|
|
 اذ لم تقرأ هذا المفترع سوف تدخل النار
|
واحد سمع في نظاره بتشوف الناس من غير ملابسهم باع كل ما يملك وجابا ...
مشي البيت لقي مرتو قاعده مع واحد كان لابس النضارة شاف الجماعه عريانيين ملط !!!!! الله...
طلع النضارة برضو شافهم عريانيين !!!!الله
إلبس إطلع في النضارة الحال ياهو نفس الحال
مرتو جات جاريه عليهو بي سرعه انا اسفه يا حبيبي اخر مرة والله الشيطان لعب بي
قال ليها يا وليه انتي في الشيطان زحي مني خليني اشوف حكاية النظارة العلقت.
الفيس بوك وما ادراك ما الفيس بوك عالم يطمم البطن نحن شعب استخداماتنا للاشياء مبذر وفي غير محله لا اقصد السودانيين فقط بل كل الدول العربية والافريقيه اشترينا نضرات وقعنا الفيس نصوت ونعجن ونلك ونضايق الناس في طريقة استخدام سيئة والنتيجة اصبح هذا الكائن الفيس بوك طارد وليس موقعا للتواصل الاجتماعي بل موقع للمضايقات.
تفتح الصفحة من صباح الرحمن تلقي واحد جادع ليك تفاحه فيها اسم الجلالة ويقول ليك كان ما عملته لايك انشاءالله تتخسف بيك الواطه ....وتخش في اللياقة وانت نازل تحتح مركوب الرسول (( ص)) في القمر والخواجات وناس ناسا الحاقدين دسو الكلام وكان ما عملته لايك انشاءالله جهازك اتفرطق وتطلع من المركوب للعمة وتلقي عبارة لو ما عملته لايك او نشرتها انت ما مسلم.
ده كوم نمشي لي ناس الايات الدينيه والاحاديث الغريبه الواحد تلقي ساكي البلوم من بلومه لي بلومه وما اشوف ليهو صورة بت في البروفايل حلوة الوك معاها في اللايكات بمجر ما تلقاهو خطب اقلب 360 درجة ايات واحاديث طبعا اشباه ديل بكون عندو حساب تاني لممارسة الهواية القديمة والحساب العام للخطيبه.
نرجع لقصة الاحاديث والايات القرانيه بعد ما خلاس عملته لايك للتفاح والليمون والجداده والبقرة والغنماية الفيهم اسم الجلالة ونشرتها عشان ما تجيك كفوة اطلعو ليك هؤلاء الجماعة ايات كلها موت وعذاب القبر وعشان ربنا انجيك من عذاب القبر اعمل لايك ، غير الصور بتاعت البغسل راسلو بي بول البقرة تلقي التعليق تحت انظر الي هذا واحمد ربك اعمل لايك عشان ما تبقي زيو!!!
تعاملنا مع الفيس اصبح كما نتعامل مع امرأة عجوزة مخرفة قاعده في البيت وتشتم في الناس بدون سبه بدون سبب (( اضربك الضريب النشف ريقك يا ود الحر ام انشاءالله تموت بكره وتخش النار واخسفو بيك في سابع جهنم)).
برضو نخلي الحاصل فوق ونخش علي ناس المجموعات كل ما اصبح صباح تلقي ليك مجموعه مضاف ليها (( زهجنا والله قرفنا كرهنا الفيس بوك واليوم المانا فيهو)) مرات بقول عشان اخلص حقي حقو اعمل بنصيحة طارق جبريل وقت زهج من المجموعات الكابه فيهو يوماتي عمل ليهو تغريده في الفيس قال للجماعه والله البضيفني تاني في مجموعه بكره اعمل ليكم مجموعه اسمها ((ام الحسن ام شطور)) واضيفكم كلكم.
سخف بالفيس بوك حتي اصبح طارد كمان ناس الحب خليهم ساكت عشان ما نطول ويبقي الكلام مسيخ اكتفي بمغازلة حبيب لحبيبته:
إن حان قدري ..... لكي أكاونتي بعد موتي
وإن علمتي أني مت ..... عزيني بكومنت
واعملي لي بيك اجر
ورشرشي لايكات علي قبري
واعملي شير لكل الناس
داهية في الفيس بوك واليوم الشبكنا فيهو
|
|
 
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: محجوب البيلي)
|
Quote: سلام
اليوم مريت على بوست قال الما عمل لايك كافر عديييل اها ده تقول عليهو شنو |
سلامات محمد الطاهر يا وجيه
عالم الفيس ... بجد .. خلاس زهجنا منو طريقة تعامل الناس معاهو سيئة المشكله خاصة احنا السودانيين ما اضاف لينا شيء الحاجة البعرفا انا بالاضافة لل###### الفيهو طلق نسوان ...اي والله
ما سمعته بي نكتت حسني مبارك
قالو مشي القيامة لقي انور السادات وعبدالناصر سألوهو ؟؟؟؟
أها منصة و ل تسمم؟؟؟؟؟
قال ليهم فيس بوك
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: محجوب البيلي)
|
يالسيس
كان هارننا بالجهنميات دي في الايمل قبل طلوع وش الكتاب ده
انا زول اصحابي كلهم مايتعدو الخمسة في الايميل
تجيك رسالة تقول ليك ارسلها لمئة او خمسين وإلا حايحصل ليك كيت وكيت
هسع بفطهن عادي في الفيس بوك ولا لايك ولا غيرو
ديل ناس ماعندها موضوع وحنكهم عاضي (بلغة الراندوك)
| |
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
Quote: كان هارننا بالجهنميات دي في الايمل قبل طلوع وش الكتاب ده
انا زول اصحابي كلهم مايتعدو الخمسة في الايميل
تجيك رسالة تقول ليك ارسلها لمئة او خمسين وإلا حايحصل ليك كيت وكيت
هسع بفطهن عادي في الفيس بوك ولا لايك ولا غيرو
ديل ناس ماعندها موضوع وحنكهم عاضي (بلغة الراندوك) |
حيدر يا حبيبينا سلام يا صديق
اقول ليك حوداث واقعية لتعاملنا مع الفيس من ناس عاقلين اصحاب بيوت:
زول اولادو في اجازة صاقر ليك الفيس بوك بمجرد ما انتهي من الشغل رجع البيت صنقر في الجهاز خاصة قايم فيها جديد ناس المسجد بسألو منو قالو اختفي.
اتصل علي يوم... بالليل ضرووووري تجي.....
يا حبيبنا في شنو قول لي امكن بي التلفون نحل الموضوع زولك وقف الف احمر لو ما جيتني الخوة بناتنا انساها اتحاملت علي نفسي ومشيت ليهو .....
الحاصل شنو يا زول ؟؟؟؟؟؟
مصيبة والله يا عباس الاولاد راجعين بكره البت عملت ليت الصفحه حقتي وفي واحد دخل لي الفيس ملاهو كلو صور وافلام ما كويسه قلته امسح ابت تطلع كلو كلو!!!
قلته الراجل تلتلني بالليل لازم اتقلب فيهو ... اسمع يا حبيبنا شوف انا زي المحامي والدكتور عشان اساعدك لازم تقول لي الحقيقه غير كده ما بقدر اعمل حاجة لانو لو هكر بتكون مصيبه وهكر لي اولادك واضاف ليهم رسائل من الفيس حقك بنفس الصور لو جات بي طريقه تانية قول لي ....
