الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
يا ناس السفارة نرجو العمل عاجلا على تغيير الجوازات
|
بقت مهترئة وتقديمها لدوائر الجوازات يصيب الإنسان بالخجل
دي هويتنا في بلاد الغربة ولا بد أن تعكس وجه مشرق لنا
ما مكن الواحد كلما يكون عايز يقدم جوازو لازم يمشي يجدد التغليف حقو
الاسم اتمحى تماما والصورة بقت مهترئة ولا تبين الملامح الحالية للشخص
فجواز به صورة عمرها 16 سنة لا يمكن أن تمثل الشخص بعد 16 سنة
ودعوتي ليس لتجديد الجواز فقط بل تحويله إلى جواز الكتروني حتى تُحل المسألة تماما
فهلا تكرمتم
بكري بالله علق فوق عشان الجواز فقط
فقد وصل السيل الزبى
|
|
|
|
|
|
|
|
Re: يا ناس السفارة نرجو العمل عاجلا على تغيير الجوازات (Re: حمد عبد الغفار عمر)
|
تحين يا حمد قبل كدا وقفت في صف تحديث بيانات؟ اي تجديد لازم تمشي الجوازات وتحدث بيانتك الاول والا فما في اي اجراء بيتم لا تاشيرة لا تجديد لا غيره. الجواز صلاحيته سنتين ولازم يكون صالح لمدة ستة شهور عشان يدوك تاشيرة خروج وعودة، معاناة تتكرر كل 18 شهر اما ناس السفرات المتعددة والعندهم اسر بنتاخذ تاشيرة سنة فالله يكون في عونهم جواز العشر سنوات الالكتروني مطلب اساسي يا سفارة ويا قنصلية
| |
|
|
|
|
|
|
Re: يا ناس السفارة نرجو العمل عاجلا على تغيير الجوازات (Re: محمد عمر الفكي)
|
مرحب محمد عمر
ياخ تحديث البيانات دا مسألة غريبة وما بتحصل إلا للسودانيين فقط
شيئ تاني الجواز بشكلو الحالي دا سنة 2015 تاني ما ليهو وجود وسوف يتوقف التعامل معه نهائيا
موش أحسن للسفارة والقنصلية من هسة يكونوا جادين في مسألة الجواز الاكتروني دي بدل ما يدخلوا الناس في ضيق وكبسات في الزمن الضائع
ويعرضوا نفسهم لضغط عملي في زمن وجيز أو تعريض الناس للجهجهة
| |
|
|
|
|
|
|
Re: يا ناس السفارة نرجو العمل عاجلا على تغيير الجوازات (Re: قرشـــو)
|
حمد والمتداخلين ...سلام ..
جوازنا ده شكلوا جواز عرفي .. اولا الجواز ده جواز مفتوح مافيه مدة محددة الناس بتحسب مدة الجواز عشرة سنوات من خلال فترات التجديد الاربعة زايد فترة اصدار الجواز السنتين لكن العشرة سنوات دي بتكون لزول ملتزم بالتجديد من زمن الاصدار يعني لو واحد اصدر الجواز سنة 2000م والتزم بتجديده في وقته حاتكون فترات التجديد اكتملت مع الفترة الرابعة وفي عشرة سنوات . لكن لو تم اصدار الجواز في 2000م ولم يجدد في 2002م وتم تجديده في 2005م سيتم تجديده من 2005 وحتى 2007م في مكان الفترة الاولي وكده يكون الجواز اخد مدة اضافية تزيد عن العشرة سنوات لانه بكون باقي ليه تلاتة فترات تجديد اخرى لو طبق نفس الطريقة ستصل صلاحية الجواز الى فترة غير محددة زي فترة اخونا حمد ..
