آخر كاراكتيرين معبرين تماما وفيهما فكرة .. كاراكتيراتو السابقة بصراحة كدا ليس فيها سوي الرسم الجميل .. وحتي الرسم الجميل نفسو كان قاعد يخربو بالتعليقات والكابشن الضعيفة بل والساذجة جدا . أتمني له التوفيق في هذا المضمار . يتبع إن الله هون .
01-11-2013, 07:35 PM
عبدالوهاب علي الحاج عبدالوهاب علي الحاج
تاريخ التسجيل: 07-03-2008
مجموع المشاركات: 10548
طلوح يا أيها المسكين، مشتاقين والله كيفكم وانتم موعودون الموسم بابداعات سيدا وسيد أبوها وأمها والله حاسدنكم عديل .. وشايف معدل الأعمار ارتفع عندكم زي الدولار اليومين دي !! غايتو الله يصبرنا ويفرّج عليكم
Quote: محمد الحلو بدأ يتحسن
والله تحسن واحد ما شايفو ليهو !! يا طلحة ياحي الشغلة دي موهبة يا انت موهوب أور نوط .. زولك دا لم يطرأ عليه أي تحسن عندك مثلا كاريكاتير اليوم بتاع التور دا ياخ فكرة استخدام الثور كرمز للقوة دي فكرة في منتهى البؤس والتواضع التور في ثقافتنا مربوط بالهواجة والبلادة والكلام دا معروف حتى في ثقافة الطفل السوداني ولو بتتذكر اهازيجنا الزمان "التور أب جاعورة شم الدم وقال حرّم الخ" ومن شدة بلادتو وجبنو هو الذكر الوحيد الذي يسمح بوجود ذكور معه في نفس القطيع و######## اقل مرفعين بجهجه ليك مربوطته .. دا عن كاركاتير اليوم أما بتاع أمس والله ما متذكر تفاصيلو وأكيد لو كان كويس لكان ترك شيئ في الذاكرة !! مشكلتنا في المنبر دا رسامي الكاركاتير كلهم عندهم مشاكل فمثلا صديقنا عمر دفع الله بتخيل لي بربط ليهو "سروال" في راسو حتى يرسم كاريكاتيراتو كلها أو أغلبها من الصرة ولي تحت .... وشايف كمان في واحد جديد بيوقع اسمو بالانجليزي غايتو دا مرض عديل المهم يا زول بكري عاوز كدا ونحن طبعاً بتهمنا راحة الريس والعضو المصاب خخخخخخخخخخخخ
01-11-2013, 08:14 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
كاريكانير اليوم في نظري يذم التحالف الجديد من حيث أراد له المدح !!
ذكرني بالتور في مستودع الخذف !! التحالف الجديد عبارة عن تور هائج متجه للسودان والذي هو بحق وحقيقة مستودع خذف .. والتور سيدمر مستودع الخذف تماما وهو في هيجانه ذاك ..!!
ذلك ما أستنبطته من الكاريكاتير أما إن اراد الرسام أيصال فكرة مغايرة أو عكس ما اعتقدته فعليه بإرفاق لائحة تفسيرية مع الكاريكاتير ..!!
01-11-2013, 08:28 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
محمد الحلو كما هو واضح دون أن يقصد صور الثورة بثور هائج ليهو قرنين كبيرين وأعتقد أنو دا ما ح يرضي ناس الثورة عكس ما أراد محمد الحلو .. لكن أنا كقاريء فقط الكاركاتير كان واضح جدا بالنسبة لي عكس كاراكاتيراتو السابقة عشان كدا قلتا محمد الحلو بدأ يتحسن .. لأنو فكرتو وصلت تماما .
الكلام دا كتبتو كمداخلة في بوست مجاور .. المهم أنو الفكرة كانت واضحة جدا .. يعني أنا كقارىء مثلا ومع الجبهة الثورة ح أفهم أنو الحلو قاعد يشتم فيني وبالتالي ح يكون عندي فيت باك والعكس لو كنت ضد الجبهة الثورية ح أفهم العكس وبرضو ح يكون عندي فيت باك وفي الحالتين يكون الكاراكتير أدي غرضو وهو المطلوب . طبعا أتفق معاكم تماما يا وهبة وناذر زي ما قلت في المقتبس الفوق دا أنو الحلو قصد المدح لكن خانو التعبير باعتبار أنو ضد الحكومة ومع الجبهة لكن أنظر للكاركاتير من زاوية أنو الراجل دا ضد الجبهة الثورية دي . عموما مازلت أعتقد أن الحلو ينقصو الكتير مع أنو بدأ يتحسن . ..................................... يا وهبة صدقني حركة سيدا دي ح تكون لصالح الهلال وإتا في وأنا في .
