|
كتب الكاتب الفاتح جبرا المتوفرة بمعرض الدوحة
|
|
 Re: الهجرة شرقا .. في شنو في بورتسودان ؟؟ (Re: صلاح أبودية)
|
أمبارح سالت من الايجار لي يوم واحد 350 وسكن تعبان وبي مجازفه
سمعنا في ناس بتطلع من البيوت أيام راس السنه عشان يستفيدو من الايجار بتاع الكم يوم
للضمان كدا النادي العالمي بكون فيهوا التوب والتربيزه السنه المضت بي مليون اسي ما عارف كم ؟
ولجمهور الشوايقه عبدالقيوم الشريف والنصري السنه دي بهناك
تحياتي أبوديه
| |
 
|
|
|
|
|
|
|
|
Re: الهجرة شرقا .. في شنو في بورتسودان ؟؟ (Re: عصام مدنى)
|
Quote:
أمبارح سالت من الايجار لي يوم واحد 350 وسكن تعبان وبي مجازفه
سمعنا في ناس بتطلع من البيوت أيام راس السنه عشان يستفيدو من الايجار بتاع الكم يوم
للضمان كدا النادي العالمي بكون فيهوا التوب والتربيزه السنه المضت بي مليون اسي ما عارف كم ؟
ولجمهور الشوايقه عبدالقيوم الشريف والنصري السنه دي بهناك
|
عصام مدني
تحياتي وكل سنة وإنت طيب
التربيزة بي مليون ؟؟
فيها شنو التربيزة دي؟؟ لاحول ولا قوة إلا بالله
والشوايقة ديل بدل يعيدوا في البلد مع أهلهم برضوا جروا بي هناك !!!
في شنو يعني بالضبط كده يا عصام ؟؟
| |
|
|
|
|
|
|
|
|
Re: الهجرة شرقا .. في شنو في بورتسودان ؟؟ (Re: محمد إبراهيم علي)
|
Quote:
اوعى تكون قاصد ود القاضي هههههههههه
غايتو سؤال في شنو في بورتسودان حقو يجاوب لينا عليهو الطاهر ساتي لوووول
|
ود إبراهيم صورتك دي شكلها في محل الحدث !!!
عليك الله في شنو بي هناك ؟؟
بخصوص ود القاضي الزول ده قعد يجي متلب عديل كده وقدامو نجدة عديل كده !!!
| |
|
|
|
|
|
|
|
|
|
Re: الهجرة شرقا .. في شنو في بورتسودان ؟؟ (Re: محمد إبراهيم علي)
|
Quote: ههههههه
المكان الظاهر خلفي في الصورة ان شاء الله ما نوصل مرحلتو في بورتسودان
لانو باقي الصورة فيهو ناس توب لس topless هههههه |
والله وقعت يا ود إبراهيم !!
عارف في ناس في المنبر ده كان قروا مداخلتك دي والله ما يخلوك إلا تجيب ليهم باقي الصورة
إن شاء الله في الخاص !!
بالذات المسخوت قريبي ود بت أبودية !!
| |
|
|
|
|
|
|
|
|
|
Re: الهجرة شرقا .. في شنو في بورتسودان ؟؟ (Re: صلاح أبودية)
|
سلامات ياسعادتك
والله اخوك ضارب همبريب البورت لي تلاتة اسابيع
اخوك حريف بيجازف الاجازة السنوية كلها بي جاي
وبعدين اخوك مرضان بحر شايل سنارتي اليوم كلو ولافي
ودي السنة الخامسة عديل عشان اوريك كمان
الناس المهاجرة دي جاية بي فهم عجيب
واحد جا مفتكر انو القصة فيها بارات عدييييييل
لكن بيني وبينك الجو بيستاهل....
اها نحنا مخلين ليهم البورت وشايلين خروفنا ومارقين لابرة
ودا شغل مفتحين بس...
بجيك بالصور لو ربنا حيانا واللابتوب اتساهل معانا
شغالين من التلفون
تحياتي
| |
|
|
|
|
|
|
|
|
|
Re: الهجرة شرقا .. في شنو في بورتسودان ؟؟ (Re: Mohammed Awad)
|
طبنجة ..
كل سنة وإنت طيب
Quote: والله اخوك ضارب همبريب البورت لي تلاتة اسابيع
اخوك حريف بيجازف الاجازة السنوية كلها بي جاي |
بختك والله !
تصدق إنو أنا فى حياتى ما أخدت إجازة سنوية !!!
| Quote: وبعدين اخوك مرضان بحر شايل سنارتي اليوم كلو ولافي |
ياخ طيب نحن الريطة بتاعت جبل أولياء دى ما عذبتنا ..
ورينا المضارب هنا وين فى الخرطوم وفى بحرى !!
بعدين أعمل لينا بوست بتاع ناس السمك أو ناس البحر !
