|
|
|
 Re: من وحي إجازة في الخرطوم، الناس دي عايشه كيف؟؟! (Re: smart_ana2001)
|
بالجد. السؤال ليكم، أنتو عايشين كيف؟
قبل ما يجي ناذر خليفة و يقول لي حيرتونا، لازم أوضح أني :
ما قاصدة الظروف الاقتصادية ( كل الناس مدبرا حالها و عايشه علي البتقدر عليه مهما كان كتير جداً أو قليل جداً).
اللي عندوا قروش كتيرة بيقدر يصرفها في الخرطوم. و اللي عندوا قروش حبة بيقدر يعيش برضوا.
| |
 
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: smart_ana2001)
|
و ما قاصدة العيشة مع الحكومة دي، خلال شهر كامل ما في زول أصلا أتكلم معاي عن الحكومة (بخير أو بشر).
و ما قاصدة قطع المياه ( الناس برضو عارفه تعمل شنو، أي بيت فيه صهريج و طرمبة و عدد من البراميل في حالة ان الصهريج كمل. الناس برضو بيشربوا مياه صحية.)
و ما قاصدة الشوارع و زحمتها. (الناس برضو بتظبط زمنها و بتعرف تخت في الاعتبار التأخير بسبب الزحمة. و الدنيا كلها فيها مدن زحمممة)
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: smart_ana2001)
|
انا برضو ما قاصدة اختيار المدارس للأطفال. يا أخي دي بالجد حاجه صعبة. في ذي مليون مدرسة خاصة و كل واحدة عندها مقرر براها. انا لو كنت في السودان كنتا ح آجن بس بسبب المدارس دي. لكن شفت الناس متوكلين و بيدخلوا أولادهم المدارس و يتابعوا مع المدرسة. بيحولوا أولادهم طوالي في أي حالة إهمال من المدرسة.
انا بصراحة ما قاصدة أي حاجه من الحجات الفوق دي. الحجات دي بسيطة و الناس قادرة تتصرف معاها.
برضو ما قاصدة الناس العايشة في السودان. :) انا قاصدة الناس اللي بتجي السودان إجازات مرة في السنة أو السنتين أو حتي اكتر.
السؤال ليكم يا جماعة. بتعملوا شنو في المناسبات اللي حصلت أثناء غيابكم عن الوطن ؟ البكيات، الأعراس؟؟؟
الجاملات في السودان الحبيب حاجه كويسه و بتقوي المجتمع و بتخلي الأطفال يعرفوا أسرهم الكبيرة. لكن ......
ما ممكن زول بيجي السودان أسبوعين أو تلاته كل 3 سنوات يقضي كل الفترة في العزاءات القديمة. بالجد يا المغتربين و المهاجرين ( و أي زول عايش خارج السودان) قاعدين تعملوا شنو في الموضوع ده؟؟؟؟
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: smart_ana2001)
|
Quote: السؤال ليكم يا جماعة. بتعملوا شنو في المناسبات اللي حصلت أثناء غيابكم عن الوطن ؟ البكيات، الأعراس؟؟؟
الجاملات في السودان الحبيب حاجه كويسه و بتقوي المجتمع و بتخلي الأطفال يعرفوا أسرهم الكبيرة. لكن ......
ما ممكن زول بيجي السودان أسبوعين أو تلاته كل 3 سنوات يقضي كل الفترة في العزاءات القديمة. بالجد يا المغتربين و المهاجرين ( و أي زول عايش خارج السودان) قاعدين تعملوا شنو في الموضوع ده؟؟؟؟ |
والله يا إسمارت وما طالباني حليفة انا لما اكون بجهز للسفر دي اكتر حاجة بتكون عامله لي قلق
بالجد حاجة متعبة شديد وزي ما قلت الواحد احيانا بكون ليو تلاتة سنين ما مشى يعني في بكيات اهل الميت زاتهم نسوا الحصل
ولما تدخل عليهم وتشيل معاهم الفاتحة يقربوا يقول ليك هو المات منو ؟؟(في واحدة قالت لاختي الله يخرب بيتكم الواحد بعد ما ينسى تجوا تزكروه لووووووووول)
انا في آخر إجازة قعدت شهر ونص لافة في شوارع الخرطوم وكان ما الله ستر قربت تجيب ليها سفر خارج الخرطوم
مرات اول ما اصحى الصباح بعاين لامي اقول ليها الليلة ما تقول لي امشي لي فلان ولا علان انا من البيت ده ما طالعة
ولما يجي وقت الفطور تلاقيني انادي اختي ياخ سرعة ختي الفطور ده خلينا نطلع ونرجع نتغدى وتاااااااااني نطلع
امي آخر ايام زاتها إتجرست وقالت لي يا بتي والله لا قعدتي معانا ولا إتونسنا معاكي قلت ليها لما ارجع هناك بتونس معاك بالإسكايب لكن هنا ياهو اجري كده زي كـــــــــــلب الحر
الخلاصة الطلعت بيها من الإجازة انو جميع الجنسيات المعانا هنا وبمشوا بلادهم بستمتعوا بإجازاتهم اما نحن بنعديها خدمة إلزامية في المجاملات
وانا ما عندي إعتراض على المجاملة في حد زاتها بالعكس انا زولة مجاملة جدا وإجتماعية خالص
بس انا بشوف طالما انا إتصلت وعزيت بالتلفون واهلي هناك ما قصروا كلهم مشوا وعصروا الفراش يومين وتلاتة يبقى لما انا اجي ما في داعي اقعد الف اللف ده كلووووووو
إسمارت إزيك وحمدا لله على سلامتك
معليش دخلت توش في الموضوع لانه بالجد مزعج
وزي ما قلت الحاجات التانية دي كلها الناس متعودين عليها وإتاقلموا وما في زول بشتكي منها
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: smart_ana2001)
|
Quote:
و الله دي سبب البوست. البكيات. تعبتا من الجري.
