|
Re: عندك صور زي دي؟؟ (Re: Rawia)
|
اول مرة اواجه كاميرا للتحضير لامتحان الشهادة الابتدائية و كان ذلك او عام يطالبو فيهو بضرورة وجود بطاقة مصاحبة لاي تلميذ. المدرسة و التي كانت في اقصي الدنيا بذل مديرها جهدا مقدرا لاحضار كاميرا و تصوير الطلاب لانه ليس من الممكن ترحيل جميع الطلاب الي اقرب مدينة للتصوير و كان يوما مفرحا و ظللنا نترقب لمدة شهر لكي تأتي الصور و اي واحد يشوف نفسو في الصورة لاول مرة و لكن لسوء القدر الفلم اتحرق. في الاخر اضطر مدير المدرسة لاستخراج اذن خاص لمدرستنا للجلوس للامتحان بالبطاقة من دون صورة و هو كان يشهد بنفسه امام الكنترول انو هذا التلميذ من مدرستي و اسمه الكامل فلان الفلاني.
| |
|
|
|
|
|
|
Re: عندك صور زي دي؟؟ (Re: سيف النصر محي الدين)
|
هاها ها
ماقلت لي-..كنت لابس بامبرز واللا ام فكو ساكت...
أنا عندي واحده ثلاث سنوات ..حا أجيبها ليك ..
-------------------------
أمشي لبوست ناس الزقازيق..في قصه عاوزك تتذكر معاي تفاصيلها ...
| |
|
|
|
|
|
|
Re: عندك صور زي دي؟؟ (Re: طارق جبريل)
|
Quote: دمورية من باقي المرتبة |
إخيييي .....شميت ريحة الكاكا ..
------------------------- عندنا زميلنا في السعوديه ياطارق كان منزعج من مسأله البامبرز دي وشايفها مكلفه ماديا ...زهجان شديد ..كان يقول لي :الخريه بريال ..هاهاهاها
| |
|
|
|
|
|
|
Re: عندك صور زي دي؟؟ (Re: Dr.Elsadig Abdalla)
|
Quote: اول مرة اواجه كاميرا للتحضير لامتحان الشهادة الابتدائية و كان ذلك او عام يطالبو فيهو بضرورة وجود بطاقة مصاحبة لاي تلميذ. المدرسة و التي كانت في اقصي الدنيا بذل مديرها جهدا مقدرا لاحضار كاميرا و تصوير الطلاب لانه ليس من الممكن ترحيل جميع الطلاب الي اقرب مدينة للتصوير و كان يوما مفرحا و ظللنا نترقب لمدة شهر لكي تأتي الصور و اي واحد يشوف نفسو في الصورة لاول مرة و لكن لسوء القدر الفلم اتحرق. في الاخر اضطر مدير المدرسة لاستخراج اذن خاص لمدرستنا للجلوس للامتحان بالبطاقة من دون صورة و هو كان يشهد بنفسه امام الكنترول انو هذا التلميذ من مدرستي و اسمه الكامل فلان الفلاني. |
برضو تقول لي ما في تهميش يا مهجوب.
| |
|
|
|
|
|
|
Re: عندك صور زي دي؟؟ (Re: سيف النصر محي الدين)
|
Quote: الصورة ابيض واسود .. والكرت بتاع سنة 0 البتشرّط سريع دا معناها انت قديم شديد ياخ |
يا هشام هسة انت صورة بروفايلك دي ما برضها ابيض و اسود. ثم الكرت بتشرط سريع كيف و هو قاعد كم و اربعين سنة...هههههه القدم حاصل و الله.
| |
|
|
|
|
|
|
Re: عندك صور زي دي؟؟ (Re: سيف النصر محي الدين)
|
Quote: برضو تقول لي ما في تهميش يا مهجوب. |
يا سيف لم نكن نظنه تهميش ابدا في ذلك الزمان عندما دخلنا الوسطي كان اول زيارة طبعا للاستديو و ما بين دفاتري اظن انني احتفظ بتلك الصورة معي حتي الان في هذه البلاد. في المرحلة المتوسطة و هنا نتحدث عن المدينه كانت الكهربة بين الساعة 6 - 10 في حي الموظفين و بعض اعيان المدينة في الحي الراقي المجاور لحي الموظفين و عديناها ال3 سنين بنذاكر باللمبة. طبعا الكهربه ما زالت متأرجحة في نفس المكان حتي عام 2003 في تلك المدينة و الان طبعا بعد الحرب عادت الي الصفر.
