|
خـيـوط الـشـوق
|
ما خشيت جُواك بالصدفه وما إتراجعت وشِلت خُطاي أنا إخترتك عِنوة ومعنى وقاصد روحِك يا دُنياي هب نسيم العِشق الصادق دوزن فيك معاني غُناي وجمل بيك ايامي الـ عدو ولم خيوط الشوق جُواي ندهتك يلا تعالي اُمرقي صحي الفرحة النامت ساي وياني حبيبك وما بتغير وحُبِك كامن في اعضاي ويا مهووسة بحب الكلمة ويا ممزوجة بطعم غُناي ما خشيت جواك بالصدفة وما إتراجعت وشِلت خُطاي أنا إخترتك غِنوة وسيرة وبيك بتحدى الزمن الجاي ولما عِيونك فيني تعاين بعرف إنك ملكي براي وبعرف إنو الكون إتلون وفي عينيك الليل ضواي ونهر النيل الوافر خيرو جاك يتهادى يبشر ساي ي ي ي ونخل بلادي العالي مقامو بيك يباهي يطول لي سماي وياني حبيبك مهما بِعدتا اصلو الشوق معروف بكاي ولو فارقت خُطاك من تاني إلا اعيد من تاني صِباي
|
|
|
|
|
|
|
|
Re: خـيـوط الـشـوق (Re: سلمى الشيخ سلامة)
|
Quote: اجمل مافى القصيدة انه اى زولة حتقراها حتحس انها مكتوبة ليها شكرا ليك يا حبيب كل سنة وانت اجمل |
وانتي أجمل يا سلمى , يسعدني ان من شرف البوست اولا هن من السيدات
| |
|
|
|
|
|
|
Re: خـيـوط الـشـوق (Re: هاشم أحمد خلف الله)
|
أخوي الحلو وطيب..
ورطة بالمناسبة الدخول في بوستات الشعرا دي.. تحس بكلامهم وما تقدر ترد عليه بما يليق! أسه الفاضل ود بله بيناتنا حيطة عديل بقت.. لا قادرة أعلق لاني قادرة أخلي قرايتها..
قصيدة حلوة شديد يا هشومي ومنتظرة الملحن الشاطر..
أما بعد.. فأرجو تبليغ سلامي لزوجتك المصون.. وقول ليها وليك رسلت ليكم معايدة في رأس السنة..ليه ما رديتو؟؟ وكذلك الزول السمح عادل ود جبارة واسرته..
خلاص نرجع لموضوع البوست..
وهو..عليك الله ما تغيب تاني!
| |
|
|
|
|
|
|
Re: خـيـوط الـشـوق (Re: Muna Khugali)
|
Quote:
أخوي الحلو وطيب..
ورطة بالمناسبة الدخول في بوستات الشعرا دي.. تحس بكلامهم وما تقدر ترد عليه بما يليق! أسه الفاضل ود بله بيناتنا حيطة عديل بقت.. لا قادرة أعلق لاني قادرة أخلي قرايتها..
قصيدة حلوة شديد يا هشومي ومنتظرة الملحن الشاطر..
أما بعد.. فأرجو تبليغ سلامي لزوجتك المصون.. وقول ليها وليك رسلت ليكم معايدة في رأس السنة..ليه ما رديتو؟؟ وكذلك الزول السمح عادل ود جبارة واسرته..
خلاص نرجع لموضوع البوست..
وهو..عليك الله ما تغيب تاني! |
منوية اختي الجميلة يعلم الله مشتاقين كتير ومقصرين في حقك وفعلا رسالتك وصلت بس الكسل حاصل وبعدين ردك لي ما محتاج لكثير عناء وجهد كفاية تقولي رايك بصراحة في القصيدة وخلاص هههههههههههه تحاياك وصلت لام أحمد وعادل جبارة اما بالنسبة للغياب والله ما مقصود بس احيانا ضغط العمل والعراك الدائر في المنتدى بنفر الزول من الدخول بس وعد مني ليك اجتهد في التواجد معاكم ولو مرة في الشهر بس بعد ما اخلص من الردود ؟ سلامي الكتير لماما جارة وماجدة ومنال وكل من كان على البال
| |
|
|
|
|
|
|
Re: خـيـوط الـشـوق (Re: هاشم أحمد خلف الله)
|
هاشم
تحياتى ..
وكل سنة وانت بألف خير !