زولك انبرش ...قلته اشوف النت فيهو شنو قعدته افتش عشان اتنور البتاعات لصقت لي هنا
نصيحتي ليهو قفلنا الحساب القديم وعملنا واحد جديد بس لي قدام لازم اتتادب
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
عزيزنا عباس، تعرف انا عملت الفيس بوك ده قبل كم سنه كده، ونسيتو ونسيت معاهو الباصوورد، ده كلام فارغ انا بعتبرو ومضيعة وكت،
اخر مره شوفتو قبل كم سنه كده، وبعدين هنا في الغرب لو عندك حساب في الفيس بوك واصدقاء بيتسلقوا سورك وبتاخد وتدي معاهم، عادي ممكن يتسبب في طردك من وظيفتك، او ممكن اثناء المقابلة ما تاخد الوظيفة من اصلو.
الفيس بوك ده اكبر محل بتاع تجسس وتلصص علي اخبار الناس وحياتهم الخاصة.
موجة الفيس والادمان المصاحب لها مرض وترهل في الحياة الاجتماعية، صحيح هذا لا ينطبق في عمومياته لكنه واقع.
انا لا احب الفيس بووك او تويتر، ولا تضيف لي اي شئ غير خصما علي وقتي وعملي.
جرب ان تنساه اسبوعا ستشعر ان للحياة طعما اخر اكثر بعدا.
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: طارق جبريل)
|
سلام عباس
موافقك مليون المية فى كل كلمة
والغريبة حذرت الناس عشرات المرات وبرضو مصرين
نعمل شنو مع العالم دى تفتكر بعد كدة
الليلة كتبت ليهم تانى البفرض على الوهم دة بمسحو وارتاح
وح انقل بعض من كلامك الجميل الفوق دة مرافق للتحذير الاخير
سلام
شايف عصمت برضو بعانى
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: سمير شيخ ادريس)
|
لايك وشير كمان ..
موضوع خفيف وفيه عبر والله ..
شكرا ليك يا عباس الدسيس ..
لمست اللحم الحي ..
بالنسبة لي اصبح الفيس بوك مصدر ازعاج ..
تصدق اتصل علي قريبي قال ليك شوف الـ Time Line حقك ..
مشيت لقيت ليك انا عامل شير على حاجة غريبة هناك ..
المشكلة انت بقيت مستباح وحسابك ما حقك ..
الواحد يمسك الماوس كويس وما ينقر في اي حتة ..
بقى اللايك والشير في روابط مخفية ..
حتى الخصوصية بقت ما خصوصية ..
موضوع مهم ..
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: وضاح عبدالرحمن جابر)
|
سلامات
حقيقه فى حاجات مزعجه فى الفيسبوك
تلقى واحد منزل خبر وفاه .. تلقى الجماعه عاملين لايك
كمان فى ناس ماعندهم التكتح .. بس شغالين نقل .. أحاديث مامعروف صحتها
خزعبلات .. وصور بتعريف لا يمت لحقيقة الصوره بشىء
رغم إنو من الإيجابيات .. التواصل مع من فرقت بينكم الظروف
متابعة الإجتماعيات للمعارف بالصور ومعايشتها معهم
بس الناس الفاضيه وماعندها شغل دى تلقاها اليوم كلو تلصق ليك فى المجموعات والصور نعمل معاهم شنو ؟؟؟
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: أسامه الكرور)
|
Quote: عزيزنا عباس، تعرف انا عملت الفيس بوك ده قبل كم سنه كده، ونسيتو ونسيت معاهو الباصوورد، ده كلام فارغ انا بعتبرو ومضيعة وكت،
اخر مره شوفتو قبل كم سنه كده، وبعدين هنا في الغرب لو عندك حساب في الفيس بوك واصدقاء بيتسلقوا سورك وبتاخد وتدي معاهم، عادي ممكن يتسبب في طردك من وظيفتك، او ممكن اثناء المقابلة ما تاخد الوظيفة من اصلو.
الفيس بوك ده اكبر محل بتاع تجسس وتلصص علي اخبار الناس وحياتهم الخاصة.
موجة الفيس والادمان المصاحب لها مرض وترهل في الحياة الاجتماعية، صحيح هذا لا ينطبق في عمومياته لكنه واقع.
انا لا احب الفيس بووك او تويتر، ولا تضيف لي اي شئ غير خصما علي وقتي وعملي.
جرب ان تنساه اسبوعا ستشعر ان للحياة طعما اخر اكثر بعدا. |
سلام يا ابن عمي
والله يا دكتور نصيحه غالية منك بخصوص الفيس المتلصص علي الخصوصيات
وبجرجك لي محلات تانية خاصة لو اتبعته تعبئة البيانات في البروفايل
اكتشفته انو انا كنته داقس بصورة غريبه خاتي رقم الجوال عملت لي مشاكل لا تصورها
تتصل عليك واحده من السودان وبطيبتنا تفتكر الاتصال من انسان ممكن تكون ليك علاقة بيهو
تتطلب منك رصيد بمبلغ عشان عندها معاك موضوع مهم.
الفيس بوك مرضه يمكن ان يؤثر علي حياتك العملية والزوجيه والاجتماعيه ولا توجد استفادة من التعاطي معه.
تحياتي للاسرة الكريمة
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
دكتور طارق سلام يا وجيه
تغريدتك بتاعت الكسير ظريفه قلنا من رهق العمل وضغط الحياة نخش ندردش معاك ومع الجماعه الحلوين
عملته رفرش بعد المداخله ومشيت للصفحة بتاعتي اشوف ليك واحد مرسل لي ...
حسب الله ونعم الوكيل عدد شهداء سوريا اصبح 48368 اعمل لايك وشير لو ماعملته انت ما مسلم .
يعني انا خلاس مستقر سياسيا واجتماعيا في السودان عشان امشي لي الاسد ادعي عليهو ولو دعوتي بتجيب فايدة نوجها لي ناس البشير العملوهو اقل من الاسد قرف يا دكتور الفيس مع تحياتي
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
Quote: سلام عباس
موافقك مليون المية فى كل كلمة
والغريبة حذرت الناس عشرات المرات وبرضو مصرين
نعمل شنو مع العالم دى تفتكر بعد كدة
الليلة كتبت ليهم تانى البفرض على الوهم دة بمسحو وارتاح
وح انقل بعض من كلامك الجميل الفوق دة مرافق للتحذير الاخير
سلام
شايف عصمت برضو بعانى |
سمير يا حبيبنا سلام وتحايا
صاحبك عصمت ما بخش الي بعد فترة طويلة
عشان ادخل في مود الناس واعرف الحاصل شنو عايز ليهو يوم كامل امسح الملصقات
المشكله ترسل للناس تجيك اضافات تانية غير البنطو ليك انت فلان انت علان انت قاعد وين ...الخ
تحياتي وتقديري يا الحبيب
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
Quote: لايك وشير كمان ..
موضوع خفيف وفيه عبر والله ..
شكرا ليك يا عباس الدسيس ..
لمست اللحم الحي ..
بالنسبة لي اصبح الفيس بوك مصدر ازعاج ..
تصدق اتصل علي قريبي قال ليك شوف الـ Time Line حقك ..
مشيت لقيت ليك انا عامل شير على حاجة غريبة هناك ..
المشكلة انت بقيت مستباح وحسابك ما حقك ..
الواحد يمسك الماوس كويس وما ينقر في اي حتة ..
بقى اللايك والشير في روابط مخفية ..
حتى الخصوصية بقت ما خصوصية ..
