|
|
 ياسر عرمان دا شايت وين ..
|
بسم الله الرحمن الرحيم
Quote: الوطن - 25/2/2013
طالب مسئولون بارزون بالحركة الشعبية وحكومة جنوب السودان الرئيس سلفاكير ميارديت بفتح تحقيق بشأن اتهامات بالفساد ،فيما وجهت وجهت مفوضية مكافحة الفساد رسمياً خطاب بالاستدعاء بحق رئيس اركان الجيش الشعبى الاسبق اوياى اجاك وياسر عرمان نائب الامين العام للحركة الشعبية والقيادى بقطاع الشمال ، وااكدت مصادر جنوبية فى جوبا ان السلطات تحقق مع موظفين حكوميين يشأن اعمال تجارية يديرها عبدالماجد عرمان احد اشقاء ياسر تتضمن مشروعات لجلب تمويل لمشروع كهرباء جوبا ، ووفقاً للمصادر نفسها فأن مفوضية الفساد تتهم عرمان بتحويل بعض اموال المشروع لنفعته الخاصة واعمال تجارية مشتركة مع رئيس الاركان الاسبق الموقوف على ذمة التحقيقات ، وبحسب المصادر ذاتها فان ياسر عرمان يمتلك بالاشتراك مع الجنرال اجاك عدداً من محطات بيع الوقود بجوبا وبعض عواصم المقاطعات الجنوبية |
بالاشارة للموضوع اعلاه
هل يحق بعد هذا لعرمان التحدث عن فساد المؤتمر الوطنى ( لا خير فيهما معاً ) .. مع العلم بأن هذه ليست المرة الاولى التى ترشح فيها
الاخبار عن شبهات فساد حول عرمان وبالذات ابان وجوده بالخرطوم بعد نيفاشا وكذلك اموال حملته الانتخابية
فهل هذا من يريد ان يحكمنا فى سودانه الجديد ...
هذا غير علاقة الحركة الشعبية قطاع الشمال بدولة الجنوب حيث ان القطاع لا زال يرتبط بالحركة الام ولم يتم
فك الارتباط حتى الان لمقاومة جنرلات الحركة الام لفك الارتباط ..
|
|
 
|
|
|
|
|
|
|
|
Re: ياسر عرمان دا شايت وين .. (Re: Artiga Gilani)
|
Artiga Gilani
طبعا حركات جهاز الأمن دي ما بتفوت على أي زول.
هسع الجماعة الكاتبين الخبر ده بعرفو أخوان ياسر عرمان كويس ولا القصة فقط بمجرد أنهم أشقائه من السهولة رميهم وتلفيق لهم تهم سخيفة؟
يا صاحب البوست.
مشكلة الأمنجية والكيزان هي أنهم حتى في الكذب والتلفيق فاشلين.
أرجع لجماعتك ديل وقول لهم عبد الماجد عرمان ده زول طالب بدرس طيران في جامعة فلوريدا بأمريكا، ولا توجد لديه أي أعمال في جنوب السودان أو شمال السودان.
| |
|
|
|
|
|
|
|
 Re: ياسر عرمان دا شايت وين .. (Re: Deng)
|
| Quote: أرجع لجماعتك ديل وقول لهم عبد الماجد عرمان ده زول طالب بدرس طيران في جامعة فلوريدا بأمريكا، ولا توجد لديه أي أعمال في جنوب السودان أو شمال السودان. |
بعد سبتمبر اليفينث قرار أمريكا وااااااااااااااااضح مافي زول من دولة عربية بيقرا طيران في أمريكا
لكن دي منح لدولة الجنوب طلعت قريب دا
صديقتنا حفت وصوتها إنبح عشان ياخدوا ليها ولدها فيها وما إتوفقت ولدها جنوبي ابا عن جد
وعبدالماجد قبل مايجي فلوريدا قريب دا أكيد ماكان في بطن والدته
| |
|
|
|
|
|
|
|
|
|
Re: ياسر عرمان دا شايت وين .. (Re: Rawia)
|
Quote: بعد سبتمبر اليفينث قرار أمريكا وااااااااااااااااضح مافي زول من دولة عربية بيقرا طيران في أمريكا
لكن دي منح لدولة الجنوب طلعت قريب دا
صديقتنا حفت وصوتها إنبح عشان ياخدوا ليها ولدها فيها وما إتوفقت ولدها جنوبي ابا عن جد
وعبدالماجد قبل مايجي فلوريدا قريب دا أكيد ماكان في بطن والدته |
عدد الطلاب من الدول العربية الأن في زيادة ملحوظة وهم يدرسون في معظم التخصصات بأمريكا بما في ذلك دراسة الطيران. خصوصا طلاب دول الخليج.
إذا كانت المنحة دي من منح دولة الجنوب، وهل جنسية الطالب ومكان ميلاده قد تغيب على الأمريكان؟
هههههههههههه
| |
|
|
|
|
|
|
|
|
|
Re: ياسر عرمان دا شايت وين .. (Re: Deng)
|
Quote:
صديقتنا حفت وصوتها إنبح عشان ياخدوا ليها ولدها فيها وما إتوفقت ولدها جنوبي ابا عن جد
وعبدالماجد قبل مايجي فلوريدا قريب دا أكيد ماكان في بطن والدته |
رواية سلام
انا عندي واحد صحبي درس طيران في فلوريدا
| |
|
|
|
|
|
|
|
|
|
Re: ياسر عرمان دا شايت وين .. (Re: Mohamed Foto7li)
|
Quote: بعد سبتمبر اليفينث قرار أمريكا وااااااااااااااااضح مافي زول من دولة عربية بيقرا طيران في أمريكا
لكن دي منح لدولة الجنوب طلعت قريب دا
صديقتنا حفت وصوتها إنبح عشان ياخدوا ليها ولدها فيها وما إتوفقت ولدها جنوبي ابا عن جد
وعبدالماجد قبل مايجي فلوريدا قريب دا أكيد ماكان في بطن والدته |
على ما اظن ان ماجد عرمان مواطن امريكي كامل الدسم ولا تستطيع قوة في امريكا ان تمنع مواطن امريكي ان يدرس ما يشاء وقتما ما يشاء بعد استكمال شروط التسجيل.
الخبر مضحك وعلى الذين ينتجون مثل هذه الاخبار احترام عقولنا.
طبعاً اي انسان في هذه الدنيا يمكن ان يكون فاسداً، ولكن على المدعي ان يأتي ببينة على ادعائه. مش كده؟
| |
|
|
|
|
|
|
|
|
|
Re: ياسر عرمان دا شايت وين .. (Re: الصادق اسماعيل)
|
بسم الله الرحمن الرحيم
الاخ / الصادق
Quote: على ما اظن ان ماجد عرمان مواطن امريكي كامل الدسم ولا تستطيع قوة في امريكا ان تمنع مواطن امريكي ان يدرس ما يشاء وقتما ما يشاء بعد استكمال شروط التسجيل.
الخبر مضحك وعلى الذين ينتجون مثل هذه الاخبار احترام عقولنا.
طبعاً اي انسان في هذه الدنيا يمكن ان يكون فاسداً، ولكن على المدعي ان يأتي ببينة على ادعائه. مش كده؟ |
اشمعنى دى بس العايزة بينة
سؤال برى
| |
|
|
|
|
|
|
|
|
|
Re: ياسر عرمان دا شايت وين .. (Re: Deng)
|
بسم الله الرحمن الرحيم
الاخ / دينق
ياخ غبت عن المنبر دا 10 سنين ورجعت ولقيتك زى ما انت
الكلامو ما بعجبك يا امنجى يا كوز ...
| Quote: أرجع لجماعتك ديل وقول لهم عبد الماجد عرمان ده زول طالب بدرس طيران في جامعة فلوريدا بأمريكا، ولا توجد لديه أي أعمال في جنوب السودان أو شمال السودان. |
هسى عليك الله من الخبر دا كلو ما لقيت الا الجزئية دى
الحديث هنا وبعد هذا الخبر هو هل مناضل قطاع الشمال / عرمان مؤهل للحديث عن فساد الانقاذ .. وهل هو مؤهل للحديث عن سودان جديد يدعو له ويريد ان يحكمنا من خلاله ...