Quote: ولما عِيونك فيني تعاين بعرف إنك ملكي براي وبعرف إنو الكون إتلون وفي عينيك الليل ضواي |
يا سلام ياخ على الكلام الطاعم !
--------------------- بالمناسبة ذكرتنا الايام الجميلة عشان كدا اتمنى ان تقول رأيك بصراحة فى القصيدة أدناه:
Quote: لــون الخريف .. يا حلوة زى .. لون الخريف فى عيونك الكلمة بتقيف زى غيمة جات تسقى البلاد تمسح دموع كل السنين تسعد قلوب العاشقين سموك مين ؟ سموك إسمك يا جميل مليانة عينيك بالسؤال يا بدر نور فى الظلام يدى التعابى الإنشراح يدى الفراشات الأريج سموك مين؟ يا غيمة شايلة الانتظار راجينو عشرات السنين من بدرى ما هطل المطر شايلة الجواب .. فى عيونك الحلوت مطر أديهم المطر الرزاز خلى الطيور ترجع تعود تفرح تغرد فى الصباح والناس تشيل منك أمل سموك مين؟!!
محمد كابيلا الأبيض6سبتمر 2003
|
| |
|
|
|
|
|
|
Re: خـيـوط الـشـوق (Re: محمد كابيلا)
|
يااااااااه .. سعيد بعودتك بعد غيبة .. وسعيد أكثر لأرى الكلمات لازالت طوع بنانك .. كل سنة والأسرة وزوارك/ زائراتك بألف خير .. تحياتي لود جبارة وكل المعاكم.
| |
|
|
|
|
|
|
Re: خـيـوط الـشـوق (Re: محمد على طه الملك)
|
Quote: ما خشيت جُواك بالصدفه وما إتراجعت وشِلت خُطاي أنا إخترتك عِنوة ومعنى |
ونحن حبيناك عنوة ومعنى وما اترددنا لحظة في حبك طلاوة حرفك كانت جوانا المغنى
هاشم ديمة حروفه حنينة زيك كده .. والله صحي استمتاع حد الثمالة يا صديق
| |
|
|
|
|
|
|
Re: خـيـوط الـشـوق (Re: الامين موسى البشاري)
|
Quote: ونهر النيل الوافر خيرو جاك يتهادى يبشر ساي ي ي ي ونخل بلادي العالي مقامو بيك يباهي يطول لي سماي وياني حبيبك مهما بِعدتا اصلو الشوق معروف بكاي ولو فارقت خُطاك من تاني إلا اعيد من تاني صِباي |
يا سلام اب احمد ويا لروعة هذا السهل الممتنع
وزي ما قالت بت خالي عوض هسه يردوا يقولوا ليك شنو ؟ نقد نقرأ وبس
الف مرحب بطلتك البهية يا هاشم اخوى وعليك الله ما تنقطع
تحياتي لام احمد والعزيز ود جبارة
| |
|
|
|
|
|
|
Re: خـيـوط الـشـوق (Re: إبراهيم عبد الحليم)
|
تماماً كعبير القرنفل والصندل ..أينما حللت يا صديقي تنثر الشذى والأريج .....
منتهى الروعه ....إن شاء الله تسلم يا هاشم ياخ .... وكل سنة وأنت تجسد فينا أبهى معاني الجمال .....
ومشتاقين ... يا زول يا جميل ........
مع خالص الحب الذي تعرف ؛؛؛؛
| |
|
|
|
|
|
|
Re: خـيـوط الـشـوق (Re: إدريس محمد إبراهيم)
|
Quote: ندهتك يلا تعالي اُمرقي صحي الفرحة النامت ساي وياني حبيبك وما بتغير وحُبِك كامن في اعضاي ويا مهووسة بحب الكلمة ويا ممزوجة بطعم غُناي ما خشيت جواك بالصدفة
|
الحبيب هاشم
كلام طاعم جدا عليك الله بطل الغياب
صباحاتك خير وبهجة وكل سنة وانت طيب
| |
|
|
|
|
|
|
Re: خـيـوط الـشـوق (Re: بله محمد الفاضل)
|
Quote: بس لو تبطل غياب ما بتروح لإنعاش أرواحنا عوجة
يا اخي شكلك زاتو
يا بت خوجلي الحيطة وبنكسرا بأزاميل الكلام حللك كيفنهو؟ |
هلا والله وغلا بشاعرنا الجميل بله نغيب ونغيب ونرجع برضو مشتاقيين ازيك يا عسل .. ما انت عارف الحاصل بي ياخ ويعدين شكلي والله بقى ما زاتو لقد هرمنا هههههههههه والمسالة بقت فيها نضارات. سعيد بك يا زول يا زين
| |
|
|
|
|
|
|
Re: خـيـوط الـشـوق (Re: عمار عبدالله عبدالرحمن)
|
Quote: وانتي أجمل يا سلمى , يسعدني ان من شرف البوست اولا هن من السيدات |
هن رياحين فمن منا لايحب شم الرياحين........