موضوع مهم .. |
حبيبنا هشام سلام
انبهرنا بيهو اول ما جاء وكانت بداياتنا مع الفيس بثقة التواصل الاجتماعي
خاب ظننا في مرتاديه
رجوع للقواعد سالمين افضل ((المنتديات والمنابر الاسفيرية))
كانت تنبؤات غالبية متعاملي النت ان الفيس والتويتر لي قدام سوف تؤثر في نشاط المنابر
اعتقد النظرية خطأ وذلك ايضا بعد ظهور ادوات التواصل الصوتي والمريء من جولات ذكية وبرامج تانجو وفايبر وسكايبي ....الخ حيث دعت ادارات الفيس والتوتير بالاسراع لادخال هذه الخدمات حتي لا تؤثر علي انشطتتهم الاسفيريه لتبقي المنابر والمنتديات هي ادوات المعرفة الاسفيريه محافظة علي تواجدها
وهذا الفيس وما شابهه مرأة تعكس ما ينسخ من مواد المعرفة من المنابر والمواقع العلمية وغيره.
شكرا يا الحبيب
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
| Quote: شايف عصمت برضو بعانى |
و أنا اقوووووووول
ازيك يا الدسيس ياخ
مع اني لاقيتك يوم واحد في النشاط القديم بتاع الاهلية
بس اليوم داك عالق بذهني شديد لانو كان لمة و ضحك
و خستكه عجيبة خصوصاً من اخوك المكوجن دا.
بخصوص البوست :-
ما عارف اقول ليك شنو بس للضمان :-
دا الضل .
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
الفيسبوك لا غبار عليه ولكن إستخدامنا له هو الغبار نفسه وحقيقة في ناس يكرهوك فيهو ويكرهوك في اليوم الأضفتهم ليك.
أها الأيام دي جاتنا موضة جديدة لنج:
"اللهم دمر جهاز كل من لا يعمل لايك أو يكتب تعليق" ..
في ناس كتيرة بتفتكر فعلا إنو ما عملوا لايك فكمبيوترهم ح يدمر عشان كدا تجد الكم الهائل من اللايكات ..
نحن "العرب" إستخدامنا للفيسبوك وتويتر والمنتديات العامة عموماً فيه شيء من سوء الإستخدام وربما يكون الفراغ الذي يعيشه هؤلاء هو السبب.
شكراً على طرح الموضوع
....
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: حاتم الفاضل)
|
تحية وتقدير ،،
ودي برضو يا استاذ لقيتها في وشي قبل دقايق من المشاركة دي!!
خبـــــــــــــــــــــــــــــــر
عاجل .......الرجل الذي انتج
فلم
عن الرسول قد مات
محروقاا
وامريكا تكتم هذا الخبر
ارجو ان
ينشر هذا الخبر ﻷن هناك
اخت
من فلسطين رأت رؤيه من
سينشر هذا الخبر ان الله
سيكافئه بعد 4 ساعات
والله
شخص اسمه محمد اقسم
بالله
رأى الرسول بمنامه وقال
له
الرسول بلغ المسلمين عني
ان
من ينشرها خﻼال 4
اياااااااام
فسيفرح فرحاااا شديداااا
وان من
يتجاهلها فسيحزن حزنا
شديدااا
انشرها قد رما تستطيع.
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: حاتم الفاضل)
|
Quote: لايك وشير كمان ..
موضوع خفيف وفيه عبر والله ..
شكرا ليك يا عباس الدسيس ..
لمست اللحم الحي ..
بالنسبة لي اصبح الفيس بوك مصدر ازعاج ..
تصدق اتصل علي قريبي قال ليك شوف الـ Time Line حقك ..
مشيت لقيت ليك انا عامل شير على حاجة غريبة هناك ..
المشكلة انت بقيت مستباح وحسابك ما حقك ..
الواحد يمسك الماوس كويس وما ينقر في اي حتة ..
بقى اللايك والشير في روابط مخفية ..
حتى الخصوصية بقت ما خصوصية ..
موضوع مهم .. |
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: حاتم الفاضل)
|
| Quote: تفتح الصفحة من صباح الرحمن تلقي واحد جادع ليك تفاحه فيها اسم الجلالة ويقول ليك كان ما عملته لايك انشاءالله تتخسف بيك الواطه |
حكاية إسم الجلالة في التفاحة والشجرة الساجدة وشق القمر وصورة الحرم من الفضاء وغيرها من الخزعبلات المنتشرة في الفيس بوك وقبلها في المنتديات إنما هي مصدرها واحد هو موقع يسمى (العلمانيون العرب).. فينشر أحدهم واحدة من هذه الخزعبلات في موقع، ثم يتابع انتشارها في بقية المواقع، وينقلون تعليقات المساكين في تلك المواقع الذين صدقوا مثل هكذا خزعبلات واصحاب الموقع (العلمانيون العرب) يضحكون عليهم..
للأسف لا تستطيع يا عباس ان تدخل هذا الموقع من السعودية لأنه محظور، لكن الذين خارج السعودية يمكنهم فتحه وقراءة ما به من استهزاء بالمسلمين.. وقد فتحته من قبل في السعودية قبل أن يُحظر..
شكرا لك
عمر حسن غلام الله
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
| Quote: ما ردتو نهائى الفيسبوك ده |
وضاح سلامات
والله العظيم انت اعقل زول
رابط البوست شللتو رميتو في الفيس قلتا اشوف الناس بتقول شنو !!!!!!!!!!!
((سمير)) حسب الوعد قال حزف واحد جاب ليهو رسالة بالرجالة للصلاة علي الرسول ((ص))
بالله لقيت ليك الناس دخلو تحت كلهم .... اللهم صلى على سيدنا محمد وعلى اله وصحبه.
والله ناس لذيذين بتاعين الفيس
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
| Quote: كمان فى ناس ماعندهم التكتح .. بس شغالين نقل .. أحاديث مامعروف صحتها |
اسامة يا وجيه سلامات
كان مفروض نتشرف بمقابلتك كده في الدمام بس الظروف حالت .... كيف اخبارك واريتك طيب
احيانا انا بقابض وبدخل نفسي في محلات ضيقة واحد بتسأل مني انت وين
قلتا ننفكه منها قلت ليها شغال في جنوب افريقيا
بالله بعد كم يوم عامله البت اكتشفتني كذاب رشتني ليك بالحديث (( إن كذبا علي ليس ككذب على أحد .... فمن كذب علي متعمدا فليتبوأ مقعده من النار".رواه مسلم)).
مع انو الحديث غير صحيح الزولة من الزعل طوالي ودتني النار بي مقعد كمان.
تقديري واحترامي
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
موضوع مهم
من الأضرار الشديدة للفيس انو كتل 90% من المنتديات الخاصة بالمناطق
والتى اذدهرت واثرت تأثير ايجابي في ربط الناس وأثرى الحوارات الخاصة بالمناطق على
مستوى القرى المدن والولايات حيث كان الآعضاء يتفاعلونعبرها
بقت خرابة
بعضها ليس فيه غير الزوار
دمت
li;e ونص
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: showgi idriss)
|
الدسيس عامك سعيد وربنا يحقق ليك فيهو كل امانيك الطيبة
موضوعك ميه الميه بخدم غرض ود المطلوب
والله الفيس بوك مزعج جدا وبياخذ من وقتك
تانيا سوء الاستخدام من قبل العالم التالت سئ للغايه
رابعا ناس الايات والاحاديث والصور المدبلجه لناس ودي كانت مره ربنا قلبها ك ل ب
لانها عصت ربها ووووووو
ده كله بالنسبة لي كلام فارغ في فارغ وقلت لي واحد قريبنا كان برسل لي في الايميل
قلت ليه يااخ ماترسل لي الحاجات دي ما عندي ليها وقت ولا برسلها لي اي ازول
سلام وتحياتي مع دوام العافيه
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عماد شمت)
|
Quote: مع اني لاقيتك يوم واحد في النشاط القديم بتاع الاهلية
بس اليوم داك عالق بذهني شديد لانو كان لمة و ضحك
و خستكه عجيبة خصوصاً من اخوك المكوجن دا. |
نابري يا وجيه سلام وتحية
ياخ انت بتتنسي يا الحبيب
اخبارك سعيد جدا بطلتك ولقياك في الزمن القاسي العلينا نلتقي مرة اخري انشاءالله في لمة ابتسامة نزيل بيهو غبار الحياة
التحية ليك وللمكوجن صاحبك باستراليا
مع خالص تقديري واحترامي
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
اساسي سلام يا حبيبنا واخبارك
قوية وخطيرة الطازة
سألتك بالذي خلق الارض معبد وسوي الناس ليها مقام
لو عملت لي خلوة عديل ودعواتي مقبولة فكرك بتمشي في الحالة المرفقة
من باب الاحتياطي وعشان الجهاز ما اتفرطق ربنا اشفيها
مع خالص تقديري
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
Quote: الفيسبوك لا غبار عليه ولكن إستخدامنا له هو الغبار نفسه وحقيقة في ناس يكرهوك فيهو ويكرهوك في اليوم الأضفتهم ليك.
