|
|
 خادم القرآن الكريم لقب جديد لعمر البشير
|
اليوم و فى نشرة الساعة العاشرة مساء كنت و بعض الاخوة الكرام جلوسا نستمع لنشرة العاشرة رغم انى لا اشاهد القنوات السودانية لاسباب صحية
على كل حال ورد خبر مفاده سيفتتح المشير عمر البشير خادم القرآن الكريم مسجد و مجمع فى منطقة طابت الشيخ عبد المحمود انتهى الخبر.
حقيقة الجمت الدهشة السنة بعض الجلوس الذين يتماهون مع المؤتمر الوطنى الى ان بددها احد الاخوة بقوله ان هذه بشرى يجب الا يستهان بها
معضدا حديثه بأن النميرى عندما بدأ فى لبس ثوب امام المسلمين لم يلبث كثيرا و توقع الاخ ان الامر فى نهاياته و لكن السؤال الذى حيرنى
ماذا فعل البشير فى خدمة الدين و تعاليمه حتى نسبغ عليه لقبا كهذا؟
قتل و سحل و ذبح و تشريد و اغتصاب و فساد اشار اليه هو نفسه و كون له مفوضية لم تقدم حتى الآن شخصا واحدا للقضاء .
افيدونى يا رعاكم الله
|
|
 
|
|
|
|
|
|
|
|
Re: خادم القرآن الكريم لقب جديد لعمر البشير (Re: اسامه خليفه)
|
| Quote: ماذا فعل البشير فى خدمة الدين و تعاليمه حتى نسبغ عليه لقبا كهذا؟ |
امجد
كيفن يا اخوي ما عمل حاجة ، الم ينزل العزاب بامريكا وروسيا ( امريكيا وروسيا قد دنا عزابها )
الم يؤسس للمشروع الحضاري ( نفسي اعرف مفردات المشروع دة شنو )
و
و
و
واخرا وليس اخيرا انت ما شايف الصواني الكتار الفي الشوارع ديل العملم منو
قد يعن لك ان تسال عن علاقة الصواني بالدين وان اقول لك
مش مرات الزول لمن يتبحر في الدين ويبقي مدروش شوية
والمدروش في السودان بيكون لافي صينية
اها وطيب
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: اسامه خليفه)
|
Quote: ماذا فعل البشير فى خدمة الدين و تعاليمه حتى نسبغ عليه لقبا كهذا؟
قتل و سحل و ذبح و تشريد و اغتصاب و فساد اشار اليه هو نفسه و كون له مفوضية لم تقدم حتى الآن شخصا واحدا للقضاء . |
الكيزان المجرمـون لا يخافـون الله ولا يخجـلون
في غيهـم وفي كذبهم وضلالاتهـم سادرون
كـده شوف المنافق المدعـو السيدح الفوق ده
قلمـك والبركة ولا تأخـذنك بهم رأفـة !
-----------
تحياتي يا أمجـد
ومرحب بيك هنا
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: Abd Alla Elhabib)
|
Quote: امجد
كيفن يا اخوي ما عمل حاجة ، الم ينزل العزاب بامريكا وروسيا ( امريكيا وروسيا قد دنا عزابها )
الم يؤسس للمشروع الحضاري ( نفسي اعرف مفردات المشروع دة شنو )
و
و
و
واخرا وليس اخيرا انت ما شايف الصواني الكتار الفي الشوارع ديل العملم منو
قد يعن لك ان تسال عن علاقة الصواني بالدين وان اقول لك
مش مرات الزول لمن يتبحر في الدين ويبقي مدروش شوية
والمدروش في السودان بيكون لافي صينية
اها وطيب |
مرحب بيك ابوى لكن خلى بالك الصوانى ذاتا و الله تفتح خشمك فيها يقوم عليك الكارورى فى خطبة الجمعة
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: امجد الجميعابى)
|
Quote: كثرت ألقابه و رخُصَ ثمنه
متل الكديس ...
.........
سلام و مرحب بيك امجد الجميعابى ...
.....
بالمناسبه إنت قريب طارق و اسامه و محمد محى الدين الجميعابى
.........
