|
|
|
 Re: أعراس ..أعراس ..! (Re: داليا حافظ)
|
مشيت السودان ولاقيت الأهل والأحباب ..وبليت شوقي ..والحمدلله ..
وصادف انو الدنيا مقلوبة وننوم على زفاف ونفتح عيونا نمشي لصبحية ..
"هيصنا وما قصرنا"  وربي يسعد كل العرسان ويجعل أيامهم هنا وسعادة ..فيهم الاهل وفيهم القرايب والحبان ..الله يوفق الجميع..
ولكن ..
| |
  
|
|
|
|
|
|
|
|
Re: أعراس ..أعراس ..! (Re: داليا حافظ)
|
بعد ما تغيرت فكرة العرس الطويل ..ومكوث الناس بالأيام في "بيوت العرس " ..وأصبح الناس تقريبا بكتفوا بيوم واحد خاصة مع الحالة الاقتصادية المتدهورة الملازمة الناس من زمن طويل ..
رجع"التطويل والمط ..يمد لسانه من جديد رغم انو التدني المعيشي وصل الحضيض والجميع يشكون لطوب الأرض ..ومع ذلك ..
"اعراس" بتكاليف باهظة ..وحنة عروس وقيدومة وحنة عريس ودخلة وصبحية ..وبارتي ماقبل السفر ..و..و
..لأ والناس كمان هجرت البيوت ..وصيوانات العرس البتفرح الحلة كلها وتبهج الجيران ويعتقد الجميع انو العرس حقو.. استعيض عنها بالصالات ..ويقت الحنة في امدرمان والدخلة في الخرطوم ..ورقيص العروس في "كافوري" محل الرقيص الجد..
والعجيبة الغناية وهي بترقص في العروس تكذب جهارا نهارا ..ولسان حالا يلهج بـ"فلانة رقصوها وفي حوش ابوها " ....
| |
|
|
|
|
|
|
|
|
 Re: أعراس ..أعراس ..! (Re: داليا حافظ)
|
زمان ..وبالأصح ..أنو الطبيعي انو كل شخص من حقه يعمل زواج يتناسب مع وضعه الاجتماعي والمادي ..
الغريب اللاحظنه انو رغم التباين الأقتصادي لعدد من المناسبات الحضرتها ..إلا ان الإختلاف في مظاهر
الفرح تكاد لا تلحظ ..وده من وجهة نظري مؤشر مخيف جدا 
| |
|
|
|
|
|
|
|
|
|
Re: أعراس ..أعراس ..! (Re: داليا حافظ)
|
واللافت بالنسبة لي "شغف" الناس بالأعراس ولهفتهم لحضورا ..
وتلخيصهم للفكرة برد زي "عدم موضوع " او "مافي موضوع " ..
سالت امي من الدوشة الحاصلة دي وقلت ليها الناس مالهم ؟
كان ردها فيهو إختصار عجيب للمشهد وقالت لي " شدهة يابتي ..!"
| |
|
|
|
|
|
|
|
|
|
Re: أعراس ..أعراس ..! (Re: داليا حافظ)
|
الغناء بغذي الروح ..
والفرح بنعش القلوب ..
لكن لمن يبقى 3ارباع السودانين بغنوا ..و3ارباع البرامج التلفزونية والإذاعية غناء ..
ولمن العرس يبقى المكان الأوحد للترفيه ..ولمن يبقى هم الناس كلو أنو يعملوا زي فلان وعلان ..
ولمن يتزامن ده مع أسوا فترة إقتصادية عاشا السودان على مرا الزمن ..
تبقى ياها "الشدهة" زاتا و"الغبا" بدون همزة على السطر ..
| |
|
|
|
|
|
|
|
|
|
Re: أعراس ..أعراس ..! (Re: داليا حافظ)
|
الغيبوبة دي سببا شنو؟
وحلها كيف ؟
وإنتو رايكم شنو فيها ..اذا مقتنعين بأنها فعلا كدة ..؟
وكان عندكم راي تاني برضو دايرين نسمعوا ..
شخصوا لينا الحاصل ..
وخلونا نفيد بعض ..عسى ولعلى نضع يدنا على الجرح ..
أو إمكن مافي جرح وانا موهومة ..
واقع السودان ..مربك لحد كبير ..
أدليت دلوي ..والمايك معاكم ..
| |
|
|
|
|
|
|
|
|
|
Re: أعراس ..أعراس ..! (Re: داليا حافظ)
|
سلام ياداليا وسنة سعيدة عليك
| Quote: واقع السودان ..مربك لحد كبير .. |
والله دة الحاصل ياداليا اختى
ودة المحيرنا وماعارفين نعمل شنو ونتصرف كيف, نرجع السودان ولا نستمر فى غربة طاااالت
تحياتى
| |
|
|
|
|
|
|
|
|
|
Re: أعراس ..أعراس ..! (Re: مهيرة)
|
الاخت الزميلة داليا حافظ كل عام وانتي والاسرة الكريمه بالف خير سوى في الثورة او في الامارات وربنا يحقق امانيك ..
طبعا الكلام البتحكي فيهو ده انا عايشتو في اجازة عيد رمضان الفات والله كانو انا جاي من كوكب تاني . وهذا بيظهر جليا لما تكون في مناسبة في الحلة فعلا الحنة في مكان والدخلة في مكان والجرتق في مكان والله شي يحير عديييييل كده والغريب في الامر اني بعد وصولي بي كم يوم كده مشيت مناسبة في صالة اسمها الفردوس المهم الناس الفي الصالة 3 ارباعهم لابسين بدلة كاملة (فل ست) ونظيفيييييييين بصورة ما عادية حتى الجنس اللطيف كانو حور عين المهم صدمت وقلت السودان لسه بي خيرو والبلد والناس ارتاحت واتطورت ,, ولكن سرعان ما زالت صدمتي ثاني يوم حينما ذهبت السوق العربي وعينك ما تشوف الا النور ، وجوه كالحة واناس عايشين بنص حياة ومرضى على الطرقات وشحادين ونصابين وعوووووووووك .. غايتو السودان ده ما عارفنو ماش على وين لانو الصورة الشايفها الان دي بمعطياتها الذكرتها ليك لا توضح الى اين يذهب السودان ,, ولا رايك شنو ؟؟
اما عن الفنانين والفنانات عليك الله ليه ظالمة الناس ديل بكونك قلتي 3 ارباع الشعب بغني ,, يا شيخه حرام عليك الشعب السوداني بقى خمسة ارباع الشعب منو فنانين وفنانات يعني بنسبة 75.09% منه .. ولسه مازالت نجوم القد تصدر وتفرخ للفنانين وغير الفنانين واشباه الفنانين وغايتو دي قصة اخرها لسه والساقية لسه مدورة يا داليا ..
تحياتي : ياسر العيلفون
| |
|
|
|
|
|
|
| |
داليا حافظ
جلال جبريل
مهيرة
Siham Elmugammar
ياسر السر
سيف بخيت موسي
فيس بوك
تويتر
انستقرام
يوتيوب
بنتيريست