|
حمدلله على السلامة أولاً أختنا العزيزة ،،
والظاهر عليك مطولة من السودان ، وكويس إنك ما حضرت زمن توزيع الجوابات وأمانات المغتربين،،
كلمينا على التقينةوكيف لقيتي وقع الآيفون وأبل برودكتس عموماً في ظل المقاطعة ،،
كيف نظرتك للإستخدام المبالغ فيه للموبايل وبالساعات؟؟
كيف لقيتي الناس وتفاعلهم مع المنتديات والانترنت عموماً؟؟
حمدلله على السلامة مرة تانية ، وتحياتي للأسرة عساهم جميعا بخير،،
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: محمود بكر)
|
سلامات يا سمارت
طبعا المجاملات دي قصه تانيه
أنا غالبا بخلص منها في ال-72 ساعه الأولى ...(طبعا أهم حاجه العزاء)
وبعد كده مسألة المجاملات بعد داك بتبقى اختياريه ...
لكن برضو كل الظواهر السالبه لازم الناس تتطرق ليها ....
نعم غبار ،،،سخانه...كهرباء مافي ..مويه قاطعه ..دي كلها مواضيع خارج النقاش ....
لكن مثلا واحد يمشي والاشاره حمرا ،،لازم يناقش حتي الناس تتعلم ...
طبيب يعامل الناس بعدم إحترام ..يجب أن يناقش هنا ويتم فضحه ...
ضابط الشرطه في المطار يتعاملم معاك كانك عدوه اللدود ..يجب أن يذكر هنا ....
الناس تكون واقفه في الصف يجى واحد يتخطى كل الواقفين من الصباح ديل ..عشان عندو واسطه ..لازم يناقش
وبالمناسبه كل الظواهر السالبه يتفق فيها المغترب في اجازه والناس العايشين في السودان ..حتي في المطار ..الناس الفي السودان ممكن يمشوا بره لسبب أو لآخر ويقابلوا نفس الضابط ...
واصلي ..ونحن معاك متحفزين ..ومنتظرين ناذر وعكازنا في يدنا ...
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: ناذر محمد الخليفة)
|
Quote: عندي موضوع يا أخي. موضوعي: المغتربين ديل بيعيشوا سهر الإجازة
ده كيف مع المجاملات الكتيرة دي؟
|
سمارت ازيك...
دي حلها بسيط جدا...رتبي مواعيد إجازتك مع أي عرس زول او زولة قريبتك...لانو تواريخ الاعراس
بتكون محددة من بدري وكل سيد بكاء او ست بكاء..بكون في العرس
ولو البكاء حار وجديد بدفرو العرس....
يعني بالواضح كدي اي عرس فيه ساوند معناها الناس بكياتهم قديمة
وركزي علي عيد الضحية...فيه أعراس كتيرة..
بتلقي الناس كلها متلمة...شيلي معاهم الفاتحة قبال ما بتاع الساوند
يعمل ....تيست ون...تيست ون...هرشك...ويا امجاد ما دخلك مغترب.
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: smart_ana2001)
|
سلامات أخونا فتحي نقد.
شفتا البوست اللي انت ذكرته. لكن ما عاوزه أجي السودان إجازة شهر بس و اقعد أقول للناس اطلعوا مظاهرات. و ما أظن لو طلعت مظاهرات أثناء تواجدي في الخرطوم كنتا قدرتا اطلع فيها. البكيات و المجاملات ما خلو لي وقت لأي شئ.