عبدالماجد |
نعم و الافراط كالتفريط فى كل يوم لقب و اسم و مسمى ندرك كنهه و لكن لا نرى او نحس ذلك فى المطلق عليه
من ذكرتهم من اهلى و عشيرتى و انا جميعابى ضوابى من الجيلى و ما حولها و غربها
لك كامل التقدير و المودة
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: امجد الجميعابى)
|
Quote: المواطن امجد
انت ( الجموعى )
اعتقد تم اللقاء فى احد تلك البيوت ..؟
ايمن مصطفى طالب الاهلية ود بشيرعمر وزير المالية المنتخب من الشعب السودانى
حينها .والايام ديك كان عريس ..لانو جابو محنن ...ونضم نضمى ..حق رجال .........
والراحل العم بندى ....
ده انت ؟ |
معاوية الصايم حبابك تعجبنى كثيرا و ازعل منك اكثر غيور مك اخو اخوان
و لكنك احيانا بتصرج الكورة.
دع عنك الذين ذكرتهم فتلك ايام لها ما لها و عليها ما عليها و اشهد انك صنديد كتوم و لا ازيد
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: امجد الجميعابى)
|
Quote: الكيزان المجرمـون لا يخافـون الله ولا يخجـلون
في غيهـم وفي كذبهم وضلالاتهـم سادرون
كـده شوف المنافق المدعـو السيدح الفوق ده
قلمـك والبركة ولا تأخـذنك بهم رأفـة !
-----------
تحياتي يا أمجـد
ومرحب بيك هنا |
عبد الله الحبيب يا حبيب القول قولك
اما فيما يتعلق بالاخ السيدح فى كثير من الاحايين يفضحه قلمه و ما ببيع اللباسات ببعيد
يا اخى الكريم التأريخ استاذ شاهد و الكلمة امانة.
انا لا قول لى غللى السيدح و لا ارى نبلا فى مقصد حديثه الذى يتبنى فيه كثيرا من المواقف
و لكنى استغرب لقوله لانى اعرفه لا كمعرفة شخصية و لكنى اعرف من يكون .
اخى السيدح استغفر لذنبك و كن انت
| |
|
|
|
|
|
|
|
|
 Re: خادم القرآن الكريم لقب جديد لعمر البشير (Re: محمد مصطفي مجذوب)
|
الأخ أمجد تحية طيبة ومبروك وصولك المنبر وسعداء بتشريفك وأتمني تكون إضافة مميزة
خادم القران الكريم
ماله يستاهل مش في خادم الحرمين
ياخ مش اي زول من حقه يخت لي نفسه اللقب العاجبه هسع انت مش ملقب نفسك بالجميعابي ومعاوية ملقب نفسه بالطوربيد
وأنا زاتي مرات قاعد اللقب نفسي بي أبوجنزير عادي عمر البشير يلقب نفسه خادم القران الكريم
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: عبدالعزيز حسين عبدالرحيم)
|
Quote:
حقيقة الجمت الدهشة السنة بعض الجلوس الذين يتماهون مع المؤتمر الوطنى الى ان بددها احد الاخوة بقوله ان هذه بشرى يجب الا يستهان بها |
تطورات ابداعية
لجام الدهشة هين ، شويتين تلاتة الجلوس يعملوا حسابهم ألا يلقموا أحجارا
في نقل مباشر من الدمازين لحفل تكريم حفظة القرآن ظهر الياقوتي وناشراً حديثا سوف يسري في فضاءات العوالم السبع وسماواتها وأراضينها حتى يسأله الله عنه يوم يسأل عباده عن الحكمة التي آتاهم إياها...