اما حكاية اخوهو دى اعتبرا نزلت خطأ فى الخبر وشوف ليك حاجة غيرا
| |
|
|
|
|
|
|
|
|
|
Re: ياسر عرمان دا شايت وين .. (Re: Deng)
|
سلام صاحب البوست
خبر انتباهى و مطبوخ فى جهاز الامن وعارى من المهنية والاخلاق وبشبه صحافة الخرطوم صنيعة الامن فى ملاحقة الشرفاء والنشطاء الذين تقلق تحركاتهم النظام..ومعرفتى بالاخ ماجد وباقى الاسرة يتصفوا بنزاهةو الاستقامة ولو ارادوا استغلال الامكانيات المتوفرة لما حال دونهم شئ.ولكن راس مالم الضمير الحي والمبادئ التى تميزهم عن اصحاب المشروع الحضارى الفاسد على فكرة (ماجد عرمان )لم يغادر محافل العلم والتحصيل الدراسى ولا يملك حتى مصاريف يومة .وسياسة النيل من الخصوم بهذه الطريقة لن ولم تحمى نظامكم الفاسدمن السقوطand#1632;
| |
|
|
|
|
|
|
|
|
|
Re: ياسر عرمان دا شايت وين .. (Re: هيثم الحسين)
|
بسم الله الرحمن الرحيم
الاخ / هيثم
كتبت فى صدر الخبر ان المصدر صحيفة الوطن
ما عايز اخوض فى باقى كلامك ولكن لى سؤال
هل هذه اول مرة يدور فيها الحديث عن تورط
مناضل السودان الجديد بفساد مالى وان يصدر
الاتهام من الحركة الشعبية نفسها وليس اى جهة
لها علاقة بالشمال ..
| Quote: لن ولم تحمى نظامكم الفاسدمن السقوط |
هسى عرفتو نظامى انا كيف ( بتعرف اهل عرمان ما سئلناك .. فهل بتعرفنى انا عشان تعرفو نظامى ولا لا )
واذا كان قطاع الشمال هو من سيسقط حكومة الانقاذ
( فابشرى بطول عمر ي انقاذ ) اقتباساً عن بيت الشعر المشهور
| |
|
|
|
|
|
|
|
|
 Re: ياسر عرمان دا شايت وين .. (Re: Dania Elmaki)
|
أولا بعتذر لعرمان الصغير
لا أعرف عنه أي معلومة ولا بعرفو شخصيا
إفترضت صحة الخبر
وربطتها مع وضع الصديقة التي عانت الامرين ولازالت بغرض توفير الفرصة لابنها
كونها أم وحيدة بتربي في عدد من الاطفال وبالمناسبة عند رجوعها من الجنوب لبلد المهجر وضعت في الكارنتينة ولازات تعاني من المرض وطريحة فراش
برضو دا ماسبب للتجني على عرمان الصغير
تاني متأسفة وربنا يوفقه في دراسته
| |
|
|
|
|
|
|
|
|
|
Re: ياسر عرمان دا شايت وين .. (Re: Rawia)
|
الاخ الكريم
الخبر موجود ايضا فى عدد الانتباهة بتاع امس وفى صحف اخرى فى النهاية كلها صحافة مدفوعة الاجرand#1632;and#1632;بخصوص الاتهامات للقائد(ياسر عرمان)هى حملة تتصف بالقذارة والنتانة واستخدام كل الادوات اللا اخلاقية وهي لم تبتدئ اليوم ولن تنتهي غدا طالما هو في صف الانحياز للقضايا الانسانية الكبري والعدالة الاجتماعية... بعداك ياخ الخبر زي الابن اللقيط لا في مصدر لا دليل لا وثائق تثبت الاتهامات غير مجانية الكلام
العزيزة راوية
هذا نبل اخلاقي منك في الرجوع عن الخطأ الفادح لانك انتي تعرفي هذه مجرد اكاذيب وحملة سياسية من المؤتمر الوطني ودخول الناس ديل لامريكا لا يحتاج لحكومة الجنوب والاخ عبدالماجد يحمل الجنسية الامريكية بنفس الطريقة التي قدمتي بها انت لامريكا.. وتحياتي
| |
|
|
|
|
|
|
|
|
|
Re: ياسر عرمان دا شايت وين .. (Re: هيثم الحسين)
|
Quote: اشمعنى دى بس العايزة بينة
سؤال برى |
لأنو بعرف ماجد شخصياً وكنت عايش معاهو في نفس المدينة، وعارف كيف بيشتغل وبيقرأ في نفس الوقتن فلمن يجيني فاسق بنبا فعلي ان اتبيت حتى لا اصيبه بجهال’
وكما قلت ليس هناك شخص معصوم من الخطأ، فإذا كانت هناك بينة على فساد ياسر عرمان أو اي شخص، فيجب أن ينال عقابه على هذه الخيانة للأمانة.
لكن ان يتهم اي شخص بأي تهمة وبدون دليل، فهذا معروف أنه جريمة تشهير وقذف.
بالطبع انت نقلت لنا الخبر ونحن قلنا رأينا في الخبر، ومستعدين للإدان والشجب إذا تمّ إثبات هذه التهمة. أما إلقاء الكلام على عواهنه فهذا ما لن نتركه يمر مرور الكرام
ودمت.
| |
|
|
|
|
|
|
|
|
|
Re: ياسر عرمان دا شايت وين .. (Re: الصادق اسماعيل)
|
اخوي اتخرج من هندسة طيران من فلوريدا دايتونا بيتش نفس جامعة ماجد عرمان دي قبل سنتين' و انا درست في نفس الجامعه دي فرع ميريلاند قبل تسعه سنوات. عندنا صاحبنا سعودي اسمه محمد الغنيم حيتخرج طيار شهر خمسه. مافي اي حاجه بتمنع زول يدرس طيران عشان جنسيته.
| |
|
|
|
|
|
|
|
|
 Re: ياسر عرمان دا شايت وين .. (Re: Dania Elmaki)
|
شوف الدفاع المستميد دة . بس كان يكون المتهم دة كوز كان البوست وصل عشرة صفحات لاكن عرمان وشركاة لاياتيهم الباطل من بين ايديهم و لامن خلفهم . الموضوعية مطلوبة حتي في إبداء الرأي . لك الله ياسودان الهناء .
| |
|
|
|
|
|
|
|
|
|
Re: ياسر عرمان دا شايت وين .. (Re: Deng)
|
بسم الله الرحمن الرحيم
الاخ / دينق
Quote: هذا الخبر تم توزيعه بواسطة جهاز الأمن الى صحف معينة، ومن ضمنها الوطن والإنتباهة.
وهذا ليس هي المرة الأولى أو الأخيرة نسمع فيها مثل هذه الأكاذيب الكيزانية في حق المناضلين الشرفاء. |
واحدة من اتنين
يا ناس الامن اتصلو بيك وقالو ليك نحنا وزعنا الخبر
يا انت قاعد تتهمهم بالباطل .. وعليك بالبينة كما ورد
فى احدى المداخلات
| |
|
|
|
|
|
|
|
|
|
Re: ياسر عرمان دا شايت وين .. (Re: مبارك محمداني)
|
بسم الله الرحمن الرحيم
الاخ / مبارك
المضحك المبكى انهم يستنكرون ان تتهم احد بشئ
ولكنهم يبيحون لانفسهم ذلك ..
هسى وصفى بانى كوز دا اتهام ولا الزول القال
الكلام دا عندو دليل ...
انها عقدة تقديس الاشخاص .. ومنهم المناضل
عرمان ..
اسعدنى مرورك
| |
|
|
|
|
|
|
|
|
|
Re: ياسر عرمان دا شايت وين .. (Re: الصادق اسماعيل)
|
بسم الله الرحمن الرحيم
الاخ / الصادق
Quote: بالطبع انت نقلت لنا الخبر ونحن قلنا رأينا في الخبر، ومستعدين للإدان والشجب إذا تمّ إثبات هذه التهمة. أما إلقاء الكلام على عواهنه فهذا ما لن نتركه يمر مرور الكرام
ودمت. |
كده عداك العيب يا حبيب
عارف اى اتهامات رشحت بخصوص عرمان
لم يكن لاى جهة شمالية صلة بها .. كلها كانت
تصدر من داخل الحركة الام أو تابعتها ( قطاع الشمال )
| |
|
|
|
|
|
|
|
|
|
Re: ياسر عرمان دا شايت وين .. (Re: هيثم الحسين)
|
بسم الله الرحمن الرحيم
الاخ / هيثم
| Quote: وهي لم تبتدئ اليوم ولن تنتهي غدا |
مثل هذه الاتهامات ليست جديدة كما تفضلت .. ولكن .. اذكر
لى جهة واحدة لها علاقة بالشمال ساقت مثل هذه الاتهامات قبلاً
فبخصوص اموال القطاع عند تكوينه بالشمال والى اموال الحملة
الانتخابية الرئاسية كلها كانت اتهامات من داخل الحوش .. فهل
اهل حوش الحركة الشعبية هم من يقودون هذه الحملة التى تزعمها ؟
سؤال تانى :
وثائق زى شنو
مثلاً
اقرارات ذمة
ولا اقرارات فساد
يعنى ؟
| |
|
|
|
|
|
|
|
|
|
Re: ياسر عرمان دا شايت وين .. (Re: Deng)
|
الفاضل ارتيقا مكاوي تحياتي
ومرحب بك بالبورد.
