|
|
 محن الخرتوم
|
سياحة فى شوارع و ازقة (مدينة) الخرتوم
هذه المدينة التى تزخر بالحركة و تفور
و كل على هواه من قمة الهرم إلى قاعدته
تشاهد المضحك .. المبكى ... و البفقع المرارة
(( شكيت محنك يا الخرتوم على الله)
|
|
 
|
|
|
|
|
|
|
|
Re: محن الخرتوم (Re: ماضي ابو العزائم)
|
بين هذا و ذاك تقيف اعداد مهولة من المواطنين فى انتظار بصات الوالى من و إلى امدرمان بكل احيائها
فى الجانب الشرقى من الشارع (تدخل البصات من الجانب الجنوبى و تخرج من الجانب الشنمالى) يشاركهم
فى نفس الموقف (برضو شرق الشارع) التكاسى بس المصيبة انها بتدخلمن الجانب الشمالى و تخرج من الجنوبى
و الادهى انها بتقيف بالجانب الشرقى و ممنوع الوقوف بالجانب الغربى عشان ما ابوظوا منظر المجمع !!!
كل ده الناس بتقيف لساعات تحت الشمس و المجلس ما عمل مظلات و لا اعتقد انه سيفعل
محن !!!!
| |
|
|
|
|
|
|
|
|
|
Re: محن الخرتوم (Re: ماضي ابو العزائم)
|
الشماسة . . يتناسلون . . يتغازلون
و الخرقة المشبعة بالبنزين لا تغادر
افواههم رجالا و نساء . . يتخذون
من شارع القصر مخدعا لهم
و لنا وزارة للرعاية الاجتماعية.
. . . محن . .
| |
|
|
|
|
|
|
|
|
|
Re: محن الخرتوم (Re: ماضي ابو العزائم)
|
| Quote: ممنوع الوقوف بالجانب الغربى عشان ما ابوظوا منظر المجمع !!! |
وما تنسى بالله يا ماضي تنزل لينا صور من شارع الراحل الطيب صالح بجانبيه .. جانب مدينة الرياض وجانب حي امتداد ناصر . ( دا او مريت من هناك)
| |
|
|
|
|
|
|
|
|
|
Re: محن الخرتوم (Re: فتحي الصديق)
|
| Quote: وما تنسى بالله يا ماضي تنزل لينا صور من شارع الراحل الطيب صالح بجانبيه .. جانب مدينة الرياض وجانب حي امتداد ناصر . ( دا او مريت من هناك) |
حبابك فتحى
ولا اهمك يا الحبيب الموبايل فى الجيب و اخوك لافى بى كراع ######
| |
|
|
|
|
|
|
|
|
|
Re: محن الخرتوم (Re: ماضي ابو العزائم)
|
شابة صينية توزع فى دعاية لمستشفى
صيني افتتح مؤخرا فى الخرطوم ... رغم انف
قانون تنظيم المهن الصحية.
اللقطة فى ميدان جاكسون .
..... محن .....
| |
|
|
|
|
|
|
|
|
|
Re: محن الخرتوم (Re: ماضي ابو العزائم)
|
قبل اشهر من بداية الخريف
اعلن الارصاد الجوى عن توقع
خريف مبشر بامطار غزيرة
فى كل السودان ............
:whisper: علية كانت الاستعدادات
و كانت النتائج ادناه
فى اطراف العاصمة
فى قلب العاصمة
. . . محن . . .
| |
|
|
|
|
|
|
|
|
|
Re: محن الخرتوم (Re: Nazik Eltayeb)
|
| Quote: والله جد محن بالذات حكاية كرفتات الايجار دي |
لاحظ يا عبدالله انهم شباب زى الورد
غايتو دى زمان كان اسمها العطالة المقنعة
الليلة نسميها شنو ما عارف.