لو قرأت الدهشة على وجه صاحبهم دلالتها تقول ( أكاد لا أصدق )
لن يكون القوز وحده من ظلم علينا ظلم
| |
|
|
|
|
|
|
|
 Re: خادم القرآن الكريم لقب جديد لعمر البشير (Re: المسافر)
|
الاخ الجميعابي
تحياتي يا صديق
البشير- قدَّسَ الله سره- هو حامي حمي الإسلام وبيضته
وهو فوق ذلك مجدد المائة هذه
اعمل حسابك يا قريبي
وازيدك من الشعر
بيت
يا أيها الدرويش والرئيس
والمُلهِم والمُلهًم
والمشير والوزير
والغضنفر الضرغام
يا دارسا وفاهما وعالماً
في الفقه والتشريع والقضاء
والفكر والتاريخ والجغرافيا
والشعر والترتيل والغناء
والحرب والسلام والفضاء
والطهي والبلهارسيا
والحب والبكاء
يا أيها الوحي السماوي الذي كرمنا وجاء
لينقذ الإنسان والدنيا من الفناء
يا حضرة الأمام يا المنصور
بإذن الله يا أيها المهدي والقرشي
والمكي والكوفي والصوفي والأممي
يا مفجر الصحوة يا مبارك والطلعة
يا محرر الإنسان والإسلام
من كيد إبليس ومن شطيان أوربا وأمريكا
ومن إلحاد روسيا الحمراء
يا حضرة الإمام يا قاهر الكفار و التتار والأحبار و القوقاز
يا فاتح الأمصار من مصرٍ وأندلسٍ ومن واغٍ ومن أهواز
يا ناصر الأنصار من هند ومن سند ومن نجد ومن حجاز
ويا رئيسنا المحبوب من عشرين مليون
وعلي الحاكي وفي المذياع التلفاز
تبارك الذي سواك محبوبا ومرغوبا ومعشوقاً
من الداني وإلي القاصي
و من كوريا إلي فاس
تبارك الذي سواك محسودا ومطلوباً
من الأعداء في ليبيا وأثيوبيا
و أقيانوس بنت الروس
والأوغاد من أحفاد جنكيز خان
تبارك الذي سواك مظلوما ومهضوماً
من الكفار من أحفاد ترهاقا
ومن شهداءِ أمدرمانَ أو سنارَ أو شيكان
أ ومن معشر الكفارِ في السودان
تبارك الذي سواك مطلوبا سليما كنت أو ميتاً
من السودان من أهليه من قتلى
ومن جرحي ومن جوعى ومن عطشى
ومن ثكلى........ ومن أيتام
_______
الحليلة
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: elhilayla)
|
الاخ أمجد
حياك الله وحبابك عشره
هل أنت أمجد البعرفو زاتو بعمتك وجلابيتك مع موقع دار جعل؟؟
...............
القران الكريم
يستحق أن يخدم وان يفعل وان يكرم
فاذا جاءت من الرؤساء فهي حقا دعم كبير
وفي السودان يشهق عاليا موقع مصحف افريقيا الذي ساهم في توزيع وطباعة القران الكريم
..
تخريمه
اخبار السودان من قنوات السودان بخيرها وشرها فهي الاصل في كل ما عندنا
أما حديث الاخرين ... كل يدعي وصلا بليلي وليلي لا تقر لهم بذاكا
تحياتي مرة اخري ومرحبتين
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: علي الكرار هاشم)
|
Quote: وخادم الفكي مجبورة علي الصلاة او كما قال
تحياتي يا امجد
|
مرحب بيك يا بروف
عليك الله شفت جنس الحالة دى
عملوا الحج و الحرمين فى الساحة الخضراء
قالوا لزوم التدريب لكن شايفهم بدرجوا فى
الزول دا شوية شوية لغاية يوصلو خادم الحرمين
الفى الساحة الخضراء
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: امجد الجميعابى)
|
Quote:
الأخ أمجد تحية طيبة ومبروك وصولك المنبر وسعداء بتشريفك وأتمني تكون إضافة مميزة
خادم القران الكريم
ماله يستاهل مش في خادم الحرمين
ياخ مش اي زول من حقه يخت لي نفسه اللقب العاجبه هسع انت مش ملقب نفسك بالجميعابي ومعاوية ملقب نفسه بالطوربيد
وأنا زاتي مرات قاعد اللقب نفسي بي أبوجنزير عادي عمر البشير يلقب نفسه خادم القران الكريم |
عبد العزيز اخوى كتر خيرك على طيب الاستقبال
لكن يا عزو الجماعة ديل ما عصروا علينا باللقب دا
بعدين الجميعابى حقتى دى تصدق ما لقب شفت حكمة الله
و طوالى مدخلانى فى جرجرة.
