|
|
|
 Re: عشان ننتهي من الشغلانية دي مرة واحدة (واحد جديد لنج) (Re: حمد عبد الغفار عمر)
|
حبيبنا حمد عساك طيب،
ما بتنتهي الشغلانية دي، ان سديتا من تالا الاسلام بتمرق من حته تانية، الا الصبر بس،
ياخي لي تلاتة يوم بتضحك في تعليقك بانك ح تلم العيال وامهم وما تطلع من الصباح، حكيت القصة للعيال وهم بعيدين قالوا لي تعال نعمل زيهم.
حمد اخوي يمكن حال البلد السجمان، والغربة والدنيا الاتقصرت بقت اقصر من عمود الفندق كلها خلتنا بقينا رهاف، الصبر بس
| |
 
|
|
|
|
|
|
|
|
Re: عشان ننتهي من الشغلانية دي مرة واحدة (واحد جديد لنج) (Re: Elsanosi Badr)
|
حمد سلام اخبارك
حكاية مهدية محسن كوميديا رائعة حسب تفسيري وفهمي ليها
طبعا شوفتا مداخلاتك هناك وليك حق تفرد بوست للموضوع
الضحكني لما وقعته من الكرسي المسلمي صبري طه فتح بوست حريق كنيسه قبل سنة المسلمي جاهو جاري حدد ياالاخو هل هي كنيسة محسن وساكيهو في البوست حدد يا زول وخلي محسن اجي احدد
لم ينتبه لتاريخ الحريق قديم حسب المصدر
بعد جينا وضحنا ليهو الحكاية قديمة وصبري سطح بيك تنفس الصعداء وقال والله قررررررررررررررربته ابايع علي المهدية ... 
| |
|
|
|
|
|
|
|
|
|
Re: عشان ننتهي من الشغلانية دي مرة واحدة (واحد جديد لنج) (Re: عمار عبدالله عبدالرحمن)
|
مراحب يا السنوسي
ليس ردة فعل على موضوع محسن خالد فمحسن له الكثير من الإحترام لا يزال باقيا كما هو
Quote: ما بتنتهي الشغلانية دي، ان سديتا من تالا الاسلام بتمرق من حته تانية، الا الصبر بس،
|
تعرف انا كتبت في بوست محسن استنكار لمبدأ المهدية
الإيمان بمبدأ إنو المهدي المنتظر سوف يظهر ليملأ الأرض عدلا بعد أن ملئت جورا وظلما
انا شخصيا الكلام دا بقودني لواحدة من أثنين :
- الرسول ليس خاتم الأنبياء والمرسلين (المهدي مرسل من الله)
- إنو الرسالة المحمدية عجزت عن توفير العدل طيلة فترة ما بعد الرسول أو فشلت في منع الظلم بين الناس
ونعوذ بالله من الوصول إلى مثل هذه النتائج
ياخ أضحك الله سنك دوما ، نعمل شنو الغربة خلتنا نهترش ما واعيين
| |
|
|
|
|
|
|
|
|
 Re: عشان ننتهي من الشغلانية دي مرة واحدة (واحد جديد لنج) (Re: عباس الدسيس)
|
حياك يا عباس
Quote: ضحكني لما وقعته من الكرسي المسلمي صبري طه فتح بوست حريق كنيسه قبل سنة المسلمي جاهو جاري حدد ياالاخو هل هي كنيسة محسن وساكيهو في البوست حدد يا زول وخلي محسن اجي احدد
لم ينتبه لتاريخ الحريق قديم حسب المصدر
بعد جينا وضحنا ليهو الحكاية قديمة وصبري سطح بيك تنفس الصعداء وقال والله قررررررررررررررربته ابايع علي المهدية ... |
ياخي محسن والله دخلنا في ضيقة
انت تعرف البشرية دي كلها كبت جاز ما تشوف الفصاحة دي انا أكد ليك في ناس بكونوا حرسو التلفزيون دا منتظرين بس واو
انا والله كنت متمني تحصل حاجة في كنيسة لد دي بس عشان تصب مطرة في المنبر دا يمين الناس دي كان كتمت كتمة خليها في سرك
اها شوف حكاية المسلمي دي يعني لو لقاها صحيحة ، كان تلقاه في السوق الشعبي ماشي مدني لي محسن
ياخي قيقراوي مقدم عرض بهناك لمن غلط بطل الفليم عديل
|
|
|
|
|
Re: عشان ننتهي من الشغلانية دي مرة واحدة (واحد جديد لنج) (Re: حمد عبد الغفار عمر)