تحياتي ،،
| |
|
|
|
|
|
|
Re: يا ناس السفارة نرجو العمل عاجلا على تغيير الجوازات (Re: فايزودالقاضي)
|
شكراً ياحمد على البوست المهم والمهم جداً. انا ماعارف المشكلة شنو فى إنه السفاره تقوم باستخراج جوازات جديده واستخراج الرقم الوطنى . اذا كان فى مشكلة فنية ولا تقنية ولا ادارية فى استخراجهم من السفاره . المشكلة شنو فى إنه السفاره تقوم بعمل الاجراءات من تحرى واستكمال الاوراق وارسالها بالحقبية ال دبلوماسية للخرطوم لاكمال باقى الاجراءات.
| |
|
|
|
|
|
|
Re: يا ناس السفارة نرجو العمل عاجلا على تغيير الجوازات (Re: جعفر محي الدين)
|
لا والمشكلة فى مطارات كتيرة ( حصلت معى فى دبى وجنيفا ) تكون واقف فى صف طويل أو ما تصل عند الجوازات يقول ليك جوازك ما ممغنط أمشى الشباك دااااااك ،، تقوم تانى تاخد صف
ياأخوانا يا ناس الجوازات المشكلة ويييييييييين بالظبط ؟؟ تكون لجنة تستوردوا معدات وأليات الجواز الجديد مع تدريب الكادر وتستخرجوا جوازات زى بتاعت الناس ،، هل هذه فيها مشكلة .
حسع ده لو كان أحتفال عاجل كان كونتوا مية لجنة وقومتوها فى لحظات ،، ياجماع شوية أهتمام بس مع الجدية والإصرار على الأنجاز.
مع التحية لصاحب البوست وضيوفه
ماهر
| |
|
|
|
|
|
|
Re: يا ناس السفارة نرجو العمل عاجلا على تغيير الجوازات (Re: Mahir Mohammed Salih)
|
شكرا يا حمد لاثارة هذا الموضوع ...
الجواز فيه مشاكل كمية وأهمها ما يتعلق بكتابة الأسم ..
يعني لمن يقولوا لك أسم الجد ، كل الجوازات بتلقي فيها الاسم ثلاثي
لكن جوازنا هنا لحدي الاسم الخامس .. مثلا أنا اسمي مكتوب كالاتي :
( بخاري عثمان الامين حامد الفكي ) ودي بتعمل لي مشاكل كتيرة ..
الجواز الجديد مشكلته الاولي كانت الاسم الاوسط ما مكتوب فيه واتخيل
لي تمت معالجته .
| |
|
|
|
|
|
|
Re: يا ناس السفارة نرجو العمل عاجلا على تغيير الجوازات (Re: falcon)
|
الجواز الجديد ما فيهو أي خريطة للسودان قديمة ولا جديدة .. بخلاف الصقر في الغلاف دا .. تاني لا توجد إلا بعض الصور المائية على خلفية ورق الجواز وهي عبارة عن نخيل وشجر دوم وتبلدية ماكنةكدة وبوابة تاريخية" عبد القيوم " وحمامة "رمز السلام " وزهرة قطن لم يعد لها وجود... ويبدو أن السفر به متاحاً لكل بقاع الأرض بما فيها اسرائيل وجنوب السودان ... الجواز مش بطال .. لون غلافه أسود كما يبدو في الصورة وهو من الورق المقوى .. وكان ممكن يكون اكثر أناقة لو كان صغير شوية ..
| |
|
|
|
|
|
|
Re: يا ناس السفارة نرجو العمل عاجلا على تغيير الجوازات (Re: فرحات عباس)
|
سلامات عوافي لصاحب البوست وكل المارين من هنا
والله ان شاءالله يجد هذا البوست صداه بالمقصد وفي حاجة مهمة كمان وهي الرقم الوطني وفيه كل بياناتك الشخصية وبيه يتم التقديم للجواز الالكتروني ودا المعمول بيه في السودان لما مشيت اطلع الجواز الجديد قبل سنة تقريباً
Quote: الجواز الجديد مشكلته الاولي كانت الاسم الاوسط ما مكتوب فيه واتخيل لي تمت معالجته |
يابخاري ازيك بالاول وحمدا لله علي سلامتك
مشكلة الجواز تمت معالجتها وبجوازي الاسم رباعي عربي وانجليزي
مع ودي واحترامي
| |
|
|
|
|
|
|
Re: يا ناس السفارة نرجو العمل عاجلا على تغيير الجوازات (Re: حمد عبد الغفار عمر)
|
ود القاضي مرحب
Quote: لناس بتحسب مدة الجواز عشرة سنوات من خلال فترات التجديد الاربعة زايد فترة اصدار الجواز السنتين لكن العشرة سنوات دي بتكون لزول ملتزم بالتجديد من زمن الاصدار يعني لو واحد اصدر الجواز سنة 2000م والتزم بتجديده في وقته حاتكون فترات التجديد اكتملت مع الفترة الرابعة وفي عشرة سنوات . لكن لو تم اصدار الجواز في 2000م ولم يجدد في 2002م وتم تجديده في 2005م سيتم تجديده من 2005 وحتى 2007م في مكان الفترة الاولي وكده يكون الجواز اخد مدة اضافية تزيد عن العشرة سنوات لانه بكون باقي ليه تلاتة فترات تجديد اخرى لو طبق نفس الطريقة ستصل صلاحية الجواز الى فترة غير محددة زي فترة اخونا حمد ..