قلت لصديقي الخواجة ان اول مرة استخدمت فيها الكهربة انا في المرحلة الثانوية العليا (Grade 10) و قريتي ما زالت حتي الان بدون كهربة. لم يستغرب كثيرا حيث في خياله ان كل افريقيا ما زالت بدون كهربة.
| |
|
|
|
|
|
|
Re: عندك صور زي دي؟؟ (Re: Mahjob Abdalla)
|
بعض اولاد البنادر هنا بيزعلوا جدا لما خواجة يسألهم عن حاجات زي دي، عندكم كهربا في بلدكم، هل توجد وسائل مواصلات حديثة..الخ و بيحسوا بالاهانة لذا تأتي ردودهم قاسية للدردة التي يضطر السائل معها للاعتذار. اولاد البنادر دائما ما ينسون أن السودان الشاسع المساحة المترامي الاطراف فيه ما عين رأت و لا أذن سمعت من المعاناة و افتقاد مظاهر الحياة العصرية. يا زول هي الخرطوم ذاتها في تلتلة خليها الاطراف.
| |
|
|
|
|
|
|
Re: عندك صور زي دي؟؟ (Re: سيف النصر محي الدين)
|
سلام يا سيف في زيارتي الاخيرة وعودتي قبل ايام من السودان كنت مصر جدا اجمع صوري القديمة وانا صغير بالفعل نجحت بعد رحلة ماكوكية وتحانيس لاشقائي وشقيقاتي لاخذ الصور وارجاعها بعد يوم واحد فقط لعمل اسكنر وجمعت كمية لا باس بها من صوري وانا صغير قام ويكليس المنبر صديقي ماضي ابوالعزائم بنسخ كل الصور وسلمني لها في سي دي لكن كيف ومتين افضى ليها ؟ هذا في حكم الغيب لكن ليك علي انزل صورة هنا ولك الشكر
| |
|
|
|
|
|
|
Re: عندك صور زي دي؟؟ (Re: سيف النصر محي الدين)
|
تعرف يا سيف، عندي صورة وانا صغير معي الوالد، كان الوالد يحمل كتاب ضخم ومن خلفنا ابل كتيرة ورجال ملثمون، اخد الصورة خواجة من مانشستر وهو بروفيسور تاريخ، جاء ليعد دراسة وبحث تقريبا عن حروب الاتراك مع بعض الزوايا في المنطقة. استنسختها في الكمبيوتر ومعها مجموعة من الاشياء النادرة في مخزن خارجي لا اعرف اين هو الان، العم الخواجة ده موجود في اسبانيا متقاعد بعيد عن الضوضاء.
الكلام ده زي خمسة وثلاثين سنة بس عشان ما يجو ناس طارق جبريل يقولوا قبل مئتين عام ههههههه وبرضو كان لابس سروال ابو تكة عشان ما يجي اقول كان لابس لباس عزابا اخضر.