ناذر الخليفة شخصيا. معقولة بس؟؟؟ بعد 10 سنوات في البورد ما معقولة أورط روحي كده :)
مدثر صديق. تسلم و شكرًا ليك.
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: smart_ana2001)
|
نزار حسين.... دي بالغتا فيها و الله. مبالغة.
نجرب المرة الجاية نعمل كده. و نشوف. لو عاد النسوان الكبار هرشوني و واحده قالت: لي ده شنو يا بنت برعي؟ الفاتحة في الحفلة؟ و شكتني لامي، بقول ليهم ديل ناس سودانيز و حركاتهم.
انا فعلا عفشي راح المرة دي. لكن أبدا ما كان شفيع لي في عدم المرور علي كل البكيات.
سلامات يا رانية. انا فعلا محتاجه إجازة الان.
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: smart_ana2001)
|
نسيت أقول أني قضيت وقت جميل جداً ( رغم كترة البكيات) أكلتا سمك في عوضية و حوش السمك. مشيت شارع النيل و براماشنا. و مشيت سعد قشرة. اكلتا من my place. اكلتا ايسكريم في لذيذ. و فطائر من العربي. اكلتا باسطة من العبد و الشامية و كيك من البيت السوري. اكلتا بيتزا من ايتلي بيتزا و من أبو جابرة و مشيت سعد قشرة.
مشيت حديقة الطفل و منتزه الرياض.قلتا أني مشيت سعد قشرة؟؟؟ :) طبعا مشيت سعد قشرة.
و أكيد شفتا معارض أبو الفاضل :) ( طبعت ما اشتريت عفش). و مشيت محلات LG
حمتا العاصمة كلها، من آخر امبدة ( بالجد آخر امبدة ) لحدي مجمع سارية في آخر حدود العمران في الخرطوم. مشيت نهاية الحاج يوسف لحي جديد اسمه النسيم. آخر الدنيا.
و مشيت كافوري ذي 4 مرات كده. الخرطوم كلها ساكنة كافوري.
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: Hussein Mallasi)
|
حمدالله ع السلامة يا سمارت | Quote: نسيت أقول أني قضيت وقت جميل جداً ( رغم كترة البكيات) أكلتا سمك في عوضية و حوش السمك. مشيت شارع النيل و براماشنا. و مشيت سعد قشرة. اكلتا من my place. اكلتا ايسكريم في لذيذ. و فطائر من العربي. اكلتا باسطة من العبد و الشامية و كيك من البيت السوري. اكلتا بيتزا من ايتلي بيتزا و من أبو جابرة و مشيت سعد قشرة. |
لاحظتي للحاجة دي, الأكل في السودان بقى برنامج
و المحلات كتيرة وبتتنافس على كل شي بدءًا من المكان وتهيئته وديكوراته للخدمة و البقدموها و جودة الأكل نفسه بالطبع
| |
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: محمد البشرى الخضر)
|
و الله يا ملاسي سالتا. قالوا برضوا ما بيعرفوها. لكن بيعرفوا أبوها كويس جداً. الناس ديل ( ناس بيتنا) انا اللي كلمتهم عن برنامج أغاني و أغاني قبل حوالي سنتين بس. انا اللي قلت ليهم عن عوضية قبل 3 سنوات. و حتي الان لا يعرفون شيء عن قندهار. و انا اللي قلت ليهم عن الطلبة اللي قتلوا في جامعة الجزيرة.
سي دي رشا اللي اسمه سودانيات ده انا يسمع فيه من سنة 1998 و ما عافه ليه ما في زول منهم لاحظ ليه!!!!
ود البشرى، و الحمد لله علي سلامتك برضو. لو كنت انا جيت بدري أسبوع واحد بس كنا لاقيناكم.
فعلا محلات الأكل في كل مكان. و كل فترة يكون في موضة معينة. المرة الفاتت ( قبل 3 سنوات) كانت الساحة و سلتير هو آخر تقليعة في عالم الأكل
المرة دي برامشانا في الرياض.
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: smart_ana2001)
|
Quote: نسيت أقول أني قضيت وقت جميل جداً ( رغم كترة البكيات) أكلتا سمك في عوضية و حوش السمك. مشيت شارع النيل و براماشنا. و مشيت سعد قشرة. اكلتا من my place. اكلتا ايسكريم في لذيذ. و فطائر من العربي. اكلتا باسطة من العبد و الشامية و كيك من البيت السوري. اكلتا بيتزا من ايتلي بيتزا و من أبو جابرة و مشيت سعد قشرة.
