|
|
 انعام حيمورة .. ترحب بكل الاعضاء الجدد في عام 2013
|
فتحت الصفحة الاولى لقيت كمية من الاعضاء الجدد
وفي عالم سودانيز أهم بوست هو بوست الترحيب الاول للعضو ..
وبما انو لقيتم كتار قلت ارحب بيهم ترحيب شخصي في بوست واحد
مرحب لكل من انضم الى العالم الاسفيري في سودانيزاونلاين
محبتي للجميع
---
واتمنى من بكري ان يضيف - لي- لقائمة الاعضاء الجدد - سهام أبوعاقلة - ناشطة أجتماعية وسياسية فذة خريجة جامعة الخرطوم زراعة ..ولها اسهامات عديدة في شتي مناحي الحياة
|
|
  
|
|
|
|
|
|
|
 Re: انعام حيمورة .. ترحب بكل الاعضاء الجدد في عام 2013 (Re: ihsan fagiri)
|
Quote: مرحب لكل من انضم الى العالم الاسفيري في سودانيزاونلاين
|
لووووووولز احلا بوست ده يا نعومة
نضيف للإعلان إنعام حيمورة وصاحبتها سوما ,, والله صحي
نرحب بالأعضاء ونبارك السمح ونكفر للمرضى
ذكرتيني عندنا خلتنا في الحلة قالت لما تمشي تعزي في بكا برة الحلة والناس كتار ,, بعمت كم مرة بي فد يد, تخليهن يقعدن يفرفرن تحت إيدها
تفك ديل تمسك كوم تاني ههههههههههه
نعومة والله نورتي حوش بكري ياخ ,, ذكرتينا طلاتك الحنينة و,,, حووووووووووول ههههههههه يا حليلك والله
| |
|
|
|
|
|
|
|
|
 Re: انعام حيمورة .. ترحب بكل الاعضاء الجدد في عام 2013 (Re: اسماء الجنيد)
|
انعام وصديقاتها واصدقاءها يرحبون بي الاعضاء الجدد
ههههههه والله يا سومة بس الفكرة جاتني وقلت طولت من البوستات من النوع دا وكدي النديها واحد ونسة وترحيب ..
وطوالي نفذت اصلوا الايام دي انا مدير تنفيذي يعني شغالة نفاذة سااااي هههههه
لكن يا ختي لي يوم الليلة واحد فيهم شرف مافي ...يعني يد خالتك ما جابت حقها ..ونحن في الانتظار ..
| |
|
|
|
|
|
|
|
|
|
Re: انعام حيمورة .. ترحب بكل الاعضاء الجدد في عام 2013 (Re: اسماء الجنيد)
|
Quote: ذكرتيني عندنا خلتنا في الحلة قالت لما تمشي تعزي في بكا برة الحلة والناس كتار ,, بعمت كم مرة بي فد يد, تخليهن يقعدن يفرفرن تحت إيدها
تفك ديل تمسك كوم تاني ههههههههههه |
تحياتي لكم جميعا
والله رغم إنو الواحد فتران وآخر اليوم ،،لكن ضحكتيني كما لم أضحك من قبل ..وذكرتيني حركات النسوان في بيوت البكاء وكل مايصاحب عمايلهم رغم الحزن ..
| |
|
|
|
|
|
|
|
|
 Re: انعام حيمورة .. ترحب بكل الاعضاء الجدد في عام 2013 (Re: طارق جبريل)
|
هههههه يا طارق جبريل طبعا الزملاء الجدد ديل بكونوا حافظننا .