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: امجد الجميعابى)
|
Quote:
تطورات ابداعية
لجام الدهشة هين ، شويتين تلاتة الجلوس يعملوا حسابهم ألا يلقموا أحجارا
في نقل مباشر من الدمازين لحفل تكريم حفظة القرآن ظهر الياقوتي وناشراً حديثا سوف يسري في فضاءات العوالم السبع وسماواتها وأراضينها حتى يسأله الله عنه يوم يسأل عباده عن الحكمة التي آتاهم إياها...
لو قرأت الدهشة على وجه صاحبهم دلالتها تقول ( أكاد لا أصدق )
لن يكون القوز وحده من ظلم علينا ظلم |
اهلين يا مسافر
هؤلاء لا حياء لهم و ورد فى الحديث ان الحياء شعبة من شعب الايمان
و كذلك ان لم تستح فاصنع ما شئت
| |
|
|
|
|
|
|
|
|
 Re: خادم القرآن الكريم لقب جديد لعمر البشير (Re: elhilayla)
|
| Quote: المشير عمر البشير خادم القرآن الكريم |
** الأخ أمجد..
** سلام وصباحك خير..
## أولاً مبروووك دخول حوش ود ابوبكر ,, وطالما إنت داخل بكراعك اليمين مافى إى عوجه وممكن تقول على نفسك :- (خادم القبلتين) 
## والله العباره الفى الإقتباس الفوق دا لمن قريتا:- ضـحـكـت فى المكتب لمن خجلت من نفسى وقمت قفلت باب المكتب ..
## يعنى الواحد كُل مايتزنق يعملوا ليهو لقب ,, اها طالما بقى دا لقبو .... ممكن الواحد يجى يعمل عُـمـره فى الساحه الخضراء بالخرطوم؟؟؟؟؟!!!!!!(ودام الود بين الجميع)
(ابو محمد فؤاد) - الماكيكى...
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: عبدالكريم أحمد الامين)
|
Quote: الاخ الجميعابي
تحياتي يا صديق
البشير- قدَّسَ الله سره- هو حامي حمي الإسلام وبيضته
وهو فوق ذلك مجدد المائة هذه
اعمل حسابك يا قريبي
|
اهلين و سهلين يا الحليلة اخوى
الحليلة جئتها زائرا صحبة اخى نجم الدين الامين
من ابناء الكوع و متزوج فى الحليلة.
و الله زولك دا بعد شوية خايفو يقول لقب يحيركم كلو كلو
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: امجد الجميعابى)
|
Quote: القران الكريم
يستحق أن يخدم وان يفعل وان يكرم
فاذا جاءت من الرؤساء فهي حقا دعم كبير
وفي السودان يشهق عاليا موقع مصحف افريقيا الذي ساهم في توزيع وطباعة القران الكريم
..
تخريمه
اخبار السودان من قنوات السودان بخيرها وشرها فهي الاصل في كل ما عندنا
أما حديث الاخرين ... كل يدعي وصلا بليلي وليلي لا تقر لهم بذاكا
تحياتي مرة اخري ومرحبتين |
مرحبا اخوى على القلوباوى
نعم انا هو امجد الجميعابى بتاع دار جعل كويس انك متذكر مع مشاغل الحياة و الزحمة الحاصلة
نعم اخى الكريم القرآن يستحق ان يخدم ما فى ذلك شك و لكنك تعلم ان الرجل لا علاقة له بهذه الخدمة
و لكنه تبنى للاشياء و وضعها فى غير مكانها.
مما يزهدني في أرض أندلس أسماء معتمد فيها ومعتضد
ألقاب مملكة في غير موضعها كالهر يحكي انتفاخا صولة الأسد
تقديرى الاكيد يا شيخ على
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: امجد الجميعابى)
|
Quote: ** الأخ أمجد..