مشيت حديقة الطفل و منتزه الرياض.قلتا أني مشيت سعد قشرة؟؟؟ :) طبعا مشيت سعد قشرة.
و أكيد شفتا معارض أبو الفاضل :) ( طبعت ما اشتريت عفش). و مشيت محلات LG
حمتا العاصمة كلها، من آخر امبدة ( بالجد آخر امبدة ) لحدي مجمع سارية في آخر حدود العمران في الخرطوم. مشيت نهاية الحاج يوسف لحي جديد اسمه النسيم. آخر الدنيا.
و مشيت كافوري ذي 4 مرات كده. الخرطوم كلها ساكنة كافوري. |
يعني بس (مكتبة ميم) الما مشتيتيها كويس بنجي امريكا حقتكم دي 
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: smart_ana2001)
|
و بالمناسبة يا سمارت تعليقا على الموضوع الرئيس
العزاء ما بتخلى ولو مرت عليه سنين, و القصة دي ممكن تجيب ليها لوم ما تتخيلي لياتو درجة
لو ما مشيت من المطار مباشرة أو في اليوم الأول أو التاني بالكتير أحيانا ما بقبلوها خليه تتجاهلو مرة واحدة
المثل بقول البكا لا حولو بجيب زولو
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: محمد البشرى الخضر)
|
سلامات احمد عتيق. شكلك ما قريت البوست :)
الناس عايشه و قليلين اللي بيفكروا في تغيير النظام. عاوزين ( تغيير النظام أم لا) ده موضوع تاني.
محمد البشري، كلامك صح. و ده السبب اللي بيخليني احوم جميع أنحاء العاصمة في إجازتي القصيرة. لكن أظن ان لوم الناس المسافرين علي عزاء مرت عليه سنوات عادة ضارة و مفروض الناس تبدأ تحاربها.
الناس لو عرفت انا بتعب قدر شنو عشان اصلهم. و بسبب المجاملات ما بقدر أشوف جزء كبير جداً من أصحابي و من الناس اللي فعلا انا عاوزه أشوفها و اقضي معاها لو دقائق بسيطة.
تعرف انه بسبب الجري ده انا ضيعتا فرصة لمقابلة ممكونة شخصيا ؟؟؟؟؟؟!!!!
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: smart_ana2001)
|
سلامات سمارت وألف حمداً لله على السلامة
توفى والدي رحمه الله في العام 2007 ، سافرت للسودان في نفس يوم العزاء .. عرف جميع من في بيت العزاء أن عاطف قادم ...إنتظرني بعضهم وأثر العودة في اليوم التالي بعضهم الآخر
من بعض الذين أتو في اليوم التالي أحد أصدقائي وصديق أخواني
فوجئت بأنه لم يعزيني أو ( يشيل فاتحة ) معي
بل سلم على وحمد لله على السلامة وانخرط في خدمة المعزيين
زادت دهشتي بأنه كان يتونس معاى عااااادي
تاني يوم بالليل قصصت على شقيقي موضوع صاحبنا المحيرني دا
صمت شقيقي فجأة ثم قال
" إنتا الزوول دا السنة الفاتت لمن جيت عزيتو في أبوهو ، ما هو برضو كان متوفي ؟؟ "
أجبته بالنفي " فلم يخبرني أحد منكم بذلك وأعطيتوني قائمة طويلة عريضة "
بس دا السبب
ذهبت للصديق في ذات تلك الليلة عزيته في والده وقدمت له إعتذاري بعدم المعرفة
وحياتك جاءني صباح اليوم التالي من فجراً بدري عزاء ببكاء بحرقة
| |
|
|
|
|
|
|
|
|
 Re: من وحي إجازة في الخرطوم، الناس دي عايشه كيف؟؟! (Re: عاطف عمر)
|
سمارت ياخ والله مشتاقين البسيطة دي ما بتعبّر... وقرّبت اسيب عقابي بي جاي وألحقك... لكن ياخ ما ممكن تغيبي قدر ده! انت المابتغيبي منّي تلاته يوم على بعضهم... بيناتنا تلفون طويييييل اعرف بالتفصيل اخبارك .... واخبار الجيتي منّهم... لكن بالنسبة لموضوعك ده، بقول انه كوني ما عشته في السودان كتير نعمة ونقمة... نعمته في الحته بتاعت العزاءات دي... مافي زول بتوقع منّي اجي (والله جد لوووووول) وبكتفو بي انه والدي او والدتي جو... اعتقد في بالهم مريم البتجيهم شهر كل سنة او سنتين دي لسه صغيرة وما ملزومة بي المجاملات... وانا عايشه الدور على كده... وبعد ده، الشعب بقول مريم مواصلة الناس وحنينة في أهلها...  ... انا زيارات ساااااي الاجازة بتكمل، فما بالك بي بكيات نص اهلها ما بعرفهم...
