|
|
|
 Re: غنّيتي ما رقص الوطن!! فجاج حروف مبتلّه !! (Re: حسين يوسف مكى)
|
مرقتَ خترتَ
من كتر الوساوس
جور
ولا ركّت فراشة
الفرحة فوق
طرف الخميلة حضور
زمن تريان محنه وشوق
تتقابص مرايا اللهفة
على بروازا
اساها تروق
ولا شمس الحنين
فى شروق
على موجا تسوقو
الضفة
يوم إحرد براهو النيل
ترف عين
الجروف ياداب
دمعاً للترابلة يسيل
يفج الليل مساماتو
تتبخترلو كم نجمه
وعليهو تميل
و دارات عرضة
تتكتح تخم
من النواح وتكيل
فيا وطن
المواجع ها
تعشم
بى حلم ابها ؟
كفاك شُبهة
ملامح الشالو غنواتك
وإت فى الحلم تسهي
تبل ريق العشم بالدس
وترجع تانى تتشهّي
| |
 
|
|
|
|
|
|
|
 Re: غنّيتي ما رقص الوطن!! فجاج حروف مبتلّه !! (Re: حسين يوسف مكى)
|
Quote: مرقتَ خترتَ
من كتر الوساوس
جور
ولا ركّت فراشة
الفرحة فوق
طرف الخميلة حضور
زمن تريان محنه وشوق
تتقابص مرايا اللهفة
على بروازا
اساها تروق
ولا شمس الحنين
فى شروق
على موجا تسوقو
الضفة
يوم إحرد براهو النيل
ترف عين
الجروف ياداب
دمعاً للترابلة يسيل
يفج الليل مساماتو
تتبخترلو كم نجمه
وعليهو تميل
و دارات عرضة
تتكتح تخم
من النواح وتكيل
فيا وطن
المواجع ها
تعشم
بى حلم ابها ؟
كفاك شُبهة
ملامح الشالو غنواتك
وإت فى الحلم تسهي
تبل ريق العشم بالدس
وترجع تانى تتشهّي |
حسين يوسف مكي ....
أولاً ألف مراحب بيك يا رجل في حوش بكري الوهيط هذا ....
وبعدين داير أقول ليك كلام ياخ ... أنت راجل كتّاب لامن بي هناك ... الله يديك العافيه ياخ ... متعنا بمثل هذا الألق المتوهج الجميل ...
مع خالص الود والتجلة ؛؛؛
| |
|
|
|
|
|
|
|
|
|
Re: غنّيتي ما رقص الوطن!! فجاج حروف مبتلّه !! (Re: إدريس محمد إبراهيم)
|
ادريس يا انيق الحرف !!
لو كنتُ مقيم بالشامِ
او سافرت الى صنعاء
لو كنتُ ضجيجا وزحام
لوصلت هناك الارحام
ونزعتُ فتيل البغضاء
لو تسعِفُنى الايام
مابين مراكش والجهراء
امقتُ قول الغرباءَ
فنقيم الكون سلام
لو كنتُ اميرا فى وطنى
وحنين الهمسُ يمازحنى
ل سقتُ الفرح سحابا
يسقى دون مُكاء
شكرا بحجم ابتسامة المحبين ادريس
| |
|
|
|
|
|
|
|
|
|
Re: غنّيتي ما رقص الوطن!! فجاج حروف مبتلّه !! (Re: حسين يوسف مكى)
|
ما خنتَ بس باعوك
لو ضحكتك تشْفَع
عضم اب قبيح ادوك
تحت الغُصُن مُدفع
لو كل زول فينا
بس حسّ بي جارو
او كلنا بقينا
فى الحوبة عِنْ دارو
كنّا دون كُلْفه زدنا مقدارو
لو القلوب تصفّي
زى نيلنا تبقى علَم
اطفالنا نهديهم
ريشة وكتاب وقلم
نلقي الوطن ياهو
نروى من ماهو
حِنه وهشاب وسَلَم
| |
|
|
|
|
|
|
|
|
|
Re: غنّيتي ما رقص الوطن!! فجاج حروف مبتلّه !! (Re: حسين يوسف مكى)
|
...
..
Quote: غنيتى ما رقص الوطن
بشرت إترافى ووقف
ياعزّة بتلولى المحن
همّك مشتت فى الكتف
بتآنسي ليلك بالإحن
وتختى فوق جيدو الخزف
هو دا كان شنو؟
يا عزة صح ياهو الوطن؟ |
الجميل خالص الأستاذ حسين يوسف مكي..
تسجيل إعجاب بالخط العريض والنفس المتفرد والبصمة الواضحة دي..
ثم طلب الإذن بالتلحين..
هذا مع المودة والاحترام من قبل ومن بعد..
محمود
..