-----
| |
|
|
|
|
|
|
Re: عندك صور زي دي؟؟ (Re: سيف النصر محي الدين)
|
تحياتي يا دكتور بمناسبة التهميش السلالم في خلفية الصورة الثانية في بيتكم ولا في حيطة الاستديو؟ اول مرة نشوف سلالم كانت في مستشفى عطبرة، طبعا بعد عمر طويل، .. و عملية اطلع وانزل كانت متعة لا تنسى
| |
|
|
|
|
|
|
Re: عندك صور زي دي؟؟ (Re: مزمل خيرى)
|
Quote: مش كدة ياطارق جبرين .. ويا دكتور الصادق |
اسع يامزمل خاتيني معاك وطارق جبريل في سطر واحد ليه ؟؟في ذمتك أنا عندي صلعه قدر صلعاتكم دي؟؟شايف شعري الفي الصوره الفوق دي ..هو نفسو ...موش زيكم دخلت عليكم عوامل التعريه ..هاهاهاها
| |
|
|
|
|
|
|
Re: عندك صور زي دي؟؟ (Re: ود الباوقة)
|
دكتور سيف بالله جيب المصدر الباكد ان الصورة صورتك وتاريخ التصوير ,,,,,,,,
والا ,,,,,,,,,,,
| |
|
|
|
|
|
|
Re: عندك صور زي دي؟؟ (Re: nabielo)
|
سيف سلامات
دي عمر 6 شهور
ودي في عيد ميلادي الثاني والصورتين تصوير استديو محمد علي - الخرطوم
دي وكم صورة تانية لميت فيهم لكن زعلان على الضاع. تحياتي
| |
|
|
|
|
|
|
Re: عندك صور زي دي؟؟ (Re: nabielo)
|
خلاص منتظرين صورتك بتاعت زمن الانقليز يا ود الباوقة .. هسه ود الموج حيجي يحلف العمه تحتها ما كان في غير عراقي الدمورية ^-^ سنة مبروكة على الجميع.
| |
|
|
|
|
|
|
Re: عندك صور زي دي؟؟ (Re: nabielo)
|
اها جبنا ليكم جنابو عمر عثمان في اللفة عديييييل كده ههههههههههههه ادونا الجائزة بالله .............
Uploaded with [URL=/URL]
| |
|
|
|
|
|
|
Re: عندك صور زي دي؟؟ (Re: omer osman)
|
شنو قصصكم يا عجائز ؟؟
أى واحد فيكم عمل شوية فوتوشوب لصورة ولدو ويجي يقول دي صورتي ؟؟؟؟ لوووووووووووووول
_____________
سا محونا وكدا كلامي الفوق دا حسادة سااااى
أصلو أول صورة إتصورناها كانت لإمتحان الشهادة الإبتدائية عمرنا كان 13 سنة كاااااملة
| |
|
|
|
|
|
|
Re: عندك صور زي دي؟؟ (Re: عاطف عمر)
|
Quote: أصلو أول صورة إتصورناها كانت لإمتحان الشهادة الإبتدائية عمرنا كان 13 سنة كاااااملة |
شكرا يا عاطف يا دفعة كنت قايل انا بس الما من ناس البندر ضليت طريقي الي هذا البوست لكن برضو انا صورتي بتاعت الامتحان لم تكتمل حتي عام اخر
| |
|
|
|
|
|
|
Re: عندك صور زي دي؟؟ (Re: Mahjob Abdalla)
|
هههههههههههههه حناكيش من يومكم انت ودكتور سيف حسي زي الكرسي الوراكـ يا سيف كنا بنشوفو في الأفلام العربي بس :) ودي شنو القفه المعلقنكـ فيها دي يا بوليص
ود الباوقة وابو حسين مافي طريقة تجيبو لينا صوركم وانتو صغار هنا بلاهي بلاش عليكم الله . طارق جبرين ما بكون عندو صورة وهو صغير أصلاً كان بلستكـ ولا أم فكو هههههههههههه
| |
|
|
|
|
|
|
Re: عندك صور زي دي؟؟ (Re: nabielo)
|
Quote: عندي صورة وانا صغير معي الوالد، كان الوالد يحمل كتاب ضخم ومن خلفنا ابل كتيرة ورجال ملثمون، اخد الصورة خواجة من مانشستر وهو بروفيسور تاريخ، جاء ليعد دراسة وبحث تقريبا عن حروب الاتراك مع بعض الزوايا في المنطقة. استنسختها في الكمبيوتر ومعها مجموعة من الاشياء النادرة في مخزن خارجي لا اعرف اين هو الان |
صورتك دي جزء من التاريخ عديل..لازم تفتش عليها بجدية يا سنوسي. و عمك الخواجة ده اكيد بيكون محتفظ بنسخة منها باقي الناس ديل حريصين على الحاجات دي و جنهم توثيق لنفسهم و لغيرهم، اديهو لكزة برسلها ليك.