أما بخصوص كمية الاكل التجارية الأكلتيها دي... امشي انكتي لينا بوست الbiggest loser بالله... واعترفي
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: مريم بنت الحسين)
|
الله يسلمك يا بشمهندس عاطف. و ربنا يجعل السنة الجديدة سنة مباركة عليك و علي أسرتك.
هسي -عليك الله - صحبك ده موش بيبالغ؟؟؟؟
في ناس انا مشيت ليهم من المطار لأني فعلا موجوعة للفقد. لكن -و الله - لو حصلت لي ( لا قدر الله) وفاة، ما عاوزه زول يتشلهت و يتعب عشان يجيني بعد سنوات من العزاء.
انا شايفه ان صلة الرحم اهم من موضوع العزاءات القديمة دي. الزول أحسن يوفر الزمن عشان يلاقي الناس القريبة كلها و يشوف أحوالها. و اهم شيء التعرف علي الصغار من جديد.
محمد البشرى، دينا خالد شخصيا؟؟؟
تخيل ان برضو ضيعتا فرصة لملاقة ملاسي شخصيا؟ الإجازة القادمة ح أخلي زيارتي سر. ح ألاقي كل الناس اللي عاوزه الاقيها بعدين اظهر. يعني لو إجازتي شهر، ح اعلن عنها بعد أسبوعين ( ايوه، ح اكذب) و أقول جيت بعد أسبوعين من التاريخ الحقيقي.
مريوم و الله دائماً في بالي. و الله مشتاقين كميات. كيفك؟ اضرب ليك متين؟
تعرفي انا موضوع البكيات ده ما باقي لي لأني ما حصل عشتا في السودان و انا متزوجة. قبل الزواج ما كنتا بمشي بكيات ( القريبة جداً بس). الان انا زولة كبيرة باولادي و نسابتي. و بدل عائلة واحدة بقو اتنين.
ألذ حاجه أني ما بعرف أعزي. و مهما كان البكاء حار ( لو ما بعرف المتوفي) ما بقدر ابكي. دموعي في رجلي ( لحدي ما تصل عيوني أكون مرقتا لزيارة أخري) :)
بقوم أشيل الفاتحة. و في ناس ما بتعجبها الحركة دي.
غايتو بعد النقة دي كلها ما أظن يكون اتكتب لي اجر علي البكيات دي.
تخيلي وزني ذي ما هو، ما زاد أو نقص خلال الزيارة دي.!!! الحوامة كانت مبالغ فيها.
لكن الزيادة اللي أصلا حاصلة هي اللي محتاجه بوست. :(
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: smart_ana2001)
|
سمارت كل سنة وانتي طيبة بتوقيت السودان الساعة 12:5 .. جهجهتينا بــ العنوان لكن
ما شاء الله ...شركة لاف التجارية لقيتك ^__^ فتي ناس ابو حتوت في اللف
و بعد دا اتلومتي لكن .. تجي لحدي كافوري وما تصلينا .... شندي ما بعيدة صدقيني .. يا قول جنابو بنجي امريكا وما بنجيكم
بعدين المرة الجاية لملمي ليك كم شهر كدا حتى تجي ...الشهر يا سمارت بقى زي الاسبوع ... والاسبوع زي اليوم و اليوم ساعة ...الله كريم بس
بالنسبة لـ المناسبات ... العزاء زي ما قالوا ليك ما فيهومفر ... واجب مؤكد ... باقي المجاملات من ولادة ثم سماية ونجاح وعيد ميلاد و حتى زواج لو عندك وقت و مزاج بس غير كدا ما بذات الأهمية (وجهة نظر)
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: Dr.Elsadig Abdalla)
|
Quote:
سلامات سمارت وألف حمداً لله على السلامة
توفى والدي رحمه الله في العام 2007 ، سافرت للسودان في نفس يوم العزاء .. عرف جميع من في بيت العزاء أن عاطف قادم ...إنتظرني بعضهم وأثر العودة في اليوم التالي بعضهم الآخر
من بعض الذين أتو في اليوم التالي أحد أصدقائي وصديق أخواني
فوجئت بأنه لم يعزيني أو ( يشيل فاتحة ) معي
بل سلم على وحمد لله على السلامة وانخرط في خدمة المعزيين
زادت دهشتي بأنه كان يتونس معاى عااااادي
تاني يوم بالليل قصصت على شقيقي موضوع صاحبنا المحيرني دا
صمت شقيقي فجأة ثم قال
" إنتا الزوول دا السنة الفاتت لمن جيت عزيتو في أبوهو ، ما هو برضو كان متوفي ؟؟ "
أجبته بالنفي " فلم يخبرني أحد منكم بذلك وأعطيتوني قائمة طويلة عريضة "
بس دا السبب
ذهبت للصديق في ذات تلك الليلة عزيته في والده وقدمت له إعتذاري بعدم المعرفة
وحياتك جاءني صباح اليوم التالي من فجراً بدري عزاء ببكاء بحرقة |
يالله ياعاطف : هذا لا يحدث إلا في السودان !! تداخل في مشاعري بشكل غريب من هذه المداخلة
فلم أعرف سر دموعي وأنا يغالطني النوم هذه اللحظة : اهي دموع حزني لفقدكما العزيزين ، أم لشهامة الرجل يخدم عزاءكم بكبرياء مخافة أن يتخلف عن واجب كهذا ، أم فرحي لعودته إليك حزيناً يعيد المشهد من أوله ؟؟؟
أغلب ظني أنها دموع على هذا الوطن الفريد وعلى عظمته المعلقة فقط بهدب سجايانا التي خصنا بها رب العباد،،
رحم الله امواتنا أجمعين وغفر الله لهم وغفر لهذا الشعب الجميل!!