|
وطبعا دا الحاص في حالتنا الجواز دا ما بنتذكروا إلا زمن تجديد الإقامة والسفر بس
عرفتني كيف؟
غايتو إنت يا حاوي يا أمنجي سفارات
| |
|
|
|
|
|
|
Re: يا ناس السفارة نرجو العمل عاجلا على تغيير الجوازات (Re: حمد عبد الغفار عمر)
|
المطلوب تغير القائمين لامر الجواز الان.هذه اولويه ضرورية أكثر من الجواز نفسه. لان تغيير هذا النظام الذي اساء للسودان ومن بعد الجواز السوداني الذي اصبح الدول تفر منها كفرارك من المفترسات. والله تذهب الى افريقيا القريبة دي جوازنا زي الحاجة العفنة. الجماعة ديل بسبوا في اوغندا والله جوازنا ده في الدول المجاورة لاغندال دولة ترحب بيك غير اوغندا مافي. حتى دولة جنوب السودان التي انا شخصيا اعتبرها الى الان جزء من السودان نسبة لاملنا الكبير في عودة لحمة تراب الوطن. الجنوب الان ان اتيت اليها من اي دولة لا زم تأخذ تاشيرة مسبقة. ولو قدر لك ان تذهب الى اديس او نيروبي حتى اصحاب الوكالات هناك والفنادق ينبهونك الى ضرورة اخذ تاشيرة ادخول اذا كانت وجهتك التالية هي جوبا او واو. فالتغيير واجب في شرذمة التفتيت في الخرطوم
| |
|
|
|
|
|
|
Re: يا ناس السفارة نرجو العمل عاجلا على تغيير الجوازات (Re: حسن ابراهيم فضل)
|
اهلا بدر الدين الطائف
Quote: المشكلة شنو فى إنه السفاره تقوم بعمل الاجراءات من تحرى واستكمال الاوراق وارسالها بالحقبية ال دبلوماسية للخرطوم لاكمال باقى الاجراءات. |
قصدك أوراقنا تمشي السودان وتتسجل هناك وتجي راجعة ؟
غايتو لو قاصد دي أنا ما موافق بقعد بدون جواز
يمين تمشي السودان نص الجوازات دي يضيع هناك ولو جات تجيك بعد إقامتك تنتهي بمراحل
وبعدين في جوازات ناس كدا لو مشت السودان تاني ما بتجي راجعة؟
أديك أسماء ؟
| |
|
|
|
|
|
|
Re: يا ناس السفارة نرجو العمل عاجلا على تغيير الجوازات (Re: حمد عبد الغفار عمر)
|
مرحب ماهر محمد صالح
Quote: اأخوانا يا ناس الجوازات المشكلة ويييييييييين بالظبط ؟؟ تكون لجنة تستوردوا معدات وأليات الجواز الجديد مع تدريب الكادر وتستخرجوا جوازات زى بتاعت الناس ،، هل هذه فيها مشكلة .