كيف دى مرت من دونا........ده تجاوز..
حاجة جميلة وحلوة.......مع خالص التحايا.
| |
|
|
|
|
|
|
Re: خـيـوط الـشـوق (Re: ismeil abbas)
|
Quote: هن رياحين فمن منا لايحب شم الرياحين........
كيف دى مرت من دونا........ده تجاوز..
حاجة جميلة وحلوة.......مع خالص التحايا. |
صديقي اللدود سمعه ... شوقي لك بلا حدود وكلماتي قد تقصر في وصفك يا سيدي .. جميل ان يعود الغائب ويجد في إنتظاره كل الاصدقاء ومحبي المفردة الشعرية , كما لا يفوتني أن أعترف بانك من شجعني في مواصلة كتابة النصوص الشعرية وأنك ناقدي الاول يا ريت يدوم صفانا والمنبر يرجع زي زمان أيام المجادعات والقطع الاخدر
| |
|
|
|
|
|
|
Re: خـيـوط الـشـوق (Re: عمار عبدالله عبدالرحمن)
|
Quote: ندهتك يلا تعالي اُمرقي صحي الفرحة النامت ساي وياني حبيبك وما بتغير وحُبِك كامن في اعضاي ويا مهووسة بحب الكلمة ويا ممزوجة بطعم غُناي ما خشيت جواك بالصدفة
الحبيب هاشم
كلام طاعم جدا عليك الله بطل الغياب
صباحاتك خير وبهجة وكل سنة وانت طيب |
عمار الرجل الخلوق ليك وحشه والله يا غالي وإن شاء تطعم ايامك ويقل خصامك وتفرح بأيامك الغياب قد يكون غياب جسد ولكن روحي معلقة بكم عليك الله مع ضغط الحياة دي في وقت ؟؟ سعيد أنا بك وبمداخلتك الحنينة .
| |
|
|
|
|
|
|
Re: خـيـوط الـشـوق (Re: إدريس محمد إبراهيم)
|
Quote: تماماً كعبير القرنفل والصندل ..أينما حللت يا صديقي تنثر الشذى والأريج .....
منتهى الروعه ....إن شاء الله تسلم يا هاشم ياخ .... وكل سنة وأنت تجسد فينا أبهى معاني الجمال .....
ومشتاقين ... يا زول يا جميل ........
مع خالص الحب الذي تعرف ؛؛؛؛ |
شاعرنا الجميل إدريس الروعة في حضورك الراقي الانيق وزي شوقك بزيد شوقنا ويدفق حنين ريدنا شرفني حضورك يا مبدع
| |
|
|
|
|
|
|
Re: خـيـوط الـشـوق (Re: الطيب شيقوق)
|
Quote: ونهر النيل الوافر خيرو جاك يتهادى يبشر ساي ي ي ي ونخل بلادي العالي مقامو بيك يباهي يطول لي سماي وياني حبيبك مهما بِعدتا اصلو الشوق معروف بكاي ولو فارقت خُطاك من تاني إلا اعيد من تاني صِباي
يا سلام اب احمد ويا لروعة هذا السهل الممتنع
وزي ما قالت بت خالي عوض هسه يردوا يقولوا ليك شنو ؟ نقد نقرأ وبس
الف مرحب بطلتك البهية يا هاشم اخوى وعليك الله ما تنقطع
تحياتي لام احمد والعزيز ود جبارة |
شيقا يا عسل وحات ربي مشتاقك كتير كتير يا زول ما ما ترد علي بس خت ليك نقطة كبيرة ومقبولة منك ههههههههه تحاياك وصلت يا غالي وعبرك نسجي تحايانا واشواقنا لاسرتك الجميلة إن شاء الله ما بنقطع ينقطع الخيط ياخ
| |
|
|
|
|
|
|
Re: خـيـوط الـشـوق (Re: الامين موسى البشاري)
|
Quote: ما خشيت جُواك بالصدفه وما إتراجعت وشِلت خُطاي أنا إخترتك عِنوة ومعنى