| |
|
|
|
|
|
|
|
|
 Re: من وحي إجازة في الخرطوم، الناس دي عايشه كيف؟؟! (Re: الخير محمد عوض)
|
سلام إسمارت وعام سعيد عليك وعلى ضيوف وضيفات بوستك
انا طلعته من السودان في 95 وما رجعته الا في ظروف الله لا وراها لي زول ، توفى اخي الاكبر وعدت مع الجثمان من القاهرة 2010 ، المهم بالتاكيد لطول الفتره وللظروف الصعبه ليك تتخيلي انو الفراش قدام بيتنا ما عرفتو ، المهم لظروف كتيره ما كان ممكن اقعد الا ايام العزاء 4 يوم بس المهم اليوم التالت وبعد رفع الفراش مباشرة .. اعمامنا وعماتنا قالوا لي انته غبته كتير وكتير من اعمامك وعماتك ماتوا ولازم تعزي فيهم قبل ما ترجع ، رغم انو انا اتحوطته للموضوع ده وكل الجه عزاني لو عندو زول مات ولا ما مات بقول ليهم البركه فيكم برضو ، وتاني يوم قدام كل الناس مشيت المقابر ورفعته الفاتحه على كل الميتين وقلته ليهم ده عزا كل الما حضرتهم ، المهم بعد اصرار قضيت اليوم الاخير من بيت لي بيت ، وطبعا الناس اتغيرت ما بعرفوني وما بعرفهم ، فاي زول بفتح الباب بقول ليهو الفاتحه ، في واحد من بيوت عماتنا فتحت الباب بت لابسه توب اتخيلتها بتهم كبرت فشلته معاها الفاتحه وسط دهشته ودهشت المعاي لافاجا بي انو دي الحبشيه الشغاله معاهم في البيت !!
اما عن المطار وانا مغادر فلن انسى اساءة ضابطة الجوازات عندما اخطات ودون قصد وقفت مع السودانيين في صفهم وبعد ما وصلتهم ولقت انو جوازي اجنبي قررت تديني اجمل تذكار للوطن اشيلو معاي وقفت وبي اعلى صوته نهرتني قدام الناس وودتني صف كل الواقفين فيهو صينيين ههههه ، وما انسى ما قالت : "انتو وكت بتمرقوا وتاخدوا جوازات اجنبية ، ما علموكم تقروا وتقيفوا في الصف الصاح" !!!
في انتظار ارجع تاني عسى ان تكون القادمه افضل من سابقته !
ــــــ
تابر
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: يحي قباني)
|
سلام يا سمارت ...
طبعاً حسابات النسوان في موضوع البكيات والمجاملات بيختلف شوية عن حسابات الرجال.
عشان كده، في إجازة بعد غيبة طالت شوية، إتفاجأت بكمية العزاءات المفروض أقدمها. لكن بعد وقفة شوية، حسبت إنو أنا برضو عندي ناس فقدتهم، وكل صاحب عزاء من المفروض إنو يقدم لي عزاء في فقيدي. فقمت شطبت دي مع دي، وقضيت إجازتي.
بس.
لكن بشكل عام ...... المجاملات مرهقة وبتمحق الإجازة.
