هل فعلا استطاعت الانتباهة فعل مالم يستطعه سودانيز اون لاين في6سنوات

Quote: دقددددددددددددددددددددداق اختشى هو انت لو ما كنت كوز ببقوك مراسل واللا فراش للانتباهة دى؟ قوم لف يعنى نتوقع الطيب مصطفى يعين معاوية عبيد او عبد العاطى حجر او خالد عويس كمراسلين للصحيفة؟ هو قرشوم والسمانى زاتهم لو مابقو مؤتمر وثنى الانتباهة بتعمل معاهم لقاءت يعرضوا فيها برنامجهم الانتخابى وتلمعهم كمواطنين صالحين وينفو عنهم اى صفة حزبيه عشان يخدعوا الدراويش ويصوتوا ليهم فى انتخابات الجالية ويتمسكنو لما يتمكنو افتكرت ممكن الانتباهة دى ممكن كان تديهم فرصة؟ انت ما دام خجلان من الانتماء للمؤتمر الوثنى الجابرك شنو الواحد فيكم ياكل الفطيسه برأس العود، او يأكل الراس ويخاف من العيون.. انت عارف انت ككوز بتفترض انه الناس كلهم اغبياء يعنى ممكن تقول ليهم الطيب مصطفى زاتو ما كوز ويصدقوك.. يازول ما تخلى الحركات دى وتخليك مع جماعتك ناس المؤتمر الوثنى ديل زول سآلك مافى ومن حقك تنتمى الى اى حته تعجبك بس الدجل ماحلو،،،

Quote: ( انتا عاوزنا ناكل الناس ونشربهم ونشغلهم ويجو ينافسونا )

Quote: الأخ / عبدالقادر شادول ســـــــلام نعم إستطاعت صحيفة الإنتباهة فعل ما لم يستطيع فعله سودانيزاونلاين، الشكر للإنتباهة ولسودانيزاونلاين، حوارات الانتباهة كانت لصالح البرنامج الإنتخابي القومي للجالية والذي من ملامحه العامة تكوين جالية قومية بعيدا عن الحزبية والجهوية والقبلية توحيدا للصف وإستثمارا للجهود بمشاركة الجميع في العمل الطوعي الخيري بالمنطقة دون إقصاء لأحد أو تمييز لجهة دون أخرى. مع تقديري وإحترامي،

(عدل بواسطة الرفاعي عبدالعاطي حجر on 12-26-2012, 01:37 PM)

Quote: كما أن اتصالاتنا وسعينا للوصول بإصدارتنا الورقية للمغتربين في باقي دول الخليج الشقيقة وللجالية السودانية في مصر الشقيقة جارية نأمل أن نوفق في تحقيقه. إن من الأهداف الرئيسة التي جعلتنا نفكر في الخروج هو ربط المغترب بوطنه من خلال إحاطته بالأخبار والأحداث الجارية في الداخل ونشر كل ما يهم المغترب الإلمام به وفتح صفحات الصحيفة لنقل نشاطات الجالية وآرائهم وقضاياهم من خلال صحيفة أصبحت واسعة الانتشار وهي الأولى في السودان. إن مبدأنا تقديم خدمة صحفية مهنية يتساوى فيها الجميع دون غرض ودعم قضايا المغتربين ذات المصلحة الشاملة لهم لدى مؤسسات الدولة والمؤسسات الخاصة. إن صفحات «الإنتباهة» مفتوحة لاجتماعيات المغتربين ونشاطاتهم الثقافية والرياضية.

Quote: والله الحق سمعت السيد القنصل في اكثر من مناسبة في اول ايام حضورو للمملكة يقول وفي وجود كل اطراف النزاع كونو جاليتكمواخر شئ في الاحتفل الاقامو هو قال ليهم العاوز يتكلم يتفضل واحد فيهم اتكلم مافي وطلب منهم علي مسمع كونو جاليتكم اكتر من مرة مافي واحد اتحرك وقدمو شكاوي ضد بعض وطالبو بادراة اموال الجالية وكما سمعنا ان الرجل وجد مخالفات مالية وفعلا في تجاوزات حسب دستور الجالية لاياخد اي فرد مال علي عمل في الجالية في دستور الجالية والغريب انو السماني وحاتم ود زكريا وقرسوم وحامد دامر هم الوضعو الدستور دا نفسو....

Quote: شكرا الموج واكيد المقابلات كانت لها حسابات خاصة والا ما تحددت بهذ التسلسل وعصام متابع اكيد

Quote: موضوع رئاسة مجلس تنسيق الجاليات . اشهد الله انني سمعتها من الاستاذ السماني عمار ومن منصة احتفال وبحضور كل اركان الفنصليةو بعض الوزراء الضيوف و بحضور شيخه عوض قرشوم وفي تسلسل غريب الاستاذ حاتم سر الختم رئيس مجلس تنسيق الجاليات بالمنطقة الغربية فهل كان هذا ايام التامر علي قرشوم الله اعلم هل كان هذا ايام الرضي عن حاتم وهل نحن العوبة يحركنا رضي السماني عن هذا او ذاك والشريط لهذه الليلة موجود وفي هذا المجلس اي مجلس تنسيق الجاليات الكثير المثير من القصص والمؤامرات علي حسن عبد العزيز والله يكون في العون

Quote: شكرا استاذ حمد سمعتها في اكثر من محفل ويعلم الله انني قلت لهم ساعتها ( دا تنصل منكم كيف يكونو الجالية وانتو ما نزلتو كشف المصعدين ولا حددتو يوم ومكان التكوين ومن سيدعو المصعدين ويشرف عليهم ان اردتمونا ان نكون الجالية فعلا فنزلو كشف المصعدين وحددوا لنا يوما ومكانا نجتمع فيه وسنكونها) واقولها الان لو ان القنصلية اعتمدت المصعدين وحددت يوم لتكوين الجالية فستكون شكرا استاذ حمد مرة تانية

Quote: فقد اتضحت الصورة تماما لما كان يدور في دهاليز الجالية من كل الأطراف وبلا استثناء وانكشفت النوايا التي كانت تختبئ خلف الابتسامات والمجاملات والنفاق .. فقد أحرق كل طرف نفسه بنفسه في ما دار في هذا المسلسل السيئ الاخراج وتكشفت للناس حقائق من أناس كنا نحسبهم قامات شامخة في العمل الجالوي والاجتماعي في الغربة .. فمنه العوض وعليه العوض ..فنرجوا من السادة الكرام أن يكفوا ويسمو بأنفسهم عن تلكم المهاترات التي أضعفت وأسقطت ما تبقي لهم من احترام وتقدير في نفوس الكثير من أخوانهم في المنطقة.. ان بقي منه بعض ... هذا مني لك شخصيا لما أعلمه عنك من كريم صفات وخلق وما تعلمه مني من حسن في المقصد كن بخير أيها الحبيب أخوك / طارق فوزي