.
| |
|
|
|
|
|
|
|
|
Re: غنّيتي ما رقص الوطن!! فجاج حروف مبتلّه !! (Re: حسين يوسف مكى)
|
ترْكُن نسْمةٌ عابره بين جناحى عُصْفُورٍ
بلغَ من الحُلُمِ شقشقة ونيف,
سَنَابِلُ القَمْح, يلْتفُ حولّ سِيِقَانِها صوتاً مُتَهَجّد
من جدْولٍ لا يمَلٌّ تقبيلَ وُريقّاتِها بإذن الربِيع.
بَعْضُ الفرّاشَاتِ,يَسْرِعْنَ الخُطَي قَبْلَ أن تغْسِلُ
السَنابِلُ ساقيْها فتَرْتَدِي قَشِيبَ الضُوُء.
| |
|
|
|
|
|
|
|
|
|
Re: غنّيتي ما رقص الوطن!! فجاج حروف مبتلّه !! (Re: Mahmoud Mustafa Mahmoud)
|
آآهة زفرة من علياء الامانى المنتظرة..
غدا ستؤوب الحقيقة وترحل الزمردات المغشوشة,,
ساعتها يغنى النهر للعصافير الصغيرة..
ويعود معهد القرش لحركة من تيمموه قبلة منتظرة..
بيمينك غدك وشمآئلك يتقاصر دونها حر اللحظة..
محمود ايها الجميل هات لحنك افتح زراير زمنك والتفت صوب الوطن.
سآآآآآآتيك بالتتمة يا فآرِه الاحساس
| |
|
|
|
|
|
|
|
|
|
Re: غنّيتي ما رقص الوطن!! فجاج حروف مبتلّه !! (Re: حسين يوسف مكى)
|
ريق الصبايا وحيح
ضو القمرا بتغاتت على الغيمات
طواقي الليل تساور الريح
علي شهقة مراكبية
ومداها فسيح
صياح الديك مع النجمة
وعزيمة الذات
راكوبة الوفا الممدودة
ضل ويقين
وعيدان الهوى اليابسات
موهطة فى الاسف نصين
زينكم وين؟
هو وينو الدين
مادام الحُزُن تابوت
وكل الفرحة للضآلِّين
صبح دبر الكلام مقدود
وحِرد تْ كل بيوت الطين.
| |
|
|
|
|
|
|
|
|
|
Re: غنّيتي ما رقص الوطن!! فجاج حروف مبتلّه !! (Re: ابو جهينة)
|
احتاج لآهة مماثلة, وشرخٍ يساقط
من نتوءات الوجع وملح من الذكري
صلف المآقي حين تكتحل بالمساء.
لا ارغب فى احتساء ما تبقى
من اناهيد الليالى .. ليت كان الامس
حثيث السعي بين تجردنا وبقاء
شاكلته المألوفة .. ليت وليت وليت
ابو جـــــــــــــــــــــــــــــهينة الهتون!!
اعرنى بهجتك كى ارسم لوحة فرآئحية الابعاد لوطنٍ يمنحنا الكبرياء
كن بخير صديقي.
| |
|
|
|
|
|
|
|
|
|
Re: غنّيتي ما رقص الوطن!! فجاج حروف مبتلّه !! (Re: حسين يوسف مكى)
|
Quote: بقراك فى كل العيون
فى شهقة النيل والمطر
بلقاك لما الناس تكون
شايلاك غنوة وحس وتر
ياوطن الصحة كيف؟ |
بنقراك في كل المعاني المارقة من جوف الوطن
متوشح الشوق والحنين ومتلفح الفال عديلة وزين
ياها سمحاتك العرفتك بيها يا أب أحمد
سمح نضم وسمح فهم وسمح طبع
سمح من البداية وحنين للنهاية
تسلم اخوي حسين وتسلم
حروفك النابضة بي شوق البلد
وحروفك الصادفة في وعد الحبيب
وحروفك الواعدة بالخير الكتير
شكرا للنص المارق من الجوف ونبيل زيك, ياهو شبهك براك يا سيد الحرف المدوزن
| |
|
|
|
|
|
|
|
|
|
Re: غنّيتي ما رقص الوطن!! فجاج حروف مبتلّه !! (Re: اسماء الجنيد)
|
كُلّما جآءَ العآئدون الى الديار
يَجِئُ وطنى من موآضي التَضْحِيات
هل بدّل التاريخ موْلِده
ام فَعَلُوا به كما فِعْل الطُغاة؟
تَرَكْته بين الاحبّةِ شامخا
فَوَجَدْتهُ يشكو الرّعِيةَ والوُلاَة
بت الجنيـــــــــــــــــد .. ام المؤيد..
تلقاها وين
زغرُودْة وطن
يوم إغُشك بالحنين؟
السترة ممحوقة صباح..