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: ombadda)
|
تحياتي وسلامات عزيزنا عبداللطيف
Quote: يالله ياعاطف : هذا لا يحدث إلا في السودان !! تداخل في مشاعري بشكل غريب من هذه المداخلة
فلم أعرف سر دموعي وأنا يغالطني النوم هذه اللحظة : اهي دموع حزني لفقدكما العزيزين ، أم لشهامة الرجل يخدم عزاءكم بكبرياء مخافة أن يتخلف عن واجب كهذا ، أم فرحي لعودته إليك حزيناً يعيد المشهد من أوله ؟؟؟
أغلب ظني أنها دموع على هذا الوطن الفريد وعلى عظمته المعلقة فقط بهدب سجايانا التي خصنا بها رب العباد،،
رحم الله امواتنا أجمعين وغفر الله لهم وغفر لهذا الشعب الجميل!! |
تسلم إنت
وتسلم دموعك الغاليات
أياً كان سببها فهو غال وهو نفيس
قلت في أكثر من مناسبة وفي أكثر من بوست أن مظاهر الفاقة والعوز - بإيلامها الكبير - تزعجني خاصة إن لم يكن في اليد متسع لإزالة بعض منها
لكن يزعجني حد الإحباط أن تزول نتيجة لتلك الفاقة وذاك العوز عظمة وطننا ( المعلقة فقط بهدب سجايانا التي خصنا بها رب العباد،، )
رحم الله موتانا وموتاكم وموتى المسلمين
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: عاطف عمر)
|
Quote: يالله ياعاطف : هذا لا يحدث إلا في السودان !! تداخل في مشاعري بشكل غريب من هذه المداخلة
فلم أعرف سر دموعي وأنا يغالطني النوم هذه اللحظة : اهي دموع حزني لفقدكما العزيزين ، أم لشهامة الرجل يخدم عزاءكم بكبرياء مخافة أن يتخلف عن واجب كهذا ، أم فرحي لعودته إليك حزيناً يعيد المشهد من أوله ؟؟؟
أغلب ظني أنها دموع على هذا الوطن الفريد وعلى عظمته المعلقة فقط بهدب سجايانا التي خصنا بها رب العباد،،
رحم الله امواتنا أجمعين وغفر الله لهم وغفر لهذا الشعب الجميل!! |
نفس الحكاية يا عبد اللطيف غالبتني الدموع وأنا أقرأ قصة صديق عاطف
بالجد قصة معبرة جدا تختلط فيها كثير من المشاعر والخواص التي إختص الله بها أهل السودان.
الحمد لله علي السلامة إسمارت لكن غايتو أجر الزيارات والمجاملات راح مع البوست. ربنا يعوضك في إجازة قادمة
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: smart_ana2001)
|
عزيزنا أسامة البلال ... تسلم يا حبيب| Quote: و الله يا عاطف عمر و أسامة البلال حسستونى انى زولة كعبة بنقتى دى كلها. |
مافي كعوبية يا سمارت أبداً ... لكن الزمن الممحوق وظروفنا العجيبة مرات بتتقاطع مع حاجات هى عصب الحياة الإجتماعية لأهلنا في السودان ...
كوني بخير يا ستهم
______________
إنتي زااااتك أعفي لينا
إستلمنا البوست
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: عاطف عمر)
|
وأنا أقرأ قصة صديق عاطف تذكرت نكته قديمه عن العزاء والمجاملات الطاعمة يعنى دموع وقروش او حلا وحمار بفتح الحاء
واحد زوجته ماتت وبعدين عندوا واحد صاحبو من الغنيانيين شديد ديل ..
المهم صاحبوا ده ماجاهو الا بعد شهر من العزاء ...
جا وشال معاهوا الفاتحه وقال ليهوا دايرك بره ..
صاحبنا طلع معاهو وهو زعلان شديد جدا علي تاخره... فقام صاحبوا الغنيان طلع من جيبوا عشرة مليون جنيه واداها ليه
وبدا يقول ليه معليش يعني كنته مسافر بره وماسمعته بالخبر....
فقام صاحبنا مقاطعه وقال : ما يهمك ...والله البكا البكيتو ده مافي زول بكاهو
سلام وتحيه للجميع
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: SILVER MOON)
|
Quote: الناس ديل ( ناس بيتنا) انا اللي كلمتهم عن برنامج أغاني و أغاني
قبل حوالي سنتين بس. انا اللي قلت ليهم عن عوضية قبل 3 سنوات. و حتي الان
لا يعرفون شيء عن قندهار. و انا اللي قلت ليهم عن الطلبة اللي قتلوا في جامعة الجزيرة.. |
إن كان ذلك كذلك ففالج لا تعالج 
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: Hussein Mallasi)
|
عاطف عمر...البوست حقك يا اخى....اخد راحتك.