أها الأيام دي جاتنا موضة جديدة لنج:
"اللهم دمر جهاز كل من لا يعمل لايك أو يكتب تعليق" ..
في ناس كتيرة بتفتكر فعلا إنو ما عملوا لايك فكمبيوترهم ح يدمر عشان كدا تجد الكم الهائل من اللايكات ..
نحن "العرب" إستخدامنا للفيسبوك وتويتر والمنتديات العامة عموماً فيه شيء من سوء الإستخدام وربما يكون الفراغ الذي يعيشه هؤلاء هو السبب.
شكراً على طرح الموضوع |
حاتم يا وجيه سلام واخبارك
كلامك هو المقصود فعلا بالاضافة للفراغ عدم المسئولية في التعامل الفكري والعلمي
قوقلت ليك اكيفية تتم الاستفادة من الفيس بوك
لو نظرت ليها تجاوزات في كيفية الاستفادة من الفيس ومواقع التواصل الاخري
مع اكيد تقديري
قد أصبح ـ تقريبًا ـ من الضرورة الحياتية لكثير من الناس أن يكونوا اجتماعيين، حتى على الإنترنت! فالإنسان اجتماعي بطبعه، يحب مشاركة الأفكار والأخبار، وتبادل الصور والملفات مع الآخرين، ومع تطور الإنترنت ظهر ما يلبي تلك الحاجة للمشاركة بما يسمى بـ(المواقع الاجتماعية)، وهي ببساطة: المواقع التي تقدم خدمات؛ مثل: المحادثة الفورية، والرسائل الخاصة، والبريد الإلكتروني، والفيديو، والتدوين، ومشاركة الملفات، وغيرها من الخدمات، ومن أمثلة هذه المواقع المشهورة: فيس بوك، تويتر، ماي سبيس، هاي فايف، أوركت، وغيرها، أما في عالمنا العربي، فالأشهر بالتأكيد هو موقع فيس بوك.
كيف بدأ موقع الفيس بوك؟
لقد بدأ الـفيس بوك ـ تقريبًا ـ منذ سنتين أو ثلاث سنوات، وقد أحدث هذا الموقع نقلة فعلية في الإنترنت العربي بشكل ملحوظ، ولهذا الموقع قصة شهيرة، بدأها مارك زوكربيرج؛ ذلك الشاب الذي لم يتجاوز الثلاثين عامًا، وكان قد أطلقه ـ بداية ـ وهو طالب في جامعة (هارفارد)؛ بهدف تجميع زملائه على الموقع، وتكوين مثل مجتمع افتراضي صغير، وكان ذلك في عام 2003 (حيث كان يبلغ من العمر 19 عامًا)، وبعدها توسع الموقع أكثر ليشمل الطلبة الجامعيين بوجه عام من جامعة (هارفرد) أو غيرها، وازداد توسعًا بعد ذلك ليتم إطلاقه عام 2006م بشكل رسمي ومتاح للجميع.
كيف تستفيد من الفيس بوك؟
كثيرون ـ بالفعل ـ يعرفون الفيس بوك، ويقضون عليه أوقاتًا طويلة، ولكن كيف تستفيد ـ عمليًا ـ من وقتك عليه؟ يمكنك الاستفادة من الفيس بوك بطرق متعددة، وعلى مستويات مختلفة: فعلى المستوى الاجتماعي : يساعدك الفيس بوك على التواصل والتفاعل الاجتماعي ـ بلا حدود ـ في جميع أنحاء العالم؛ وذلك بإضافة أصدقائك، ومراسلتهم ومعرفة أخبارهم، وفيمَ يتحدثون وما هي اهتماماتهم، كما يمكنك النقاش معهم، والاطلاع على آرائهم وأفكارهم وتجاربهم؛ مما ييسر لك تبادل المعلومات وتكامل الخبرات عن طريق ذلك الموقع.
أما المستوى العلمي والدراسي : فقد أسهمت المجموعات والصفحات المختصة بالجامعات على الفيس بوك، التي تناقش فيها أمور جامعتك ودراستك مع زملائك، في بناء مشاركة علمية فعالة؛ بل قد تجد صفحات لأحد أساتذتك تستطيع ـ فيها ومن خلالها ـ التواصل المباشر معه؛ الأمر الذي أدى إلى التميز في تحديد الأهداف وانتقاء مناهج الأبحاث. وفي حال النشاط العلمي الأوسع والأعمق يسهل عليك متابعة المجموعات، والصفحات العلمية المتخصصة التي يمتلئ بها الموقع؛ مما أوجد نوعًا من الانفتاح العلمي و التلقائية في سرعة وسهولة الحصول على كل ما هو جديد، في مجال التطور التكنولوجي والثورة المعلوماتية الرهيبة، في عصر التقدم التقني الدقيق.
أما على المستوى الاقتصادي في الأعمال والتسويق :
فإن الطفرة الهائلة التي أحدثها الفيس بوك ـ من الاستفادة السريعة والمباشرة في المجال الاقتصادي، والسوق الصناعية والأعمال التجارية ـ باتت مثار إعجاب وجذب شريحة واسعة من رجال الأعمال، ورؤساء الشركات والقائمين على الإدارات في مختلف الميادين؛ حيث استطاع الكثيرون الاستفادة من الفيس بوك في نشر وتسويق أعمالهم ـ بشكل بسيط ـ بعيدًا عن التعقيدات؛ وذلك بإنشاء صفحة خاصة بهذا النشاط أو العمل، تقوم مقام الموقع الخاص بالشركة أو المؤسسة؛ بل إن الـفيس بوك ـ كوسيلة تسويق سهلة ومجانية ـ أصبح الكثيرون من أصحاب المشاريع الصغيرة يستفيدون من إمكاناته الهائلة وخدماته المتنوعة، التي تمكنهم من الانتشار بسهولة، والتواصل المباشر مع عملائهم عبر هذا الموقع، (وهناك أيضًا طرق مدفوعة).