حسع ده لو كان أحتفال عاجل كان كونتوا مية لجنة وقومتوها فى لحظات ،، ياجماع شوية أهتمام بس مع الجدية والإصرار على الأنجاز. |
حاجو تحير موش؟
ما اعتقد المسألة ببتعدى شوية معدات وقاعدة بيانات بسيطة جدا عن الجواز
| |
|
|
|
|
|
|
Re: يا ناس السفارة نرجو العمل عاجلا على تغيير الجوازات (Re: عماد حسين)
|
مرحب بخاري
Quote: الجواز فيه مشاكل كمية وأهمها ما يتعلق بكتابة الأسم ..
يعني لمن يقولوا لك أسم الجد ، كل الجوازات بتلقي فيها الاسم ثلاثي
لكن جوازنا هنا لحدي الاسم الخامس .. مثلا أنا اسمي مكتوب كالاتي :
( بخاري عثمان الامين حامد الفكي ) |
ثقافة الاسم الثلاثي دي ما عندنا وبيني وبينك حتخلق مشاكل لتشابه الأسماء في كثير من الأحيان
في السعودية حكاية اسم العائلة دي ضرورية
أنا أسمي في الجواز رباعي طبعا وأول إقامة لي طلعت بالترتيب الموجود في الجواز وبموجبها فتحت حساب في البنك
لما بقت ممغنطة مساحة الاسم ما بتشيل اربعة أسماء
قوووم يا عسكري الجوازات اعتبر الأسم الرابع هو اسم العائلة ولصقو بدل الاسم الثالث
هسة المسألة دي عاملة لي مشكلة في البنك لا ليها أو ولا آخر وما قادر أغيرها لأنو رخصة السواقة طالعة بالاسم الجديد والعربية مسجلة بالاسم الجديد
أضطريت أفتح حساب تاني بالأسم الجديد وجدي الله يرحمو أعمل شنو المعايش جبارة
| |
|
|
|
|
|
|
Re: يا ناس السفارة نرجو العمل عاجلا على تغيير الجوازات (Re: بكري عباس علي)
|
حياك فالكون
Quote: الجواز الجديد مازال عليه خريطة السودان قبل انفصال الجنوب احتمال الان منتظرين نتائج المباحثات عشان يرسوا ليهم علي خريطة دائمة لانو امكن الشغلة فيها تقسيم تاني وبي كده نكون بنستفيد من تجاربنا السابقة |
برضو يعملوا حساب لجبال النوبة
أمس في التلفزيون شايف ناس الإمارات عملوا تيستا لتعميم الجواز الإلكتروني
| |
|
|
|
|
|
|
Re: يا ناس السفارة نرجو العمل عاجلا على تغيير الجوازات (Re: حمد عبد الغفار عمر)
|
أهلا حسن إبراهيم فضل Quote: لان تغيير هذا النظام الذي اساء للسودان ومن بعد الجواز السوداني الذي اصبح الدول تفر منها كفرارك من المفترسات. والله تذهب الى افريقيا القريبة دي جوازنا زي الحاجة العفنة. |
ياخ تغيير النظام ملحوق كدي في الأول يغيروا لينا الجوازات دي
ما بتقدر تتخيل حجم الأسي الأنا حسيتو يوم وديت الجواز عشان أغلفو وصاحب المكتبة قال لي الجواز دا ساري المفعول وبتسافر بيهو عادي ؟
علما أنو جوازي دا ساري المفعول حتى 2014
| |
|
|
|
|
|
|
Re: يا ناس السفارة نرجو العمل عاجلا على تغيير الجوازات (Re: جعفر محي الدين)
|
سلام يا حمد
لو عايز جواز جديد خلي جوازك القديم ينتهي او يشارف على الانتهاء ، دخلو الغسالة مع الملابس بعد تاخد منو صورة لجميع الصفحات بعد أن يجف دغري على السفارة استخرج بدل تالف وبعدها نقل معلومات وتكون كسبت دفتر جديد وفترة سنتين كمان ، معلومة إنو مافي دفاتر دي كذبة والناس يومي بتستخرج جوازات للأطفال ..