والفرحة ما بتملالا هين
مطلوقة اطياف المنى
دافقة من ماها المهين
راتِق الحس بالنويح
مع إني مطروح الجبين
استاذة اسماء الجنيد.. شكرا لتجلّياتك
| |
|
|
|
|
|
|
|
|
|
Re: غنّيتي ما رقص الوطن!! فجاج حروف مبتلّه !! (Re: حسين يوسف مكى)
|
جآء صوتُه عبِقاً عبر المحمول
يضج بملامح الزمن الممدود
بين حرّم حبابك.. ومفردة التلاقي الجزلة
حَسِبْته سآئلا عن عطر بعينه او عن سعر
الصندل او الصندلية بحكم مهنيتي ..
امطرنى بوآبل الثنآء على ما لامس انسان عينه
فى هذا البوست المتواضع,,
رجل بنكهة الزمن الجميل.. ييحمل قلبا
بحجم وطن المتحابين..
أحني له هامتى وحرفي .. لانه منحنى ظلا من انسنة..
شكرا عز الدين عبد العاطى
شكرا للهلالية التى وهبتنا صفة الانتماء للوطن
شكرا جدا لمكالمتك استاذ عز الدين .
| |
|
|
|
|
|
|
|
|
|
Re: غنّيتي ما رقص الوطن!! فجاج حروف مبتلّه !! (Re: حسين يوسف مكى)
|
بهواك يا لحن التساب
بهواك كل م الشوق زوى
بمشيكِ عكس الانتحاب
دالقه فى روحى الجوى
بقراكِ فى سجع النوارس
لمن تعدّي على الضفاف
والقاكى فى لون السماحة
وكل اشكال الهتاف
انا ما مشيتك بالغلط
غنّينى مقطع من حنين
غنّيني لو البوح سقط
وديني ابعد من عيونك
فيني منك شهقة
تدخل فى ملامحك
وزفرة تسال كيف اكونك؟
رعشة بتحاصر طيوفنا
ولهفة بتفسّر ظنونك
| |
|
|
|
|
|
|
|
|
|
Re: غنّيتي ما رقص الوطن!! فجاج حروف مبتلّه !! (Re: حسين يوسف مكى)
|
ايها الشهيد
اخرج وسيما انيقا كيوم عرسك...
لا تنسى الكولونيا
وربطة العنق...
لا تنسى علبة الدخان
ستحتاجها لتبدو انيقا في عيون السيدات...
ولا تنسى خصلات شعرها
لا تنسى ان توزعها بين الاقمار...
لأنهن حينما ينبتن
سيجئن الى الارض و يسألن عنك...
عن والدهن الذي يكتب بباطن كفه اليسار.
الحلزون الطيب
| |
|
|
|
|
|
|
|
|
|
Re: غنّيتي ما رقص الوطن!! فجاج حروف مبتلّه !! (Re: حسين يوسف مكى)
|
وطن قهوة !!
من نفاج الصُبُر بين ضيْ
تخاية اللهفة تِتْضارى
وتزاحمَ الصيْ
نوح قمرا نُص الليل تزينو شوي
و تبروقةْ عشم بالطيبة مالية الفيْ
وطن رُكّازة بين نيلين
على خيل العفاف مسروج قبُل جايين
نتاوق من رحم الغياب نحنَ
ولا رُحنا ولا ملّت سيوف القدرة
خمج عزتنا شان عارفين
وطن سامى ممدد فوق سحاب الفال
ملامح ضوّوُ ما خانت ضفاف
النيل محل ما مال
ولا حِزنتْ قماريهو وكت
ريح الصباح تقدل شان تحييهو
وطن قهوة
وطن غنوة
وطن حبوبة والحجوة
وكم ركعات على فروة
صريف عِفّتنا
حنين لمّتنا فى الدارات
ولا عاند فوارقنا
لى غيرو ما فقنا
ولا حُقْنا
على عرضة سيوف كسلا ومشارقنا
فيا شمس الغروب شيشك
ادخلى على التبلدية
جرتقى بالشفق وديان
ليل حبان وجو طربان
سماح فى عرضة صقرية
إتِب فجر الشمال يصحي
درب التعب الودار يمحي
قوام النخلة لابس طوق
عقد ضواى على السمحة
ومنظر موجة حاضنة القيق
تدارى وجيها لما تقيف
على نمة مراكبية وبتقدل كيف
على نمة مراكبية وبتقدل كيف؟!!ِِِ
حسين يوسف/ جدة
| |
|
|
|
|
|
|
| |
إدريس محمد إبراهيم
الرفاعي عبدالعاطي حجر
Mahmoud Mustafa Mahmoud
معاوية عبيد الصائم
ابو جهينة
اسماء الجنيد
فيس بوك
تويتر
انستقرام
يوتيوب
بنتيريست