01-11-2013, 08:57 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
كلام سليم يا ناذر لكن أنا نظرت للكاركاتير كزول ما عارف انتماء الحلو دا .. وبرضو لو فرضنا أنو الحلو دا ضد الجبهة الثورية لوجدنا أنه قدم كاركاتير متميز . ....................... إتا شنو يا ناذر مرة زعيم صفوة ومرة رشاشة مسكين ؟؟ ههههههه
01-11-2013, 10:13 PM
Balla Musa Balla Musa
تاريخ التسجيل: 12-30-2004
مجموع المشاركات: 15238
والله ياطلحة وماليك علي حلفان كنت ناوية أفرد خيط مخصوص عشان محمد الحلو تشجييييع ليهو كدا لكن اهو إنت نزلتو وانا وإنت مافي فرق بيناتنا الزول بيستحق التشجيع شغلو مرتب الافكار والقفشة والذكاء ديل من عند الله واللي عندو الموهبة دي يساعد مالو ماشفتو مصطفى حسين واحمد رجب أحلى أتنين قدموا حاجات حلوة ودا مابينفي انه مرات محمد الحلو كاركاتيرو بيكون متكامل
البوست السابق جاب نتيجة !!!! الراجل مجتهد ...... الرسومات مامفروض تكون كتيرة ومالي بيها الورقة كلها .. رسومات رمزية وتعليق ذكي ....بي دي الفكرة بتصل للقارئ . . . تحياتي
01-12-2013, 07:48 AM
محمد يوسف طه محمد يوسف طه
تاريخ التسجيل: 01-10-2013
مجموع المشاركات: 434
اذا تم تأويل الكاريكاتير على اكثر من وجه فهذا دليل فشل في توصيل الفكرة. وفي ظني ان الثنائية هي الحل. زي ما قال مرسي الزناتي :انا المخ و انت العضلات. فليستعن محمد الحلو بأحد البورداب الساخرين لتفريخ الأفكار .
01-12-2013, 07:51 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
بلة موسي السلام عليك يا ريت ياخ لو فعلا الحلو قاصد المعني بتاعك دا كان يكون قمة الابداع ..
راوية السلام عليك فعلا محمد الحلو يحتاج التشجيع لكن يحتاج قبل ذلك الإنتقاد وعليه أن لا يتحرج من ذلك
رضا السلام عليك رسومات رمزية وتعليقات ذكية دا العملو الحلو في كاركاتير غول الأسعار في مواجهة ضعف الأجور والثور الهائج الذي رمز به للجبهة الثورية وإن كان مقصدو في الأخير جاء عكس ما قصده .. عموما الزول ماشى كويس .
01-14-2013, 01:20 AM
Abureesh Abureesh
تاريخ التسجيل: 09-22-2003
مجموع المشاركات: 30182
الاخ طلحة - الكراكاتير فكرة موجزة ومختصرة تخلو من النص أحيانا - كراكاتيرات الاخ محمد بها كثير من المباشرة وأحيانا أقحام الفكرة غصبن عنها حيث لايوجد توازن بين المكتوب والمرسوم وكأن أحدها جهز لمواكبة الاخر هذا مع كامل الود
01-14-2013, 11:33 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18010
الأخوة المرور تحياتي وشاكر ليكم تفضلكم بالتواجد هنا ...... ههههههههه يا تامبا والشيخ محمد الحلو دا صاحب الكاركتير الفوق دا ... الغريبة الزول دا مصر يحرجنا بعد ما قلنا بدأ يتحسن ... غايتو بتبالغ عديل يا حلو ياخ .
01-20-2013, 02:35 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
يا ناذر السلام عليك ياخ والله لو بقت على غلطات الاملاء كان يكون نعيم عديل كدا ... الزول دا غايتو بى كاركاتير الليلة والقبليهو والقبليهو خلاني أشك انو كاركتير غول الأسعار والبعديهو بتاع الجبهة الثورية ديل ما من بنات أفكارو واللا حتي أولادا مع العلم انو الكاركتيرين ديل ( الغول والجبهة) بى سببن فتحت البوست دا وقلتا انو بدأ يتحسن لكن الظاهر علي أنا اتسرعت شوية. محمد الحلو دا زي ما قلتا ليك واتفقوا معاي كتيرين ناقصو كتير خالص عشان يبقي كاركتيرست عشان كدا أحسن حاجة يعملا في الوقت الراهن دا أنو يبطل يرسم كاركاتيرات هنا لغاية ما يحسن مقدراتو بالاطلاع والتدريب الشديد .. غير كدا ح يفضل في محلو دي كدا لفترة طويلة خالص واحتمال أصلو ما يتحرك منها.
........... والله يا محمد الحلو خذلتني خذلان ما بعدو من خذلان .. الله يسامحك ياخ .
01-20-2013, 06:35 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: محمد الحلو دا زي ما قلتا ليك واتفقوا معاي كتيرين ناقصو كتير خالص عشان يبقي كاركتيرست عشان كدا أحسن حاجة يعملا في الوقت الراهن دا أنو يبطل يرسم كاركاتيرات هنا لغاية ما يحسن مقدراتو بالاطلاع والتدريب الشديد .. غير كدا ح يفضل في محلو دي كدا لفترة طويلة خالص واحتمال أصلو ما يتحرك منها.
كلامك قد يكون قاسي شوية رغم انو جا في صورة نقدية بحكم متابعتك ..
عن نفسي شخصيا زي ما واحد قال فوق بنصح باللجوء للثنائية الفنية ..
واحد يدي الفكرة ومحمد الحلو يرسم لحدي ما يتحسن تدريجيا ..!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طلحة عبدالله
عبدالوهاب علي الحاج
ناذر محمد الخليفة
Balla Musa
Rawia
محمد يوسف طه
Abureesh
tmbis
الشيخ سيد أحمد
فيس بوك
تويتر
انستقرام
يوتيوب
بنتيريست