|
أهلا عمار
| Quote: قولة قالها حسن الترابي وبعض الفقهاء المتاخرين |
لو الترابي قالها صدقني صحيحة لأنو الترابي دا قال أي شيء إلا مهدي منتظر دي ولو كانت منطقية كان زمان لصقا في نفسو
بس يا عمار الدعوة دي ما بتنشط إلا في زمن التيه والإنحطاط وحالات العجز التام للامة الإسلامية
لاحظ للتاريخ في نهايات الدولة العباسية والأموية والأندلسية والفاطمية لانهم كانو بفتكروا نهاية أي من الدول دي بتعني نهاية العالم لذلك تنشط مثل هذه الدعاوى
وبعدين هل القرآن ذكر الكلام دا صراحة ؟ (أنا لست متاكد)
شيئ تاني لما يتوقف نشاط الإجتهاد والقياس في النصوص وعدم وجود علماء حقيقيون لتفسير النصوص القرآنية ولما يركن المسلمون لليأس بتكون البيئة صالحة
وهسة الشيء دا حاصل تماما ، مافي شخصية مؤهلة تماما عشان تقود المسلمين الناس الطالعين في الكفر هسة ديل بيعانوا من عطالة فكرية وديل علماء سلاطين وناس دنيا ليس إلا
| |
|
|
|
|
|
|
|
|
|
Re: عشان ننتهي من الشغلانية دي مرة واحدة (واحد جديد لنج) (Re: حمد عبد الغفار عمر)
|
والترابي قال المسيح ما جاي راجع تاني والمنتظرو الترابة دي في خشمو
قال تعالى: " إذ قال الله يا عيسى إنّي متوفّيك ورافعك إليّ ومطهّرك من الّذين كفروا وجاعل الّذين اتّبعوك فوق الّذين كفروا إلى يوم القيامة ثمّ إليّ مرجعكم فأحكم بينكم فيما كنتم فيه تختلفون. فأمّا الّذين كفروا فأعذّبهم عذابًا شديدًا في الدّنيا والآخرة وما لهم من ناصرين. وأمّا الّذين آمنوا وعملوا الصّالحات فنوفّيهم أجورهم والله لا يحبّ الظّالمين. ذلك نتلوه عليك من الآيات والذّكر الحكيم "
| |
|
|
|
|
|
|
|
|
|
Re: عشان ننتهي من الشغلانية دي مرة واحدة (واحد جديد لنج) (Re: محمد إبراهيم علي)
|
اهلا محمد أبراهيم
Quote: والترابي قال المسيح ما جاي راجع تاني والمنتظرو الترابة دي في خشمو
قال تعالى: " إذ قال الله يا عيسى إنّي متوفّيك ورافعك إليّ ومطهّرك من الّذين كفروا وجاعل الّذين اتّبعوك فوق الّذين كفروا إلى يوم القيامة ثمّ إليّ مرجعكم فأحكم بينكم فيما كنتم فيه تختلفون. فأمّا الّذين كفروا فأعذّبهم عذابًا شديدًا في الدّنيا والآخرة وما لهم من ناصرين. وأمّا الّذين آمنوا وعملوا الصّالحات فنوفّيهم أجورهم والله لا يحبّ الظّالمين. ذلك نتلوه عليك من الآيات والذّكر الحكيم " |
الترابي مصيبة ياخ ممكن يقول أي حاجة بس أنا قصدت إنو ما كان ناقصو إلا يقول أنا المهدي المنتظر
لكن يا محمد الآية دي تحديدا ما فيها إشارة إلى إنو المسيح راجع
بل لوما لقت تفسير صحيح مائة بالمائة يمكن أن تفسر إنو المسيحيين هم الأرفع منزلة
يعني عديل كدا الما تابع المسيح حيكون أدنى منزلة إلى يوم القيامة ( بس بتكون مربوطة بالفترة الزمنية للتبعية هل ظهور المسيح الأول أم الثاني)
| |
|
|
|
|
|
|
|
|
|
Re: عشان ننتهي من الشغلانية دي مرة واحدة (واحد جديد لنج) (Re: دينا خالد)
|
هلا دينا خالد
Quote: فى شنو الناس ما عارفاهو المهدى ممكن يجى يشرحو ؟؟
عليكم الله مثال بس ... |
الدين نزل متكامل وتم شرحه من الرسول
بعد موت الرسول الحاجات (الاستغلقت) على الناس كل ناس عصر فسروها بما يفيد مصالحهم