** سلام وصباحك خير..
## أولاً مبروووك دخول حوش ود ابوبكر ,, وطالما إنت داخل بكراعك اليمين مافى إى عوجه وممكن تقول على نفسك :- (خادم القبلتين)
## والله العباره الفى الإقتباس الفوق دا لمن قريتا:- ضـحـكـت فى المكتب لمن خجلت من نفسى وقمت قفلت باب المكتب ..
## يعنى الواحد كُل مايتزنق يعملوا ليهو لقب ,, اها طالما بقى دا لقبو .... ممكن الواحد يجى يعمل عُـمـره فى الساحه الخضراء بالخرطوم؟؟؟؟؟!!!!!!(ودام الود بين الجميع)
(ابو محمد فؤاد) - الماكيكى... |
اهلا و سهلا استاذنا عبد الكريم المو كيكى
لا لكن دى زنقة ساى دى زنقة كديس فى شوال
يا زول انت بتهظر و لا شنو الساحة الخضراء عملو فيها كعبة
و سعى و بئر زمزم و جمرات اها بعد شوية عمك حيكون خادم الحرمين
فرع الساحة الخضراء.
با اخ هو ما يبنى القدس ع شان يجوا اليهود يحتلونا و نتفكفك من الفيلم الهندى دا
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: elhilayla)
|
الاخ
امجد
انت غير محايد في هذا البوست
لانك تركت كل حشرات المنبر تهاجمني دون اي مبادرة منك لتوجيه بوستك
بل للاسف ركبت مع الحشرات ذات الموجة ولم تترك فرصة لادب الخلاف
ممايعني ان المناقصة مقفلة ولايسمح بدخول اخرين سوي الذين علي الهوي
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: امجد الجميعابى)
|
Quote: الاخ
امجد
انت غير محايد في هذا البوست
لانك تركت كل حشرات المنبر تهاجمني دون اي مبادرة منك لتوجيه بوستك
بل للاسف ركبت مع الحشرات ذات الموجة ولم تترك فرصة لادب الخلاف
ممايعني ان المناقصة مقفلة ولايسمح بدخول اخرين سوي الذين علي الهوي |
عبد اللطيف اخوى كلامك دا مو صحيح
و انا غير محايد دا كلام صحيح دائما احاول ان اعضد وجهة نظرى و انت كذلك و كل بنى البشر.
يا سيدى ما فى حشرات و لا حاجة كلهم مكرمين حتى لو حاولنا خلاف ذلك فالله كرم بنى آدم و عليه
دعنا نختلف دون تقليل لقدر او إنقاص لوزن و ليس بينى و بينك خلاف و انما حوار و بالتى هى احسن
و لكنى لا اقوى على منع اى شخص من قول رأيه ان كان عنى او عنك او عن اى كان.
و اخر نقطة يا سيدى اتمنى ان تحسن الظن فلا مناقصة و لا شئ من هذات و انما رؤى تطرح و كل يدلى
بدلوه.
| |
|
|
|
|
|
|
|
|
 Re: خادم القرآن الكريم لقب جديد لعمر البشير (Re: عبد اللطيف السيدح)
|
.
السديح المّــعاط
| Quote: لانك تركت كل حشرات المنبر تهاجمني |
دائما مجدد ومبتكر في الإساءة لغيرك ...........
مع أنك اتنازلته وكتبته في منبر الحشرات .........ولا يهمك وانت بتكتب تكون جمبك علبه (( بف باف ))
------------------------------------------------
وصف زملاءك هنا بالحشرات ما قلت زوق وبس قلت أدب
بس لما تجي منك عادية مش انت الوصفته أهلى في الجزيرة قبل كده
أنهم كسالي وبياعين ملابس داخلية !!!!!!!!!!! في البوست البترحب فيهوا بالمصريين في مشروع الجزيرة
| |
|
|
|
|
|
|
|
|
 Re: خادم القرآن الكريم لقب جديد لعمر البشير (Re: عبد اللطيف السيدح)
|
Quote: الاخ امجد
انت غير محايد في هذا البوست |
** اول مره أعرف أن العضو أمجد ود الجميعابى بكرى منحه العضويه كحكم.. (مُحايد قال ... هو إنتو خليتو فيها حياد!!!!!)[/]
| Quote: لانك تركت كل حشرات المنبر تهاجمني دون اي مبادرة منك لتوجيه بوستك |
** طالما عضوية المنبر حشرات نطالب سيد الحوش بإخراج صاحب التعليق أعلاه من مملكة الحشرات وذلك خوفاً على صحته وصحة سيدو البشكير وصحة الحشرات من هـذه النوعيه **
## فعلاً الإختشو ماتو ##
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: عبدالكريم أحمد الامين)
|
Quote: السديح المّــعاط
Quote: لانك تركت كل حشرات المنبر تهاجمني
دائما مجدد ومبتكر في الإساءة لغيرك ...........