ونحن حبيناك عنوة ومعنى وما اترددنا لحظة في حبك طلاوة حرفك كانت جوانا المغنى
هاشم ديمة حروفه حنينة زيك كده .. والله صحي استمتاع حد الثمالة يا صديق |
اخوي الامين القلوب شواهد والله ومعرفة الرجال كنز سعيد انا حد الجنون بزيارتك الممتعه والتي رفعت من سقف معنوياتي ههههههههههه
| |
|
|
|
|
|
|
Re: خـيـوط الـشـوق (Re: محمد على طه الملك)
|
Quote: يااااااااه .. سعيد بعودتك بعد غيبة .. وسعيد أكثر لأرى الكلمات لازالت طوع بنانك .. كل سنة والأسرة وزوارك/ زائراتك بألف خير .. تحياتي لود جبارة وكل المعاكم. |
ود الملك الزول الزين وحات ربي في الشوق غرقنا لي الاضنين , سبحان الله قبل كم يوم كنت مع عادل جبارة وجات سيرتك على لسانا إن شاء الله ما تكون شرقتا وكده هههههههههه تحياتي القلبية لاسرتك ولكل من يعز عليك
| |
|
|
|
|
|
|
Re: خـيـوط الـشـوق (Re: محمد كابيلا)
|
Quote: هاشم
تحياتى ..
وكل سنة وانت بألف خير !
Quote: ولما عِيونك فيني تعاين بعرف إنك ملكي براي وبعرف إنو الكون إتلون وفي عينيك الليل ضواي
يا سلام ياخ على الكلام الطاعم !
--------------------- بالمناسبة ذكرتنا الايام الجميلة عشان كدا اتمنى ان تقول رأيك بصراحة فى القصيدة أدناه:
Quote: لــون الخريف .. يا حلوة زى .. لون الخريف فى عيونك الكلمة بتقيف زى غيمة جات تسقى البلاد تمسح دموع كل السنين تسعد قلوب العاشقين سموك مين ؟ سموك إسمك يا جميل مليانة عينيك بالسؤال يا بدر نور فى الظلام يدى التعابى الإنشراح يدى الفراشات الأريج سموك مين؟ يا غيمة شايلة الانتظار راجينو عشرات السنين من بدرى ما هطل المطر شايلة الجواب .. فى عيونك الحلوت مطر أديهم المطر الرزاز خلى الطيور ترجع تعود تفرح تغرد فى الصباح والناس تشيل منك أمل سموك مين؟!!
محمد كابيلا الأبيض6سبتمر 2003 |
محمد كابيلا يا جميل كيف صحتك واخبارك فعلا والله يا محمد إفتقدنا تلك الايام الجميلة ايام كان المنتدى في ابهى صورة اما بالنسبة لقصيدتك فهي غنائية بحته خاصة الإفتتاحية
يا حلوة زى .. لون الخريف فى عيونك الكلمة بتقيف زى غيمة جات تسقى البلاد تمسح دموع كل السنين تسعد قلوب العاشقين سموك مين ؟
جميل والله يا محمد
| |
|
|
|
|
|
|
Re: خـيـوط الـشـوق (Re: هاشم أحمد خلف الله)
|
Quote: محمد كابيلا يا جميل كيف صحتك واخبارك فعلا والله يا محمد إفتقدنا تلك الايام الجميلة ايام كان المنتدى في ابهى صورة اما بالنسبة لقصيدتك فهي غنائية بحته خاصة الإفتتاحية |
هاشم احمد خلف الله ..
تحياتى وعساك بألف خير انا تمام مية مية ، لــ تلك القصيدة حكاوى كثيرة
عندما كنا حديثى التخرج من الجامعة قضينا فترة الاالزامية فى التدريس
وكردفان كلها شمال وجنوب وغرب تمتاز بالخضرة أيام الخريف مما
يحرضك للكتابة.