وعلى المستوى الترفيهي :
أيضًا لم يهمل الفيس بوك حاجة المجتمع العصري إلى المرح، والاسترخاء بعيدًا عن الملل الذي تسببه روتينية العمل اليومي؛ لذا كان العديد من الوسائل المسلية والممتعة: من مجموعات ترفيهية، أو تطبيقات، أو ألعاب، يمكنك ـ من خلالها ـ أن تقضي وقتًا ممتعًا مع أصدقائك، أو وحدك أيضًا؛ حتى تعود إلى مزاولة نشاطاتك على أريحيتك الطبيعية.
http://www.salahelimam.com/2010/10/who-to-use-facebook/
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
Quote: من الأضرار الشديدة للفيس انو كتل 90% من المنتديات الخاصة بالمناطق
والتى اذدهرت واثرت تأثير ايجابي في ربط الناس وأثرى الحوارات الخاصة بالمناطق على
مستوى القرى المدن والولايات حيث كان الآعضاء يتفاعلونعبرها
بقت خرابة
بعضها ليس فيه غير الزوار |
حبيبنا showgi idriss سلام
فعلا وقفت حال كثير من المنابر منذ ان طل الفيس علي الاسافير
وعدم كيفية التعامل معه اصبحت تعتبر نتائج ايجابية في عودة الافراد للمنابر
وسلبية في الاحتفاظ بكمية الاعضاء الذين انضمو له
والايام سوف تثبت ذلك حيث لا يشكل اضافة لوعي الفرد او زيادة المخزون العلمي والفكري.
مع خالص التقدير
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
سلام يا عباس
...
منقول :
ﺧﺒﺮ ﻋﺎﺟﻞ :-
ﻓﻲ ﻣﻬﻨﺪﺱ ﺳﻮﺩﺍﻧﻲ ﺷﻐﺎﻝ ﻓﻲ ﺑﺮﻧﺎﻣﺞ ﺟﺪﻳﺪ
ﻭﻗﺎﻝ ﻋﺎﻳﺰ ﻳﻌﻤﻞ ﻓﻴﺲ ﺑﻮﻙ ﺻﻨﺎﻋﺔ ﺳﻮﺩﺍﻧﻴﺔ ...
ﻭﻓﻲ ﻓﺘﺮﺓ ﻭﺟﻴﺰﺓ ﺣﺎﻧﻨﻔﺼﻞ ﻣﻦ ﻓﻴﺲ ﺑﻮﻙ ﺍﻟﻌﺎﻟﻤﻲ
ﻻ ﻧﻮ ﺑﻲ ﺻﺮﺍﺣﺔ ﻣﺎﺑﻨﻌﺮﻑ ﻧﺴﺘﺨﺪﻡ ﻓﻴﺲ ﺑﻮﻙ ﺻﺎﺡ ...
.
ﺍﻟﺼﻮﺭ :-
ﺣﺪﺙ ﻭﻻ ﺣﺮﺝ ﺍﻟﻮﺍﺣﺪ ﺷﻼﻟﻴﻔﻮ ﻗﺪﺭ ﺍﻟﻤﺮﺗﺒﺔ
ﻭﻧﺨﺮﻳﻨﻮ ﺯﻱ ﺍﻟﻨﻔﻖ
ﻭﺧﺎﺗﻴﻬﺎ ﺻﻮﺭﺓ ﺷﺨﺼﻴﺔ
ﻭﻻﺑﺲ ﻟﻴﻬﻮ ﻧﻈﺎﺭﺓ ﺷﻤﺴﻴﺔ ﺑﻠﻴﻞ
ﻓﻀﺤﺘﻨﺎ ﻳﺎراجل ...
ﺑﺲ ﻣﺒﺴﻮﻁ ﻣﻦ ﺍﻟﺒﻨﺎﺕ
ﺍﻟﻮﺣﺪﺓ ﻭﺍﺛﻘﺔ ﺍﻧﻬﺎ ﻗﺒﻴﺤﺔ ﻭﻣﺎﺑﺘﺠﺎﺯﻑ
ﺑﺘﺨﺖ طوالى ﺻﻮﺭﺓ ﻣﻤﺜﻠﺔ او ﻓﻨﺎﻧﺔ
..
ﻧﺠﻲ ﻟﻲ ﻃﻠﺒﺎﺕ ﺍﻟﺼﺪﺍﻗﺔ :-
ﺍﻟﺒﺘﻌﺮﻓﻮ ﻭﺍﻟﻤﺎﺑﺘﻌﺮﻑ ﺑﺘﺮﺳﻞ ﻟﻴﻬﻮ ﻃﻠﺐ
ﻟﻤﻦ ﻓﻴﺲ ﺑﻮﻙ ﺑﻘﻲ ﻣﺴﺘﻐﺮﺏ ﻓﻴﻨﺎ
ﻭﻳﻘﻮﻝ ﻟﻴﻨﺎ :
ﻫﻞ ﺗﻌﺮﻑ ﻫﺬﺍ ﺍﻟﻤﺸﺘﺮﻙ؟؟؟
..
ﺍﻟﺤﺎﻻﺕ ﺗﻤﻐﺺ :-
ﺍﻟﻮﺍﺣﺪ ﺗﻠﻘﺎﻫﻮ ﻟﻴﻬﻮ ﺳﺘﺔ ﺷﻬﻮﺭ ﻣﺎﺻﻠﻲ
ﻭﺗﻠﻘﺎﻫﻮ ﻛﺎﺗﺐ ﺟﻤﻌﺔ ﻣﺒﺎﺭﻛﺔ
ﻭﻣﺎ ﺍﻭﺻﻴﻜﻢ ﺑﻲ ﺳﻮﺭﺓ ﺍﻟﻜﻬﻒ
ﺗﻮﺻﻲ ﻣﻨﻮﻭﻭ ﻭﺻﻲ ﺭﻭﺣﻚ
...
ﻭﻻ ﻭﺍﺣﺪ ﻛﺎﺗﺐ ﺍﻣﻲ ﺍﻏﻠﻲ ﻣﺎﻋﻨﺪﻱ
ﻭﺍﻣﻮ ﻟﻴها ﺳﺎﻋﺔ ﺑﺘﻨﺎﺩﻱ ﻓﻴﻪ
و ﻣﺎﻋﺎﻳﺰ ﻳﻘﻮﻡ ﻳﺸﻮﻓﻬﺎ ﺩﺍﻳﺮﺓ ﺷﻨﻮ ...
..
ﻭﺍﻟﺒﻨﺎﺕ
ﺑﺲ ﺗﻜﺘﺐ ﻫﺎﺍﺍﺍﺍﻱ ﻣﻴﺔ ﺗﻌﻠﻴﻖ ﻭﻣﻴﺔ
ﻭﺧﻤﺴﻴﻦ ﻻﻳﻚ
ﻳﺎ ﺍﺧﻮﻧﺎ ﺍﻟﺰﻭﻟﺔ ﺩﻱ ﻗﺎﻟﺖ ﻫﺎﻱ ﺑﺲ
ﻭﺍﻟﻮﻟﺪ ﻳﻜﺘﺐ ﻣﺪﻭﻧﺔ ﻣﺎﻓﻲ ﺯﻭﻝ ﻳﻌﺒﺮﻭ
..
ﻭﺍﻛﺘﺮ ﺣﺎﺟﺔ ﺑﺘﻐﻴﻆ ﺍﻟﺒﻨﺖ ﺍﻟﺒﺘﺴﻤﻲ ﺭﻭﺣﻬﺎ
ﻧﻮﻧﺔ ﺍﻟﻌﺴﻞ .. ﺳﻠﻤﻲ ﺍﻟﺪﻟﻮﻋﺔ .. ﺭﻭﻋﺔ ﺍﻟﺤﻠﻮﺓ
ﻭﻫﻲ ﺗﻠﻘﺎﻫﺎ ﻣﺸﻲ ﻓﻲ ﺍﻟﻮﺍﻃﺔ ﻣﺎﺑﺘﻘﺪﺭ ﺗﻤﺸﻲ
ﻭﻗﺒﻴﺤﺔ ﺯﻱ ﺍﻟﻐﻮﺭﻳﻼ
..
