|
|
 بكري شغال تخفيضات سااااي ..
|
زمان ..
زمن الزمن زين ..
و جوز الباندويث تلانة فردتين ..
كانت صفحة البوست بمية مداخلة ..
و لما النفوس تتطايب الصفحة تشبا مية و خمسين ..
بعد شويتين كدة ..
قام الريس عمل تخفيضات ..
البوست أربعين مداخلة ..
و الدقة بلاش ..
|
|
  
|
|
|
|
|
|
|
|
Re: بكري شغال تخفيضات سااااي .. (Re: عصام دهب)
|
* هذا موسم الأوكازيون ..
يا عدس و ريفولي و صيدناوي ..
و بنزايون ..
يا عمر أفندي ..
و يا كل من سكن أم الدنبا ..
با رفيق ..
كم شهد البترينات تتزين ..
في ديسمبر ..
و الصقط ..
و الجيب المقعد..
لا يجلب حتى ..
( راس العبد ) ..
*( بالقرب من قدلاشوفا/ كانون الأول 2012م )
| |
|
|
|
|
|
|
|
|
|
Re: بكري شغال تخفيضات سااااي .. (Re: عصام دهب)
|
اليوم دخلت المنبر ..
وجدت الريس لا شريك له ..
و هو ينفذ تخفيضاته ..
لتصبح الصفحة فقط ..
بعشرين مداخلة ..
أمهن و أبوهن 20 ..
و اللي ما يتداخل يتفرج ..
و الفرجة ملح ساكت ..
أو كما قال يا بلاش ..
( شُمي ساكت ) ..
| |
|
|
|
|
|
|
|
|
|
Re: بكري شغال تخفيضات سااااي .. (Re: عصام دهب)
|
ده إسمو رفقاً بالناس العندها إنترنت عاضي
يعني بوست فيهو مية مداخلة مايقدروا يطالعوا إلا نصفها
ولو حاولو يفتحو يوتيوب ووب ثم وووب
بكري نصير الغلابة (تلج للطيش)
-
يامان انا شبكتي مربوطة بالجبل
الف صفحة ما مشكلة
| |
|
|
|
|
|
|
|
|
|
Re: بكري شغال تخفيضات سااااي .. (Re: حيدر حسن ميرغني)
|
حنينا الذي في السقف ..
Quote: ده إسمو رفقاً بالناس العندها إنترنت عاضي
يعني بوست فيهو مية مداخلة مايقدروا يطالعوا إلا نصفها
ولو حاولو يفتحو يوتيوب ووب ثم وووب
بكري نصير الغلابة (تلج للطيش) |
طيب ليه يا حنين الناس العندها نت عاضي ديل ما ياكلوا ( جاتوه ) ..
ياخي بكري دة مش كفاية عليهو أنو فاتح لينا الحوش دة تكية ؟؟
نحنا مفروض بكري دة ندفع ليهو إشتراكات ؟؟ ( دة التلج الحااار )
و أي زول يجيء يتداخل مفروض يجيب معاهو الباندويث حقو من البيت ..
ـ
أنزل من الجبل دة الصقط جا ..
و تعال ( روس ) معانا في مكة ..
| |
|
|
|
|
|
|
|
|
|
Re: بكري شغال تخفيضات سااااي .. (Re: عصام دهب)
|
سلام يا مولانا ...
Quote: زمان ..
زمن الزمن زين ..
و جوز الباندويث تلانة فردتين ..
كانت صفحة البوست بمية مداخلة ..
و لما النفوس تتطايب الصفحة تشبا مية و خمسين ..
بعد شويتين كدة ..
قام الريس عمل تخفيضات ..
البوست أربعين مداخلة ..
و الدقة بلاش .. |
بكري مفروض يعمل تخفيضات أكثر من كدة، وذلك لمُساعدة أصحاب سرعات الإنترنت الضعيفة ...
وأرى أن تكون صفحة عرض الموضوع لا تتعدّى الـ 15 مُداخلة ...