ورجاء يا دينق نحن وحياتك لن نضع رؤسنا في الرمال..... وانت اذا فاكر منحه دراسه للطيران (طلعت باسم اهل الجنوب البيستحقوها) تمشي لشمالي مسنود وما محتاج
لمجرد انه مناضل فده استغلال للنضال.....الا يكفي (الجنوبين) استغلال كل هذه السنين احتى منحهم يطمع فيها بعض (المناضلين)؟!
اه ايه رايك لو كل مناضل من قطاع الشمال (شمالي) عايز يطمع في منح اهل الجنوب؟!
يلا الحساب ولد.....
كفوا لينا بالله منصور خالد واقربائه واولاد اخونه واخواته لو كان له.
وكفوا لينا الواثق كمير وعياله و احفاده كمان!!
وما تنسي د.محمد يوسف واسرته الممتده!!
وما تنسي كمرد ياسر جعفر واخوانه وعلى فكره (كلهم) حملوا لابندقيه فعلا ولم يكتفوا مثل (الاخوة عرمان) بوراثة اسم اخيهم....
وما تنسي اسرة ناس لاستاذه احسان عبد العزيز واسرتها
وكمان استاذنا علي عسكوري واسرته
وكمان كمرد .....بقه....وغيره....وغيره.....وياسر حامد......وعييييييييك ان شاء الله اهل الجنوب ما يقروا ذاته....يقروا ليه....ما يقروا..... قيادات قطاع الشمال واحفادهم واصدقائهم!!
وخليك انت تجامل هنا وناسي انه ده شعب اعياهو الانتظار!!
| |
|
|
|
|
|
|
|
|
|
Re: ياسر عرمان دا شايت وين .. (Re: Artiga Gilani)
|
| Quote: هل يحق بعد هذا لعرمان التحدث عن فساد المؤتمر الوطنى ( لا خير فيهما معاً ) .. مع |
نعم يحق للكمريد ياسر عرمان الحق بالتحدث بفساد المؤتمر الوطنى ويحق لياسر عرمان بامتلاك طرمبات فى جوبا وفى اى مدينة جنوبية تعرف يا ارتيقا جيلانى الهنود والاثيوبيين والاوغنديين والكينيين عندهم طرمبات وتجارة وبقية التجار الشماليين موجدين فى فى جوبا تقول لى ياسر عرمان انت ما قريت نضال ياسر عرمان والله شنو ؟؟؟؟؟
| |
|
|
|
|
|
|
|
|
|
Re: ياسر عرمان دا شايت وين .. (Re: Artiga Gilani)
|
الحركة الشعبية فى هذا الوقت تتعرض للهجوم من المؤتمر الوطنى بسبب مقدرتها على هزيمته ميدانيا.
الحركة الشعبية ايضا تتعرض للهجوم من مواهيم النضال والسذج (أمثال تراجى مصطفى) بسبب أن نضال الحركة الشعبية وكودرها يتجاوز مقدراتهم المتخلفه إن لم تكن المتواضعة ،
وبسبب أن طموحهم فى (القيادة) موضع للسخرية !
الحقيقة هى أن هجوم المؤتمر الوطنى وكل بلهاء السياسة السودانين لايصعب دحضه، فهو هجوم على بلادته يدل على قماءة وبدائية وجهل مدقع!
مثلا:
أن يقول أحد ان أحد أشقاء الاستاذ عرمان ، الامين العام للحركة الشعبية يدرس بمنحة ما (خصصت للجنوبيين) فى معهد امريكى للطيران.
كويس .
هل يعرف اى من هؤلاء الجهاليل أن (المنح الدراسية) فى أمريكا يمكن التحقق منها بسهوله، فما على المشكك الا الاتصال بهذا المهد أو الجامعه والتحقق من المعلومه !
والسؤال هو : هل هنالك منح لدراسة الطيران مخصصة للجنوبيين فى المعهد الذى يدرس فيه شقيق الاستاذ عرمان الاصقر من اصلو ؟
كاتب اليوست نقل خبر يقول عن مدى سذاجته ومن تداخل معه بالتأييد بدرورهم غاية فى السذاجة ...
| |
|
|
|
|
|
|
|
|
|
Re: ياسر عرمان دا شايت وين .. (Re: Khalid Kodi)
|
العبيط خالد كودي
يا اخي قدرات تراجي مصطفى خليها لانك آخر من يطلب منه تقيمها.....بس فقعته مرارتنا بحكاية(الصغيره المصر تكتبها(الصقيره) يا اخي طلعته عينا في هذا الخطأ المتكرر!!
هو نحن فاضين نحقق وراء.....قصص (عمك عرمان واسرته)؟! وجناحه الفاسد في الحركه الشعبيه؟!
انتصارات...شنو (العسكريه) ......يا مسكين البتعني الجناح ده (العرماني) ده........يا جاهل....معروف للجميع انه(الميدان) او ل ما يدور عرمانك ده بالذات بتمسكه(ام هلهله....هلهله)!!
لانه بيكره العسكريه.....و العسكرين لانه ضعيف عسكريا!! فما تملانا فكر باوهامك دي يا وهم انت!!
Quote:
الحركة الشعبية ايضا تتعرض للهجوم من مواهيم النضال والسذج (أمثال تراجى مصطفى) بسبب أن نضال الحركة الشعبية وكودرها يتجاوز مقدراتهم المتخلفه إن لم تكن المتواضعة ،
وبسبب أن طموحهم فى (القيادة) موضع للسخرية !
|
ههههههههههههههههههههههههههههههههههههههههههههههههههههه!
انظروا من يتحدث عن القدرات!!
العلك تتوهم باني لي رغبه في مناشة امثالك من الهتيفه و الابواق!!
الكتوف ليست متساويه ايها ( ا ل ج ب ان ) يكفي انك معروف بانه من (ج ب ن ك ) انتحلت اسم لتوصيل اراءاك ولم تملك الجرأه لكتابتها باسمك الحقيقي؟!
| |
|
|
|
|
|
|
|
|
|
Re: ياسر عرمان دا شايت وين .. (Re: Artiga Gilani)
|
بسم الله الرحمن الرحيم
الاخ / احمد حمودى
| Quote: نعم يحق للكمريد ياسر عرمان الحق بالتحدث بفساد المؤتمر الوطنى ويحق لياسر عرمان بامتلاك طرمبات فى جوبا وفى اى مدينة جنوبية تعرف يا ارتيقا جيلانى الهنود والاثيوبيين والاوغنديين والكينيين عندهم طرمبات وتجارة وبقية التجار الشماليين موجدين فى فى جوبا تقول لى ياسر عرمان انت ما قريت نضال ياسر عرمان والله شنو ؟؟؟؟؟ |
حبابك اخوى
عارف انت اول زول يتحدث فى موضوع البوست الاساسى ..
الجماعة خلو الموضوع الاساسى وشبكونا عرمان الصغير
بقرا طيران وما عارف ليك شنو وخلو التساؤل الاساسى الانا
طرحتو فى نهاية تعليقى على الخبر .
اما عن نضال عرمان فمن منا لا يعرفه .. وهو يناضل بشهادته
بالكونجرس ويؤلب امريكا والعالم على وطنه ..
ويقوض استقرار المهمشين الذين بتحدث باسمهم بجنوب كردفان
والنيل الازرق وبمسنادة الفرقتين التناسعة والعاشرة .. ويعمق
جراحهم بالنزوح واللجؤ والتشريد ...
كيف لا اعرف نضاله وهو يقود حركة عسكرية ( حتى الان )
تتبع لدولة اخرى تنظيماً وتمويلاً ضد بلاده ويتجار بقضايا
المهمشين .
وان صح الخبر المنقول بهذا البوست تكتمل ملاحم نضاله
الخالدة .