. . غايتو !!.. . . محن . . .
| |
|
|
|
|
|
|
|
|
|
Re: محن الخرتوم (Re: ماضي ابو العزائم)
|
نازك إزيك
Quote: هههههه لاحظو انها مربوطة جاهزة يكون الهدف الربطة
-----------
بوست رائع |
لا .... و الاظرف عامل من روحو مانيكان
الاتنين الظاهرين ديل أصحاب العمل[/U
عليك الله
و فى زمتك
ما محن ؟؟
| |
|
|
|
|
|
|
|
|
|
Re: محن الخرتوم (Re: ماضي ابو العزائم)
|
هنا كان قبر الولى إمام بن محمد
نبش كتشنر قبرة عندما اراد ان يختط الخرطوم
و كان قبر الولى فى منتصف شارع فكتوريا (القصر)
فنقله عدة امتار غربا و بكل إحترام حتى لا يثير
غضب الاهالى و احاط القبر بجنزير .. من هنا اتى
إسم ابوجنزير و صار يسمى علية الميدان
الواقع غربه و شماله.
قبل سنوات . . . نبش هذا القبر مرة اخرى
و اخذ الجثمان بعيدا حيث لا أدرى ! ! !
أما آن لهذا الولى أن يستريح ؟؟؟
. . . محن . . .
| |
|
|
|
|
|
|
|
|
|
Re: محن الخرتوم (Re: صديق الموج)
|
الأخ مـاضي،، ســلام..
ليس دفاعاً عن النظــام،، ولكن توجد جـوانب إيجابية ايضـاً.
يعني لا يجب أن ننظر إلى الجانب الفارغ من الكأس فقط (صحيح، منظر الموية في الكباية المصورة مقزز)،
ومع ذلك توجد أشياء جميلـة في هذه الخـرتــوم:-
* إنتهـاء صفـوف الخبـز، والجميـع يعلم أن الحصـول على "الرغيـف" كان الشغل الشاغل للناس في عـهود سابقـة..
* معالجة أزمـة المواصلات بصـورة لا بأس بها مقارنـة بالماضـي..
* توفـر إمدادات الكهربـاء على مـدار اليـوم ووصول الكهرباء إلى كل الأحياء تقريباً، بالرغم من ترهل العاصمة وتضاعف سكانها..
تحياتـي..
| |
|
|
|
|
|
|
|
|
Re: محن الخرتوم (Re: ماضي ابو العزائم)
|
الاخ طه داوود حبابك
Quote: ليس دفاعاً عن النظــام،، ولكن توجد جـوانب إيجابية ايضـاً.
يعني لا يجب أن ننظر إلى الجانب الفارغ من الكأس فقط |
نعم اخي طه ولكن :
ماذا فى النصف الآخر من الكأس ؟؟
لبن ؟؟
خل ؟؟
ام خمر ؟؟
فى النهاية
هذا لا ينفى انها محن
| |
|
|
|
|
|
|
|
|
|
Re: محن الخرتوم (Re: ماضي ابو العزائم)
|
الاخ ماضي سلام
Quote: فعلا محن تستحق ان يرفع لها البوست عاليا
لقد شاهدت البوست في مداخلاته الاولي ولم ارجع له
اما الان فبحق هو بوست اكثر من رائع ولو علم المشاهد مافيه لادمن متابعته
ومادته تجعله من البوستات التوثيقية ذات النفس الطويل
|
نرجو من الاخ بكري رفع البوست
| |
|
|
|
|
|
|
|
|
|
Re: محن الخرتوم (Re: Dr.Mohammed Ali Elmusharaf)
|
حباب Dr.Mohammed Ali Elmusharaf
| Quote: بوست في غاية الروعة |
ده من زوقك يا دكتورنا
لكن مرات المحن بتكون نتيجة الابداع
عليك الله شوف ست الطواقى دى مش مبدعة حد المحنة ؟؟؟
اها دكتورنا ما ادليت بى رأيك فى النفايا العضوية الفى السهلة دى
| |
|
|
|
|
|
|
|
|
|
Re: محن الخرتوم (Re: صلاح جادات)
|
اخونا صلاح ود جادات حبابك
Quote:
الاخ ماضي سلام
Quote: فعلا محن تستحق ان يرفع لها البوست عاليا
لقد شاهدت البوست في مداخلاته الاولي ولم ارجع له
اما الان فبحق هو بوست اكثر من رائع ولو علم المشاهد مافيه لادمن متابعته
ومادته تجعله من البوستات التوثيقية ذات النفس الطويل
|
و اللهى محنتنى عديل . . . قدرما فتشت انت جبت الاقتباس
الفوق ده من وين ما ليت ليهو أثر . .
يعنى موقع بكرى ده فيهو شياطين ولا فيهو شياطين
ولا دى من ضمن المحن . .