مع أنك اتنازلته وكتبته في منبر الحشرات .........ولا يهمك وانت بتكتب تكون جمبك علبه (( بف باف ))
------------------------------------------------
وصف زملاءك هنا بالحشرات ما قلت زوق وبس قلت أدب
بس لما تجي منك عادية مش انت الوصفته أهلى في الجزيرة قبل كده
أنهم كسالي وبياعين ملابس داخلية !!!!!!!!!!! في البوست البترحب فيهوا بالمصريين في مشروع الجزيرة
|
لا يا استاذ الجماعة ديل استخدام مفردة حشرة للبنى آدم عندهم عادية
و لهم فى بشيرهم اسوة حسنة
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: امجد الجميعابى)
|
Quote:
** اول مره أعرف أن العضو أمجد ود الجميعابى بكرى منحه العضويه كحكم.. (مُحايد قال ... هو إنتو خليتو فيها حياد!!!!!)[/]
Quote: لانك تركت كل حشرات المنبر تهاجمني دون اي مبادرة منك لتوجيه بوستك
** طالما عضوية المنبر حشرات نطالب سيد الحوش بإخراج صاحب التعليق أعلاه من مملكة الحشرات وذلك خوفاً على صحته وصحة سيدو البشكير وصحة الحشرات من هـذه النوعيه **
## فعلاً الإختشو ماتو ## |
عبد الكريم المو كيكى
يا زول السيدح دا يصف الناس بالحشرات تأسيا
بالبشير
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: امجد الجميعابى)
|
Quote: مرحب بيك اخ امجد في البورد
هاك ليها موثقة عشان ما في زول يغالطك
هسي يجيك ابو حسين يقول ليك وين مصدرك هههههههه
|
شكرا يا هندسة ع الترحاب و كتر خيرك
شفت الناس ديل يا باشمهندس عايزين يعملوا لينا الموضوع امر واقع
بس خليهم يجوا يورونا خدم القرآن وين و متين و كيفن.
لا ابو حسين شايفو ماسك موية بهناك عايز يخلى البرالمة يعملوا منظر و كده
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: امجد الجميعابى)
|
Quote: سلام يا أمجد
أها خدمة الرئيس للقرآن دي بتعفينا نحن ول كيف ؟
موش بقولوا مثلا ضحى عنهم البشير النذير
أو واحد يعمل حج أو عُمرة نيابة عن أبوهو أو أمو.
يعني الرئيس دا لو خدم القرآن دا بسكات وكتامي كدا ما أحسن ليهو، الدعاية والإعلام دي لزومها شنو؟ |
مرحبتين يا حبيب
شفت قوة العين دى اختوها لينا كده رغم انفنا
و الله انا خايف عمر البشير ذاتو يكون مستغرب فى اللقب
الشنكلو ليهو فى رقبتو دا.
ملاواة العباد عرفناها كمان دايرين يعملوا ليهم ملاوا مع الله
و الغريب يا حمد لا كتامى لا علنى الزول دا ما خدم القرآن
لكن تعيش كتير تشوف محن
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: جمال خضر)
|
Quote:
الاستاذ ود الباوقة ما عجبوا البوست حقى دا
..........................................................
بالعكس اخي الجميعابي بوستك على العين والراس
والبوست حقي هو خبر منفصل عن محتوى ما اشرت اليه
انت في هذا البوست
مع الود |
ود الباوقة مرحب بيك ابوى
دحين اللقب دا ما واسع بالحيل على الزول دا
و الله يا عمر الواحد بقى خائف يوم يطلعوا لينا
الزول دا نبى عديل كده.