وأيضاً صفحة عرض المواضيع في الأقسام لا تتعدّى الـ 60 موضوع ...
وبرضو إعادة تحجيم الصورة الرمزية (صورة البروفايل) إلى حجم صغير كما كانت قبل أيام ...
ويُمكن للزملاء عمل ذلك من تلقاء أنفسهم برفع صور بروفايل بعد تصغيرها لحجم الظهور السابق وهو 140 بيكسل للعرض و 170 بيكسل للطول
وحتى لا يحصل تمدّد في عرض الصفحة أتمنى أن يضبط عرض الإعلانات الصورية العُليا على مقاس الشاشة 1024 × 768 وهذا المقاس شائع الاستخدام في الكمبيوتر المكتبي في الوقت الراهن ...
| |
|
|
|
|
|
|
|
|
 Re: بكري شغال تخفيضات سااااي .. (Re: Rawia)
|
وعليكم السلام ...
Quote: بالمناسبة دي بيجيكم إعلان في أول مداخلة؟؟
|
أيوة .. ومرّات بجهجه باكاتنا :)
ـــــــ
أمس دخلت على بوست تعزية .. ما عرفت ذاتو أعزّي منو ؟ صاحب العزاء ولاّ طارق جبريل 
| |
|
|
|
|
|
|
|
|
|
Re: بكري شغال تخفيضات سااااي .. (Re: Rawia)
|
سلام يا راوية ..
| Quote: بالمناسبة دي بيجيكم إعلان في أول مداخلة؟؟ |
بالمناسبة دي أنا بشكر الإعلان الجابك للبوست دة ، من زمان ما شفناك ..
| Quote: سمدللا على الحلامة |
جزلاً شكيراً .. الله يحلدمك ..
| |
|
|
|
|
|
|
|
|
|
Re: بكري شغال تخفيضات سااااي .. (Re: صبري طه)
|
سلام يا صبري ومرحبابك ..
Quote: بكري مفروض يعمل تخفيضات أكثر من كدة، وذلك لمُساعدة أصحاب سرعات الإنترنت الضعيفة ...
وأرى أن تكون صفحة عرض الموضوع لا تتعدّى الـ 15 مُداخلة ...
وأيضاً صفحة عرض المواضيع في الأقسام لا تتعدّى الـ 60 موضوع ...
وبرضو إعادة تحجيم الصورة الرمزية (صورة البروفايل) إلى حجم صغير كما كانت قبل أيام ...
ويُمكن للزملاء عمل ذلك من تلقاء أنفسهم برفع صور بروفايل بعد تصغيرها لحجم الظهور السابق وهو 140 بيكسل للعرض و 170 بيكسل للطول
وحتى لا يحصل تمدّد في عرض الصفحة أتمنى أن يضبط عرض الإعلانات الصورية العُليا على مقاس الشاشة 1024 × 768 وهذا المقاس شائع الاستخدام في الكمبيوتر المكتبي في الوقت الراهن ... |
الكلام دة يا بكري شكلو كلام زول متخصص و خبير أجنبي عدييل كدة ..
و مع إني ما قادر أستوعب قصة صفحة من 15 مداخلة دي لكن طالما بتسهل الأمر على الكثيرين فمراحب ..
رغم إنو أحياناً الخمستاشر مداخلة الأولى بتكون سلام و تسخينة ساااكت ..
و بالنسبة لصور الزملاء يا صبري فأنا لا أؤيد إقتراحك رغم وجاهته ، لكني و ترشيداً للباندويث أقترح إنو الزملا و الزميلات يتصورو صورة جماعية و كل واحد يختها في بروفايله و يأشر على نفسه بعلامة ( × ) عشان نعرفه كويس ..
و إذ أستعصى الأمر فأقترح نعمل رايحين ..
ـ
و لك تقديري
| |
|
|
|
|
|
|
|
|
|
Re: بكري شغال تخفيضات سااااي .. (Re: عصام دهب)
|
الحبيب عصام دهب ..