عارف زمان في الشارع يوقفوني ولا زول يكورك لي انتي بت ناس حيمورة اقول ليه ايوة يقول لي من الشبه
اها الزمن دا يوقفني يقولوا لي انتي انعام حيمورة في سودانيز اقول ليه ايوة والله كتير بتحصل لي ههههههههههههه
عروض كتيرة خلى ناس البيت يصلوني في المحل يشيله طلبية الشهر حقت بيوتهم ):
| |
|
|
|
|
|
|
|
|
|
Re: انعام حيمورة .. ترحب بكل الاعضاء الجدد في عام 2013 (Re: انعام حيمورة)
|
الأخت انعام
شكرا على التهنئة بالألتحاق بالمنبر والعام الجديد وآمل لكم
عاما حافلا بجديد الأحداث ولى بعض الملاحظات حول مشروعك بتاع
النظافة.أولا الفكرة جديدة على السودان والسودانيين مع انها
ملحة فى بلد زى السودان الغبار والتراب عايش وسطناومعانا طوالى
الأ أن ثقافة النضافة ما زالت متأخرة. أقترح عليك تعيين شخص
له المام تام بوسائل وأدوات التسويق ومبادئ علم العلاقات العامة
قومى بترجمة ما تقوم به الشركة الى اللغة الأنجليزية ومخاطبة
البعثات الدبلوماسية والسفارات بالخرطوم لأن هؤلاء القوم يؤمنون
بما تقوم به شركتكم وأتوقع أن ينفتح عليكم باب رحمة جديد وربما
دائم.بالتوفيق ان شاء الله
| |
|
|
|
|
|
|
|
|
 Re: انعام حيمورة .. ترحب بكل الاعضاء الجدد في عام 2013 (Re: امير بوب)
|
Quote: والله رغم إنو الواحد فتران وآخر اليوم ،،لكن ضحكتيني كما لم أضحك من قبل ..
وذكرتيني حركات النسوان في بيوت البكاء وكل مايصاحب عمايلهم رغم الحزن . |
لووووووووووولز
دكتور الصادق إزيييك يا خوي وكل سنة وإنت طيب وعيالك البفلوا فيك ديل طيبين
حلاتهم ما شاء الله ,, الله يخليهم ليك ويخليك ليهم
عارف عندنا نيماية زمااان كنا بنتونس فيها شلة لو جيت قعدت معانا بتموووت بالضحك
ود المدير ود الموج المطرطش الله يرحمو ود البشاري ومها وسامية والمجموعة كبيرة بالحيل
لكن والله بعد رحيل المطرطش الله يوسده الباردة غلبني كلو كلو اواصل فيها,, الله يرحمو
اها شفت خالتي دي بعد حكايتها القالت بتطب كم مرا تحت إيدها
مرة قمت فكرت ليها , والله ضحكت لامن اتلفلت بي توبي من الحريم
هى عامتة ليها كده زي خمسة بي فد يد ويدها التانية تجرجر في مرتين دايرة تطبقهن وبتعاين بعيييد تكوس في باقي الحريم
ده ما الضحكني بس !!
الضحكني في كم مرة بعملن زيها ,, والله صحي
بركة في ضحيكتك دي
نعومة والله إعلانك في السلك فعلا نفاذة من تنفيذية ,, ونافذة كمان ههههههه
شايفة الضيوف بدوا يجوك النقوم اجيب العصائر
هو بكري ده ماشي مع ناس الكورة ولا شنو ؟ حكاية فك التسجيلات وتسجيل الناس الجدد
لكن شكلوا ما فك ولا زول من المحظورين , إشتغل جديييد ساااي ,
برضو كويس جدا خلينا نتعرف ونقرأ مداخلات ناس يفيدونا أكتر , وحبابكم كلكم
| |
|
|
|
|
|
|
| |
انعام حيمورة
osman righeem
Muna Khugali
اسماء الجنيد
Dr.Elsadig Abdalla
طارق جبريل
ناصر حسين محمد
ابراهيم الفاضل
محمد عبد الماجد الصايم
على عبدالله بشير
بدرالدين الطائف
عمر الصافي
Bahaeldin Khairi
سامى عبد المطلب
أحمد قلوب
امجد الجميعابى
أيمن الفاضل
عمر السلمة
جمال عبد الناصر محمد
SHIBKA
خالد حامد الجزولي
انصاف ابراهيم عبدالعزيز
فيس بوك
تويتر
انستقرام
يوتيوب
بنتيريست