|
Re: فيما يختص بالمواطن المدعو عمر دفع الله ... (Re: Gafar Bashir)
|
Quote: يا جعفر المواطن دا كان بقت عليه منمط وكلاسيكي هينة.. لكن شايف طلعوه (هامش) كمان.. أمال نحنا نكون شنو يا عمـر لامن إنت هامش؟ |
سلامات يا عيسي
تعرف انو مسالة التهميش دي تم خلط اوراقها عن قصد (كضربات استباقية) لاي محاولة للجهر بالتهميش عشان يقولوا (ما نحن برضو من المناطق المهمشة) .. التهميش المقصود ماهو تهميش جغرافي ... التهميش الجغرافي مسالتو سهلة جدا وهي مشاريع تنمية ممكن تشرف عليها الدولة ... لكن التهميش الجغرافي ما ناتج من فراغ ولا هو اساس بل هو محصلة ونتائج للتهميش الثقافي اصل واساس المشكلة ... يعني بالعربي المسالة ما قصة انت من وين هي قصة انت لونك شنو ولغتك شنو وشكلك عامل كيف تبعا ليها بتحدد وضعك الاجتماعي والاقتصادي حتي لو كنت من قدامي الكيزان والشواهد ما تحتاج لاشارة ... لكن الخلط المقصود هو مجرد محاولة استباقية لدحض فكرة التهميش الثقافي
| |
|
|
|
|
|
|
Re: فيما يختص بالمواطن المدعو عمر دفع الله ... (Re: Gafar Bashir)
|
Quote: حباب (اهل تاتا العزاز ابواتا ) .... كل رسوم الدنيا لن تمحو صورة فداسى الجميلة من اذهاننا ...جمالها وسماحة اهلها وتهذيبهم وكرمهم .....
سلام ياجعفر ....وياجبل مايهزك ريح .... |
حينما يكتب محمد عبدالرحمن عن فداسي وأهلها ... دائماً ما اتحسس انتمائي وحبي لها ...
| |
|
|
|
|
|
|
Re: فيما يختص بالمواطن المدعو عمر دفع الله ... (Re: Gafar Bashir)
|
العزيز جعفر بشير يا أخى سلام واشواق كثيرة وزمن ... وبعد التحية لفداسى الحليماب وفداسى الحماداب وللـ القريريبة ذاتو بعد غدا الجمعة بإذن الله سيتم عقد قران أحد فلذات أكبادنا من الحجير على إحدى حسان فداسى ,لذلك قوام بالله عرفنا عمردفع الله عمل شنو بالظبط وهو رجل والرجال قليل ,ومن شموعنا المتوهجة حتى يوم النصر العظيم لكن كمان كل شى ولا فداسى . أجمل التحيات وكل الود
| |
|
|
|
|
|
|
Re: فيما يختص بالمواطن المدعو عمر دفع الله ... (Re: Gafar Bashir)
|
شكراً جزيلاً ياجعفر ياعزيز وكرتنى وكرة تمام,, مشيت راجعت البوستات وأتفهم جدا موقفك والزواية الشخصية التى تعالج منها الموضوع ... لكن لقيت نفسى أقف ألف أحمر وقلبا وقالبا مع عمر دفع الله فى قوله (مامعناه) الكيزان ملة واحدة ولافرق بين من هم فداسى وباقى مناطق السودان ..وكلام عمر فى جوهرة يتحدث عن الأفعال (قائمة الجرائم والخزى والعار التى إرتكبوها ومازالوا مواصلين ) ومؤكد ليس لصفات - بعضهم - الشخصية وتربيتهم وتهذيبهم اى معنى فى حالة الأفعال وتنفيذ الأوامر بالقتل والتعذيب والتعدى على حرمات الناس وسرقة اموالهم وهذه صفات الكوز من حسن الترابى وحتى اصغر جندى من فداسى او من الحجير . كل الود
| |
|
|
|
|
|
|
Re: فيما يختص بالمواطن المدعو عمر دفع الله ... (Re: عمر ادريس محمد)
|
Quote: أها ناس فداسى حلوين إعتبرو موضوع الكاركتير عادى ,, المُشكله بقت فى ناس الحُجار الكريمه وماجاورها (حجر الطير , حجر العسل , ولربما البسابير ) - الشينه منكوره |
سلام يا ابومحمد فؤاد
الحقيقة هم ما انكروا حاجة علي حد تعبير كاتب الموضوع، لكن عندهم اعتراض منطقي وحقيقي وهو تعميم المسالة علي منطقة بعينها وخصوصاً الأمنجية ، لانو اي منطقة فيها الكيزان والأمنجية وفيها الناس الوقفت وناضلت ضد الجبهة الاسلامية وما من حق اي زول يصادر منهم مواقفهم المشرفة حتي لو كانوا اتنين واقفين ضد الحكومة والبقية معاها، والمسالة في العموم ما خاصة بي ناس حجر الطير المشكلة في التعميم والتنميط نفسه ... وهو واحدة من المشاكل الاساسية في الخلاف بيني وبين عمر في الموضوع السابق ... لانو التنميط نفسه مشكلة ... اذا ارتبط بالشينة ..
سلامي وتحياتي
| |
|
|
|
|
|
|
Re: فيما يختص بالمواطن المدعو عمر دفع الله ... (Re: Gafar Bashir)
|
تحياتي عبدالعزيز حسين
Quote: البوست دا فيه فخ صاحب البوست زاته ماعارفه ما تقع فيه بي كرعيك انت الكبير |
طالماً مافي حاجة داسينها ولا خايفين منها ولا مكابرين وعندنا قدرة علي احتمال اراء الاخرين والاعتذار عن الاخطاء في الاخرين يبقي الخطأ نفسه مافي خوف منو وجل من لا يخطي ...
| |
|
|
|
|
|
|
|