فعلا انت لو فتحت الموقع بياخد زمن والأدهى والأمر لو فتحت بوست فيهو صورة ولا اتنين ..
عشان كدة تحديد عدد المشاركات في الصفحة مفيد جدا في تقديري ..
ويا ريت لو الباشمنهدس بكري كمان شال لينا الاعلان الفي الجانب الشمال ده ..
مزعج ياخ ..
_________
تصدق ! انت من يوم ما عمل فك تسجيلات وبوستاتك بقت فيها نكهة حلوة ..
خليك كدة .. كدة كويس ..
| |
|
|
|
|
|
|
|
|
|
Re: بكري شغال تخفيضات سااااي .. (Re: هشام كمال عبادي)
|
سلام يا عصام وسلامات لضيوفك
Quote:
ويا ريت لو الباشمنهدس بكري كمان شال لينا الاعلان الفي الجانب الشمال ده ..
مزعج ياخ ..
|
بالأمس فتحت بوست بعنوان لعناية بكري ابوبكر بخصوص الإعلان البظهر
في الجانب الشمال ده لكن البوست اتلحس في دقائق وهسه البوست
ده ذاتو الله يستر عليهو ويظهر انه بكري لسه نايم
| |
|
|
|
|
|
|
|
|
|
Re: بكري شغال تخفيضات سااااي .. (Re: elsawi)
|
يا حبيب سلام ليك و لضيوفك الكرام
التخفيضات لعدة اسباب منها المعلن و هى ادناه و التقيل جاى قدام
علشان تظهر فى سيدنا قوقل بعد دقائق بصورتك الواضعها فى بروفايلك لازم تتدخن و تتريح وكمان تتكبرت لو فى طريقة شوف ادناه
و لو عاوز تظهر فى اخبار قوقل يفضل تكون لابس بدلة او عمة بطاقية حمراء ذى حقت الرعاة..... البلبسوها اهلنا فى كردفان ......
اما سيدنا الباندوث ده الحش الحقيقى بخليك عامل ذى الراجل الاقتصادى البقفل الانوار و المكيفات الفاتحه فى البيت بدون سبب لانها حا ترفع فاتورة الكهرباء .....و دا حسابو غالى بعد تفوت الاستهلاك المسموح ليك كل شهر و علشان ما يقولوا بكرى بمن علينا ممكن تبحث عن الموضوع ده فى سيدنا قوقل
وسلام جاكم و التقيل جاى قدام
| |
|
|
|
|
|
|
|
|
|
Re: بكري شغال تخفيضات سااااي .. (Re: محمد البشرى الخضر)
|
والله يا بكري مداخلتك دي استغلقت علي خالص
يعني الحاجات بقت غالية ولا في جهات تانية بتسرق جهد المنبر عشان كدا محتاج تأمين قوي وإنقاص المداخلات دا بساعد في الشغلانية دي والله كيف
اشرح لينا
أنا غايتو التصفح بقى لي خفيف خلاص وهو المطلوب
| |
|
|
|
|
|
|
|
|
|
Re: بكري شغال تخفيضات سااااي .. (Re: عبدالرحمن إبراهيم محمد)
|
سعادة البروف / عبد الرحمن ..
لكم عاطر التحايا و منتهى التبجيل ..
Quote: ثقل التحميل على الصفحات ناجم عن الأعلانات الزايدة عن اللزوم
خاصة الاوديو والفيدو واللى هو فى نفس الوقت بخرب على الناس
سماع المواد الصوتية والفيديو فى المشاركات. ودايما يفاجئك
بإزعاج مبالغ فيه لناس البيت خاصة لامن الناس تكون
نامية. والله الواحد بقى يتردد عديل قبل مايدخل الموقع.
ياخى نحنا عارفين ضرورة الإعلانات، لـكين بحدود ياخى!