عشان نتعاون فى المضارب والمواسم ويمتد النشاط لغاية ما نعمل لينا نادى بتاع Fishing
ما قلت إنت فى إجازة !!
| |
|
|
|
|
|
|
|
|
|
Re: الهجرة شرقا .. في شنو في بورتسودان ؟؟ (Re: صلاح أبودية)
|
تلك المدينة التى ترقد كما الاميرة فى طرف ذلك البحر الاحمر
تتنهد حنيه ترقص طربا والفه يغرد النورس فى شواطيهاالمفعمه بالاندهاش يكسوها البحر الاحمر زفاف الشوق والحنيين.
مدينه يسكنها ابو امنه حامد وادريس الامير وافضل من كتب للغناء السودانى حسين بازرعه.
القهوة فيها لها طعم الكيف وكيف الجبنة حبه حب .
محارة/
وتانى راجع الكلام فى بورتسودان سمح شديد
هدندوى من دنقلا
| |
|
|
|
|
|
|
|
|
 Re: الهجرة شرقا .. في شنو في بورتسودان ؟؟ (Re: محمد البحر)
|
| Quote: بعدين أعمل لينا بوست بتاع ناس السمك أو ناس البحر !عشان نتعاون فى المضارب والمواسم ويمتد النشاط لغاية ما نعمل لينا نادى بتاع Fishing |
يا كمندان . سلامات وإن شاء الله تكون مشيت البورت ..؟
والله فكرة نادي الفيشن دي انا (شريكم) .. وطالما طبنجـة طلع حريف بتاع بحــر .. معناته تعبتو معاي ..
في واحدين طبعا في البورد دا قاعدين ساااكت .. نحن نشرك ليهم السمك ونقبضو ونجيبو ليهم والله ما ناقشين ابو النوووم ..
..
غايتو يا كمندان مع احترامي لي بورسودان وراس السنة في بورسودان ..
لكن بورسودان دي قضيت فيها اسواء أربعة ايام في حياتي .. مع اني زول بحـر وموية ..
اربعة ايام سخانه شديدة .. ورطوبـة الف .. (وضبــان) .. ودا كلو والدنيا رمضان ..
اضف لذلك ..
كان متلحني ليك غــراب .. ما ليهو اي علاقة بالغراب النبيه ..
غراب خاتيني في راسـو كدا بس .. بيجيني بالضهرية وانا بفتش للنوم بالفتاشة .. ويسوي لي نوم الديك في الحبــل .
المهم ..
تاني بورسودان لو جابوها لي هنا دا + جابو لي معاها باقي الصورة حقت باشمهندس محمد ابراهيم + طربيزة فيها اي حاجة بتاعت راس سنة .. دا طرفي يا سيادتك ..
| |
|
|
|
|
|
|
|
|
|
Re: الهجرة شرقا .. في شنو في بورتسودان ؟؟ (Re: tmbis)
|
تمبس !
تعود الأيام ياخ وبركة بالشوفة ..
| Quote: يا كمندان . سلامات وإن شاء الله تكون مشيت البورت ..؟ |
البودينى شنو البورت يا تمبس ..
إنت ما عارف ناس الخرطوم بعملوا شنو فى المناسبات الزى دى ؟؟
| Quote: والله فكرة نادي الفيشن دي انا (شريكم) .. وطالما طبنجـة طلع حريف بتاع بحــر .. معناته تعبتو معاي .. |
والله أنا جادى ..
ونكون بذلك سبقنا غيرنا فى إنشاء أول نادى للفيشين فى السودان !
أو على الأقل متابعة أنشطة صيد الأسماك الرياضى بطريقة مدروسة وعكس تلك الأنشطة
Quote: غايتو يا كمندان مع احترامي لي بورسودان وراس السنة في بورسودان ..
لكن بورسودان دي قضيت فيها اسواء أربعة ايام في حياتي .. مع اني زول بحـر وموية ..
اربعة ايام سخانه شديدة .. ورطوبـة الف .. (وضبــان) .. ودا كلو والدنيا رمضان ..
اضف لذلك ..
كان متلحني ليك غــراب .. ما ليهو اي علاقة بالغراب النبيه ..
غراب خاتيني في راسـو كدا بس .. بيجيني بالضهرية وانا بفتش للنوم بالفتاشة .. ويسوي لي نوم الديك في الحبــل .
المهم ..
تاني بورسودان لو جابوها لي هنا دا + جابو لي معاها باقي الصورة حقت باشمهندس محمد ابراهيم + طربيزة فيها اي حاجة بتاعت راس سنة .. دا طرفي يا سيادتك .. |
شكلك مشيت فى الوقت الغير مناسب !
شايف الناس مركزين على الشتاء وأيام المهرجانات ..
كده جرّب وقارن !!
| |
|
|
|
|
|
|
|
|
|
Re: الهجرة شرقا .. في شنو في بورتسودان ؟؟ (Re: محمد البحر)
|
الأخ محمد البحر ..