على العموم تشكر و صاحب المشاركة الاصليىة
| Quote: نرجو من الاخ بكري رفع البوست |
البعاتى ابو صلعة ده احنا ما بنقدر عليهو
كان شاف .. شاف . . و كان ما شاف
خلينا فى محنا دى برانا
| |
|
|
|
|
|
|
|
|
|
Re: محن الخرتوم (Re: ماضي ابو العزائم)
|
ود شيقوق حبابك
Quote:
اوع بس يصادروا كاميرتك السمحي دي |
شن السماحة يا الدخرى
وحات الله كاميرة الموبايل الواحدة دى. .
ـ ـ ـ ـ ـ ـ ـ
يا الخزين قالو الخريف عندكم عينة
و العنكوليب تريااااااان
اها . . . ما تنسى اخوك اجدعنا بى (ربطة)
بس ما تكون (كليقة) و نبقى فى حاااو و تر
| |
|
|
|
|
|
|
|
|
|
Re: محن الخرتوم (Re: صلاح جادات)
|
الأخ أبو العزائم
حس فني رفيع , , , بوست راقي , ,
رحم الله إمرءٍ أهدى إليّ عيوبي
وعيوب الخرتوم كتييييره
فيها ما هو إهمال ,
وفيها وما هو عدم معرفة من مسؤلين في غفلة اعتلوا سدة المناصب وهم لا يعلمون
وفيها ما هو مسؤولية المواطن
غايتو بأي مقياس لا يمكن حساب الخرتوم ضمن مصاف المدن
| |
|
|
|
|
|
|
|
|
|
Re: محن الخرتوم (Re: وليد محجوب)
|
وليد نحجوب حبابك
Quote: حس فني رفيع , , , بوست راقي , ,
رحم الله إمرءٍ أهدى إليّ عيوبي
وعيوب الخرتوم كتييييره
|
وفيها تحايل على الواقع المعاش
و إبتكار اساليب جذابة وسط الزحمة
ست الطواقى مثالا
تقبي فى النهاية كلها . . . محن . . .
تسلم يابا على المرور الانيق
| |
|
|
|
|
|
|
|
|
|
Re: محن الخرتوم (Re: ماضي ابو العزائم)
|
المشاركة دى مأخودة من بوست الاخ صلاح جادات بتصرف
معلومة للناس البرة السودان
الحاجة دى عندنا فى السودان اسمها (درداقة)
اما دى فناس النظارات ابعدوا بعيد
عشان ما نجيب تهمة ساكت
لدكاترة العيون و محلات البصريات
. . . محن . . .
| |
|
|
|
|
|
|
|
|
|
Re: محن الخرتوم (Re: ماضي ابو العزائم)
|
منعت محلية الخرطوم غسيل العربات فى الشوارع .
من المفترض ان تقوم الشرطة بتنفيذ هذا القرار ....
تعالوا نشوف ماذا يحدث امام واحد من إدارات الشرطة
الخدمية و التى يؤمها جمهور غفير
مباشرة شرق البوابة الرئيسية . . عادى جدا
(تاريخ الصور يوم أمس)
و دى غرب البوابة .
نستنى لما الولد إتحرك من قدام اللوحة
| |
|
|
|
|
|
|
|
|
|
Re: محن الخرتوم (Re: ماضي ابو العزائم)
|
عزيزي ابوالريش
زقاق واحد وعشرين اكتوبر
لو اتقدمت فيه شوي شرق ميدان الكمبوني
العمارة الطويلة دي مكاتب لجهاز الامن , وعلى يمينه المركز بتاع sms
| |
|
|
|
|
|
|
|
|
|
Re: محن الخرتوم (Re: ماضي ابو العزائم)
|
قرار منع غسيل العربات بقول
اصدر معتمد محلية الخرطوم اللواء معاش عمر ابراهيم نمر
مرسوما محليا مؤقتا يقضي بمنع غسيل السيارات في الشوارع الاسفلتيه
لتسبب مياه الغسيل في اهتراء طبقة الاسفلت وتلفها وتردي البيئة والمظهر العام
أها . . . شن القول ؟؟
| |
|
|
|
|
|
|
|
|
|
Re: محن الخرتوم (Re: ماضي ابو العزائم)
|
الأخ ماضي
بوست في غاية الأهمية
ومتابعه من أول يوم وإلى الآن
وصدقني أنا قبل بوستك دا بأيام كنت عايز أعمل بوست بعنوان : محن سودانية
ذلك بعد أن أستأذن عمنا شوقي بدري ،
لأنو عندو سلسلة مقالات بالعنوان دا ذاتو ( محن سودانية) اللى أناعايز أفتح بيه بوست
ولما لقيت بوستك فرحت بيه شديد وقلت أهو الراجل كفاني عبئ المسؤولية.