| |
|
|
|
|
|
|
Re: عندك صور زي دي؟؟ (Re: سيف النصر محي الدين)
|
Quote: الصورة وانت صغير بها ملامح من المطرب الراحل خليل اسماعيل |
هييع. قول ما شا الله يا زول. ود الباوقة انت كان مولود في الباوقة ما باقي لي بيكون عندك صور، عشان يصوروك الا يتكلفتو و يمرقو الدغش يرجو اللوري الماشي عطبرة و شغلانة. صورتك البي العمة دي جيبها برضو بتنفع.
| |
|
|
|
|
|
|
Re: عندك صور زي دي؟؟ (Re: سيف النصر محي الدين)
|
Quote: السلالم في خلفية الصورة الثانية في بيتكم ولا في حيطة الاستديو؟ اول مرة نشوف سلالم كانت في مستشفى عطبرة، طبعا بعد عمر طويل، .. و عملية اطلع وانزل كانت متعة لا تنسى |
سلامات يا شيخنا الشريف السلالم في الاستديو . الزمن داك نحن ساكنين في المزاد بحري بالايجار. و حكاية سلالم المستشفى دي ذكرتني اول مرة نشوف سلالم في بيت، كان في الصافية و في بيت عمنا محجوب محمد صالح، اخوي الاصغر سأل أمي قال ليها "ده بيت و لا استبسالية" على حسب طريقة نطقه للكلمة آنذاك.
| |
|
|
|
|
|
|
Re: عندك صور زي دي؟؟ (Re: nabielo)
|
كلكم شكلكم كنتم الطفل الاول... انا فجاءة لاحظتا انه ما قبل عمر 5 سنوات* عندى صورتين بس. قلتا يمكن اهلى ما كان ليهم فى موضوع الصور ده. بعد شوية لاحظتا ان اختى اللى اكبر منى باكتر من 11 سنة عندها البومات و البومات بتاعة صور و حفلا عيد ميلاد و برنامج. و الموضوع ناقص بمرور الزمن لحدى ما يجى الدور عندى و يكون الاهل قنعوا من موضوع الصور ده و زهجوا. و الان لقيت انى بعمل فى نفس الشيء مع اولادى..... ___________________________________ * لما بقيت خمسة سنوات بقيت اشاكل..اى زول فى اخوانى الكبار ماشي يتصور لبطاقة انا بنط فى العربية او بلبس سفنجتى (لو ماشي براه) و امشي معاه اتصور. لما تميت 10 سنوات بقيت امشي اشترى الفلم و اركبه فى الكاميرا و اشحدهم يصورونى.
| |
|
|
|
|
|
|
Re: عندك صور زي دي؟؟ (Re: Dr.Elsadig Abdalla)
|
يا حلااااتنا حتي بدون فتوشوب و حلاقة يا نبيل
صورة مسروقة من البوم سفيان نابري و هو عمره سنة واحدة ( وبي شعر )
تحياتي للجميع ,, بوست بطعم ذكريات الطفولة المرحة و خير إفتتاحية للعام الجديد
| |
|
|
|
|
|
|
Re: عندك صور زي دي؟؟ (Re: الصادق ضرار)
|
بوست وجيه زي سيدو (زمان موش هسي) وش ضاحك
بشارك بالصورة دي سنة 1983م
تعرف يا دكتور سيف فكرةالبوست دا بتخلي معظم الأعضاء البحث عن صورهم القديمة ... ياخ الفكرة دي ذكرتني افتش عن كرت دعوة طهوري سنة 1973م ... تعرف كشف الدعوة جاب قروش كتيرة ...اها الوالد عليه رحمةالله وجعل الجنة مثواه قال لي داير بيهم شنو..قلت ليو تلفزيون فجاب تلفزيون ابيض واسود بمبلغ 180 جنية.