| |
|
|
|
|
|
|
Re: يا ناس السفارة نرجو العمل عاجلا على تغيير الجوازات (Re: جعفر محي الدين)
|
سلام يا حمد
لو عايز جواز جديد خلي جوازك القديم ينتهي او يشارف على الانتهاء ، دخلو الغسالة مع الملابس بعد تاخد منو صورة لجميع الصفحات بعد أن يجف دغري على السفارة استخرج بدل تالف وبعدها نقل معلومات وتكون كسبت دفتر جديد وفترة سنتين كمان ، معلومة إنو مافي دفاتر دي كذبة والناس يومي بتستخرج جوازات للأطفال ..
| |
|
|
|
|
|
|
Re: يا ناس السفارة نرجو العمل عاجلا على تغيير الجوازات (Re: بكري اسماعيل)
|
ياحمد يا اخوي .. هو في الخرطوم مافي .. تقدم يقولوا ليك تعال بعد اسبوع .. يودوهو جوازات ام درمان .. حتى الخرطوم مافيها .. يمرمطوك اسبوع .. بعد داك تستلم .. انت داير بره السودان تستلم طوالي كده .. أكيد ماممكن .. عارف أغلب الدول رعاياها في الخارج بيعانوا من شغلة الجواز الجديد .. مانحن برانا .. بل في دول مواطنينها بياخدوا شهرين وثلاثة اشهر لاستلام الجواز الجديد ... بالذات الطلبات التي يتم تقديمها في السفارات .. فربنا يسهل أمر جوازك ..
| |
|
|
|
|
|
|
Re: يا ناس السفارة نرجو العمل عاجلا على تغيير الجوازات (Re: جمال ود القوز)
|
مرحب بكري اسماعيل Quote: لو عايز جواز جديد خلي جوازك القديم ينتهي او يشارف على الانتهاء ، دخلو الغسالة مع الملابس بعد تاخد منو صورة لجميع الصفحات بعد أن يجف دغري على السفارة استخرج بدل تالف وبعدها نقل معلومات وتكون كسبت دفتر جديد وفترة سنتين كمان ، معلومة إنو مافي دفاتر دي كذبة والناس يومي بتستخرج جوازات للأطفال .. |
دي عملية عالية الخطورة أنا ما بعملا علاوة على أن الجواز دا بي شناتو دي عزيز علي جدا وبعدين الجواز القديم دا هنا قاعدين يطلبوه في أي لحظة
بس أحكي ليك قصة جوازي مع ضابط جوازات السفارة (ولحظتها ما مشيت لتبديل جواز وإنما تجديد فقط لأمر عاجل)
لما دخلت على الضابط لقيت معاه إمراة داخلة معاهو في نقة عجيبة لأنها عايزة تفصل بنتها في جواز منفصل
وهو بقول ليها مافي دفاتر لما مديت ليهو جوازي لما رجع لي وراء وقال ليها لو في دفاتر أنا زي دا ما بخليهو يطلع بدون جواز جديد أقتنعت طوالي واتخارجت منو يعني جوازي دا حلاه من ورطة عشان كدا مفروض يدوني جواز الكتروني دبلوماسي
| |
|
|
|
|
|
|
Re: يا ناس السفارة نرجو العمل عاجلا على تغيير الجوازات (Re: حمد عبد الغفار عمر)
|
مرحب جمال ود القوز
Quote: ياحمد يا اخوي .. هو في الخرطوم مافي .. تقدم يقولوا ليك تعال بعد اسبوع .. يودوهو جوازات ام درمان .. حتى الخرطوم مافيها .. يمرمطوك اسبوع .. بعد داك تستلم .. انت داير بره السودان تستلم طوالي كده .. أكيد ماممكن .. عارف أغلب الدول رعاياها في الخارج بيعانوا من شغلة الجواز الجديد .. مانحن برانا .. بل في دول مواطنينها بياخدوا شهرين وثلاثة اشهر لاستلام الجواز الجديد ... بالذات الطلبات التي يتم تقديمها في السفارات . |
كان كدا الله يكون في عونكم إنتو مش نحن
بس ليه مافي دفاتر المشكلة وين؟
بعدين حكاية معاناة ناس الدول التانية دي مسألة وقت لعمل الإجراءات ما بيقولو ليهم مافي
نحن ما بعشموك
| |
|
|
|
|
|
|
|