وكمان قلت أنتظر لغاية ما بوستك دا يبقى قديم شوية،
خاصة وإني ما حأقدر أجاري جهدك العظيم في التوثيق بالكاميرا
بس البيخليني لسع عايز أفتح بوستي هو إنو أنا عايز أتناول محن سودانية ليست قاصرة على الخرطوم فقط
لكن حتى ذلك الوقت ، خلينا متابعين إبداعاتك وملاحظاتك الذكية دي
أنا دائماً بتشدني وتجذيني المواضيع النقدية ، بموت في نقد الذات
لأنو دا الطريق الصحيح للتغيير ، على كافة المستويات:
من المحن الصغيرة .. ولغاية المحنة الكبيرة الإسمها الإنقاذ
شكراً ليك كتير ياخي
| |
|
|
|
|
|
|
|
|
|
Re: محن الخرتوم (Re: أحمد أبكر)
|
أحمد أبكر اخوى . . . سلام
Quote: ولما لقيت بوستك فرحت بيه شديد وقلت أهو الراجل كفاني عبئ المسؤولية.
وكمان قلت أنتظر لغاية ما بوستك دا يبقى قديم شوية،
خاصة وإني ما حأقدر أجاري جهدك العظيم في التوثيق بالكاميرا
بس البيخليني لسع عايز أفتح بوستي هو إنو أنا عايز أتناول محن سودانية ليست قاصرة على الخرطوم فقط
لكن حتى ذلك الوقت ، خلينا متابعين إبداعاتك وملاحظاتك الذكية دي |
وليه ما تفتح هى المحن شوية؟؟
وحات الله تكفينى و تكفى ناس البورد ده كلهم و ما تخلس
ياهو كلنا بنبه و مقول (هنا فى حاجة غلط)
* وحاتك ولا كاميرا ولا بطيخ
ياهو الموبايل فى الجيب و اخوك حايم
و المناظر متجدده و ميزان المعقول و الا معقول
نرجو ان يعمل بكفائة
فى انتظار البوست اخى
| |
|
|
|
|
|
|
|
|
|
Re: محن الخرتوم (Re: Elawad Eltayeb)
|
بوست عجيب
لكن داير اقول شئ صفوف العيش انتهت عشان مافي زول بقي بشتري عيش مش عشان العيش اتوفر
معقوله بس 4 عيشات بي جنيه تاكل منو ولا منو غايتو محن بالجد
| |
|
|
|
|
|
|
|
|
|
Re: محن الخرتوم (Re: محمد حسن محمد)
|
محمد حسن محمد حبابك
| Quote: معقوله بس 4 عيشات بي جنيه تاكل منو ولا منو غايتو محن بالجد |
4 عيشات؟؟
وحاتك
واحد
إتنين
تلاتة
و ..... بس . . . و كمان كشت
الما عاجبو ياكل جاتو
| |
|
|
|
|
|
|
|
|
 Re: محن الخرتوم (Re: محمد أبوالعزائم أبوالريش)
|
ابحار بالصورة يدعو للدهشة والشوق والتامل
شكرا لروعة الرحلة السودان ..