زمن جميل
| |
|
|
|
|
|
|
Re: عندك صور زي دي؟؟ (Re: nabielo)
|
دكتور سيف صحى الكبران حسنان .... ياخى العتود بلدوهو سمح جايب لينا شواطين رجيم تقول اطفال !! ديل الا كان اطفال الحجارة يا اخوى ؟ بالله شفع غبش زى الفول المدمس تقول ممسحين بى بنزين.. هسه د. الصادق ده بى شناتو دى ورغم محاولات نبيلو المميته تسألو يقول ليك منذ نعومة اظافرى.. لوووووووووووووووووووووووووووووووووووووووووووووووووووووووووووووووول غايتو فى واحدين انا مستغرب لى هسه الواحد امه رضت ترضعو كيف؟ هاكم شوفو الاطفال العليهم الرك.. غايتو بذكرونى طفولتى فولة و انقسمت نصين،،،
| |
|
|
|
|
|
|
Re: عندك صور زي دي؟؟ (Re: أيمن دياب)
|
Quote: ستديو بابا بعمارة اراك بالخرطوم فى العام 1983 م |
يا مزمل غايتو انا جيت بيتكم مع ناس عدنان خشاب مرة او مرتين في الفترة 86-87 بتكون طبعا لسة شكلك زي الصورة دي ما اتغير.
| |
|
|
|
|
|
|
Re: عندك صور زي دي؟؟ (Re: أيمن دياب)
|
نبيلو ألف شكر وما عدمناك.. ومجرد ما تنزل الخرطوم إجازة ليك على دعوة خاصة شية جمر ضان فى قندهار وفنجان جبنة كااارب. (راجع المسنجر..ارسلت رقم تلفونى) . . :-)
| |
|
|
|
|
|
|
Re: عندك صور زي دي؟؟ (Re: صديق الموج)
|
Quote: ياخى العتود بلدوهو سمح جايب لينا شواطين رجيم تقول اطفال !! ديل الا كان اطفال الحجارة يا اخوى ؟ بالله شفع غبش زى الفول المدمس تقول ممسحين بى بنزين.. هسه د. الصادق ده بى شناتو دى ورغم محاولات نبيلو المميته تسألو يقول ليك منذ نعومة اظافرى.. لوووووووووووووووووووووووووووووووووووووووووووووووووووووووووووووووول غايتو فى واحدين انا مستغرب لى هسه الواحد امه رضت ترضعو كيف؟ هاكم شوفو الاطفال العليهم الرك.. غايتو بذكرونى طفولتى فولة و انقسمت نصين،،، |
| |
|
|
|
|
|
|
Re: عندك صور زي دي؟؟ (Re: ombadda)
|
Quote: اها جبنا ليكم جنابو عمر عثمان في اللفة عديييييل كده ههههههههههههه |
جنابو صورتك تستحق فعلا الجائزة الأولى..قال ليك الشافع بعاين لبعيد بنظرة ذات دلالة ههههه.
| |
|
|
|
|
|
|
Re: عندك صور زي دي؟؟ (Re: سيف النصر محي الدين)
|
يا مزمل غايتو انا جيت بيتكم مع ناس عدنان خشاب مرة او مرتين في الفترة 86-87 ------------------------------------------------------------------------ ببالله ياسيف إنت جيت بيت ناس مزمل في التاريخ ده؟؟طبعا نحنا كنا ساكنين في الشارع خلفهم مباشره.. سبحان الله بعد داك مباشره التقينا في الزقازيق
-------------------------------------- ود الموج ياحاقد ..خليك من الحركات دي وجيب لينا صورتك...طبعا زمنك الصور ذاتها ماكان اخترعوها ... ولو واصلت في اغراق البوست كده حا أكلم ليك ود الباوقه ...