دمت بخير
| |
|
|
|
|
|
|
|
|
|
Re: ياسر عرمان دا شايت وين .. (Re: Artiga Gilani)
|
بسم الله الرحمن الرحيم
دينق
| Quote: الكوز Artiga Gilani |
كوز شنو يا زول
انت عايز تشوه سمعتى
وسط المناضلين الهنا ولا قصدك شنو
فى اول مداخلة قلت ليك
غبت 10 سنين ورجعت
ولقيتك زى ما انت
وبعدين اللت والجن الهنا شوية
بقت على انا يعنى
| |
|
|
|
|
|
|
|
|
|
Re: ياسر عرمان دا شايت وين .. (Re: Artiga Gilani)
|
بسم الله الرحمن الرحيم
الاخ / ود القوز
Quote: شايت صالح ورقو يا أرتيقا يأخ ....
ده زول عميل ليس إلا .....وبس ... |
( هو وكتيرون مثله من المناضلين كما تفضلت اخى )
والمصيبة وانه فى سبيل ورقهم هذا يموت الكثيرون
الذين يتجارون هم بقضاياهم ومعاناتهم .. والاعجب
من ذلك ما يجدونه من تقديس يفوق الوصف من قواعد
مخدرة بشعارات السودان والثورية والنضال ....
انهم تجار حرب اخى لا يستقيم امرهم فى السلم .. فقد
كانوا شركاء فى الحكم وانقلبوا عليه بامر دبروه ليلاً
( او دبر لهم ) .. فتحولو بين ليلة وضحاها من حكام
ولايات ووزراء الى حاملى سلاح ومتمردين ...
والان يزيدون معاناة المهمشين بالعمليات العسكرية
بجنوب كردفان والنيل الازرق ويزدادون ثراءً مقابل
ذلك ...
لهم الله اهل الوجعة الحقيقية والقضية
| |
|
|
|
|
|
|
|
|
|
Re: ياسر عرمان دا شايت وين .. (Re: Artiga Gilani)
|
Quote: اما عن نضال عرمان فمن منا لا يعرفه .. وهو يناضل بشهادته
بالكونجرس ويؤلب امريكا والعالم على وطنه ..
ويقوض استقرار المهمشين الذين بتحدث باسمهم بجنوب كردفان
والنيل الازرق وبمسنادة الفرقتين التناسعة والعاشرة .. ويعمق
جراحهم بالنزوح واللجؤ والتشريد ...
كيف لا اعرف نضاله وهو يقود حركة عسكرية ( حتى الان )
تتبع لدولة اخرى تنظيماً وتمويلاً ضد بلاده ويتجار بقضايا
المهمشين .
وان صح الخبر المنقول بهذا البوست تكتمل ملاحم نضاله
الخالدة .
|
الاخ ارتيقا
يبدو ان لهذا الياسر عرمان قوة ومقدرات فذة لم يسبق لاحد امتلاكها.
سيارة عرمان يستطيع أن يجعل اكبر قوة عسكرية واقتصادية تسمع كلامو
ياسر عرمان "وحده لا شريك له" يقوض استقرار المهمشين
ياسر عرمان "السوبرمان" يقود حركة عسكرية تتبع لدولة الجنوب.
يعني هسه لو ياسر دا مات موت الله الجاينا كلنا دا، مشاكل السودان دي كلها بتنحل.
الأخ ارتيقا
قليل من الموضوعية لن يضيرك في شئ، واحترام القارئ مهم، لكن ان تأتي بخبر أنت لست متأكد منه، بل انت مجرد ناقل له وبدون الـاكد من المعلومات فهذا استخفاف بعقل الاخرين.
قلت أن البعض اتهمك بأنك كوز، عن نفسي لا أعتبر أن "الكوزنة" نوع من الإتهامات التى تحتاج لإدانة، "فالكوز" هو عضو لتنظيم سياسي موجود مثله مثل عضوية الاحزاب الاخرى من شيوعي او بعثي او اتحادي.
لذلك إعتبار أن يقول لك شخص أنك "كوز" هذه ليست تهمة "قذف" ولا ترتقى لدرجة أن يتهمك احد بأنك "سرقت وافسدت"، ويجود في كل تنظيم من هو فاسد ومن هو صالح.
بالطبع لك الحق في محلربة ياسر عرمان إذا كنت ترى أنه تسبب في كل الدمار الذي ذكرته اعلاه، لكن رأفةً بنا واحتراماً لنا يمكنك ان تتكلم عن مواقفه وتفندهاواذا كانت هناك اتهامات فيجب ان يكون هناك دليل.
انا لا اعرفك فهل يمكن ان اقول ان ارتيقا جيلاني يملك مصادر دخل مشبوهة وياخذ اموال ليكتب ضد ياسر عرمان (من السهولة أن انشئ حساب الكترونى وأرسل فيه رسالة لنفسي تقول أنك عميل لجهاز الامن وتكتب ضد ياسر من اجل المال). طبعاً كل الذي سافعله هو أنا اكتب عنوان للبوست
http://Artiga Gilani متهم بالفساد
واو ما تفتح البوست حتلقى اول مداخلة لي
| Quote: هذا ما وردني في اميل من مجهول، وانا اتساءل هل فعلاً اورتيقا شخص مشبوه وفاسد؟ |
طبعاً دا سيناريو قابل للتطبيق وممكن بسهولة يتعمل.
ودا البيعملوا فيهو الناس البينشروا الاخبار من النوع الانتا جبتو دا.
لذلك كما قلتا لو كنت تريد أن تناقش مواقف ياسر عرمان فيمكن ان تناقشها وتنتقدها بموضوعية، اما اذا كان هدفك هو اغتيال شخصية ياسر والمساهمة في نشر الإشاعات حوله فقد نجحت في ذلك بمساهمتك بنشر هذا الكلام الغير مستند على دليل.
| |
|
|
|
|
|
|
|
|
|
Re: ياسر عرمان دا شايت وين .. (Re: الصادق اسماعيل)
|
Quote:
كاتب اليوست نقل خبر يقول عن مدى سذاجته ومن تداخل معه بالتأييد بدرورهم غاية فى السذاجة |
سذاجة في عينك ياخالد كودي
في سذاجة أكتر من إنك عاوز أكبر راس في الجلعيين يجي يعتذر ليك؟
في سذاجة أكتر من إنك تفترض النزاهة الكاملة حد الالوهية في من تعتقد فيهم من البشر؟
في سذاجة أكتر من إنك تغش الناس وتشتمهم باسم إمرأة ؟
| |
|
|
|
|
|
|
|
|
|
Re: ياسر عرمان دا شايت وين .. (Re: Rawia)
|
Quote: كوز شنو يا زول
انت عايز تشوه سمعتى
وسط المناضلين الهنا ولا قصدك شنو
فى اول مداخلة قلت ليك
غبت 10 سنين ورجعت
ولقيتك زى ما انت
وبعدين اللت والجن الهنا شوية
بقت على انا يعنى |
الكوز Artiga Gilani
مالك هارب من الكوزنة؟
مش أنت Artiga Gilani البتشتغل في مصانع التصنيع الحربي الكيزانية جياد، ولا أنت زول تاني؟
مرحب بك في البورد ككوز جديد يريد أن يتخبى.
أربط الأحزمة، لأن الدقداق هنا شديد.
| |
|
|
|
|
|
|
|
|
|
Re: ياسر عرمان دا شايت وين .. (Re: Rawia)
|
الاستاذه راويه العباسى،
تحياتى،
ياأخى إنتى خرمجتى وإعتذرتى تانى (حاكاها مالك)؟
ماممكن أكون قاصد ب(السذاجه) دى الناس المازالوا فى غيهم سادرون ... ؟
وبعدين يعنى عايزانى ادخل معاك فى (سجالات) داحس والغبراء ؟
أبيت!
الامر ببساطه ، كاتب هذا البوست تناول كذبتين بليدتين من صنع آلة إعلام الانقاذ وسذج هذا المنبر تبنوها أو بنوا عليهما وهما كالاتى:
1/:
(الوطن - 25/2/2013
طالب مسئولون بارزون بالحركة الشعبية وحكومة جنوب السودان الرئيس سلفاكير ميارديت بفتح تحقيق بشأن اتهامات بالفساد ،فيما وجهت وجهت مفوضية مكافحة الفساد رسمياً خطاب بالاستدعاء بحق رئيس اركان الجيش الشعبى الاسبق اوياى اجاك وياسر عرمان نائب الامين العام للحركة الشعبية والقيادى بقطاع الشمال ، )
فقد عرف صانع الخبر بخطاب صادر من مفوضية مكافحة الفساد بالاستدعاء بحق رئيس اركان الجيش الشعبى الاسبق اوياى اجاك وياسر عرمان نائب الامين العام للحركة الشعبية والقيادى بقطاع الشمال، حسنا ، هل أتى بنسخة من هذا الخطاب؟
هل قال كيف عرف حتى ؟
إن فعل فمن السهولة أن نتحقق من صحة مصدر الخطاب ، ومن ثم نتابع إجراءت التحقيق ، وإن ثبت تورط الاستاذ ياسر عرمان ندينه زى السلام عليكم ونقود ضده الحمالات .. الخ!