ﺍﻟﻤﻬﻢ
ﺍﻱ ﺯﻭﻝ ﻳﺠﻬﺰ ﻧﻔﺴﻮ ﻋﺸﺎﻥ ﻧﺮﺣﻞ ﻓﻴﺲﺑﻮﻙ ﺍﻟﺴﻮﺩﺍﻥ
ﻭﻧﺘﻌﺎﻭﺭ ﻫﻨﺎﺍﺍﺍﻙ ﺑﻲ ﺭﺍﺣﺘﻨﺎ
ﻫﻨﺎﻙ ﻻﺯﻭﻝ ﻳﺴﺄﻟﻨﺎ ﻭﻻﻧﺴﺄﻝ ﺯﻭﻝ
..
مع تحيات :
¤ ﺣﻤﻠﺔ ﻭﻋﻴﻬﻢ ﺍﻣﻜﻦ ﺍﻟﻠﻪ ﻳﻬﺪﻳﻬﻢ
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: سمير شيخ ادريس)
|
Quote: الدسيس عامك سعيد وربنا يحقق ليك فيهو كل امانيك الطيبة
موضوعك ميه الميه بخدم غرض ود المطلوب
والله الفيس بوك مزعج جدا وبياخذ من وقتك
تانيا سوء الاستخدام من قبل العالم التالت سئ للغايه
رابعا ناس الايات والاحاديث والصور المدبلجه لناس ودي كانت مره ربنا قلبها ك ل ب
لانها عصت ربها ووووووو
ده كله بالنسبة لي كلام فارغ في فارغ وقلت لي واحد قريبنا كان برسل لي في الايميل
قلت ليه يااخ ماترسل لي الحاجات دي ما عندي ليها وقت ولا برسلها لي اي ازول
سلام وتحياتي مع دوام العافيه |
عماد شمت سلام يا حبيبنا اخبارك
من ضمن التعامل السيء للفيس بوك التحايل علي الاعضاء بالخدع
مثل شاهد فضيحة فلانه او البرنامج الفلاني.. غير لون الفيس بوك .. غير شكل صورتك .. اعرف منو زار بروفيلك ..
واشياء كثيره ليس لها علاقة بخدمات الفيس بوك والموضوع اجرجرك لخطوات تتبعها
تبدأ من Like وكمان اعجبني تجدها كمية من الاعجابات لازم تضغط عليها كلها
تضيع فيها قريب نصف ساعة ويقول ليك لو ما ضغطه عليها كلها لن تتمكن من الاشتراك
وبعدها انشر الصفحة لاصدقائك لكى تتمكن من الاشتراك ...
هذه الطريقة عباره عن دعايا لصفحات اخري للحصول على اكبر قدر من المشتركين وكل ذلك خدع .
مع خالص التقدير
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: Hani Arabi Mohamed)
|
Quote: من ينشرها خand#65276;ال 4
اياااااااام
فسيفرح فرحاااا شديداااا
وان من
يتجاهلها فسيحزن حزنا
شديدااا
انشرها قد رما تستطيع. |
ابراهيم الفاضل يا حبيبنا سلام
والف مرحب بيك واكيد اضافة للمنبر تواجدك
تعرف البضحكني في نوعية تغريدات الارهاب بالفيس
اقول ليك لو تجاهلتها سوف تحزن يعني اكثر من حزنا الحسي ........ والله حاجة عجيبه
مع خالص تقديري وشكري
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
سماره بتنكت حاجات عجيبه ............
الكاتب الصحفي الصديق العاقب مصباح واحد من الناس بتعامل مع الفيس باحترافية له عامود صحفي ساخر من متابعيه اخر عامود هدية ليك يا سمارة
Quote: لعاقب مصباح
الحاج متحشر
تماطيق
:- يا علوية جيبى لى البطانية دى النخت راسى والله مصدع تب من مشاوير النهار من بيت لى بيت فوق موضوع التبرعات دا ...
:- ها راجل تبرعات شنو وراس شنو ...كدى قوم شوف ناس الحسن ديل دايرين يرجعوا الجنى الاسمه عثمان لى مرته سعدية بت الطاهر ..
صباحاته بُيُض يا حاجة ...كدى خلينا الننوم وقت مافى عشاء ...
:- تتعشى لقط يا حاج انا بقول ليك قوم شوفهن عايزين يرجعوا المرة لى راجلها تقول لى داير عشاء ولا داير تنوم ...كدى قوم على حيلك ...يعنى يقومو يرجعوهو وانت ما تكون مشترك فى الموضوع ...نسوان الحلة يقولن على شنو ...يقولن راجلى ما بشارك مع الناس فى عمل الخير ...علا كان جيت للنصيحة ... والله مفروض اصلو ما يرجعوها البت ام حنيك دى ...غايتو جنس نضميها وفلهمتها تب ما شفتها ...
:- فلهمة شنو يا مرة ؟؟؟
:- هى دى التياب دى الا تلبس الربطة ... وقالت ليهو الا تشترى لى الشنطة الجديدة دى ودا سبب الطلاق زاتو ..
:- شنطة شنو يا مرة ...
:- هى ما سمعت بى موضة نسوان الزمن دا ؟؟؟
:- موضة شنو يا مرة ؟؟؟
:- هى قالوا ظهرت شنطة جديدة إسمها ((إحتمال ابيت برة )).. ودا غير اللبسة الجابتها اليوم داك .. الاسمها (( عدم الوالى )) واللبسة الاسمها فصل العلمانية ديك ...الله لا وراك ليها ...
:- ها مرة دا كلو اول مرة اسمع بيهو ..
:- كدى قومى على حيلك ناولينى الجلابية والعراقى والحقة النقوم الحقهم ارجع معاهم الراجل لى مرته ...
وصل حاج متحشر الى منزل تهانى المطلقة ووجد القوم قد سبقوه وهى فرحة وتضحك وتوزع المشروبات عليهم ..تناول حاج متحشر العصير دون أن يشارك فى فى الصلح الذى بموجبه وافقت الزوجة على العودة لزوجها ...
ومن ثم قاموا للذهاب لمنزل الزوج عثمان وإقناعه برجوع زوجته إليه ..
سبقهم حاج متحشر واخد عثمان الى خارج المنزل ... وأصطحبه نحو الحواشات القريبة من القرية ...
:- يا عثمان هووى اسمعنى كويس وخت كلامى دا حلقة فى اضانك ...
:- كلام شنو يا حاج ؟؟؟
:- الناس ديل سمعت بيهم قالوا دايرين يرجعوا ليك المرة ... ديل ناس ياسين ومختار والضو.... ومشوا لى ناس تهانى وهى موافقة ترجع بس قالت لبسها الشين داك ما بتخليهو ... وكمان قالوا ليهو انتى بس قولى خليهو لمن نرجعكم بعد داك اتحكمى فيهو زى ما دايرة ... وبصراحة يا عثمان اخوى لبسها كعب تب ... عليك الله وقت بتلبس لبس زى دا ما احسن ليها تمشى ساى تسرح وتمرح ...وبالطريقة دى بقولو عليك زول ما عندك شخصية .. يعنى شخصيتك ضعيفة تب وبقولو عليك زول همبول ودلدول ساى ...اها انا ما برضى ليك تب ... دى عليك الله مرة بيرجعو ليها .... ياخى الحلة مليانة نسوان شوف ليك واحدة غيرها ... انت قايلهن من قلهن يعنى .؟...
:- ياخى اقول ليك شئ .. انا داخل فى قسم من هسع ... كان بتجينى محجبة ولابسة خيمة ما برجع ليها .... والناس الجايين ديل قول ليهم والله تدخلو بيتى ساى بالغلط علا افتح فيكم بلاغ فى الشرطة ... ومرة زى دى انا تب ما برجع ليها كان تقوم القيامة ...
