي زعيمها .. وبينظروا بعين الرضا لمآلات الربيع العربي في مصر وليبيا وبيتعشموا في مساندة الدوحة للمؤتمر الشعبي بدلاً عن المؤتمر الوطني.. بحث المؤتمر الشعبي اعلاميا عن الثورة السلمية والتغيير الراديكالي للسلطة بمعاونة الامة والاتحادي في امل انه التغيير يرمي في حجرهم السلطة باسم تحالف اسلامي كما حدث في مصر..
لكن لا نافع بيهرشهم لا هم بيتهرشوا ليهو .. البيتهرشوا باسم الدين الامة والاتحادي بينما يكتفي الشيوعي بمحاولة تحسين صورته المخالفة للوجدان الديني للشعب السوداني او كما يقولون
| |
|
|
|
|
|
|
Re: andquot;الشعبيandquot; يهدد بالانسحاب من تحالف المعارضة (Re: HAIDER ALZAIN)
|
بعدين بعد يحصل تغيير ولو خاضوا انتخابات المؤتمر الشعبي اول من يرمي طوبة الاحزاب البتنادي بالعلمانية حتى قبل انصار السنة.. وحايسعي لتحالف مع الاحزاب الدينية خاصة المتشددة منها ومع بقية اهل المؤتمر الوطني حا يرجعو مرة اخرى عبر بوابة المؤتمر الشعبي باسم الحركة اللاسلامية.. التحالف مع المؤتمر الشعبي بعتبرو تحالف مع الجبهة الاسلامية بشكل او آخر..
تحياتي
| |
|
|
|
|
|
|
Re: andquot;الشعبيandquot; يهدد بالانسحاب من تحالف المعارضة (Re: HAIDER ALZAIN)
|
Quote: بعدين بعد يحصل تغيير ولو خاضوا انتخابات المؤتمر الشعبي اول من يرمي طوبة الاحزاب البتنادي بالعلمانية حتى قبل انصار السنة.. وحايسعي لتحالف مع الاحزاب الدينية خاصة المتشددة منها ومع بقية اهل المؤتمر الوطني حا يرجعو مرة اخرى عبر بوابة المؤتمر الشعبي باسم الحركة اللاسلامية.. التحالف مع المؤتمر الشعبي بعتبرو تحالف مع الجبهة الاسلامية بشكل او آخر..
تحياتي |
الترابي عايز كدا.. يا حيدر ، على رأي المقولة . كان نجحت التجارة المره والحماره ، وكان خسرت التجارة كفاي الحماره.. وعينه على المحكمة الجنائية التي لا تسقط الجرائم بالتقادم.
قبل أن أقرأ هذا البوست يا ثروت قلت من حق الجبهة تجميد عضوية الشعبي حتى تتم محاسبة عرابه. لكن الآن وبعد هذا البيان فبأسرع ما يمكن قبول هذا التنصل (الإنسحاب) والمقررات يمكن تطويرها لتكون جبهة فيدرالية حديثة بحق وحقيقة.
| |
|
|
|
|
|
|
Re: andquot;الشعبيandquot; يهدد بالانسحاب من تحالف المعارضة (Re: قيقراوي)
|
الدروشة ما في الزوايا والتكايا وبس في السياسة كمان في دروشة الذين يفرحون لخروج الشعبي بعد شوية بجيكم حزب الأمة مارق بحجة العلمانية أيضاً ، وبيان حزب الأمة قال كدا حتقولوا ليهو إتفضل أمرق برضو ؟ دا ما كلام زول داير ينتصر دا كلام زول في حفلة وبيفتش للبيرتاح ليهو علشان يرقص معاهو أو معاها وبيتعد من الما بيطيقوا لكن الزول المزنوق وعايز ينتصر ما بيعزّل في المرحلة دي الثورة زي السيل الجارف ، ما صافي ورقراق ، بل يحمل معه العويش والطين وكل شيئ الغث والثمين ،، والتصفية بعدين السياسة تنازلات ، وليست ممارسة الرغبات أصلاً العلمانية ذاتها دا ما وقتها ،، أي شيئ خلافي خلوه بعدين زحوا الكابوس في الأول لكن يبدو إنو في ناس يدهم في الموية الباردة وممكن يعارضوا كمان 24 سنة أخرى ما مستعجلين على النصر ، ما عندهم ناس في المعسكرات ولا فاقد تربوي ولا موت يومي علشان كدا مرة يقولوا ليك ما ديرين ثورة مسلحة ، وفي نفس الوقت ما بيطلعوا في مظاهرات سلمية ومرة يقعدوا يعزلوا ، ويلوكوا في قضايا غير مستعجلة كالعلمانية أنا حاولت أعالج هذه المغالطة في البوست دا وثيقة الفجر الجديد ،، لها وعليها ،، لكن التبرء منها معيب
