|
|
|
 Re: لعناية دعاة وقف التفاوض وعودة الرئيس هل ...!!! (Re: صبري طه)
|
Quote: يشهد الله يا جنابو قبل شوية كدا .. عملت استطلاع سؤاله يقول:
هل ترى أنّ دولة كالسودان في حاجة إلى نفط يدعم خزينتها بشكل رئيسي ؟ |
ياصبري في دولة كثيرة كانت تعتمد في اقتصادها على الزراعة وبنوع واحد فقط
والسودان كان من المفترض ان يستفيد من البترول في زيادة انتاجه من الاقطان
والمحصولات الزراعية الاخري وتطوير الثروة الحيوانية .... الخ لكن الانقاذ
فضلت الحل الساهل والكاش البقلل النقاش وركزت على البترول وقروشه السريعة والكتيرة
اها يوم البترول وقف قعدنا نتلفت !!!!!!!!!!!!
| |
  
|
|
|
|
|
|
|
|
Re: لعناية دعاة وقف التفاوض وعودة الرئيس هل ...!!! (Re: omer osman)
|
جنابو سلام
للمطالبين بعودة البشير شئ من وجاهة في الراى ...فليس معني اننا نعيش في وضع اقتصادي صعب جدا و الدولة السودانية الان في اضعف حالتهاان نتفاوض حول ابيي بموقف ضعيف او نتنازل عن تقديم الموقف الامني على الاقتصادي... كما حدث ابان مفاوضات نيفاشا ...( شوف الان قوة الدولة التركية ) تفاوض اوجلان و هو داخل السجن و لا احد في العالم يقول لها بقم ....انا قريت لى احد من القريبين لحكومة الجنوب هنا انه من المستحيل ان تتخلى حكومة الجنوب عن الحركة الشعبية لتحرير السودان فرع الشمال ....و ده هو اس المشكلة....
| |
|
|
|
|
|
|
|
|
|
Re: لعناية دعاة وقف التفاوض وعودة الرئيس هل ...!!! (Re: مدثر صديق)
|
| Quote: للمطالبين بعودة البشير شئ من وجاهة في الراى ...فليس معني اننا نعيش في وضع اقتصادي صعب جدا و الدولة السودانية الان في اضعف حالتهاان نتفاوض حول ابيي بموقف ضعيف او نتنازل عن تقديم الموقف الامني على الاقتصادي... |
هلا مدثر ...
عودة الرئيس تعني قفل باب التفاوض !!!
وانا لم اقل ان نتنازل او نقدم الاقتصادي على الأمني !!!
وامبارح القريبة دي عندي مداخلة في البوست ده : Re: لا نعترف بالمسيرية جزء من مكون منطقة أبيى ... !!
رديت فيها على كلام باقان اموم وقلت :
Quote: ما علي كيفو !!!
برتكول ابيي وفي سطوره الأولي نص على :
1- مبادئ الاتفاق حول أبيي
1-1 عموماً.
1-1-1 تمثل أبيي جسراً بين الشمال والجنوب يربط بين مواطني شطري البلاد.
1-1-2 تعرف المنطقة على أنها منطقة زعامات دينكا نقوك التسع التي نزحت إلى كردفان عام 1905م.
1-1-3 المسيرية والمجموعات البدوية الأخرى ظلت تحافظ على حقوقها التقليدية المتمثلة في رعي الماشية والتنقل عبر المنطقة. |
انا فقط يامدثر ادعو الى التعقل ومد حبال الصبر والاعتراف باننا في مشكلة ووضع اقتصادي خانق
ولابد من ايجاد حلول !!! وعودة الرئيس تظهرنا بمظهر غير الراغب في الوصول الى حل امام المجتمع الدولي
والوساطة الافريقية !!!
| |
|
|
|
|
|
|
|
|
|
Re: لعناية دعاة وقف التفاوض وعودة الرئيس هل ...!!! (Re: omer osman)
|
جنابو عمر سلام
ده سؤال مهم جداً .. طبعاً اخوك يتمنى ان يعود البشير بخفى حنين ههههه .. بس من باب المنطق كنت اقول اخونا ود الباوقة و د. بشير احمد و ناس الانتباهة و من لف لفهم البديل عندهم شنو اذا عاد الرئيس القشير صفر اليدين ؟
يبدو انو الناس ديل ما عارفين سلفاكير كويس او باقان و قيادات الجنوب السياسية . الحركة الشعبية ليست في حاجة لضخ البترول الا من اجل التنمية بينما عدم ضخ البترول يؤدي الى سقوط الانقاذ بفعل الضائقة الاقتصادية .
الجنوب يذهب الى اديس ابابا من اجل مزيداً من الغنائم بينما حكومة الشمال تذهب لانقاذ نفسها من السقوط و دي المفارقة .