بعدين ياخى حقو ماتقبل أى إعلان يكون مصدره
محمله بالكوكيز والتروجانز. ياخى أنا فى يوم ولمدة
ساعة وربع فقط من التصفح فلاترى قابضا ليها 117 كوكى و13 تروجانز
ثلاثة منهم خطيرة وممكن تخرب عليك الهارد درايف
واللا اللوجك بورد كمان. بعدين دى بتدى الهاكرز فرصة للدخول.
كمان الإعلانات الصوتية دى نتائجها عكسية للغاية فى مواقع
النقاش والمداخلات والبيكون فيها فيديو وأوديو فى
المشاركات. بيعاكس وبيزعج حتى المشاركين بالكتابة
بتفكير ومنطق.
الله يرضى عليك ياخى ولمصلحة مستقبل البورد
راجع أستراتيجيات التسويق عشان ماتضايق
الأعضاء والمطلعيين بعدين نسبة المشاهد تقل
ودا بخلى المعلنين يعيدوا النظر. |
دة الكلام الما خمج ..
و دي النصائح البتريح المنبر دة في حنانو ..
و يا بكري المداخلة بتاعت البروف و نصايحو دي يتعين عليك أن تنفذها و إنت مغمض ..
شكراً يا بروف على مجيئك إلى هنا و على هذه النصائح الملح ..
و لك المحبة و الإحترام ..
| |
|
|
|
|
|
|
|
|
|
Re: بكري شغال تخفيضات سااااي .. (Re: Rawia)
|
| Quote: إنقاص المداخلات دا بساعد في الشغلانية |
و الله يا حبيب دى لو عملتها ....اى من 30 الى 10 حا يقولوا بكرى دكتاتورى و , و, .... الخ لكن لو اضطريت مافى حل غيرها ودا من التقيل.........
| Quote: مابيقول لي راجل تتكبرت وتتدخن |
يا حبيبة ما تحكيها شديد لو سيدنا قوقل بشم ما حا يعرف دخانا و كبرتتنا لانها معروفة فقط فى السودان ....و كمان الدخان له فوائد عدة للرجال اتمنى ان تعملى لينا بوست او بحث بهذا الموضوع
| |
|
|
|
|
|
|
|
|
|
Re: بكري شغال تخفيضات سااااي .. (Re: ABUHUSSEIN)
|
| Quote: أمس دخلت على بوست تعزية .. ما عرفت ذاتو أعزّي منو ؟ صاحب العزاء ولاّ طارق جبريل |
تليشة:
الذ حاجة في البوست دة ريحة الكبرتة الطلقها بكري دي
ريحتني في حناني
والله مع القيامة الما قامت دي حقو الزول يرسل ليه كرتونة طلح
| |
|
|
|
|
|
|
|
|
|
Re: بكري شغال تخفيضات سااااي .. (Re: طارق جبريل)
|
Quote: الذ حاجة في البوست دة ريحة الكبرتة الطلقها بكري دي
ريحتني في حناني
والله مع القيامة الما قامت دي حقو الزول يرسل ليه كرتونة طلح |
يا مسخوت إنت في سودانيز أون لاين ... مافي الفيس بوك ...!!!!!
| |
|
|
|
|
|
|
|
|
|
Re: بكري شغال تخفيضات سااااي .. (Re: حيدر حسن ميرغني)
|
Quote: صدقني يا ابو حسين طارق ده بكون باسويردو بتاع الفيس بوك وسودانيز اونلان والتويتر والايميلات وشنط السفر كوووولها واحد
عشان كده بيدقش على هواه |
المشكلة لم إقرأ الحاجات دي بنسى نفسو ... و بجي داقش ساااااااااااااااااااااكت
و الله في الصقط دا إلا إحضن الدفاية .....
