|
Re: تحقيـــــق طويل الأمد ،،، 24 سنة ؟؟ ظهور أبو ذر الغفاري (Re: خضر حسين خليل)
|
Quote: سلام يا صاح
أكتب يا ناصر عن ابوزر وعن التجربة فما احوجنا للتوثيق
شكراً ابو الدفاع |
يا صاحبي الجميل ،،،
تحية وشوق ياخ
تعرف أمس حلمت وأنا كالصاحي بأبو ذر الغفاري وتخيلته وهو خارج من واحد من بيوت الأشباح وبقي رجل كهل عجوز
وبقي يسألأ الناس عن تاريخ اليوم ،،،
ما جاء في الحكي ( تحقيق ) جزء كبير منو حقيقي ،،، حصل معاي قبال سنوات طويلة ياخ ،،،
فزاوجت ما حصل لي بتخيلي لما حصل للحبيب أبو ذر الغفاري
وأتمني أن يبقي الحلم واقع ويظهر أبو ذر من مافي ياخ
غيابو موجع والله يا خضر موجعني شديد ياخ وما قادر أنساه كلو كلو
الله يجازي الكان السبب
| |
|
|
|
|
|
|
Re: تحقيـــــق طويل الأمد ،،، 24 سنة ؟؟ ظهور أبو ذر الغفاري (Re: الشفيع وراق عبد الرحمن)
|
هQuote: مع اني ما عارف ابو ذر ده منو، بس شكلو زول كويس ربنا يرجعه |
الاخ الشفيع وراق ابوذر الغفارى احد مظاليم نظام الان"غاز" شاعر جميل انسان رسام فنان ذنبه الوحيد انه كان شاعر اذكره تماما كان يجئ الى اتحاد الكتاب السودانيين متابطا لوحاته وقصائده وروحه الجميلة كان انسانا نادرا يداه قصيرتان لم تكونا كما ايادينا لكنه مع ذلك يرسمنا لوحات ويكتبنا شعرا
شكرا ياناصر على هذا الوجع المبكى
| |
|
|
|
|
|
|
Re: تحقيـــــق طويل الأمد ،،، 24 سنة ؟؟ ظهور أبو ذر الغفاري (Re: بدرالدين الطائف)
|
Quote: فقد ذكرت انها قابلت في المعتقل .. انسانا نحيفا كث الشعر ويبدو عليه الأرهاق وفقدان الذاكرة.. فربما كان اباذر مازال حيا يرزق في المعتقلات
|
بدر الطائف اول حاجة وبعد السلام هل عندك علاقة بالزميل زهير الطائف الكان يشتغل فى الاذاعة مهندس تسجيلات ؟ اتمنى انه بخير اما ما كان من امر ابوذر الغفارى اذكر انه كان لديه يدان قصيرتان لكن ذلك لم يمنعه من ان يقول شعرا مدهشا او ان يرسم لوحة باهظة الجمال كان نحيلا نحيلا جدا لكن ثمين بما حوى من جمال اتمنى ان اراه بعد كل هذا الغياب لقول لى ياصديقة هكذا كان ينادى كل صديقاته
شكرا ناصر مرة اخرى على هذا الوجع
| |
|
|
|
|
|
|
Re: تحقيـــــق طويل الأمد ،،، 24 سنة ؟؟ ظهور أبو ذر الغفاري (Re: سلمى الشيخ سلامة)
|
الأخ/ ناصر يوسف
لك ولك المتداخلين التحية
بتاريخ 8/12/2012م فتح الأخ/هشام هباني بوست
الي روح صديقي الشهيد الشاعر ابوذر الغفاري السوداني!
وطبعاً هشام نفسه لم يتابع البوست ولم يتداخل أحدهم في حق هذا الشخص (النبيل) أبوذر الغفاري (فربما لهم العذر فكانت أياميها فاجعة طلبة جامعة الجزيرة) ربما هذا كان سبب عدم إهتمام البعض بالبوست؟؟
بالنسبة للشخص الذي قابلته هندوسة (وكما ذكرت لنا -الصديقة- سلمى الشيخ سلامه) من المفترض تسألوا هندوسة هل الشخص الذي رأته كانت يداه قصيرتان؟؟
وأخيراً أدناه مداخلتي في بوست هشام هباني:
Quote: الأخ/ هشام هباني
ياااااااه أبوذر (ولد سكينه الله يرحمها) كما كنا نناديه
كان جارنا في الحاج يوسف بالخرطوم بحري وزميل دراسة أيضاً لأخي الأكبر ( فيصل ) في الوابورات وحيث كنا نسكن قديما فيها
الكل كان يشهد لأبوذر بالطيبة وحسن الخلق و....و.....و... وهذه الصفحة لن تكفيه...
كان شاعراً و (معلماً) يساعد الطلبة في تعليمهم في المعاهد وكان منزله مفتوحاً لهم ويدرسهم مجاناً وبدون مقابل وأنا أحدهم.
ماذا أقول؟؟؟ لا أدري
فإن كان حياً (وهذا مستبعد) نتمنى من الله عز وجل أن نراه
وإن كان (مقتولاً) ندعو الله عز وجل أن يسكنه فسيح جناته مع الصديقين والشهداء (آمين) |
| |
|
|
|
|
|
|
Re: تحقيـــــق طويل الأمد ،،، 24 سنة ؟؟ ظهور أبو ذر الغفاري (Re: طارق عمر مكاوي)
|
Quote: مع اني ما عارف ابو ذر ده منو، بس شكلو زول كويس ربنا يرجعه |
زول كويس جـداَ ، إنتا ما بتعرفو بس الإعتقلـوهـو وعذ ّبوهـو وربما قتلوهـو ناس مجـرمـين وأشـرار خالص .. وإنتا بتعرفم يا شفـيع ، ديل الكيزان ياخ شفت الكيزان ديل ناس قـذرين قدر شنو ? أها ديل الناس الإنتا منتمـي ليهم وبتدافع عنهم صباحَ مساء في هـذا البورد !! عليك الله ناس زي ديل سلام الله ده أديهو ليهم ? خليك مـن إنو يلمني معاهم حزب واحـد !! وأجي كمان بكـل ميتة قـلب أدافع عنهـم !!
| |
|
|
|
|
|
|
|