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
| |
|
|
|
|
|
|
|
|
|
Re: محن الخرتوم (Re: محمد أبوالعزائم أبوالريش)
|
ابوالريش (بالعربى) حبابك
Quote:
وعلى بعد خطوات من مستشفى مهم جداً |
خلينا نكشف الورق
فى التقاطع دة المواصلات بتنزل الناس الماشين:-
1- مستشفى الشرطة
2- جامعة الرباط
3- الفيش و التشبيه
و بعد كم محطة كدة و ما كتار . . . معرض الخرطوم الدولى (والله اسمو كده يعنى الدولى دى ما من عندى)
| |
|
|
|
|
|
|
|
|
|
Re: محن الخرتوم (Re: ماضي ابو العزائم)
|
هلا ياماضى وكيف الخرطوم معاك يعلم الله مشتاقين ياخ بوست جميل وعدستك من زمان جريئه
وعينك ماشاء الله طرينه واصل ومتابعين معاك يارجل ياجميل
| |
|
|
|
|
|
|
|
|
|
Re: محن الخرتوم (Re: ضحيه ابراهيم)
|
| Quote: بوست يكشف زيف ادعاءت تفيض بها القنوات الاعلامية للمؤتمر الوطني ... |
أهااااااا . . . اسى الجاب سيرة ود ام بعلو منو ؟؟؟؟
ود اوكاشا اريتك عافية
| |
|
|
|
|
|
|
|
|
|
Re: محن الخرتوم (Re: ماضي ابو العزائم)
|
Quote:
هلا ياماضى وكيف الخرطوم معاك يعلم الله مشتاقين |
ضحية ود ابراهيم المسيرى حبابك حبابك
حيتن جيت يا راجل يا مرطب
ياخوى لا كاميرا ولا يحزنون
كترخيرناس (samsung) السو لينا واحدة مع الموبايل
| |
|
|
|
|
|
|
|
|
|
Re: محن الخرتوم (Re: ماضي ابو العزائم)
|
شويةشرح عشان ما نروح فى الزحمة :-
ده موقف حافلات فى سوق بحري
و الجماعة الببيعوا الملابس ديل
فارشين فى الجزر (جمع جزيرة) ما بين ممرات الحافلات
يعنى الحافلة الظاهرة فى الصورة دى
بتشحن فى ركاب فى اللحظة دى
اها لما تجى تتحرك الجناعة القاعدين
فى الكراسة ديل بشيلوا كراسيهم
عشان الحافلة تمر . . و إرجعوا تاااااانى
لو اخدت اللقطة فى وقت الذروة
ما بتفهموا حاجة . . و انا كمان
. . . محن . . .
| |
|
|
|
|
|
|
|
|
|
Re: محن الخرتوم (Re: 3mk-Tango)
|
يا ماضي يا فنان سلام
وكمان عشان تكتمل الصورة / المحنة عندي
ياريتك كمان تمشي تصور الحتت التالية :
1- اي عينة تراها مناسبة من المدارس
2- المناطق التي كانت نضرة وباهية ، مثل : القرين فيلدج .. كولاكوبانا ، الإتنيي ، المحطة الوسطى ...الخ
| |
|
|
|
|
|
|
|
|
|
Re: محن الخرتوم (Re: 3mk-Tango)
|
3mk-Tango حبابك يا ظريف
Quote: بوست جميل و محزن جدا ومؤلم ..
|
Quote: واصل بنفس النهج
ارفع يابكري البوست دا في السقف |
ما عارف يا عمك تنقو (شرب ال XXXX)
انا براى المتمحن ولا الحاصل شنو
بالمناسبة (XXXX) دى منى ما من البعاتى
لو ما عارف التكملة (كما وردت فى مجلة الصبيان)
قول عشان نقع الخاص
(من امس ما قادر اعلق فى اللوست ده ولا غيرو ما عارف منى ولا من البعاتى)
| |
|
|
|
|
|
|
|
|
|
Re: محن الخرتوم (Re: ماضي ابو العزائم)
|
أبو ساندرا صاحبنا الزمان إزيك
Quote: 1- اي عينة تراها مناسبة من المدارس
2- المناطق التي كانت نضرة وباهية ، مثل : القرين فيلدج .. كولاكوبانا ، الإتنيي ، المحطة الوسطى ...الخ |
المدراس بجيها لكن ...
الحتات التانية دى اصبحت مجرد تاريخ
بس اول امس جاى جنب فندق الواحة الزمان
و اتحسرت (ما تفهمونا غلط)
| |
|
|
|
|
|
|
|
|
|
Re: محن الخرتوم (Re: ماضي ابو العزائم)
|
سلام يا استاذ ماضي
تحياتي
طولنا من البوست الظريف دا
ياخي فندق الواحة دا الليلة ما بكون بعرف محلو في الخرطوم الا ستة انفار
وفي المنبر دا بكونوا 4 بالاكتر
الا تتحسر براك يا عمك
| |
|
|
|
|
|
|
|
|
|
Re: محن الخرتوم (Re: أحمد ابن عوف)
|
Quote: ياخي فندق الواحة دا الليلة ما بكون بعرف محلو في الخرطوم الا ستة انفار
وفي المنبر دا بكونوا 4 بالاكتر
الا تتحسر براك يا عمك |
ود شيخ سر التجار
شايفك من ال4
(شيخ سر التجار دى البعرفوها كم؟؟)
| |
|
|
|
|
|
|
|
|
|
Re: محن الخرتوم (Re: ماضي ابو العزائم)
|
ده إعلان مختوت فى شارع المعرض
حقيقى ما عارف الغرض منو شنو بالضبط
كدي نشيل إسم الجهه المعلنة عشان نقدر نفهم الاعلان ده
أها . . . فهمتوا حاجة ! ! !
