|
|
|
 Re: الحاسة السادسة ، عندي فعالة .. عندكم كيف ؟ (Re: عبدالمنعم الطيب حسن)
|
الحكاية دي مطلع التسعينات ، وانا بعد طالب بالجامعات المصرية، تابطت جواز سفري
وشهادة قيد، تؤكد انني طالب بجامعة المنصورة.
ويالعمرة جاك زول ، منها عمرة ، ومنها اشوف السعودية..
والمهم الاهم في الامر؛ هو ان القط لي قريشات تساعدني في القراية
وهاك يا اسئلة .... توشك السفارة السعودية ...
وروني شباك العمرة، وقفت اخر زول ، صف طويل ، ولا يهمني
الساعة تلاتة جات ، وانا واقف ، والصف بطيء
المهم قابلني الموظف ، وقال لي: عاوز شهاداتك او صورة منها ...
ماعندي شهادات ، ما زلت طالبا بالجامعة
وعندي شهادة قيد..
ما تنفعش ،
وقفل الشباك ، واكيد غادر
زول معاي مافي، انتظرت لم اغادر ، رغم ان الشباك يفتح خارج سور السفارة ، وعندما يغلق
فانت في الشارع العريض .
مسكت في شباكي داك ، وقفت ، حرستو ، حرست قدر الله جانا عديل،
اكتر من نص ساعة ، وانا واقف ،
كان عندي يقين ، ان امرا ما سيحدث لم ، اغادر قط ، ولم افكر حتى في المغادرة
فجأة ؛
يفتح الشباك ، ياتي موظف ، اسمر هذه المرة (لزوم الحبكة وكدة)
يازول ، انت لسع واقف ،
هات جوازك ،
خمسة دقائق ، والجواز ممهور، بتاشيرة الدخول للسعودية
اها ....
في تاني واحدات اخطر ،
| |
 
|
|
|
|
|
|
|
|
Re: الحاسة السادسة ، عندي فعالة .. عندكم كيف ؟ (Re: عبدالمنعم الطيب حسن)
|
علاقة مجال المبيعات ، بالتلفونات ، علاقة جدلية
في مبيعات معناها ، التلفون دا، لن يصمت ابدا
ليس لرنين تلفوني ،" زمان او مكان ، فهويرن ..يرن ..
هكذا ..... وكثيرا جدا
المهم...
يوم الاربعاء يالليل، لن اضبط منبه التلفون ، كالعادة وانما اغلقه ، اوعلى الاقل اضعه على الصامت
الشاهد انني لم اتركه مفتوحا هكذا ابدا لسنين ...
اصحى على راحتي ..مش اليوم اجازة برضو،
اليوم داك ، قررت بكامل وعي وادراكي ، ان لن اغلق هذا الهاتف اللعين ابدا
خلي يصحيني ويزعجني ، ما حدي حوش
هكذا قررت ونفذت ....
اخوي الاكبر عبد الوهاب ، يعمل في ابها، وهي تبعد عن الرياض كثيرا..
ونحن اسرة تحب المفاجاءات ، نعلن الخبر ، مهما كان بسيطا، متاخرا جدا
نفك الشمار في اخر لحظة..
غتاتة شديدة ،
فجر الخميس ، ركب عبدالوهاب اخوي الطيارة ، وسبعة صباحا تلفوني
كلنق ، كلنق، كليلينق ......
اهلا اهلا وسهلا ،اهلا يا وهبة ، يازول نعل ما في عوجة ، ضارب فجرية كدى ،
ابدا والله ، الا الخير ، غريبة رديت طوالي ، هي مرة واحدة لو ما رديت ، بتصل على سعيد( شقيقنا برضو في الرياض)
ونجيك علي راحتنا ...
بركة الرديت ،انا في مطار الرياض
مطار الرياض شخصيا ...
لا حولة ؛
نص ساعة عندك ،
وفعلا بعد نص ساعة ، او اكثر قليلا، كنا معا على الدرب ،،،
يتبع...
تاني في ....
| |
|
|
|
|
|
|
|
|
|
Re: الحاسة السادسة ، عندي فعالة .. عندكم كيف ؟ (Re: عبدالمنعم الطيب حسن)
|
الأخ عبدالمنعم
السلام عليكم ورحمة الله
وبعد
هنا في الأمثلة التي ذكرتها الحاسة السادسة ما أظنها فعالة، بل في حالة سكون أو سلب،
لأنو عند حصول تلك الأشياء، إنت لم تحكِ أنه انتابك شعور معين، وخلاك تكون متوقع
إمكانية حصول شيء ما، وإنما حصل شيء لم تكن متوقعاً له!
بالمناسبة الحالة دي عادية، بالنسبة للإنسان لما يكون في حالة قرب من الله عز وجل، وهو
في تلك الحالة، يجد كثيراً من الموافقات والترتيبات القدرية العجيبة، والتي تجعل أموره
تتيسر بصورة واضحة جداً، بحيث مفروض طوالي الزول يعرف إنو في كائن عاقل يعرف
ما تريده، وييسره لك بصورة واضحة جداً!
وبالمقابل زي ما بقول ليك: الشقي تعتر ليه القشة! يعني من وين ووين، تجي العقبات
والمطبات في طريقه، ومن حيث لا يحتسب!
لكن: حصول التيسير والتوفيق، ليس دائماً علامة للقرب من الله عز وجلّ، بل ربما يكون
ده مجرد (إملاء) من الله عز وجل، فيكون علامة للبعد!
وكذلك: حصول العقبات ربما يكون علامة على إنو ربنا عاوزك تنتبه!
عموماً: الموضوع ده مهم جداً، وفي انتظار مزيد من الحكاوي، لكن ركز لينا على حالتك
الشعورية قبل حصول الحدث!
حكاية تركك للجوال مفتوح في ذلك الصباح، ليتصل بك أخوك، قد يكون سببها أنك كنت في
حالة قرب من الله، يعني نمت مثلاً بعد ما صليت الشفع والوتر بمزاج، وقد يكون السبب هو
أخوك!
مودةً!
| |
|
|
|
|
|
|
| |
عبدالمنعم الطيب حسن
عزالدين عباس الفحل
عادل عبدالعزيز عبد الرحيم
فيس بوك
تويتر
انستقرام
يوتيوب
بنتيريست