الان، انت صدقت هذا، وزدتى عليه، وعندما قلنا (عيب كده) وهذه سذاجه ... إدعيتى بأننا عبدة اشخاص... الخ!!
عيب كده ياراويه ، ( وياأخى نحن الله قادرين نعبدو كويس ) خليك من ياسر عرمان كمان !
الجزئية الثانية فى الخبر تقول:
(وااكدت مصادر جنوبية فى جوبا ان السلطات تحقق مع موظفين حكوميين يشأن اعمال تجارية يديرها عبدالماجد عرمان احد اشقاء ياسر تتضمن مشروعات لجلب تمويل لمشروع كهرباء جوبا ، ووفقاً للمصادر نفسها فأن مفوضية الفساد تتهم عرمان بتحويل بعض اموال المشروع لنفعته الخاصة واعمال تجارية مشتركة مع رئيس الاركان الاسبق الموقوف على ذمة التحقيقات ، وبحسب المصادر ذاتها فان ياسر عرمان يمتلك بالاشتراك مع الجنرال اجاك عدداً من محطات بيع الوقود بجوبا وبعض عواصم المقاطعات الجنوبية)
وقلنا أن الاستاذ عبد الماجد عرمان لاعلاقة له بالتجارة من أصلو، وهو طالب ... فتطوعتى (بمعلومه من بنات أفكارك ) مفادها أن الاخ عبد الماجد عرمان يدرس (بمنحة) للجنوبيين تطوعت بالمعلومة من باب محاولة دمغ الامين العام للحركة بأى شىء مسيىء ... أى كان هذا الشىء ! ! وهذا من باب المكايده السياسية والاستمرار فى الانخراط فى الحملة المنظمة ضد الحركة الشعبية وقيادتها ورميهم بكل مايسيىء ! وهذا بالطبع غض النظر عن إعتقادى فى إذا ماكانت هنالك مشكلة من أصلو فى أن يدرس الاستاذ عبد الماجد عرمان بمنحة لدولة الجنوب.
فياراويه إعتذارك فى محلو، وأتمنى أن لاتنخرطى فى مثل هذه الحملات المفضوحة مرة اخرى .
أما عن ماكتبتيه من باب (المطاعنه) فعافى ليك ، لإنو إنتى برضو من عندينا!
مع التحية!
| |
|
|
|
|
|
|
|
|
|
Re: ياسر عرمان دا شايت وين .. (Re: الصادق اسماعيل)
|
بسم الله الرحمن الرحيم
الاخ / الصادق
Quote: الاخ ارتيقا
يبدو ان لهذا الياسر عرمان قوة ومقدرات فذة لم يسبق لاحد امتلاكها.
سيارة عرمان يستطيع أن يجعل اكبر قوة عسكرية واقتصادية تسمع كلامو
ياسر عرمان "وحده لا شريك له" يقوض استقرار المهمشين
ياسر عرمان "السوبرمان" يقود حركة عسكرية تتبع لدولة الجنوب. |
انا استخدمت لفظ يؤلب والتأليب يمكن ان يصدر عن من يملك الحيلة ( القوة ) او من
لا يملكها على حد السواء .. ولكن فى معظم الاحوال الذى يؤلب هو من لا يملك القوة
والمقدرة الفذة ( حسب تعبيرك ).. فشوف براك هو من ياتو فئة .
( لا شريك له ) دى موضوعية منك برضو ولا افهما كيف .
اما حكاية قوة عسكرية تتبع لدولة الجنوب فاوعك تقول لى جيب دليل عليها ولا تكون
برضو ما موضوعى ( زى كده )وما بتحترم عقول الناس ( زى كده ) .
| Quote: قليل من الموضوعية لن يضيرك في شئ، واحترام القارئ مهم، لكن ان تأتي بخبر أنت لست متأكد منه، بل انت مجرد ناقل له وبدون الـاكد من المعلومات فهذا استخفاف بعقل الاخرين. |
Quote: وان صح الخبر المنقول بهذا البوست تكتمل ملاحم نضاله
الخالدة . |
موضوعية اكتر من كده كيف .
Quote: قلت أن البعض اتهمك بأنك كوز، عن نفسي لا أعتبر أن "الكوزنة" نوع من الإتهامات التى تحتاج لإدانة، "فالكوز" هو عضو لتنظيم سياسي موجود مثله مثل عضوية الاحزاب الاخرى من شيوعي او بعثي او اتحادي.
لذلك إعتبار أن يقول لك شخص أنك "كوز" هذه ليست تهمة "قذف" ولا ترتقى لدرجة أن يتهمك احد بأنك "سرقت وافسدت"، ويجود في كل تنظيم من هو فاسد ومن هو صالح. |
ارجع للمشاركة الكتبتها فى خصوص موضوع انى كوز للاخ / دينق وراجع صيغة حديثى عن الامر .. وان ما وقع ليك المقصد وصيغة الحديث بشرح ليك
| Quote: بالطبع لك الحق في محلربة ياسر عرمان إذا كنت ترى أنه تسبب في كل الدمار الذي ذكرته اعلاه، لكن رأفةً بنا واحتراماً لنا يمكنك ان تتكلم عن مواقفه وتفندهاواذا كانت هناك اتهامات فيجب ان يكون هناك دليل. |
بالنسبة لسببه بالدمار .. انا مؤمن تماماً بأن البندقية عمرها ما كانت حل .. وعمرها ما كانت عامل تنمية .. وهذا الامر لا يقف على عرمان وحده فكل من يحمل السلاح من الحركات المسلحة عليه ان يعرف ( وهم بعرفو ) ان الحرب لا تخلف ورائها سوى البؤس والدمار والخراب .. ولا تزيد اصحاب القضية الحقيقين اكثر من ان تزيد فى معاناتهم وبؤسهم .. لانهم المعارك لن تخلف لهم سوى النزوح واللجؤ والتشرد ولا اعتقد بان هذا الثالوث ( اللجؤ - النزوح - التشرد ) يعتبر انتصاراً لقضاياهم وحلاً لمشكلات .. وفى المقابل تجد ان تجار هذه الحروب هم المتفيد الاول من استمرارها .. فكلما طال امدها كلما ازدادو ثراءً وتجوالاً حول العالم ... لذلك الحرب ليست بالحل الناجع لمشاكل المهمشين .
اما عن موضوع الخبر فانا نقلت الخبر ولم اؤكده وفى احدى المداخلات استخدمت تعبير ( وان صح هذا الخبر ) ..
| Quote: اما اذا كان هدفك هو اغتيال شخصية ياسر والمساهمة في نشر الإشاعات حوله فقد نجحت في ذلك بمساهمتك بنشر هذا الكلام الغير مستند على دليل. |
ان شاء الله اكون نجحت ياخ
| |
|
|
|
|
|
|
|
|
|
Re: ياسر عرمان دا شايت وين .. (Re: Artiga Gilani)
|
| Quote: كاتب اليوست نقل خبر يقول عن مدى سذاجته ومن تداخل معه بالتأييد بدرورهم غاية فى السذاجة ... |
صدقني ..
انت تصف نفسكـ وبس ..
فياسر عرمان أكبر متاجر بقضايا الهامش ..
المصيبة أنكم مقدسنه الى هذه الدرجة ..
صدقني كل من هتف لعرمان أنت ومن شاكلكـ في قمة السذاجة ..
من المفترض أن تصحوا من هذا السبات العميق ..
وتلتفتوا لقضاياكم ومن يتاجر بها ..
بدلاً عن التحول الى هتيفه لمن يتاجر بقضايا الهامش ..
ويجعلها مطيه لمآربه وأجندته التي لا تخفى على أحد ...
إلا على السذج من نوعكـ ده ..
والماعندو خير في أهله أقنع منو وأرمي طوبته تماماً ....
يعني عايز تقنعني أنه ياسر عرمان الجلابي ده ماش يعبر عنكـ وعن قضاياكـ ..
يأخ قوم لف كده ولا كده ..
بلا سذج معاكـ بلا بطيخ .....
| |
|
|
|
|
|
|
|
|
|
Re: ياسر عرمان دا شايت وين .. (Re: Artiga Gilani)
|
بسم الله الرحمن الرحيم
Quote: الكوز Artiga Gilani
مالك هارب من الكوزنة؟
مش أنت Artiga Gilani البتشتغل في مصانع التصنيع الحربي الكيزانية جياد، ولا أنت زول تاني؟
مرحب بك في البورد ككوز جديد يريد أن يتخبى.