:- يا زول والله انت راجل وارجل منك تب مافى ...وياهى المحرية فيك ... وانا بس قول لى داير فلانة على الطلاق اعرسها ليك واعرس ليك امها زاتها ..
:- عارفك ما بتقصر يا حاج ...
:- يلا يا اخوى ودعتك الله ...
:- ودعتك الله والرسول ...
موضوع الرجوع اصبح من سابع المستحيلات ... اللهم لا إعتراض على حكمك |
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
يا دسيس كيفك ......
انا طبعا مرت بي طرفة في الفيس وهي عندما كان اسمي باللغة الانجليزية ( ala haimoura ) الكثير من المراهقين طلبوا الصداقة باعتبار اني زولة اسمها آلاء وعينيك ما تشوف الا النور ( وين يا عسل وين يا حبة وممكن تلفونك و........................ الخ الى ان غيرت اسمي وكتبتو باللغة العربية
فالفيس ما فكرة سيئة ولكن السيء هو الاستخدام ...........
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
Quote: يا دسيس كيفك ......
انا طبعا مرت بي طرفة في الفيس وهي عندما كان اسمي باللغة الانجليزية ( ala haimoura ) الكثير من المراهقين طلبوا الصداقة باعتبار اني زولة اسمها آلاء وعينيك ما تشوف الا النور ( وين يا عسل وين يا حبة وممكن تلفونك و........................ الخ الى ان غيرت اسمي وكتبتو باللغة العربية
فالفيس ما فكرة سيئة ولكن السيء هو الاستخدام ........... |
حيموره يا صديق شوقنا بحر
مشيت وفكيتنا في السهلة
قول لينا لقيت شنو عشان نتلمه عليك
الجماعه غايتو لو ما غيرته اسمك كان حسي لبسوك طرحه وما بعيد يعقدو عليك اسفيريا 
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: حمد عبد الغفار عمر)
|
التحايا الطيبات يا عباس لك ولضيوفك
أول ما شفت المفترع بتاعك دا قلت يعني الواحد هارب من سخافات الفيسبوك عشان يجي يلقى العدوى انتقلت لسودانيز اونلاين؟
وقررت انه لو مفترعك دا بدخلني الجنة بدون حساب برضو ما ح ادخلو ..
لحدي ما جاني ايميل من صديق وفيه لينك من سودانيزاونلاين ولما فتحت اللينك لقيت نفسي في نص موضوعك دا وبضحك من بداية ثصة النضارة لحدي مداخلة سمير شيخ ادريس. 
ياخي دا بوست تحفة جدا وفيهو معالجة درامية ذكية للاوضاع الوصلنا ليها لا اجد نفسي امامه الا ان احييك واعتذر عن حكمي المتسرع.
برجع ليك بمهلة لو ربنا مد في الآجال
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: اسماعيل كردولي)
|
| Quote: دي بعملوها كيف لأنو في واحد مفدفدني فيدينج مبالغة |
حمد يا وجيه سلام يا الحبيب
انشاءالله موضوع رجلك ظبط ومشيت لي دوابه
نحولك لي الامين البشاري و ل شيخ العرب ود البوش
في مداخله لو راجعته المفترع بتلقي فيها كيفية التعامل مع الجن الاحمر ((الفيس)) الطلع روحنا
يا خوي خليك معانا هنا زول منابر الفيس خطر علي الصحة وخطر علي الحياة الاسريه ...بجد والله
مع خالص تقديري
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
Quote: اسامة يا وجيه سلامات
كان مفروض نتشرف بمقابلتك كده في الدمام بس الظروف حالت .... كيف اخبارك واريتك طيب |
يا الدسيس إتلومت والله
ظروف شنو ياخ .. قول لينا أنا فى المكان الفلانى .. بنقهر الظروف ونجيك فى محلك نتشرف بمقابلتك
إتلومت
بس الجايه لو فطيتنا بتكون بالغت .. وحتخش النار .. أعمل حسابك
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: أسامه الكرور)
|
| Quote: ياخي دا بوست تحفة جدا وفيهو معالجة درامية ذكية للاوضاع الوصلنا ليها لا اجد نفسي امامه الا ان احييك واعتذر عن حكمي المتسرع |
يا حبيبنا Amir Omer سلام وتحية
ممنون وشاكر للكلمات اللطيفة من شخصكم الكريم
تعاملنا مع التكنلوجا بادمان وبدون وعي كما الغالبية بداعي الفراغ او لاغراض ليس من اجلها يفقد زمنه .
وفقدان الوعي للتعامل تنطبق عليها :
حكاية المحشش الماشي بيتم وقت وصل الباب ادخل في المفتاح ما عرف غلبو إلقي (( خرم)) المفتاح.
وقت زهج كورك لي مرتو بالحيطه يا وليه يا وليه انتي وين ؟؟؟
قالت ليهو مالك يافلان ما عندك مفتاح اجدع ليك مفتاحي بالحيطه
قال ليها لا اجدعي لي خرم الباب.
اكيد تقديري واحترامي
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
| Quote: قلنا ما نجيك ايدنا فاضية . . دي العينة و ربك يلطف !! |
اسماعيل يا حبينا سلامات
كل زوق يا راجل يا ظريف بالله حسي الناس لو خلت العوارة البتسوي فيها
وطلعتنا من مود تدخل النار وانت ما مسلم
واشتغلت علي التواصل الاجتماعي والبهجة
ومناقشة القضايا المهمة
ما كان الفيس بقي جنة
شوف المرفقات
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
| Quote: بس الجايه لو فطيتنا بتكون بالغت .. وحتخش النار .. أعمل حسابك |
حبيبنا اسامة سلام وتحية
المرة الجاية بنصلك انشاءالله
انت في دخول النار و ل شوف السلفيين المصرين جايبين شنو في الفيس!!!!
طائرة تسجد لله واحد سوداني علق ليهم (( طائرات الخطوط السودانية بتستشهد عديل ))
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
Quote:
حكاية إسم الجلالة في التفاحة والشجرة الساجدة وشق القمر وصورة الحرم من الفضاء وغيرها من الخزعبلات المنتشرة في الفيس بوك وقبلها في المنتديات إنما هي مصدرها واحد هو موقع يسمى (العلمانيون العرب).. فينشر أحدهم واحدة من هذه الخزعبلات في موقع، ثم يتابع انتشارها في بقية المواقع، وينقلون تعليقات المساكين في تلك المواقع الذين صدقوا مثل هكذا خزعبلات واصحاب الموقع (العلمانيون العرب) يضحكون عليهم..
للأسف لا تستطيع يا عباس ان تدخل هذا الموقع من السعودية لأنه محظور، لكن الذين خارج السعودية يمكنهم فتحه وقراءة ما به من استهزاء بالمسلمين.. وقد فتحته من قبل في السعودية قبل أن يُحظر.. |
Mandingoo
استاذ عمر غلام الله كيف يا وجيه مشتاقين
والله يا خوي مش مادنجو كان الجن الاحمر ننقشك
انت علم يا حبيبنا هل يخفي القمر
الناس بقت تلفح لا تفرز الصاح من الغلط حتي الاحاديث والايات تنسخ وتكب في الفيس
والطريقه غير صحيحه فيها عدم احترام للاديان
يا حبيبنا مالك مختفي غايتو انت والسني دفع الله الي اشركو ليكم
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
طبعآ ياعباس الشغلة دي بدت معاي من بدري شديد ايام الابتدائي يجي واحد من اصحابك طاير ويديك ورقة مكتوب فيها انو واحد في الحرم شاف الرسول عليه الصلاة والسلام في المنام وامرو يكتب الورقة دي ويوزعا علي عشرة ( اتخيل كتابة بخط اليد وعشرة نسخ ) وبكون مكتوب كلام كتير وادعية بعدها اتطور الموضوع وبقي تصوير في ورق A4 وتفوت يوم ما تفطر عشان تصور الورقة وتوزعا ( لما شكيت انو اصحاب محلات التصوير هم البعملوها)اها يوم قويت قلبي وحرنت مرة واحدة من ارسالا ولا تصويرا وما اغشك كنت خايف انو تجيني حاجة ولما الموضوع مر بسلام تاني بقيت نهائي ما بشتغل بالحاجات دي .