| |
|
|
|
|
|
|
|
|
|
Re: بكري شغال تخفيضات سااااي .. (Re: حيدر حسن ميرغني)
|
Quote: صدقني يا ابو حسين طارق ده بكون باسويردو بتاع الفيس بوك وسودانيز اونلان والتويتر والايميلات وشنط السفر كوووولها واحد
عشان كده بيدقش على هواه |
يا حبيب قيامة المايا وأبت تقوم
خلينا ناخد لينا «كبة»
| |
|
|
|
|
|
|
|
|
|
Re: بكري شغال تخفيضات سااااي .. (Re: طارق جبريل)
|
تلغرافات سريعة و الدنيا عندنا عيد و اجارة و الناس سعيدة
Quote: بخصوص الإعلان البظهر
في الجانب الشمال ده |
يا حبيبنا الصادوى يا دفعة
فقط تم تغير مكان الاعلان من فوق و قلبه لى تحت و تغير مكان التلفزيون مافى اى تغير ....ساعدنا بلبس النظارة
دكتورنا و حبيبا عبد الرحمن
الاعلانات سيدنا قوقل البتحكم فيها و على ما اظن وقفوا الاعلانات الصوتية ....غايتو حا اكلم ناس قوقل
| Quote: اها واسي بكري دا يشكوه لمنو كمان |
حبيبنا ود البشرى
اشتكيه لعبد الغفار الشريف بعد تنزل من مطار الخرطوم طوالى لمكتبه فى شارع المطار و لو ما لقيته هناك بتلقاه فى مكتبه الجنب موقف شندى
| Quote: حقو الزول يرسل ليه كرتونة طلح |
حبيبنا طارق
يا اخوى المغرب دى فيها طلح و لا دى عزومة مراكبية ساكت ....يا اخوى الطلح السمح فى ابى روف بامدرمان...و لو مصر ترسله رسله ب DHL
| |
|
|
|
|
|
|
|
|
|
Re: بكري شغال تخفيضات سااااي .. (Re: بكرى ابوبكر)
|
Quote: حبيبنا طارق
يا اخوى المغرب دى فيها طلح و لا دى عزومة مراكبية ساكت ....يا اخوى الطلح السمح فى ابى روف بامدرمان...و لو مصر ترسله رسله ب DHL |
و الله يا بكري من ما غيرت صورتك بقيت ما ياكا........
| |
|
|
|
|
|
|
|
|
|
Re: بكري شغال تخفيضات سااااي .. (Re: بكرى ابوبكر)
|
والله الليلة ارهقتوا الريس بكري ابو بكر عدييييييييييييل كدا 
3 مداخلات في بوست واحد .. موووبالغة ياخ
Quote: حبيبنا ود البشرى
اشتكيه لعبد الغفار الشريف بعد تنزل من مطار الخرطوم طوالى لمكتبه فى شارع المطار و لو ما لقيته هناك بتلقاه فى مكتبه الجنب موقف شندى
|
اوسكار 1
Quote:
حبيبنا طارق
يا اخوى المغرب دى فيها طلح و لا دى عزومة مراكبية ساكت ....يا اخوى الطلح السمح فى ابى روف بامدرمان...و لو مصر ترسله رسله ب DHL |
أوسكار 2
تضامنوا مع طارق جبريل في محنته
الريس النقة في الأمور الفنية دي لو قعدته تكورك لغاية بعد باكر
ماف زول حيقول ليك أوكي خلاص فشنو أعمل ما تراه هو الأصلح .. والله صحي
تحياتي
| |
|
|
|
|
|
|
|
|
|
Re: بكري شغال تخفيضات سااااي .. (Re: الامين موسى البشاري)
|
Quote: حبيبنا الامين
والله خايف اعمل ل حبيبنا ABUHUSSEIN مداخلاته عشرة فى اليوم يقوم يجى يغتالنى فى اريزونا |
مالك بقيت زي البرالمة تحشر مداخلتك في نص البوست .....
و البخوفك شنو ...؟؟؟
أبو حسين دا ما كان الحيطة المايلة كل ما تكون زهجان تشوتو بالشهور ...