أربط الأحزمة، لأن الدقداق هنا شديد. |
دينق
عاصرت مشاركاتك الانصرافية فى هذا البورد عندما كنت عضواً به فى 2003
والان اعود اليه بعد 10 سنوات لاجدك اكثر انصرافية من ذى قبل ... وللتدليل على
ذلك عندك 6 مشاركات بهذا البوست كلها قمة فى الانصرافية .
ثانياً : مبروك عليك براءة ابتكار نشر بيانات الاعضاء الشخصية بالمنابر ودى ما
سبقك فيك زول .
ومبروك ثالثاً على معلوماتك ( الامنجية ) الصحيحة فعلاً سوى استخدامك لمصنع
بدل شركة .. واضافة حبة بهارات على المعلومة بأنى كوز .. وصدقنى لو كنت كوز
ما كنت حا اخاف من شئ وحا اعلنها على الملآ بدون ما يصفنى بيها زول ...لانو
الانسان لما ينتمى لجهة بكون انضم لها بكامل قناعاته وبالتالى لا يحتاج لاخفائها
ودقداق هنا بعرفو من زمان ..
دقداقك انت كيف
كنت اتمنى بانه وبعد 10 سنوات من وجودك بهذا البورد تكون استفدت شوية لكن
الظاهر انو استيعابك مباااااااالغة فى البطئ
| |
|
|
|
|
|
|
|
|
|
Re: ياسر عرمان دا شايت وين .. (Re: Elkalakla_sanga3at)
|
Quote: عاصرت مشاركاتك الانصرافية فى هذا البورد عندما كنت عضواً به فى 2003
والان اعود اليه بعد 10 سنوات لاجدك اكثر انصرافية من ذى قبل ... وللتدليل على
ذلك عندك 6 مشاركات بهذا البوست كلها قمة فى الانصرافية .
ثانياً : مبروك عليك براءة ابتكار نشر بيانات الاعضاء الشخصية بالمنابر ودى ما
سبقك فيك زول .
ومبروك ثالثاً على معلوماتك ( الامنجية ) الصحيحة فعلاً سوى استخدامك لمصنع
بدل شركة .. واضافة حبة بهارات على المعلومة بأنى كوز .. وصدقنى لو كنت كوز
ما كنت حا اخاف من شئ وحا اعلنها على الملآ بدون ما يصفنى بيها زول ...لانو
الانسان لما ينتمى لجهة بكون انضم لها بكامل قناعاته وبالتالى لا يحتاج لاخفائها
ودقداق هنا بعرفو من زمان ..
دقداقك انت كيف
كنت اتمنى بانه وبعد 10 سنوات من وجودك بهذا البورد تكون استفدت شوية لكن
الظاهر انو استيعابك مباااااااالغة فى البطئ |
عملك في جياد ليس هو الوحيد الذي يفضحك كوزنتك، بل كتاباتاتك أيضا هي التي تفضحك.
إذا كانت محاربتي وفضحي للكيزان من أمثالك تعتبرها "إنصرافية" فمرحبا بعالم الإنصرافية.
أها قبل عشرة سنين يا كوز كنت متخفي بياتو أسم؟
| |
|
|
|
|
|
|
|
|
|
Re: ياسر عرمان دا شايت وين .. (Re: Deng)
|
بسم الله الرحمن الرحيم
دينق
| Quote: بل كتاباتاتك أيضا هي التي تفضحك. |
ما حصل كتبت فى منبر من المنابر ثم انكرت او تنصلت عن ما كتبته
واملك للتصريح بذلك .. لاننى عندما اكتب انما اكتب معبراً عن قناعاتى
وليس لارضاء فئة دون اخرى .. كتبت حتى الانتخابات الاخيرة مؤيداً
للانقاذ فى عدة منابر وفى طى مشاركاتى اسبابى الموضوعية التى دعتنى
لذلك .. وعندما اصبح اهل الانقاذ يتاجرون بالدين ويلهثون خلف عرض
الدنيا ويتشبثون بالسلطة حتى لو كان ذلك على حساب السودان .. ويرعون
الفساد ويقودونه حتى ازكمت رائحته الانوف .. كتبت ضدهم وايضاً بقناعاتى
انا وليس لارضاء احد .. واذا كنت تنتقى من كتاباتى ما يناسب موضوعك
فقط ( كوزنتى ) فهذا شأنك .. ومثلما تملك القدرة على البحث عبر النت او
المعارف فلا اعتقد بأن فهمك القاصر قد صور لك بأن باقى الناس لا يملكون
هذه القدرة حتى تمارس مثل هذه الانتقائية فى اختيار ما كتبت وتقيس عليها
بعدين تاعب نفسك ليه انا انسان واضح وما عندى حاجة ادسها ولو عايز منى
اى معلومة ممكن اديك ليها بدون ما تضيع زمنك وتتعب نفسك ....
ما قلت ليك .. لسه محلك سر| Quote: أها قبل عشرة سنين يا كوز كنت متخفي بياتو أسم؟ |
منذ ان بدأت المشاركة فى المنابر الاسفيرية لم يحدث ان استخدمت اسماً غير اسمى الحقيقى ولن يحدث
( امال كتاباتى القلتها دى دى عرفتها حقتى كيف .. غايتو الفهم قسمة )
ولا قالو ليك !!!!!!!!
| |
|
|
|
|
|
|
|
|
|
Re: ياسر عرمان دا شايت وين .. (Re: Deng)
|
بسم الله الرحمن الرحيم
دينق
ما تتعب روحك وتبحت دا رابط مشاركاتى القديمة من ارشيف 2003
andlt;a href="http://www.sudaneseonline.com/cgi-bin/sdb/2bb.cgi?seq=searchandstr=andusr=artigaandboard=2" target="_blank"andgt;http://www.sudaneseonline.com/cgi-bin/sdb/2bb...=andusr=artigaandboard=2
مشكلتك انك ما فهمت حاجة من مداخلتى السابقة ولا حا تفهم
جهلللة مبااااالغة
| |
|
|
|
|
|
|
|
|
|
Re: الفيك بدربو ود الناس أحقربو (Re: تبارك شيخ الدين جبريل)
|
Quote: ياسر عرمان دا شايت وين ..
|
غايتو العالم الرايع دا مليان عباقرة.
سؤال أخونا دا أكثر عبقرية من سؤال عبقري العباقرة وملك الملوك، الرئيس الليبي المسحول، معمر القذافي.
بعد أربعين سنة من حكمو، فجر سؤاله العبقري في وجه الشعب الثائر:
من أنتم؟
وأخونا العبقري صاحب البوست، وبعد عشرين سنة جاي بيسأل:
ياسر عرمان دا شايت وين؟
الله يكفينا شر العبط.
وشر العبيطة ما يضحك.
| |
|
|
|
|
|
|
|
|
|
Re: الفيك بدربو ود الناس أحقربو (Re: Artiga Gilani)
|
سيد البوست سلامات..
داير الجد ولاّ الجنبو ؟
بوستيك الضارب دة من عنوانه قلت ما بستحق التداخل من اول يوم ..
لكن ولحدى ما وصل الصفحة الثالثة لقيت خستكته كل مرة زايدة قلت كدى نقول كلمة حق علنا نصيب أجر التقويم باللسان (اقصد القلم)..
معقولة بس الحقد المردوم فى نفوسكم التعبانة دى على القائد ياسر، دة كله ما كفاكم رحلتوا لاسرته واخوانه وحسدتوهم حتى فى قرايتهم..
جد شفاكم الله، اجر وكفارة يا كمرد ياسر ان شاء الله فى ميزان حسناتك..
نرجع لعنوان البوست، زمان أهلنا قالوا (الجواب من عنوانه) ومن عنوانه عرفنا بوست لا معنى له (شايت وين) ؟
انت ياسيد البوست الشايت وين ؟ سؤالك على راى الاستاذ حامد بدوى سؤال عبقرى ..
ياسر قائد كبير لاكبر حزب سودانى وقيادى فى الجبهة الثورية ومن من خطوا بالاحرف الاولى على وثيقة الفجر الجديد التاريخية..