تسلم.
SILVER MOON
بكيات ناس الحلة ديل ما بيحل معاها ملايين الجنيهات (بالجديد)
تمشي من المطار او يلبس لوم لحدى ما تموت. بعين واعيييين, بيسللوك جيت السودان متين
ملاسي....كان مفروض اعزمك فى البيت تشوف الجماعة ديل. اولاد اخوانى فى الاساس(ثامنة و سابعة) قالوا ما سمعوا بحاجه اسمها "عقد الجلاد". و الله العظيم جد.
و امى فى الرسيفر بتاعها ما فى تلفزيون السودان. و يوم يكون حسن نصر الله (ايوه الواحد بتاع لبنان ده) عندو خطاب بيحرمونا الكلام.
المرة الجاية ح اجى القاها بقت شيعية...(ما عرفه اذا كانت حاجه كويسه ام كعبة)
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: smart_ana2001)
|
سلام يا سمارت
حمدا لله على السلامة وإن شاء الله لقيتي الجماعة كلهم كويسين. عارفة سودانيزأونلاين فعلا بتدينا معلومات كتيرة عن السودان الناس الجوة ذاتهم ما عارفنها لكن برضه بتخلق لينا صورة ما حقيقية عنه. نحن برضه ناس بيتنا عرفوا عوضية سمك عن طريقي... بتذكر حكيت قبل كدا قصة بيت الفنون لمن جيت ماري وشفت لي دفار بتاع شرطة قدامه أول ما وصلت البيت بديت أحكي للجماعة قلت ليهم الظاهر في مشكلة في بيت الفنون... الجماعة أحبطوني بسؤالهم بيت الفنون دا شنو؟ بكل شجاعة أدبية قلت ليهم بتاع فلان ياخي. فزادوني إحباطا على إحباط لما سألوني فلان دا منو كمان؟ مع كامل الاعتذار للإخوة في بيت الفنون لكن دي طبعا ما مشكلتهم هم.
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: smart_ana2001)
|
سلامات يا سمارت و مشتاقين و الله
شكلي وصلت البلد و بعديها بيومين انتي سافرتي
عندي مشكلة كبيرة في الاجتماعيات، سواء مع الاهل او المعارف، و بقدس الايام القليلة البقضيها في البلد وبحصر معظمها
في البيت مع الوالد و الوالدة والاخوة و الاخوات و بعض الاوقات الترفيهية الخارجية و التعليمية لياسين، زي المتحف القومي، و متحف التاريخ الطبيعي
لكن لمن تحصل مناسبة و انا موجودة هناك صعب الواحد ما يمشي، لووول
مثلا في ظرف الثمانية يوم القضيتها في الخرطوم اخر مره دي، توفي عم امي و تزوجت بنت عمي ووضعت صديقة لي، و دي براها تلاته ايام مختلفة
انا يظهر قررت اني اشيل اللوم و ما اكمل اليوم في الجري ورا المناسبات دي، و بنفس القدر لا احمل اي لوم لاي شخص في مناسباتي الخاصة
و السؤال التقليدي العام من بعض الاهل و الاصدقاء، انتي متدسية مالك؟ لووول
| |
|
|
|
|
|
|
|
|
|
Re: من وحي إجازة في الخرطوم، الناس دي عايشه كيف؟؟! (Re: Rihab Khalifa)
|
ان شاء الله قضيتى وقت ظريف فى الخرطوم. و خسارة كبيرة انى ما لاقيتك. المرة الجاية ان شاء الله.
حقيقى فكرة المتحف للاطفال دى فكرة عبقرية. ما عارفه اشكرك عليها كيف.
و الله انا ما قاعده الوم زول...و ما بعرف الوم حتى..... لكن بخاف الناس تلومنى.
اظنى بعد كده ح اعمل بطريقتك.....و لو فى زول لامنى...برسلوا ليك
| |
|
|
|
|
|
|
| |
smart_ana2001
ساميه حامد
Dr.Elsadig Abdalla
جلال جبريل
فتحي عباس نقد
ناذر محمد الخليفة
مدثر صديق
nazar hussien
جمال الباقر
عبد اللطيف السيدح
Hussein Mallasi
محمد البشرى الخضر
omer osman
Rawia
عاطف عمر
مريم بنت الحسين
رشا احمد
الخير محمد عوض
Aymen Tabir
يحي قباني
محمد أبوالعزائم أبوالريش
Elhadi
ombadda
أسامة البلال
SILVER MOON
Elawad
Rihab Khalifa
فيس بوك
تويتر
انستقرام
يوتيوب
بنتيريست