|
|
 طائرات البشير تسقط 264 قنبله علي (مول) شركة أنسام لمواد و أدوات النظاف
|
عندى ساعة داخلية دائما بتصحيني قبل صلاة الفجر بدقائق
واعتقد النعمة دى جاتني من دعوات الوالدة الصالحات في حق شخصنا الضعيف
وانا علي مر السنين ... قمت بتدريب نفسي علي الامتناع من شرب الماء قبل النوم بفتره لتحاشي
الصحيان لإفراغ المثانة ( الحتمي ) نسبة لعامل السن ...
ولكن بعض الاحيان ( يدقُس ) الانسان ...
والظاهر امس دقسته و كترت الموية ... وصحيت الواطة مضلمة ...
العيون ( مدغشِشة ) دى طبعا جاية من كلمة ( دَغَشْ ) ...
وعاينت في الساعة وبعد جهد جهيد لقيتها 6 و خمسه صباحا ...
إذاً صحيت بامتلاء المثانة 23 دقيقة قبل اذان الفجر ...
اتناولت الآيباد من ( درج النايت تيبل ) للتأكد من مواعيد الصلاة بالتحديد ...
وكالعادة مشت الايد علي ( الآيكون ) حق سودانيز اونلاين ...
والعين نص نايمة و نص نعسانة ...
وقريت الخبر كما كتبته في العنوان بالضبط ...
( طائرات البشير تسقط 264 قنبله علي (مول) شركة أنسام لمواد و أدوات النظاف )
|
|
  
|
|
|
|
|
|
|
|
Re: طائرات البشير تسقط 264 قنبله علي (مول) شركة أنسام لمواد و أدوات ال (Re: يحي قباني)
|
تركت الايباد
و الراس جاطت ...
واتسا رعت الخطى صوب الحمام لافراغ المثانة اللعينة
واتسارعت الافكار في الراس
ياربي ( المول ) ده متين افتتحوهو؟
البنية المسكينة لسه شغاله تتقبل في التهاني و تعمل في الدعايات
يا الله ... الناس دى ما بترحم ؟
و افراغ المثانة قد شارف علي الانتهاء ... و انا اتنفس صعداء راحة الافراغ
و الذى يذكرني دائما بما يتعرض له المعارضين في بلدى من تعذيب باجبارهم
علي شرب كميات من الماء ثم ربط مسالكهم البولية لتعذيبهم
وهنا اصر علي عدم ترك ولا مليلتر واحد
لا يشعر الانسان العادى بذلك الالم الخرافي الا اذا قام بعمل تصوير للمثانة و طلب منك شرب كمية من الماء
يذهب لاخذ الصورة و يطلب منه الانتظار ربع ساعة ... ( بهدلة )
و لكن يبقي السؤال
لماذا قصفت الحكومة ( مول ) انسام ...
هل وجدو ان البضاعة اسرائيلية ؟
بالعكس لو كانت اسرائيلية ما كانو هبشوها ...
اسرائيل جات لحد عندهم و قصفت مصنع ( مكنات اللحام ) ... اها الحصل شنو ؟؟؟
اتوضيت و صليت ركعتين في انتظار الآذ ان
قاعد في المصلاية وقلت في سري ... بت حيمورة دى جابت لنفسها العين و الكفوة
بوستيها حصل 8 صفحات و باركوا ليها 264 زول امكن ...
الله .... 264 ؟
اكون قريت غلط ؟
جريت تاني علي الايباد و قتحته المره دى مصحصح
القي ليك انعام لسه بتتلقي في التهاني
والمول قاااااعد ماشاء الله
وعيني تقوم تقع علي بوست اخونا كابيلا ...
اتاريهو كان تحت بوست المول ساعة صحيت
ومع ( الزنقة ) و النعسة لخبطت العناوين في بعض
لانو بوست كابيلا ما حصل نص صفحة وردين ...
( ما الموت بعيد من الشمال ... فما في زول شغال بيهو ... )
وعلي راي رئيسهم الهُمام و الذى وصلنا عن طريق شيخه الذي علمه السحر
هو ناس جبال النوبة ديل لو كتلتهم قنابل شمالية ما شرف ليهم !!
صديقي كابيلا ...
اعزيك و اعزى نفسي ...
واطلب من الأخت انعام
توفير كميات من الصابون
لغسل القلوب المظلمه و العيون التي عليها غشاوة
و حسبي الله و نعم الوكيل ...
| |
|
|
|
|
|
|
|
|
|
Re: طائرات البشير تسقط 264 قنبله علي (مول) شركة أنسام لمواد و أدوات ال (Re: يحي قباني)
|
Quote: يحى قبانى...ما نصيح انت بالجد....
و سلامات يا انعام...و مبروك المول و ربنا يكتب ليك فيه كل خير |
سمارت ...
طلعتيني ما نصيح ؟ ... الله يسامحك بس ...
قالو البنية جارية تلحق الحافلة ... وجواها واحد مسطول ...
و المسكينة ما عارفه الحافلة ماشة ياتو محله ...
المهم حصلتها و بتسأل المسطول ... وييين ؟
قال ليها قاعديييييين ... انتو الوين ؟
والله البورد ده من غيرك مسيييخ ... تاني ما تمشي السودان ...
| |
|
|
|
|
|
|
|
|
|
Re: طائرات البشير تسقط 264 قنبله علي (مول) شركة أنسام لمواد و أدوات ال (Re: يحي قباني)
|
Quote: ههههه
كنت قايلة روحي براي
لووووووووول
آها وأنا صاحية وفي كامل ملابسي الرسمية وفي وضح النهار
ومسلحة
بقرأ نوع قرايتك دي
تقول عليها شنو؟؟
|
بت العباسي ...
دي حالة بتجي بين الساعة 6 لي 7 صباحاً فقط ...
انتي حالتك مستديمة ... ما تكبريني معاك ساكت ...
Quote: نسيت و بالنضارة
ومامزنوقة حمام
ولا منتظرة صلاة الفجر هنا
|
بدينا في تصلب الشرايين من حسي ...
متين نسيتي .؟؟؟
انشالله ما بتجيهو عوجة تب ...
بس يكفيها شر العين ...
و البحلقة ...
( حاكم ) انا لقيت السودانيين دول اتعلموا الحسادة و بقوا اسيادها ...
| |
|
|
|
|
|
|
| |
يحي قباني
انعام حيمورة
smart_ana2001
Elawad
Rawia
فيس بوك
تويتر
انستقرام
يوتيوب
بنتيريست