يبقى شايت وين؟
جد سؤالك غبى؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: الفيك بدربو ود الناس أحقربو (Re: إحسان عبد العزيز)
|
| Quote: طالب مسئولون بارزون بالحركة الشعبية وحكومة جنوب السودان الرئيس سلفاكير ميارديت بفتح تحقيق بشأن اتهامات بالفساد |
هل الخبر صحيح أم كاذب؟ وإذا كان كاذب هل نفت حكومة الجنوب ذلك, وإذا كان صحيح ما هو الدليل على صحة الخبر والمصدر غير الجرائد؟
| |
|
|
|
|
|
|
|
|
|
Re: الفيك بدربو ود الناس أحقربو (Re: aosman)
|
بسم الله الرحمن الرحيم
aosman
| Quote: هل الخبر صحيح أم كاذب؟ وإذا كان كاذب هل نفت حكومة الجنوب ذلك, وإذا كان صحيح ما هو الدليل على صحة الخبر والمصدر غير الجرائد؟ |
عليك الله راجع التلاتة صفحات بتاعة البوست دا
كان لقيت زول واحد بتكلم عن موضوع سؤالك دا
غير الصادق اسماعيل ..كلهم خلو الموضوع الاساسى ومسكو فى انى كوز
وما بفهم وعبيط وغبى وكمية من الشتائم و الاسفاف الذى يعبر
عنهم اصدق تعبير
وسؤالك فى الصميم
يا بنى عرمان
ردو على الزول دا
دولة الجنوب نفت الخبر دا ولا لا ؟
وقد عم القرى والحضر واكيد وصل دولة الجنوب ..
| |
|
|
|
|
|
|
|
|
|
Re: الفيك بدربو ود الناس أحقربو (Re: إحسان عبد العزيز)
|
بسم الله الرحمن الرحيم
احسان
Quote: بوستيك الضارب دة من عنوانه قلت ما بستحق التداخل من اول يوم ..
لكن ولحدى ما وصل الصفحة الثالثة لقيت خستكته كل مرة زايدة قلت كدى نقول كلمة حق علنا نصيب أجر التقويم باللسان (اقصد القلم).. |
ونعم التقويم ....
Quote: معقولة بس الحقد المردوم فى نفوسكم التعبانة دى على القائد ياسر، دة كله ما كفاكم رحلتوا لاسرته واخوانه وحسدتوهم حتى فى قرايتهم..
جد شفاكم الله، اجر وكفارة يا كمرد ياسر ان شاء الله فى ميزان حسناتك.. |
راجع جميع مداخلاتى اذا لقيت اساءة منى او اى كلمة فى حق احد افراد اسرة ياسر عرمان اقتبس وانا بعتذر على رؤؤس الاشهاد
| Quote: نرجع لعنوان البوست، زمان أهلنا قالوا (الجواب من عنوانه) ومن عنوانه عرفنا بوست لا معنى له (شايت وين) ؟ |
Quote: بسم الله الرحمن الرحيم
حامد
هسى ما لقيت حاجة غير عنوان البوست
ومعروف فى بعض الاحيان غرض العنوان بكون شنو
|
اجيب ليك فهامة يعنى بعد دا عشان تعرف موضوع العنوان
| Quote: ياسر قائد كبير لاكبر حزب سودانى |
دى باعتبار ما سيكون بعد فك الارتباط مع دولة الجنوب ولا حالياً
باقى انا غبى شديد وما بفهم .. فوقعا لى برااااااحة كده
| Quote: جد سؤالك غبى؟؟؟؟؟؟؟؟؟؟؟؟؟؟؟؟؟؟؟؟؟؟؟ |
انا غبى وعارف نفسى وما قدركم يا متفطحلى البورد دا ( وما اكثركم )
انت الببقيك زكى شان شنو ومداخلتك كلها تنم اما عن عدم فهمك لما كتبت
او انك رديت بدون ما تقرا من اصلو وعلى العنوان بس الفيهو اسم زولكم دا جيت شايت ..
الله فرجينى ( عذراً هاشم نوريت )
| |
|
|
|
|
|
|
|
|
|
Re: الفيك بدربو ود الناس أحقربو (Re: Artiga Gilani)
|
الأخ أرتيقا
أنا ما عندي أي لون سياسي, لكن ملاحظتي في البورد ده, كلامك ده هسي لو كان ضد واحد من الحكومة حتى لو كان بدون مصدر كان نفس الناس الوجهو ليك أساءات هنا تلقاهم أول الناس تهليل وتكبير ويتعاملوا مع الخبر كأنه صحيح, أنا أتمنى أن يأتي واحد بخبر نفي من حكومة الجنوب ثم يسيئ ما شاء, والشيئ الآخر إنت ناقل للخبر فقط من جريدة وأنت غير مسؤول عن أثبات الخبر, الجريدة هي المسؤولة
| |
|
|
|
|
|
|
|
|
|
Re: الفيك بدربو ود الناس أحقربو (Re: aosman)
|
بسم الله الرحمن الرحيم
الاخ aosman
تحية وود
عارف فكرت فى الحاجة وكنت حا اكتبا
واذكر انو لو انا نقلت من نفس صحيفة
خبر عن فساد المتعافى هل كنت حا القى
زول يهاجمنى .. خليك من يطالبنى بأُ ثبات
وهنا يا تهاجم الحكومة يا تسمع مثل ساقط
القول الذى رميت به ...
والغريبة انو الكثيرين هنا ثوريين ومناضلين
ومبشرين بسودان جديد .. سودان جديد يحجر
على فى هذه المساحة الضيقة ( االبورد ) ان
اكون حراً .. فما بالك اذا ملكو فضاء السودان
الاكبر والارحب ...
اذا كان هذا هو السودان الذى تبشروننا به عبر
حركة دولة الجنوب .. فارحم لنا الكيزان بكل
ما فيهم من سوء ...
سلمت اخى على قول الحق
| |
|
|
|
|
|
|
|
|
|
Re: الفيك بدربو ود الناس أحقربو (Re: Artiga Gilani)
|
جيلاني ارتيقا
اتنينا
عرمان اريتوا طاير ......
عرمان ما سبب الاشكال !!! عرمان لمن شعب المليون ميل مربع ما قال بغم ... شال بندقية ومرقها في غابات الجنوب
رغم انف سكان المليون ميل مربع وغصب عين اهل الرفعة والسمو العنصري المورؤث عن حقبة الاستعمار الانجليزي التركي
وطليق عن لوائح الحزب وبنود تجميد العضو او ترفيعه ، استناد لراي المجذوب الاكبر :-
طليق لا تقيدني قريش .... بانساب الكرام ولا تميم
عرمان بوعيه ومواقفه هو نتيجة لواقع الطامة التي حطت في بلاد اهل السودان ...........
السؤال هنا هل عرمان اضافة لك ام هو خصم عليك ، وانت ضمن اضعف حلقات اقوام السودان ......
كل اقوام السودان تجمعها قواسم مشتركة .... قاسم الارض والمصلحة والتاريخ والجغرافيا والعلاقات الانسانية الممتدة
هل تحكم ياسر عرمان بكل تلك القواسم وابتذلها وفقا للهوي والميول الذاتي !؟
ام مازال امين لوعيه وللمستضعفين من اقوام السودان الذي لا يعرفون للسودان الا حمم الانتينوف وتجريدات الديفتردار؟
عرمان لا يسكن في قصر غردون او يتراس الحزب الحاكم او القائد الاعلي للقوات المسلحة ، عرمان لمن يساوم السلطة
بمنصب مستشار للرئاسة لابنائه اليفع ، ولم يتاجر بالمعتقدات او يوظف الدين لمنفعة تمنحه سلطة او تزوده بعملات حرة (نفطية ) تغيه من عثرات الدهر
عرمان لم يكن السبب ولا النتاج ...... عرمان (الفرد ) و (الموقف ) هو الارادة لمواجهة الظلم والعسف في واقع هرج وضبابية تمتزج فيه الاحن بآلية التضليل الاعلامية
المدعومة بادوات المقدس وتوظيف واستخدام المعتقدات ........
| |
|
|
|
|
|
|
|
|
|
Re: ياسر عرمان دا شايت وين .. (Re: Hisham Osman)
|
الاخ ارتيقا جيلاني
اين يكمن الاشكال ؟
هل ياسر عرمان هو الخطاء الوحيد في مسيرة اقوام السودان ؟
هل هو البداية وحجر الاساس لتراكم الاحن والمصائب ؟
ام ان الوعي المخترق بادوات السلطة والواقع الشائه المؤروث من حقبة الاستعمار والمسلح بترهات المقدس ومصالح الفئة ؟
مريد البرغوثي يقول :-
من السهل طمس الحقيقة بحيلة لغوية بسيطة: إبدأ حكايتك من «ثانيا»!، و يكفي ان تبدأ حكايتك من «ثانيا» حتى ينقلب العالم. إبدأ حكايتك من «ثانيا» تصبح سهام الهنود الحمر هى المجرمة الاصيلة و بنادق البيض هى الضحية الكاملة!، يكفي ان تبدأ حكايتك من «ثانيا» حتى يصبح غاندي هو المسؤل عن مآسي البريطانيين!، يكفي ان تبدأ حكايتك من ثانيا حتى يصبح الفيتنامي المحروق هو الذي اساء الى انسانية النابالم!، و تصبح اغاني «فكتور هارا» هى العار و ليس رصاص «بينوشيه» الذي حصد الالاف في استاد سنتياغو!، يكفي أن تبدأ حكايتك من ثانيا حتى تصبح ستي أم عطا هي المجرمة وأرييل شارون هو ضحيتها»،
ابدأ الحكاية من اولا ........
