|
هل الكتابة في المنبر العام حرام ؟
|
افتاني من لم اسأله بأن الكتابه في البورد تدخل في منطقة المحظور فسألته ان يخبرني تحديد و بدون فلزكات ان كان يعني انها حرام فتراجع قليلا و نظر اليا شذرا قائلا : اتق الله يا رجل كيف تفوتك ويل لكم همزة لمزه فنظرت اليه مليا وقلت له عافاك الله فإن لكل إمرئٍ ما نوي و لم اتوسع معه في الامر وتركته ولكن لم يتركني قياسه وإجتهاده الذي لم يكن لوجه الله
افيدونا ان كنا نخوض في الموبقات
|
|
|
|
|
|
|
|
Re: هل الكتابة في المنبر العام حرام ؟ (Re: osman righeem)
|
أخونا عثمان سلام
Quote: هل الكتابة في المنبر العام حرام ؟ |
دا حسب اللي بتكتبوا
يعني لو كتبت ما يغضب الله فهو حرام
و لو كتبت ما يرضي الله فهو ليس حرام و إنما زيادة حسنات كمان و كل ما يقرأ أحد
كلامك فالعداد يزيد في حسناتك يعني زي الصدقة الجارية.
تحياتي
| |
|
|
|
|
|
|
Re: هل الكتابة في المنبر العام حرام ؟ (Re: الطاهر ساتي)
|
سلام يا شقيق .. وحات سيدي الحسن في بوستات هنا ينطبق عليها حديث الرسول صلى الله عليه و سلم : لُعن في الخمر عشرة .. فقال منهم : و حاضر مجلسها و بعضها ينطبق فيهم قول الله عز و جل : وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللّهِ يُكَفَرُ بِهَا وَيُسْتَهْزَأُ بِهَا فَلاَ تَقْعُدُواْ مَعَهُمْ حَتَّى يَخُوضُواْ فِي حَدِيثٍ غَيْرِهِ إِنَّكُمْ إِذًا مِّثْلُهُمْ إِنَّ اللّهَ جَامِعُ الْمُنَافِقِينَ وَالْكَافِرِينَ فِي جَهَنَّمَ جَمِيعًا
لكن في بوستات فيها تحقيق لقولة صلى الله عليه و سلم : انما هي ساعة و ساعة
ـــــــــــ تعرف .. زولك ده ذكرني قبل فترة جاني صديق خامي معاو واحد زعلان و منفعل و عيونو حمر ( من الزعل ) قال لي الزول ده عاوز يفتح بلاغ في شركة كذا للاتصالات و عاوزك تديو راسو سألت الزول : مالك يا شيخنا خير الناس ديل سووا شنو ؟ قال لي عاملين مكالمات الليل مجانا و ده بيحرض الفتيات على الفساد قلت ليو يا عمك ( سحبت شيخنا منو طوالي ) اولا دي ما شركة كذا براها .. ناس شركة فلاني برضو زيهم .. ثم .. ليه تطعن في ظل الفيل ؟ المسألة ما المجانية .. المسألة في الموبايل زاااااااتو زمان لو داير تجكس ليك واحده الا تكوس ليك بت تضرب ليها في تلفون البيت او عند الجيران ( ده لو عندهم تلفون او لقيت حرارة ) و تتعب شديد عشان تلم فيها هسه بالموبايل ضغطه سريعه على زر الاتصال السريع و تلفون الجكس يرن في ليل او نهار اها مش ده الخازوق زااااااتو ؟
| |
|
|
|
|
|
|
Re: هل الكتابة في المنبر العام حرام ؟ (Re: lana mahdi)
|
أم الوليد تحياتي
Quote: عثمان ياخوي بمش أسأل ليك هيئة شئون الأنصار و أجيك بالرد!! إنتا عارف زولك دة بكون بتكلم عن أشولنجية المنبر! |
يا اختنا هيئة شئون الانصار ماب نرفض فتواهم و علي رأسنا بس مافي داعي للازعاج لانهم متابعين و كان شافو حاجه كان عملو تعميم داخلي