عشرة مداخلات دي حمى خفيفة ...
| |
|
|
|
|
|
|
|
|
|
Re: بكري شغال تخفيضات سااااي .. (Re: حيدر حسن ميرغني)
|
يابكري أنا الدخان في النسوان عندي فيهو راي
تقول لي رجال
بري يايمة أضان بها ومحمد طرشة
______
الدخان أبو من غير إيحاء جنسي وكونه مقدمة لفعل محدد للبشرية
مفيد وكويس ومريح للعضلات ويخلص الجسم من كل المواد الضارة
بس مين يقدر يغير المفاهيم
____
زول بالله ياخد لي صورة وأنا بدردش مع بكري
| |
|
|
|
|
|
|
|
|
|
Re: بكري شغال تخفيضات سااااي .. (Re: ABUHUSSEIN)
|
يا اخوى المغرب دى فيها طلح و لا دى عزومة مراكبية ساكت ....يا اخوى الطلح السمح فى ابى روف بامدرمان...و لو مصر ترسله رسله ب DHL
...........................................................................................................................
يا زول ابروف شنو
الطلح هنا في غبيرا ( من غابات وداي الدواسر )
الكمدة بالرمدة
بكري راجع الخاص
| |
|
|
|
|
|
|
|
|
|
Re: بكري شغال تخفيضات سااااي .. (Re: ود الباوقة)
|
| Quote: وش البامية ما ياهووو |
وتانى جابو سيرة الطلح
يا جماعة نحن ما صدقنا انو الاعلان دا فاقد الصلاحية الاستخدامية الادمية
حيث قريبى فى اللستك ( الاثنتك ) صاحب هذا الوش ـــ و ــــــ.........
بوردابى عتيق من ايام مركز الاهرام للدراسات السياسية الاستراتيجية وموقع سودانيز اون لاين
( ندوة تحدث فيها بكرى ابو بكر )
نرجو سحب الاعلان المنتهى الطلاحية ووضعة فى سلة مهملات الاصلاحية ولاجل غير مسمى
دمتم ولكم الشكر مع مراعاة ضبط المفردات فيما جاء من تدخين و(الجسم السليم فى العقل السليم )
قاسم المهداوى
خارج النص
طارق جبريل متعهد طلحززز
ولا كــــــــــــيف ؟؟؟؟
| |
|
|
|
|
|
|
|
|
|
Re: بكري شغال تخفيضات سااااي .. (Re: بكرى ابوبكر)
|
سلام يا ريس ..
و نحن الفشوش و انت سيد الحوش ..
| Quote: علشان تظهر فى سيدنا قوقل بعد دقائق بصورتك الواضعها فى بروفايلك لازم تتدخن و تتريح وكمان تتكبرت لو فى طريقة شوف ادناه |
وحقيقة لا أعرف ما حدث لك ، كأنما اختطفتك قوىً وجعلت منك طبشيراً تكتب به ، و تجعلك تلزمنا بـ ( الريحة ) و ( الدخان ) و ( الكبرتة ) !!
ومع ذلك ..
و النعمة يا ريس إنت زول كويس ..
و جيتك هنا دي تستاهل يضبحوا ليها بوست و يخوروهو عديييل كدة ..
و| Quote: لو عاوز تظهر فى اخبار قوقل يفضل تكون لابس بدلة او عمة بطاقية حمراء ذى حقت الرعاة..... البلبسوها اهلنا فى كردفان ... |
بدلة و عمة و طاقية حمرا دي ما ظنيتها تلفق مع الحاجات الفوق دي .. غايتو للضمان كدة أنا بقترح ( كلوش ) و اللا ( فركة فرمصيص ) ..
| Quote: اما سيدنا الباندوث ده الحش الحقيقى بخليك عامل ذى الراجل الاقتصادى البقفل الانوار و المكيفات الفاتحه فى البيت بدون سبب لانها حا ترفع فاتورة الكهرباء ..... |
و أنا يا دوب فهمت انو الناس الاتحدد ليهم عدد مداخلات محددة في اليوم ديل ناس كهربتهم عالية شوية ..
| Quote: علشان ما يقولوا بكرى بمن علينا ممكن تبحث عن الموضوع ده فى سيدنا قوقل |
حاشاك من المن يا ريس و انت فاتحو حوش و تكية .. علا نحنا ضيوف لميضين
| Quote: وسلام جاكم و التقيل جاى قدام |
و سلام يغشاك و المعاك ، إلا البوست التقيل البقلا ياتوو ؟؟..
| |
|
|
|
|
|
|
|
|
|
Re: بكري شغال تخفيضات سااااي .. (Re: elsawi)
|
سلام يا الصاوي و مرحبابك ..