وبعد داك تعال نحاسب !!!!!!!
كان حاسبنا ياسر عرمان علي وعيه !!!!!!
مفروض السؤال الاول يكون كالاتي :-
انت شن نفرك !!! الناس تكوس عقود العمل في السعودية وابوظبي
وفي اليمن ضياع زمن !!! انته تشيل كلاشنكوف وتمرغها في الجنوب !!!!!!!!!!!!!
ياسر اول من تعفرت قدماه بوعساء الانسان ، لم يكن مبلغ همه (في اون المنفعة والمصالح والسائد والمألوف )
ان ينشغل بالانتماء الاثني (الحظوة ) او بالاغتناء الفردي ، اختار ان ينتمي للانسان ....... ( وخلق الانسان ضعيفا )
ياسر ليس الخصم . بل هو الاضافة ......
التي تسألك خزنتها هل من مزيد ؟
ماتيضهب بين الفوق والناس التحتانيه ....!!!!!!!
| |
|
|
|
|
|
|
|
|
|
Re: ياسر عرمان دا شايت وين .. (Re: Hisham Osman)
|
بسم الله الرحمن الرحيم
الاخ / محجوب
تحية وود
واشكرك على اسلوب المداخلة
( جيلاني ارتيقا
اتنينا
عرمان اريتوا طاير ......
عرمان ما سبب الاشكال !!! عرمان لمن شعب المليون ميل مربع ما قال بغم ... شال بندقية ومرقها في غابات الجنوب
رغم انف سكان المليون ميل مربع وغصب عين اهل الرفعة والسمو العنصري المورؤث عن حقبة الاستعمار الانجليزي التركي
وطليق عن لوائح الحزب وبنود تجميد العضو او ترفيعه ، استناد لراي المجذوب الاكبر :-
طليق لا تقيدني قريش .... بانساب الكرام ولا تميم
عرمان بوعيه ومواقفه هو نتيجة لواقع الطامة التي حطت في بلاد اهل السودان ...........
السؤال هنا هل عرمان اضافة لك ام هو خصم عليك ، وانت ضمن اضعف حلقات اقوام السودان ......
كل اقوام السودان تجمعها قواسم مشتركة .... قاسم الارض والمصلحة والتاريخ والجغرافيا والعلاقات الانسانية الممتدة
هل تحكم ياسر عرمان بكل تلك القواسم وابتذلها وفقا للهوي والميول الذاتي !؟
ام مازال امين لوعيه وللمستضعفين من اقوام السودان الذي لا يعرفون للسودان الا حمم الانتينوف وتجريدات الديفتردار؟
عرمان لا يسكن في قصر غردون او يتراس الحزب الحاكم او القائد الاعلي للقوات المسلحة ، عرمان لمن يساوم السلطة
بمنصب مستشار للرئاسة لابنائه اليفع ، ولم يتاجر بالمعتقدات او يوظف الدين لمنفعة تمنحه سلطة او تزوده بعملات حرة (نفطية ) تغيه من عثرات الدهر
عرمان لم يكن السبب ولا النتاج ...... عرمان (الفرد ) و (الموقف ) هو الارادة لمواجهة الظلم والعسف في واقع هرج وضبابية تمتزج فيه الاحن بآلية التضليل الاعلامية
المدعومة بادوات المقدس وتوظيف واستخدام المعتقدات ........ )
عرمان عندما غادر السودان غادره فى عهد ديمقراطى يحق فيه لاى مواطن ان يقول بغم كيفما شاء .. والكلمة فيه لا تحرسها بندقية .. ولا تكون مألاتها بيت من بيوت الاشباح .. او زنزانة فى مكان ما .. خرج فى هذا العهد الذى كان من الممكن فيه ان يناضل كيفما شاء سلمياً لتغيير اى وضع كان يراه سليماً ويستحق التقويم .. ولكن فضل ان يرحل عن السودان فى عهد رجع فيه كل من غادره بسبب السياسة وتسلط وديكتاورية العسكر .. وان كان خروجه من اجل قضايا التهميش ومناصرة اهل جنوب السودان ( وقتها ) والعنصرية كان يمكنه ان يكون خير سنداً لهم من الداخل فعسكرياً لم يكونو فى حوجة له .. مع ايمانى التام بأ ن البندقية عمرها ما كانت الحل .. وايمانى التام بأنها نقيض الاستقرار والتنمية والبناء .. وهذا سبب نظرتى السالبة لكل من يحمل السلاح باسم خدمة قضية او مجموعة .. فهو لن يزيدهم الا بؤساً على بؤسهم .. وشقاءً على شقائهم ..
وقد اكون متوسطاً اضعف حلقات اقوام السودان غرباً وجنوب غرباً .. ولكنى لن اجد ان عرمان اضافةً لى وانا الذى لم اعتبر مؤتمر البجا اضافةً لى ابان حمله للسلاح بأسم قضايانا ( وليس هذا اختلافاً فى جوهر القضية ولكنه فى الوسائل ) وذلك لمجرد انه يدافع عن حقوقنا بالبندقية وانا اعرف كيف تكون نتيجة المطالبة بالحق عن طريق البندقية .. فكيف لى بعد هذا ان اعتبر عرمان اضافةً .. وهو ليس خصماً على ولكنه خصماً على مستقبل السودان بوضعه الحالى الذى ينذر بكارثة ندعو الله كل يوم ان لا تكتمل فصولها .. وانا هنا لا اتحدث عن المؤامرة وما الى ذلك .. ولكنى اتحدث عن واقع خلقته حكومة ترفض الاعتراف بغيرها .. وتزرع الفتن بين الاعراق وتعلى صوت القبلية البغيضة على صوت السودانوية حتى خلخلت التجانس الاجتماعى الذى كان يربط بين مكوناته .. ومعارضة مدنية داخلية وخارجية واهية ولا تملك من امرها شئ .. ومعارضة مسلحة تعمق جراحات وطنها ومن تحارب باسمهم ..
اما هذه القواسم التى تتحدث عنها فقد ضربتها الانقاذ فى مقتل حتى وانها لم تبقى لعرمان منها ما يتحكم به منها ويسخره لاهوائه او لمصلحة اهل السودان وقضايا اهله .. ودونك هذا البورد وبوستاته التى توضح بجلاء ما اصاب هذه القواسم المشتركة التى تتحدث عنها .. وصدقنى كل هذه القواسم ستكون من الماضى ان لم يتم تدارك الامر والاصوات الانفصالية تعلو يوماً بعد وتخرج من قمقمها .. شرقاً وغرباً .. وجنوب غرباً .. واقصى الشمال .. ولا ندرى عن من سيركب الموجة فى قادم ايامها ..
اما ارادة مواجهة الظلم وطائرات الانتوف والظلم يملكها الالاف من الشرفاء والمناضلين الحقيقين الان داخل السودان .. يواجهون التشريد من وظائفهم والمحاربة فى ارزاقهم .. والسجون وبيوت الاشباح .. ما فكروا فى الهروب والنضال من خارج ارضه وحمل السلاح .. لايمانهم بأن السلاح ادأة دمار وخراب ومأسى تحكى عنها الان الصور التى ترد من الحدود الاثيوبية وفى جبال النوبه ودارفور ..
ولنا عودة
كامل تقديرى
| |
|
|
|
|
|
|
| |
Artiga Gilani
Deng
Rawia
Mohamed Foto7li
الصادق اسماعيل
محمد البشرى الخضر
Dania Elmaki
مبارك محمداني
Tragie Mustafa
احمد حمودى
جمال ود القوز
خضر الطيب
Khalid Kodi
حيدر حسن ميرغني
تبارك شيخ الدين جبريل
Elkalakla_sanga3at
محمد جمعه الخير
حامد بدوي بشير
إحسان عبد العزيز
aosman
MAHJOOP ALI
Hisham Osman
فيس بوك
تويتر
انستقرام
يوتيوب
بنتيريست