-----------------------
Quote: غنائية بحته خاصة الإفتتاحية |
غنائية مرة واحدة كدا ههههه شكرا كتير ياخ !
| |
|
|
|
|
|
|
Re: خـيـوط الـشـوق (Re: محمد عبد الماجد الصايم)
|
الاستــاذهـاشـم ,,,
الـف حمـدلله بالسـلامة ورجعـة جمـيلـة وضــاويـه ,,,
-----------------------------------------------
من اجمل ماقـريت حقيقة ,,,
ولما عِيونك فيني تعاين بعرف إنك ملكي براي وبعرف إنو الكون إتلون وفي عينيك الليل ضواي ------------------- وياني حبيبك مهما بِعدتا اصلو الشوق معروف بكاي ولو فارقت خُطاك من تاني إلا اعيد من تاني صِباي ,, ,,,,, ,,,,,
| |
|
|
|
|
|
|
Re: خـيـوط الـشـوق (Re: سارة كرودى)
|
Quote: العراك الدائر في المنتدى بنفر الزول من الدخول |
يا أخي تعال، فأنت ضوء ساطع في ظلمات المنبر بالنسبة لنا. تعال خلينا من خلآل حروفك نلتمس لأنفسنا طريق للفرح.
سلآم و وُد عميق...
| |
|
|
|
|
|
|
Re: خـيـوط الـشـوق (Re: معاوية المدير)
|
والله مسبوكه ومحبوكه تمام ومنسجمه فيها جرس الناى والله عادى ممكن تكون أغنيه فريده جدا وهسع الموصلى يلحنها ويوزعها ويغنيها أو يقترح أروع المغنين لها وبصراحه نفس شعرى وإحساس عالى وعاطفه بحر وموسيقى تطرب قاريها
يا سلام ياخ
البساطه القاسيه
ولك السلام
منصور
| |
|
|
|
|
|
|
Re: خـيـوط الـشـوق (Re: munswor almophtah)
|
أخوي السمح هاشم خلف الله
أولا نحتفي بتشريفك للبورد من جديد
وثانياً مازلت تمسك بخيوط الشوق وتنسج مشاعرنا بأحساس عالي جدا لك نسوق التحية وانت نصابحنا بالروائع دي
هاشم
لعلي من حسن حظي ان اتي بعد أستاذنا منصور وشهادته لهذه القصيد الغنائية هي بالتأكيد لزول زواق والموصلي عليه
ان يوقع لحنها مصحوبه بالتوزيع لك المودة منصور المفتاح ولهاشم جميل الامنيات .
تاني ماتطول الغيبة.
،،،،أبوقصي،،،،
| |
|
|
|
|
|
|
Re: خـيـوط الـشـوق (Re: سامى عبدالله)
|
Quote: هاشم ...
الشوق سكن من عرف
نسج المقامات من عمتنا النخلة تكريماً كما أومرنا
أبعد الله عنك البعاد وماتشتاق لنجد منك روأئع القول وصدق الاحساس
وتسكن أنفسنا بصدحك المجندل
وسوف نعيد البصر كرتين علنا نهتدي ( صباي ) خيالاً وليس عمر لآن القطار لا يتوقف
ممتع كلمك حد ما أنا مشتاق
شكراً لفكرك تحياتي برلوم 2013 م |
الله الله على هذا الدفق الشاعري الجميل والله يا سامي مداخلتك هذي ريحتني للاخر وجدت فيها روح شاعر ملي بالحب والحنان وما تقول علي نفسك برلوم لاننا قبل اليوم كان اعضاء جدد وتواصلنا مع الجميع وخلقنا جو اسري جميل ممتد حتى تاريخ هذا اليوم
| |
|
|
|
|
|
|
Re: خـيـوط الـشـوق (Re: مجدي عبدالرحيم فضل)
|
Quote: خوي السمح هاشم خلف الله
أولا نحتفي بتشريفك للبورد من جديد
وثانياً مازلت تمسك بخيوط الشوق وتنسج مشاعرنا بأحساس عالي جدا لك نسوق التحية وانت نصابحنا بالروائع دي
هاشم
لعلي من حسن حظي ان اتي بعد أستاذنا منصور وشهادته لهذه القصيد الغنائية هي بالتأكيد لزول زواق والموصلي عليه
ان يوقع لحنها مصحوبه بالتوزيع لك المودة منصور المفتاح ولهاشم جميل الامنيات .
تاني ماتطول الغيبة.