إلا زمن العطالة الفكرية دا رجعوا تاني إمسكوا في النصوص كما هي بدون أي تعب أو إجتهاد
كما معلوم بني الإسلام على خمسٍ دي أصلا ما فيها طريق لإجتهاد
بس ما يخص تفاصيل حياة الناس دا متروك ليهم بدون الإخلال بجوهر الإيمان بالله
أديك مثال :
تخيلي إنك نويتي الصوم وأصبحت صائمة لحدي الساعة 3 عصرا وإنت ماشة في الشارع حسيتي إنو لو استمريتي في الصيام حيحصل ليك أذى وعقلك الأداك ليهو الله دا ثبت ليك الحكاية دي
ديل عايزنك قبل ما تفطري تستشيري شيخ أو دكتور عشان يبيح ليك الإفطار أنا غايتو في الحالة دي أقرب بقالة وهاك يا بسكويت وموية ساااقطة لحدي ما أصل البيت ولا بسأل شيخ حتى عشان أتأكد
هسة المهدي زي ما قلتي يقول شنو زيادة على الكلام البتقال في خطب الجمعة دا
| |
|
|
|
|
|
|
|
|
|
Re: عشان ننتهي من الشغلانية دي مرة واحدة (واحد جديد لنج) (Re: حمد عبد الغفار عمر)
|
سلام يا حمد
الاية فيها قول (اني متوفيك)
فسرها الترابي بالوفاة اي الموت والمعروف ان الموتى لا يرجعون وعليه استند هو والقراءنيون عليها في نفي عودة المسيح مرة اخرى لان الله تعالى قال ان الموتى لن يبعثوا الا يوم القيامة ولم يستثني احدا
ولكن المخالفين يستندون بايات اخرى بان الوفاة ايضا اتت بمعنى النوم
اي ان الموت هو مفارقة الروح للجسد ولا عودة الا يوم بنفخ في الصور والوفاة هي مفارقة لاجل مثل النائم حتى يصحو (confusing)
(ِاللَّهُ يَتَوَفَّى الْأَنفُسَ حِينَ مَوْتِهَا وَالَّتِي لَمْ تَمُتْ فِي مَنَامِهَا فَيُمْسِكُ الَّتِي قَضَى عَلَيْهَا الْمَوْتَ وَيُرْسِلُ الْأُخْرَى إِلَى أَجَلٍ مُسَمًّى إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ) الزمر : 42
استند المؤمنون بعودة المسيح على هذه الاية ان الله توفى عيسى عليه السلام ورفعه اليه فهو متوفي الى اجل يعلمه رب العزة و حين ياتي هذا الاجل والميعاد المعلوم لله وحده سينزل عيسى وهم ايضا يستندون على احاديث صحيحة رويت بسند متصل ليس فيه علة او شرخ
موضوعك التاني
بنرجع ليهو بعدين
| |
|
|
|
|
|
|
|
|
|
Re: عشان ننتهي من الشغلانية دي مرة واحدة (واحد جديد لنج) (Re: محمد إبراهيم علي)
|
العزيز/ حمد
| Quote: الرسول (ص) آخر المرسلين بإثبات القرآن والسنة |
الرسول صلي الله عليه و اله و سلم، خاتم الأنبياء والمرسلين متفقين عليها و ما فيها جدال، لكن هل هي إثبات علي نفي أو وجود مهدي منتظر؟
Quote: مافي مهدي منتظر ولا حاجة
|
في دي الشعب السوداني (الكثيرون منه ينتظرون المهدي) يقول ليك سمعاً و طاعة و يمشي علي كده بس و لا عندك باقي كلام فيها ما قلتو لينا؟
الأخ/ عمار
الترابي حاول أن يحول المهدي من شخص إلي فكرة، أي أن المهدي يعادل الحركات الإسلامية.
و هذا النهج ليس بجديد فقبله هناك من قال أن المسيح الدجال ليس بشخص إنما هو القوي المادية (أمريكا)، و علي نفس النسق ياجوج و ماجوج هم أهل الصين، و أخيراً جاء من قال أن الإنترنت هي الدابة. و هؤلاء ذهبوا في ما ذهبوا إليه بناءاً علي رمزية و بلاغة النبي في الحديث عن المستقبل و علامات الساعة.
| |
|
|
|
|
|
|
|
| |
حمد عبد الغفار عمر
Elsanosi Badr
عباس الدسيس
عمار عبدالله عبدالرحمن
محمد إبراهيم علي
دينا خالد
فيس بوك
تويتر
انستقرام
يوتيوب
بنتيريست