. . . محن . . .
| |
|
|
|
|
|
|
|
|
|
Re: محن الخرتوم (Re: أحمد ابن عوف)
|
شفت الصورة النزلها ماضى بتاعت عمارتكم فى السوق... حاليها كوردون اكشاك وحديد مسلح
الداير يدخلها تانى الا يخش ليها بى هيليكوبتر
محنة جد جد :)
| |
|
|
|
|
|
|
|
|
|
Re: محن الخرتوم (Re: ماضي ابو العزائم)
|
قدام واحدة من الجامعات المعروفة
يصطف عدد مهول من بائعى الكريمات
و اللذي منو
مسحة فى الجضم
شختة فى الحواجب
جلبطة للشلاليف
و يا علم جاك . . . فهم و هضم
. . . محن . . .
| |
|
|
|
|
|
|
|
|
|
Re: محن الخرتوم (Re: ماضي ابو العزائم)
|
ده دكان فى حي شعبى يا اخوان/ت
عشان الافتة مع الانوار ما ظاهرة كويس
المكتوب :-
(اسنايبر الاسلحة و الذخائر)
هو الشى ده محتاج دكاكين ؟؟
. . . محن . . .
| |
|
|
|
|
|
|
|
|
|
Re: محن الخرتوم (Re: ماضي ابو العزائم)
|
ههههههههه يا ابو العزائم
ياخي الدكان مفروض يكون في زيو في اي حلة في الخرطوم
انت عارف لو طلعت من الخرطوم في اي اتجاه من الاتجاهات الاربعة بعد 50 كيلو كلاشنكوف زاتو ما بحلك، من جيم ثري وانت طالع
اما اذا واصلت المسير (او قدر لك ذلك) ووصلت تحوم دارفور او جبال النوبة والنيل الازرق، فلابد وان تفكر ان تزور اوكرانيا
وتعمل شوبينق كويس من بقايا ترسانة الاتحاد السوفيتي
| |
|
|
|
|
|
|
|
|
|
Re: محن الخرتوم (Re: أحمد ابن عوف)
|
| Quote: نت عارف لو طلعت من الخرطوم في اي اتجاه من الاتجاهات الاربعة بعد 50 كيلو كلاشنكوف زاتو ما بحلك، من جيم ثري وانت طالع |
ما قلنا يا احمد يا اخوى
| Quote: هو الشى ده محتاج دكاكين ؟؟ |
يعنى زيارة سغنونة للسوق داك الكلو رواكيب بتلقى حاجة فيها فايدة اكتر . . . مش كناتين ! !
| |
|
|
|
|
|
|
|
|
|
Re: محن الخرتوم (Re: عماد الشبلي)
|
Quote: ولكني تمحنت كثيرا
لعدم شوفتك
بسبب محن الخرتوم |
يا عمدة ده انت فى الحلة الورانا
غايتو احلك منى تكون عملت
كم محنة (لقطة) بالكاميرا الما خمج
والله مشتاقين
| |
|
|
|
|
|
|
| |
ماضي ابو العزائم
أحمد الشايقي
فتحي الصديق
عبدالله السفاح
Nazik Eltayeb
أحمد ابن عوف
صديق الموج
طه داوود
صلاح جادات
الطيب شيقوق
عمار عبدالله عبدالرحمن
أحمد أبكر
محمد حسن محمد
Haju Muktar
حبيب نورة
محمد أبوالعزائم أبوالريش
شهاب الفاتح عثمان
awad okasha
ضحيه ابراهيم
أبو ساندرا
عمرو كمال ابراهيم
عماد الشبلي
فيس بوك
تويتر
انستقرام
يوتيوب
بنتيريست