Quote: بالأمس فتحت بوست بعنوان لعناية بكري ابوبكر بخصوص الإعلان البظهر
في الجانب الشمال ده لكن البوست اتلحس في دقائق وهسه البوست
ده ذاتو الله يستر عليهو ويظهر انه بكري لسه نايم |
الغريبة يا الصوي بكري جاء داخل بعدك على طول و البوست ما أتلحس ..
لكن أريتو لو أتلحس ياخي .. و أريتو كان بكري كان نايم ..
| |
|
|
|
|
|
|
|
|
|
Re: بكري شغال تخفيضات سااااي .. (Re: هشام كمال عبادي)
|
سلام للحبيب هشام ..
Quote: فعلا انت لو فتحت الموقع بياخد زمن والأدهى والأمر لو فتحت بوست فيهو صورة ولا اتنين ..
عشان كدة تحديد عدد المشاركات في الصفحة مفيد جدا في تقديري ..
ويا ريت لو الباشمنهدس بكري كمان شال لينا الاعلان الفي الجانب الشمال ده ..
مزعج ياخ .. |
حقيقة يا هشام أنا لاحظت زيادة في سرعة فتح الصفحات بعدتقليل عددها ..
و لكن ألاحظ أيضاً أن تقليل عدد المداخلات بيزيد من عدد الصفحات خاصة للبوستات القديمة و بتكون طويلة و مملة ..
و مع ذلك فأنا مع التحديث و تقليل عدد المداخلات في الصفحة و بالنسبة للإعلان فهو ضروري جداً لدعم وجودنا ( البلوشي ) هنا لكن آمل أن يتم وضعه بصورة مناسبة و غير مزعجة ..
Quote: تصدق ! انت من يوم ما عمل فك تسجيلات وبوستاتك بقت فيها نكهة حلوة ..
خليك كدة .. كدة كويس .. |
دي عين الرضا بس يا هشام..
لكن البوست دي بالذات لو فيه نكهة حلوة بيكون عشان فيهو إسم بكري ( شايف كسير التلج الصاح ) ..
| |
|
|
|
|
|
|
|
|
|
Re: بكري شغال تخفيضات سااااي .. (Re: محمد البشرى الخضر)
|
Quote:
يا حبيبنا الصادوى يا دفعة
فقط تم تغير مكان الاعلان من فوق و قلبه لى تحت و تغير مكان التلفزيون مافى اى تغير ....ساعدنا بلبس النظارة
|
هسه عليك الله المحتاج نظارة منو؟
Quote:
اما سيدنا الباندوث ده الحش الحقيقى
|
ايوة كده ياخي انداح وفكها شوية
لكن بيني وبينك الكلمة دي اوع تستعملها في السودان
والله حا يضحكوا عليك وحا يعرفوك ما عايش في السودان
واكب يا باشمهندس واكب الطب اتطور ياخ
| |
|
|
|
|
|
|
| |
عصام دهب
حيدر حسن ميرغني
Rawia
هشام كمال عبادي
elsawi
بكرى ابوبكر
محمد البشرى الخضر
حمد عبد الغفار عمر
عبدالرحمن إبراهيم محمد
ABUHUSSEIN
طارق جبريل
محمد إبراهيم علي
الامين موسى البشاري
غباشي
قاسم المهداوى
خالد عبد الله محمود
فيس بوك
تويتر
انستقرام
يوتيوب
بنتيريست