كذلك يجب قراءة ما يجري في كمبالا من توحيد جهود القوى الثورية المسلحة و السياسية بالتزامن بما يحدث في اديس ابابا بمعنى ان الجنوبيين جاهزين لكل الخيارات و ان تمسك الانقاذ بورقة التسوية الامنية اولاً لا يعنيهم في شيئ .
اما كيف ادارة الانقاذ اموال البترول , ده باب تاني و يبدو لي مرتبط بالشخصية السودانية التي تحب الفشقرة و لا تنظر الى ابعد من ظله .. تخيل كيف يكون الحال لو تم استخدام البترول في تأمين و تأهيل البنية التحتية في مجال الزراعة و الصناعة ذات الصلة بها و في مجال الثروة الحيوانية و التنمية البشرية بديلاً عن غابات الاسمنت و اليخت الرئاسي و السيارات الفارهة و المؤتمرات و المسيرات ذات المخرجات البالونية التي تنفقع في اول اختبار .
في مقال كتبه اقتصادي بريطاني ابان ازمة دبي الاخيرة يقارن فيه دبي بمدينة ديترويت الامريكية لو عندك نزله هنا عشان بشير احمد و ود الباوقة يشوفوا المكشن بالبصل .
| |
|
|
|
|
|
|
|
|
|
Re: لعناية دعاة وقف التفاوض وعودة الرئيس هل ...!!! (Re: الصادق ضرار)
|
Quote: جنابو عمر سلام
ده سؤال مهم جداً .. طبعاً اخوك يتمنى ان يعود البشير بخفى حنين ههههه . |
يالصادق قالوا المغني يغني وكل زول على هواه او ليلاه 
| Quote: الحركة الشعبية ليست في حاجة لضخ البترول الا من اجل التنمية بينما عدم ضخ البترول يؤدي الى سقوط الانقاذ بفعل الضائقة الاقتصادية . |
والناس قد تصبر على التنمية لكن لا تصبر على تسيير امورها الاقتصادية والمعيشية اليومية
وهذا مربط الفرس والفرق بين الوضع شمالاً وجنوباً
| |
|
|
|
|
|
|
|
|
|
Re: لعناية دعاة وقف التفاوض وعودة الرئيس هل ...!!! (Re: بشير أحمد)
|
الضائقة الاقتصادية لا تحل بعودة ضخ بترول جنوب السودان
عبر الاراضي السودانية بنصيب الحكومة من هذه الاتاوة
المحسوبة...يا جنابو...لأن الديانة (الدائنين) واقفين جنب خشم
الباب...وممكن يخمشوا اي دولار وممكن ياخدو حقهم نجيض من
البترول...
فالصين أكبر دائني السودان الشمالي واكبر مستوردي
بترول السودان الجنوبي...وعارفة نصيب الشمال من
برميل النفط بالملي...
عشان كده مافي مخرج للسودان الشمالي غير الزراعة ثم الزراعة
ثم الزراعة...ما تقول لي تعدين ودهب وارياب...والمكنات الفارغة
دي....
ناس الحكومة ديل اول ناس مفروض يستثمروا في الزراعة
يبيعوا كل فللهم الرئاسية ويخوتهم وعماراتهم وبيوتهم
الجوة والبرة....ويقعوا الخلاء دا بي تراكتراتهم وطواريهم
وملودهم...ويسوقوا معاهم ناس الدفاع الشعبي معسكر زراعة
لمدة سنة واحدة...والله تاني يقعدوا ليكم ستين سنة ما في
زول يسعلهم...
مع الجنوب يجب ان يكون حسن الجوار وتكريب الاتفاق الامني
وحسم الحدود...خلي ناس الجنوب يكبوا في بترولهم وناس
الشمال يبيعوا ليهم البغيتة...ويكون بترول الجنوب مقابل الغذاء...
| |
|
|
|
|
|
|
|
|
|
Re: لعناية دعاة وقف التفاوض وعودة الرئيس هل ...!!! (Re: nazar hussien)
|
| Quote: حتي يتعلم كيزاننا أن لابديل للزراعة غير الزراعة ؛ |
بعد فوات المولد يا بشير ؟ المشاريع الزراعية انهارت في الجزيرة بفعل الاهمال و في الشمال بالسدود . عشان تزرعوا و تحصدوا ثمار غرسكم دولار ابو صلعة دايرين ليكم خطة خمسية اقل حاجه و تمويل .. عندكم نفس طويل ؟
ــــ
يا جنابو
ما عرفت انت خايف البشير يرجع بخيبتو و الحكومة تسقط ؟
يعني حرصك ده سببو شنو ؟
| |
|
|
|
|
|
|
|
|
|
Re: لعناية دعاة وقف التفاوض وعودة الرئيس هل ...!!! (Re: الصادق ضرار)
|
يا جنابو
ما عرفت انت خايف البشير يرجع بخيبتو و الحكومة تسقط ؟
يعني حرصك ده سببو شنو ؟
<<<<<<<<<<<<<<<<<<<<<<<<<
هلا الصادق ...........