كل سنة وإنت طيب
Quote: تلك المدينة التى ترقد كما الاميرة فى طرف ذلك البحر الاحمر
تتنهد حنيه ترقص طربا والفه يغرد النورس فى شواطيهاالمفعمه بالاندهاش يكسوها البحر الاحمر زفاف الشوق والحنيين.
مدينه يسكنها ابو امنه حامد وادريس الامير وافضل من كتب للغناء السودانى حسين بازرعه.
القهوة فيها لها طعم الكيف وكيف الجبنة حبه حب . |
يازول إنت هيمان عديل كده !
بختك بى عروس البحر !
دى خطيرة والله !
برضو عندى واحد صاحبى دنقلاوى من كسلا !!
| |
|
|
|
|
|
|
|
|
 Re: الهجرة شرقا .. في شنو في بورتسودان ؟؟ (Re: صلاح أبودية)
|
سلامات عوافي
البورت مدينة في الخاطرفقد اصبحت سياحية بحق وفيها كل المشتهي ..
درجنا انا والصحاب ان نكون كل عام هناك ولكن ليس بايام الزحمة فغالباً نكون قبل يوم 1 - 1 او بعده بايام
واوريك ليه الناس بتمشي بورتسودان حسب رؤيتي لها :
طرق مسفلته بكل الشوراع العامة وكذلك الفرعية وبداخل الاحياء ..والعمران اصبح قريباً من الخرطوم في الاحياء ..
والاجواء باذخة الجمال تبتدي بالشبورة وانت تقطع العقبة دخولاً الي البورت وتحضك علي اللف بكل المدينة مرتجلاً لان الشمس تتاوق فقط بين السحب التي تطوق السماء
والايجارت معقولة نوعا ما وارخص من الشقق في الخرطوم ..
فايجار الشقة يتراوح مابين 60 الي 80 جنية .. والاسعار دي قبل الزحمة طبعا لانها بتحصل 500 او 600 جنية .. والاسعار دي للشقق اما الفنادق فسعرها اكثر ان كنت ترغب بفندق من جيد وهناك شقق الفيروز اليوم فيها بمبلغ 250 جنية قبل الزحمة ايضاً ..
والمواصلات متوفرة وكذلك التاكسي الفاخر الذي لايشبه تاكسي الخرطوم ابداً لا من الشكل ولا من التعامل .. مايكون هنا في تكاسي عشان تجيني طوبة طايرة :)
الشاطئ الممتد علي طول المدينة او كما يسمونه البيتش .. وهناك بيتش خور كلاب وبيتش السيلي لاند والذي تقام فيه المهرجانات السنوية .. مثل مهرجان السياحة الذي يستمر لمدة 3 شهور ..
واثناء هذا المهرجان تكون الحفلات علي الهواء الطلق بكل الفنانيين بمختلف السحنات واللهجات ببلادي .. وكلها مجان لا قرش لاتعريفة ..
- واما رؤية الشعب المرجانية فهو شئ يفوق وصف الخيال للمتعة التي تجنيها من ذلك .. هناك مراكب خاصة مخصصة لذلك وبارضيتها زجاج لرؤية الشعب المرجانية بعد ان يبحر بك الي عرض البحر الاحمر حوالي كيلو او كيلوين من الشاطئ .. والابحار بمثل هذه القوارب وحده فيه العجائب .. مرات شئ بكاء من البنات وكنكيش في الزول الجنبك من تمائل القارب الصغير عند تلاطم الامواج به .. والعجب لامن تكون معاك عروس وعريس .. عينك ماتشوف نفر واحد بس مرة لابس توب ومرة بنطلون وقميص ( ده كلو خوف قالو )
- جزيرة سنكليب .. وتبعد حوالي 5 او 6 كيلو وتربط في عرض البحر الاحمر وبها العجب العجاب .. والدخول اليها يتم بتصريح ..
- عروس .. سياحة مابعدها من سياحة وجمال يضاهي كثير من الاماكن العالمية .. اكان ما الحفلات والغناء البايخ داك الملازم للرحلات كانت حا تكون جنة لما تمشي ليها :)
- منطقة الكيلو .. هناك تجد كل محبي صيد الاسماك وانا منهم .. عبارة عن لسان يمتد الي داخل البحر بعرض 8 او 10 متر .. وبجانبه العرايش او الرواكب قرابة البحر وهي ملك للاسر وتجي اليها بايام الجمعة والسبت ..
- اما اركويت .. تشبه اجواء اسمرا التي احبها جدا ولا ازيد ..
غايتو اعفو لينا البري الكتير ده بس حبيت ادي الناس فكرة عن بورتسودان
مع ودي
واحترامي
| |
|
|
|
|
|
|
| |
صلاح أبودية
محمد إبراهيم علي
سيف اليزل برعي البدوي
Mohammed Awad
محمد البحر
tmbis
محمد عوض السيد
فيس بوك
تويتر
انستقرام
يوتيوب
بنتيريست