لكن عليك الله كان عندك اكسس لي لجان الفتوي البتشتغل في البنوك في السودان لأني معجب بي اجتهاداتهم تديك احساس انو حكاية صكوك الغفران ما كانت اشاعة
تسلمي علي المرور
| |
|
|
|
|
|
|
Re: هل الكتابة في المنبر العام حرام ؟ (Re: حنين للبلد)
|
عثمان سلام الانترنت دي خشم بيوت ، فيها ما يوجب الحد ، وفيها ما يوجب الكفارة ، وفيها ما يوجب الغسل ..والكتابة برضو خشم بيوت ( طق حنك ، جدية مفرطة ، وسطية ، هزل مفرط ، كسير تلج ) أها كل فوله ليها كيالها ...والبوست من عنوانو بتعرف فحواه ..والصبي من مشيتو والعريس من بشتو ( البشة : ما يقدمه العريس قبل الزواج لخطيبته ) بلغة أكلوني البراغيث ( مرنقمبو قرنمبو ) هههههههه
| |
|
|
|
|
|
|
Re: هل الكتابة في المنبر العام حرام ؟ (Re: خالد العبيد)
|
Quote: وبنلمو معانا مش هو اشول |
خالد العبيد سلامات لم افهم هذه الجملة و لكنها ان كان pun فى البلاغة الإنجليزية, فمعنها: و بنلمو معانا مش هو اسود. هذا اذا تحول اشول من الاسم الى الصفة فى لغة الدينكا هذا ليس تحسي منى, بل مجرد الفضولية فقط. ودى.
| |
|
|
|
|
|
|
Re: هل الكتابة في المنبر العام حرام ؟ (Re: osman righeem)
|
عثمان كيف حالك ؟ نعم الكتابة فى المنبر حرام و حرام بين : • اذا كنت ممن احبوه فأدمنوه فصارت كتاباتهم خصما على أعمالهم و أكل عيشهم و رعاية عيالهم و قبل ذلك أداء فرائضهم . • المنبر فعلا يا عثمان أخوى حلو حلاة تغرى بالتبطل للاستمتاع بمذاقها طول الوقت . • ده من جانب واحد يضاف الى ما سبق من الاخوة .
| |
|
|
|
|
|
|
Re: هل الكتابة في المنبر العام حرام ؟ (Re: انور التكينة)
|
Quote: سلام يا شقيق .. وحات سيدي الحسن في بوستات هنا ينطبق عليها حديث الرسول صلى الله عليه و سلم : لُعن في الخمر عشرة .. فقال منهم : و حاضر مجلسها و بعضها ينطبق فيهم قول الله عز و جل : وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللّهِ يُكَفَرُ بِهَا وَيُسْتَهْزَأُ بِهَا فَلاَ تَقْعُدُواْ مَعَهُمْ حَتَّى يَخُوضُواْ فِي حَدِيثٍ غَيْرِهِ إِنَّكُمْ إِذًا مِّثْلُهُمْ إِنَّ اللّهَ جَامِعُ الْمُنَافِقِينَ وَالْكَافِرِينَ فِي جَهَنَّمَ جَمِيعًا
لكن في بوستات فيها تحقيق لقولة صلى الله عليه و سلم : انما هي ساعة و ساعة |
العزيز حمور
يكفي أن ننقل كلامك حرفياً
----------------
كيفتني جنس كيف يا مان
| |
|
|
|
|
|
|
Re: هل الكتابة في المنبر العام حرام ؟ (Re: محمد الواثق)
|
Quote: عز الدين بيلو
سلام باخ
انت زول بحات جدا ده لقيتو وين
شاكرين جاء في الوقت المناسب |
ههههههههههه
الحبيب عثمان
قاعد أفتش لي في موضوع قديم يخصني
كتبت كلمة منو لقيت موضوعك ده (عجبني)
وما لقيت موضوعي
=======
غايتو مصائب قوم عند قوم فوائد (هههههههه)
| |
|
|
|
|
|
|
|