| |
|
|
|
|
|
|
Re: andquot;الشعبيandquot; يهدد بالانسحاب من تحالف المعارضة (Re: HAIDER ALZAIN)
|
حيدر الزين تحياتي وشكراً على التعقيب والإهتمام
لكن تشتيت الكورة لزومو شنو؟ فيما يلي كلامي الطويل الإنت جبت الكتير منه هنا ، كان تناقشني فيه هناك في محلو وأنا هنا قلت كلام محدد ، ثم وضعت الرابط لمن يريد أن يطلع على المزيد
وإنت ما جاوبت ولا رديت على الكلام الهنا ، ومشيت تتناول الهناك وبرضو كنت برة الموضوع أولاً كلامي الهنا كان عن الإجماع وإنو مادام العلمانية تجلب الشقاق فلماذا لا نؤجل حسمها إلى ما بعد سقوط النظام وإنو اليوم خرج الشعبي وقبلهم خرج حزب الامة بذات السبب (العلمانية) ما جاوبت على الطرح دا ومشيت تتكلم لي عن أنني أريد للناس أن يحكموا بدون الإتفاق على كيف يحكموا وين أنا قلت الكلام دا؟ أم أنك تقصد إنو الفترة الإنتقالية لا يمكن حكمها بدون حسم موضوع العلمانية .. بالله ؟ يعني برأيك إنو دستور المرحلة الإنتقالية أهم بند فيها هو العلمانية؟
وكلامي الهناك كلو عن إختلال الألويات ،، تأخير وتقديم مخل ، رأيك شنو؟ لاحظ أنهم (حسموا ) موضوع العلمانية (غير المستعجل) والذي يجلب الخلاف ، بل جلبه بالفعل بينما هناك ( مجرد ذكر) للحكومة الإنتقالية - وهو الأهم والملح والمستعجل - وكان الأولى أن نقرأ أنهم شكلوا الحكومة الإنتقالية أو حسموا أمر الحكومة الإنتقالية
سيب الإنطباع ورد على الفكرة ،، واضح أنك حركتك كلمة (يا أحد من أتعلم منهم) التي صدرت من جهة ربما بينك وبينها ود مفقود ، وأنا مالي طيب !!
| |
|
|
|
|
|
|
Re: andquot;الشعبيandquot; يهدد بالانسحاب من تحالف المعارضة (Re: ثروت سوار الدهب)
|
Quote: فعلا يا عبد المنعم الترابي بعد مجهودو الضيعوهو ليهو العسكر ما ممكن يجي يقاسم حملة بندقية السلطة مرة اخري.. انا لو في محلو بعصر على ابو النسب اكتر.. مضمون وهدي ورضي بيقبل بأي شئ |
ابو النسب ما عاد عنده ليو شي كثير ابو النسب راجل تائه و متردد لا يعتمد عليه. و قصته بايظة بقى زول رزق اليوم باليوم قدر العنده العندو ما قادر عليه و بتفلت منه على مدار اليوم. الترابي عارف كدا
تحاياي يا حيدر
| |
|
|
|
|
|
|
Re: andquot;الشعبيandquot; يهدد بالانسحاب من تحالف المعارضة (Re: ثروت سوار الدهب)
|
Quote: الدروشة ما في الزوايا والتكايا وبس في السياسة كمان في دروشة الذين يفرحون لخروج الشعبي بعد شوية بجيكم حزب الأمة مارق بحجة العلمانية أيضاً ، وبيان حزب الأمة قال كدا حتقولوا ليهو إتفضل أمرق برضو ؟ |
افتكر الدروشة في التخالط مع هذا المعلون المجرم و ليس العكس و لكن انا ما دام دا شهرا ما عندي فيو نفقة انشاءالله الدروشة الما يمرقوا منها بركة وج حسونة
تحاياي الاخ احمد ابكر
| |
|
|
|
|
|
|
|