حرصي سببو الغلاء النحنا عايشين فيهو ده وماعندنا طريقة نغترب !!! وقناع من المعارضة !!!
وثورة ما عندنا ليهو قدرة عمر عفيفي في كتابه ثورة الشطرنج قال الجيل عندو ثورة واحدة في عمرو ويعني من هم دون الاربعين
ونحن ثورتنا سويناها في 1985م لمن كنا شباب في الثانوي العالي ..........
| |
|
|
|
|
|
|
|
|
|
Re: لعناية دعاة وقف التفاوض وعودة الرئيس هل ...!!! (Re: nazar hussien)
|
Quote: الضائقة الاقتصادية لا تحل بعودة ضخ بترول جنوب السودان
عبر الاراضي السودانية بنصيب الحكومة من هذه الاتاوة
المحسوبة...يا جنابو...لأن الديانة (الدائنين) واقفين جنب خشم
الباب...وممكن يخمشوا اي دولار وممكن ياخدو حقهم نجيض من
البترول... |
خليهم يشيلو جزء ويخلونا جزء نمشي بيهو امورنا
Quote: عشان كده مافي مخرج للسودان الشمالي غير الزراعة ثم الزراعة
ثم الزراعة...ما تقول لي تعدين ودهب وارياب...والمكنات الفارغة
دي.... |
ده كلام سليم يانزار لكن زي ماقلت لدكتور بشير الكلام ده داير وكت وامكانيات واموال كثيرة تضخ في شرايين
الزراعة حتى تؤتي ثمارها
| |
|
|
|
|
|
|
|
|
|
Re: لعناية دعاة وقف التفاوض وعودة الرئيس هل ...!!! (Re: omer osman)
|
Quote: ده كلام سليم يانزار لكن زي ماقلت لدكتور بشير الكلام ده داير
وكت وامكانيات واموال كثيرة تضخ في شرايين
الزراعة حتى تؤتي ثمارها |
لم يضر السودان يا جنابو غير الحلول المؤقته
والمعالجات والبرامج الاسعافية ...
لو ما بدو العلاج بالكي...وتشوا الارض دي بي ملود
ملودين...ما نعشم ابدا بي عافية...
وما حا يجوعونا أكتر من الجوع الضقناه دا..
خليهم بس يبدو اليوم قبل الغد...لأنو اي
يوم في انتظار الاتفاق مع الجنوب بوطن الفقر
والجوع لدرجة....قلبي علي وطني...ويرجعوا
يلبسونا الفنائل البيض ديك ويشيلونا القرع
للشحدة...وبحيت الارض...لي حبة العيش...وحينها
تكون قوانا انهارت...وهات يا...اغاثة ...
جيبي كل احزانك تعالي ...جيبي المحن...وهم جضومهم
الحبة ما بتجيها...
| |
|
|
|
|
|
|
|
|
|
Re: لعناية دعاة وقف التفاوض وعودة الرئيس هل ...!!! (Re: nazar hussien)
|
تحياتي يا جنابو عمر
أها شفت نظريات الكيزان دي كيف ( بشير أحمد) نموذجا ... مثلهم مثل من يرمى بشرا مكبل الأيادي والأرجل في الني ويتحداه أن يعوم؟ يا بشير جمعتم كل معاول الزراعة المملوكة ملك حر لمزارعين الجزيرة في حوش جياد للحديد وحرقتوها بالنيران أمام الملاء ولم تأخذكم رأفة بقطار أو تراكتور أو دوزر أو قريدر .. لأنكم لا تعرفون ثمنها في السوق العالمي ولا المحلي ... سرقوها بسعر الطن 400 ج ومن البائع ومن المشتري ومن السمسار الله وحده يعلم ؟؟ شرعتم لخراب الزراعة بعد ذلك بسن قانون مشروع الجزيرة لسنة 2005 م وأوكلتم مهمة وزارة كاملة الري للكيزان القرى (الروابط) .. جلبتم التقاوى والأسمدة الفاسدة وأصبح الإنتاج صفرا حتى لمن يقوى على تحمل تكاليف الزراعة من ديزل ومضخات وتقاوى واسمدة فاسدة .. ومع ذلك تنصح الكيزان بالزراعة ؟ أي نفاق هذا ...
والسؤال قائم : لماذا يرجع الرئيس ؟؟؟ عندكم شنو ؟؟ الآن العاصمة ( العاصمة) تعيش أزمة محروقات وغاز ولا تنسى السلع الاستهلاكية الأخرى ؟؟؟
الشفيع
| |
|
|
|
|
|
|
| |
omer osman
مدثر صديق
الصادق ضرار
بشير أحمد
nazar hussien
فيس بوك
تويتر
انستقرام
يوتيوب
بنتيريست