غايتو يقعد يبارى فى الصافى جعفر دا بلحقو مشروع سندس.
تقديرى الاكيد
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: امجد الجميعابى)
|
قبل شوية سمعتا في الاخبار وعلى لسان عمر الجزلي ان الرئيس عمر حسن احمد البشير خادم القرآن شهد ختام فعاليات جائزة الخرطوم للقرآن
انا قايل الجزلي اجتهاد منو ألحق اللقب باسم البشير خاصة وان الجزلي معروف عنو حركات زي دي ... مرات في النشرة الرئيسية وفي حال كانت هناك مداخلة
مع ضيف في الاستديو الجزلي ياخد راحتو وكاننا ما في نشرة اخبارية ..أها انا قايل ذكر اللقب اضافة من عمر الجزلي لكن وبالرجوع لهذا البوست يبدو ان
اللقب تم استخدامه من قبل ... مصيبة ما يكونوا عايزين يعتمدوهوا كلقب رسمي
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: مهدي صلاح)
|
Quote: قبل شوية سمعتا في الاخبار وعلى لسان عمر الجزلي ان الرئيس عمر حسن احمد البشير خادم القرآن شهد ختام فعاليات جائزة الخرطوم للقرآن
انا قايل الجزلي اجتهاد منو ألحق اللقب باسم البشير خاصة وان الجزلي معروف عنو حركات زي دي ... مرات في النشرة الرئيسية وفي حال كانت هناك مداخلة
مع ضيف في الاستديو الجزلي ياخد راحتو وكاننا ما في نشرة اخبارية ..أها انا قايل ذكر اللقب اضافة من عمر الجزلي لكن وبالرجوع لهذا البوست يبدو ان
اللقب تم استخدامه من قبل ... مصيبة ما يكونوا عايزين يعتمدوهوا كلقب رسمي |
مرحبتين استاذ مهدى و تحياتى
الجماعة دايرين يسوولنا الموضوع امر واقع لكن نحن ما عندنا قنابير
و عليكم جميعا بتتبع الامر و ملاحقته فى كل مكان
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: elhilayla)
|
Quote: يا حضرة الأمام يا المنصور
بإذن الله يا أيها المهدي والقرشيوالمكي والكوفي والصوفي والأممي
يا مفجر الصحوة يا مبارك والطلعة
يا محرر الإنسان والإسلام
من كيد إبليس ومن شطيان أوربا وأمريكا
ومن إلحاد روسيا الحمراء
|
شايفين الهتيفه شغلهم كيف ... هيع عفيت منك
بس والقرشي ماهو بتاع 21 أكتوبر
و مبارك قالوا مرحلنوا لزنزانة خمسة نجوم
كن جاتك فوقه تكون سامحتك
بس خدم الله تنفع ... ولا كوشيه أحسن
| |
|
|
|
|
|
|
|
|
|
Re: خادم القرآن الكريم لقب جديد لعمر البشير (Re: عبدالحميد إبراهيم)
|
Quote:
شايفين الهتيفه شغلهم كيف ... هيع عفيت منك
بس والقرشي ماهو بتاع 21 أكتوبر
و مبارك قالوا مرحلنوا لزنزانة خمسة نجوم
كن جاتك فوقه تكون سامحتك
بس خدم الله تنفع ... ولا كوشيه أحسن |
مرحب بيك يا عبد الحميد
الهتيفة و الخشامة شريحتين ذوات وزن
فى هذا العهد الغيهب
| |
|
|
|
|
|
|
| |
امجد الجميعابى
عبد اللطيف السيدح
Hani Arabi Mohamed
طه جعفر
اسامه خليفه
الزبير صالح الزبير
Abd Alla Elhabib
معاوية عبيد الصائم
محمد مصطفي مجذوب
المسافر
elhilayla
علي الكرار هاشم
عبدالكريم أحمد الامين
خالد عبد الله محمود
محمد إبراهيم علي
حمد عبد الغفار عمر
ABUHUSSEIN
منتصر صلاح
جمال خضر
مهدي صلاح
عبدالحميد إبراهيم
فيس بوك
تويتر
انستقرام
يوتيوب
بنتيريست