| |
|
|
|
|
|
|
Re: عندك صور زي دي؟؟ (Re: Dr.Elsadig Abdalla)
|
Quote: سلام يا دكتور.. بوست ممتع جدا صورتي في سنة 1974 |
ايمن دياب لو سمحت صور فوتغرافية ما صور اشعه قوم لف يقولو ليك صور اطفال تجيب لينا صورة الساحر المعا الاطفال؟؟ لوووووووووووووووووووووووووووووووووووووووووووووول.. دكتور الصادق حقاتى كلهن لقيتهم بمريول الروضة قلت ما اعقدكم اخير اخليكم تجيبو صوركم دى،،،
| |
|
|
|
|
|
|
Re: عندك صور زي دي؟؟ (Re: Dr.Elsadig Abdalla)
|
Quote: ازيك هبة اية رأيك ؟
|
نبيلو يا فنان مرحب بيك و اكيييد الصورة كدة احلي بكتير علي الاقل نقدر ندّس بيها العمر الحقيقي للوليف ههههههههههه
علي فكرة هو لي هسة ما جايب خبر البوست دا
| |
|
|
|
|
|
|
Re: عندك صور زي دي؟؟ (Re: سيف النصر محي الدين)
|
سلام يا دوك ليك ولضيوفك
بإختصار لا تغلبنى لا أغلبك
أول مرة اشوف فيها لمبة الكهرباء كان عمرى حوالى 12 -13 سنـة، والله يشهـد.. لما جينا من قريتنا لمدرسـة طوكر الوسطى.. قبلها القريـة كانت نظام طبقات.. طبقة العمال والفلاحين استعملوا اللمبة أو (الفتيلـة)، والطبقة الوسطى استعملت الفانوس ، واما الأقطاعيين وبقية البرجوازية استعملوا الرتاين، كانت مهمتى انفخ الرتينة وأوزن الإبرة لما تبدأ تبقبق وأغيـر الحريرة.. شفت كيف تقول عمر سنة وصور فوتوغرافيـة.. ياخ اناكنت أمسك سلك اريل الرادى واطلع بيه فوق بيتنا فوق السقف اربطه هناك والرادى يفتح اوقات النشرات.. مرات نسمع عاشـة الفلاتية ووردى والكاشف ومحمد احمد عوض رحمهم الله..الحبيب وين انا قالوا لى سافر (الفلاتية) ونور العين انت وينك وين (وردى).. وجوبا مالك عليا.. وزرعوك وين شتلوكا وين يا عنب؟ الليلة العجب فيها.. **** قيافـة و ***** برتكان يافـا مرة فى إحتفالات عيد الإستقلال انا جيت الاول فى سباق البيضـة والمعلقـة، وكسبت 15 قرش.. وكان فى السباق داخل شوالات.. فى حاجات لا يمكن ان تحدث اليوم.. هل تصدق منافسات الشرطـة فى نفس الإحتفالات؟ كانوا يقلعوا ملابسهم الرسمية كلها ما عدا النكسى.. ويقوموا يلبسوها تانى، ويشوفوا اللبس قبل صاحبه منو؟ والضابط يفتش لو فى زول نسى زر ما مربوط أو كرفسـة فى حتـة، كان يطرد من المنافسـة.. ودا كله كان فى العراء..
| |
|
|
|
|
|
|
Re: عندك صور زي دي؟؟ (Re: Abureesh)
|
Quote: ود الموج ..مريول الروضه وتحت ملط زي ود الصايم واللا في حاجه ..إنشاء لباس دموريه زي بتاع طارق جبريل داك .. |
د الصادق يا حبيب كيفك و ازيدك من الشعر بيت ، مع المريول شنطة جلد وكونتينر للسندوتش وزمزمية للموية ناس ود الصايم وطارق جبريل ديل بشربو حلوقك وكراع ابوك فى الجنة البلمنى معاهم شنو لووووول،،،
| |
|
|
|
|
|
|
Re: عندك صور زي دي؟؟ (Re: waleed nayel)
|
Quote: أصلو أول صورة إتصورناها كانت لإمتحان الشهادة الإبتدائية عمرنا كان 13 سنة كاااااملة |
بالله يا عاطف لو الصورة دي قريبة نزلها خلينا نشوفها.
| |
|
|
|
|
|
|
Re: عندك صور زي دي؟؟(يوجد اصلاح و ترميم) (Re: عاطف عمر)
|
Quote: تقول شنو يا يحيي ؟؟
دا كلو ساهل
هسع شوية شوية ح يقولوا لينا كنا بنستحمى بالدش |
عاطف عمر ........سلام مربع انت عارف السودانيين ديل تلقى الواحد اعرج ويقول ليك انت ما حضرتا كورتنا زمان والله كنت بطقطق ليك الجماعه ديل جنس طقطقة!! لوووووووول،،،
| |
|
|
|
|
|
|
|