هسة عادي الحاجات دي في الفيس ريموف طوالي المشكلة في جماعة هسة مصرين في الواتساب يرسلوها لي .
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
عباس ...إزيك ياخ
الفيس دا يا عباس صاحبو خلى ليها جامعة عديل ونسى فكرة التخرج منها
وعمل في المشروع دا لحدي ما وصل انو يعرضو ليهو الملايين ما اشتغل بيها وواصل واستقطب مسؤولة مهمة للتطوير من قوقل
اهم حاجة بتجيب ليهو ايرادات هي الاعلانات غير كدا طبعاً المعلومات للمدونة تعتبر قاعدة بيانات بيتعمل ليها فلترة ويستهدفوا بيها شريحة معينة
وفيهو امكانيات هائلة لو اتعرف جخانينو
دا كولو نحن ما شغالين بيهو الشغلة بنباري فيهو الدجاج وبودونا الكوشة وبنلعب فيهو مع الجريوات وبخربشونا
تشرفت بالتعرف عليك لدى مرتضى بالمستشفى
دم بخير
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: طاهر بدر)
|
Quote: طبعآ ياعباس الشغلة دي بدت معاي من بدري شديد ايام الابتدائي يجي واحد من اصحابك طاير ويديك ورقة مكتوب فيها انو واحد في الحرم شاف الرسول عليه الصلاة والسلام في المنام وامرو يكتب الورقة دي ويوزعا علي عشرة ( اتخيل كتابة بخط اليد وعشرة نسخ ) وبكون مكتوب كلام كتير وادعية بعدها اتطور الموضوع وبقي تصوير في ورق A4 وتفوت يوم ما تفطر عشان تصور الورقة وتوزعا ( لما شكيت انو اصحاب محلات التصوير هم البعملوها)اها يوم قويت قلبي وحرنت مرة واحدة من ارسالا ولا تصويرا وما اغشك كنت خايف انو تجيني حاجة ولما الموضوع مر بسلام تاني بقيت نهائي ما بشتغل بالحاجات دي .
هسة عادي الحاجات دي في الفيس ريموف طوالي المشكلة في جماعة هسة مصرين في الواتساب يرسلوها لي . |
محمد سلام وتحية
بحكاية التصوير والتوزيع في زول عمل فيني مقلب مشي زي السلام عليكم فيني
شايل ليهو صورة مخطوط بيد النبي محمد ((ص)) قال من زمن حجة الوداع للرسول ((ص)) وتحت في واحد معلق فيها لو وزعتها خلال اسبوع سوف تسمع اخبار تسرك وتنحل ضائقتك المالية ولو ما وزعتها في خبر سيء بجيك
اخوك كان مفلس ومطلوب من كم زول وداخل علينا عيد الضحية كمية من الورق صورتها وشغال توزيع
الغريبة اي زول اديهو إصر لي وشو الحركة قايمة جديدة وبما انك سلمت الزول ورقة ملزم بان يصور ويوزع
اشتغلت ليك في الناس قرف بسبب التوزيع للورقة في جماعه كثار زاغو من بيتنا يوم العيد واحد صاحبي شديد بكلم في زول جاي ابارك لينا العيد قال ليهو عباس جلي تمشي ليهو حسي إلبعك بي ورقة من ورقو الكثير داك.
لا بعد اسبوع لا بعد شهر ما اتحلت ضايقتي المالية كان عندي مشروع خطوبة اتفرتق جاني خطاب نقل لي بلد في الواق واق
بعد الكوارث اتلمت علي انتبهت إن الرسول محمد ((ص)) امي لا يكتب والورقة كانت فالصو.
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
رهيب يالدسيس
انا عاوز اعمل لي مجموعة بالفيس
وحأستفيد من نصيحة اخونا طارق جبريل
رأيــــــــــــك شنو
.....
....
إن حان قدري ..... لكي أكاونتي بعد موتي
وإن علمتي أني مت ..... عزيني بكومنت
واعملي لي بيك اجر
ورشرشي لايكات علي قبري
واعملي شير لكل الناس
داهية في الفيس بوك واليوم الشبكنا فيهو
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: حامد الغبشاوي)
|
Quote: عباس ...إزيك ياخ
الفيس دا يا عباس صاحبو خلى ليها جامعة عديل ونسى فكرة التخرج منها
وعمل في المشروع دا لحدي ما وصل انو يعرضو ليهو الملايين ما اشتغل بيها وواصل واستقطب مسؤولة مهمة للتطوير من قوقل
اهم حاجة بتجيب ليهو ايرادات هي الاعلانات غير كدا طبعاً المعلومات للمدونة تعتبر قاعدة بيانات بيتعمل ليها فلترة ويستهدفوا بيها شريحة معينة
وفيهو امكانيات هائلة لو اتعرف جخانينو
دا كولو نحن ما شغالين بيهو الشغلة بنباري فيهو الدجاج وبودونا الكوشة وبنلعب فيهو مع الجريوات وبخربشونا
تشرفت بالتعرف عليك لدى مرتضى بالمستشفى
دم بخير |
حبينا طاهر وهل يخفي القمر تحية ليك وللمستشار الخلوق مرتضي عركي
الفيس والله جننا وعالم غريب كلو بلاوي
وأي واحد شايل ليهو جوال مع النت البقي بي جنيه اليوم في السودان تلقاهو جوه الفيس
وما تشوف عينك الي النور ناس حبكانات وناس دعوات وكلو كوبي لصق
احيانا تخش صفحتك تقول يا ربي انا وين.
حبينا طاهر عايزين لينا لمة مع صاحبك عركي
| |
|
|
|
|
|
|
|
|
|
Re: اذ لم تقرأ هذا المفترع سوف تدخل النار (Re: عباس الدسيس)
|
Quote: رهيب يالدسيس
انا عاوز اعمل لي مجموعة بالفيس
وحأستفيد من نصيحة اخونا طارق جبريل
رأيــــــــــــك شنو |
حامد سلام يا حبيبنا اخبارك غ
ايتو لو عملته المجموعه بتاعت طارق جبريل تكون حدث
وعلي فكرة بتلقي ليك ناس كميه مهولة وبعد شوية بتقعد في المجموعة زي الضيف ...والله بجد بس
عليك الله ما ضيفني فيها
| |
|
|
|
|
|
|
| |
عباس الدسيس
محمد طاهر تكنه
محجوب البيلي
حيدر حسن ميرغني
Elsanosi Badr
طارق جبريل
سمير شيخ ادريس
هشام كمال عبادي
وضاح عبدالرحمن جابر
أسامه الكرور
سفيان بشير نابرى
ابراهيم الفاضل
Mandingoo
showgi idriss
عماد شمت
Hani Arabi Mohamed
علاء الدين حيموره
حمد عبد الغفار عمر
Amir Omer
اسماعيل كردولي
محمد جمعه الخير
طاهر بدر
حامد الغبشاوي
فيس بوك
تويتر
انستقرام
يوتيوب
بنتيريست