المَصْلَبة !

Quote: المحكمة الدستورية والمحكمة العليا أيدتا عقوبة القطع من خلاف نفَّذ أطباء مستشفى "الرباط" الجامعي بالخرطوم، يوم الخميس، عقوبة القطع من خلاف على مدان في جريمة حرابة، بعد استنفاد كافة مراحل التقاضي، وهي المرة الأولى منذ ثلاثين عاماً التي يتم فيها تنفيذ هذه العقوبة بالسودان. وذكرت صحيفة "السوداني" الصادرة بالخرطوم، يوم الجمعة، أن المدان "أ.م.م" كان قد قطع الطريق في 29 مارس 2006 على عربة في طريقها من التبون إلى سوق شارف بغرب كردفان بعد أن هددهم ببندقية كلاشينكوف كان يحملها وقام بنهب الركاب تحت تهديد السلاح. وتم تأييد العقوبة من محكمة الاستئناف وبعدها أيدت المحكمة القومية العليا عقوبة القطع من خلاف، وصادقت عليها دائرة المراجعة، كما أيدت العقوبة والإدانة المحكمة الدستورية. ويعتبر الواثق صباح الخير أول من نفذت فيه عملية الصلب في تاريخ السودان المعاصر في يونيو 1984، إبان تبني الرئيس الأسبق جعفر النميري تطبيق الشريعة في البلاد. وقيل حينها إن مصلحة السجون تفاجأت بعدم وجود "مصلبة" لعدم وجود سابقة، كما أن الحكم لم يفصِّل كيفية الصلب ومدتَّه.

Quote: ماضهبت اقول لقيتك محمد طه القدال ما ضهبت اقول لقيتك وانتى فى كل الخواتم والمياتم والنجيمات والعواتم ما حزنت اقول بكيتك نحن فى حزن المخاليق والمغنين المطاليق الفرح جاييك وعد غنوة اولاد التحاريك السعد ولا البعد البعد ولا السعد كنتى فى ليل الخوابى تهاتى بينات الطوابى تحاكى جقليب السعن الجنيات خلو حجرك ريح يفوفى وعين مزرزرة من شقى الفرح المرابى ومنية الوعد الدعى يا ديارى الوين ....أنى تور عفين الشين .....أنى ما اضينة وزين انى تور عفين الشين انى وانت فى شوفك تخاتل رفة الطير والحفيف وانت فى خوفك تكاتل عينة الجلبت خريف وانت فى اللالوبة مصلبة البنيات النسيمات الهفيف وانت فى اللالوبة مشنقة الوليدات ناس نجومى ومحبس النفس الرهيف بطنك كرشت غى البنات نافى دقنك حمست جلدك خرش مافى وكت الوهم نافيت .. صدق الوعد جافى وكت العلم جافيت .. مر الصدق وافى وكنا بنشيل الغباين والاناشيد جهدية الاورطية جهدية الحلبونا شدو جمالم جونا جلبنا ليهم سمسم والسمسم ما كفاهم جلبنالهم سعية وجينا للبقعة ام قبايل سيل من الوادى الكبير الكفيف شايل الكسيح يا عيون ود الضكير واحدة من توشكى تقلع تانى تقلع فى المطامير يا جبة الدرويش البابا بسل العيش الله بسلا والبابا خدمة الديش الله بسلا البابا القول بى شويش يا عيون ود الضكير عماك فى حقك ديه لى زمنا مو جهدية جهدية الاورطية جهدية الحلبونا شدو جمالم جونا وحلبنا ليهم سمسم والسمسم ما كفاهم جلبنالهم سعية يا عيونى شن بتشوفى ويا امونة شن بتشوقى شدرا تال اليمامة ولا الصقر الحمامة ولا البطن التفوفى يا امونة شن بتشوفى ويا عيونى شن بتشوفى جهدية وسيف وراية تبروقة وخيل وشاية اذان بالجوع اذن لى ام خوفك فايت خوفى يا امونة شن بتشوفى ويا عيونى شن بتشوفى تلت التلاتة شلق تانى التلات محلق والتالت جا يبشرنى سرقوهو الدايرين حتوفى يا امونة شن بتشوفى ويا عيونى شن بتشوفى شايفة الدموم واللمة بين الدقون والعمة ولانى فوق معلق صقر الحدى مندوفى يا عيونى شن بتشوفى ويا امونة شن بتشوفى

Quote: الاستاذ طه جعفر ايهما احق بالبكاء ظلم النفس بسب و شتم المصطفي عليه السلام ام ظلم الغير بجور الحكام . الزبير بشير [/QUOTE الأحق بالانفعال و الرد ومحاولة الاصلاح هو احوال الجماهير في ظل الانظمة المستبدة لأان شتم الرسول (ص) امر لا يعني الناس هو امر يعني الشاتم فقط لكن الحكم المستبدو الجائر كحكم الاسلاميين في السودان يؤثر علي جميع الجماهير برغم التعريض في مساهمتك و محاولتك لحشري في قالب شاتم الرسول كتمهيد للشيطنة التي ستقود للتكفير ثم اهدار الدم فانني اقول لكم يا الزبير احم فانا لا اهتم فكلامكم حول كفرنا او معاداتنا للدين الاسلامي لن يغير في الواقع شيئا فاذا رأيت ما كتبته شتما للنبي (ص) فهذا امر يعنيك و سأوصل نقدي للدين الاسامي و ما يعرف بالشريعة الاسلامية و لتنقد الرهيفة و هذا البوست حو احد الفصول في مشروعي لنقد الدين الاسلامي و الشريعة الاسلامية خاصة العقوبات البدائية . القطع من خلاف عقوبة بدائية و غير مناسبة لهذاا العصر حالها حال الجلد بالسوط الرجم بالحجارة و بتر الاطراف كلها عقوبات بدائية و غير مناسبة لهذا العصر و هذه العقوبات تضع امثالك في الحرج لأن بأصراركم عليها ستجعلون فكرة ان البشر اكثر رحمة من الله حقيقة و قيل في القرآن و لله المثل الأعلي فكيف يكون له المثل الأعلي وباسمه تقطع الاطراف و يتم قتل الناس رجما و يجلدون في هذا الزمن الذي تغير فيه منطق العقاب من التوحش الي الإصلاح و كما هو معلوم في بقية بلدان العالم انتقلت الانسانية في شأن العقوبات الي فضاء اصلاح الفرد و معالجة عيوبه السلوكية و النفسية دون المساس بحقوقه كأنسان اكرر انا ضد تطبيق الشريعة الاسلامية بأي شكل او بأي طريقة او عبر أي جهة معا من اجل الغاء العقوبات البدائية المطبقة في السودان اليوم طه جعفر