،،،،أبوقصي،،،، |
ابو قصي الرجل المرهف تحياتي واشواقي الزائدة احمد الله ان اعجبك نصي الشعري , فبفضل تشجيعكم ومؤازرتكم سوف نوصل ونرتقي لمصاف الشعراء الجميلين
| |
|
|
|
|
|
|
Re: خـيـوط الـشـوق (Re: munswor almophtah)
|
Quote: والله مسبوكه ومحبوكه تمام ومنسجمه فيها جرس الناى والله عادى ممكن تكون أغنيه فريده جدا وهسع الموصلى يلحنها ويوزعها ويغنيها أو يقترح أروع المغنين لها وبصراحه نفس شعرى وإحساس عالى وعاطفه بحر وموسيقى تطرب قاريها
يا سلام ياخ
البساطه القاسيه
ولك السلام
منصور |
منصور يا اخوي يكفيني حضورك والقصيدة لو ما إتلحنت يكفيني حسك وشعورك بطرب جد لم اللحن يبقى هين ويتشابى اكان يقرب من طولك ما الدنيا كيف وكيف ما نجيك نزورك سعيد جدا بمداخلتك الشيقة وعلى الفكرة القصيدة نالت حظها من التلحين بواسطة اخونا الدكتور ابراهيم عبد الحليم يا ريت لو ينزل اللحن ونسمع جمال صوتو وعزفو على العود .
| |
|
|
|
|
|
|
Re: خـيـوط الـشـوق (Re: معاوية المدير)
|
Quote: يا أخي تعال، فأنت ضوء ساطع في ظلمات المنبر بالنسبة لنا. تعال خلينا من خلآل حروفك نلتمس لأنفسنا طريق للفرح.
سلآم و وُد عميق.. |
ود المدير يا فاكهة المنتدى وعبيره الفواح يا ريت لو كل الناس في مثل جمالك وطباعك إن شاء الله نتواصل معكم قدر المستطاع
| |
|
|
|
|
|
|
Re: خـيـوط الـشـوق (Re: سارة كرودى)
|
Quote: الاستــاذهـاشـم ,,,
الـف حمـدلله بالسـلامة ورجعـة جمـيلـة وضــاويـه ,,,
-----------------------------------------------
من اجمل ماقـريت حقيقة ,,,
ولما عِيونك فيني تعاين بعرف إنك ملكي براي وبعرف إنو الكون إتلون وفي عينيك الليل ضواي ------------------- وياني حبيبك مهما بِعدتا اصلو الشوق معروف بكاي ولو فارقت خُطاك من تاني إلا اعيد من تاني صِباي ,, ,,,,, ,,,, |
اختي العزيزة الغالية سارة سعدت والله غاية السعادة بمشاركتك واحمد الله ان صادف النص هوى في دواخلك النقية
| |
|
|
|
|
|
|
Re: خـيـوط الـشـوق (Re: محمد كابيلا)
|
Quote: هاشم احمد خلف الله ..
تحياتى وعساك بألف خير انا تمام مية مية ، لــ تلك القصيدة حكاوى كثيرة
عندما كنا حديثى التخرج من الجامعة قضينا فترة الاالزامية فى التدريس
وكردفان كلها شمال وجنوب وغرب تمتاز بالخضرة أيام الخريف مما
يحرضك للكتابة.
|
والله يا ابوحميد تمنيت ان ازور تلك البقاع لكثرة ما سمعت عنها ولكن شاءت الاقدار ان نغادر الوطن دون ان نمتع انفسنا بتلك المناظر الطبيعية والناس البسطاء , غايتو اكان الله مدا في الآجال وجيت السودان قريب بإذن الله ازوركم هناك .
| |
|
|
|
|
|
|
Re: خـيـوط الـشـوق (Re: محمد عوض السيد)
|
Quote: سلامات عوافي
شاعرنا الانيق
حتماً الاحرف تهرول اليك فرحة لتغازلها كيفما تشاء لتخرج لنا بمثل هذا الجمال ..
مع ودي واحترامي |
اخي الجميل محمد عوض السيد اسعدني مرورك وكلماتك المعبرة لشخصي الضعيف وإن شاء الله نكون عند حسن ظنكم دائما وابدا
| |
|
|
|
|
|
|
Re: خـيـوط الـشـوق (Re: ماجدة عوض خوجلى)
|
Quote: هاشم يارب انت بخير ... مشتاقين انت وين مختفى عليك الله تانى كان غبت مننا كيف اخبار الاسرة ...انشاءالله كلهم بخير وزى مابتتمنى تحياتى ليهم تسلم يارب ... |
والله نحنا بالاكتر يا ماجدة اختي الاسرة تمام التمام بس ناقصانة رويتكم الغالية بالنسبة للغياب يا ماجدة والله محكوم بداوم العمل والزمن اصبح ضيق جدا , اهو اليومين ديل بنحاول نكون على تواصل معاكم
| |
|
|
|
|
|
|
|