|
|
 رفض العمل لان القيامة يوم الجمعة العصر
|
قريبي بعد تعب شديد اتحصلت ليهو علي وظيفة واليوم مفروض يقابل صاحب العمل عشان اوقع معاهو العقد
اتصلت عليهو قبل شوية وقلت ليهو تعال سريع عشان توقع العقد
والله كنت قايلو بهظر قال يا زول هوي القيامة يوم الجمعة العصر مؤكدة وانا اسع في طريقي لمكة ماش
اتشعبط في الكعبة لحدي يوم القيامة
اشتغل يومين والقيامة تقوم الفائدة شنو ؟ ماداير شغل
فرديت عليهو وقلت ليهو تاني كان خراك ( معذرة للحساسين والحساسات الجنا حرق روحي ) جاني مارق بسلك التلفون مابشوف ليك شغل تاني
فرد علي يا زول هو تاني بلاقيك وين ؟
وجااااااااااااااااااادي
.
.
.
.
علما بانه واقع في الانترنت جديد
|
|
 
|
|
|
|
|
|
|
 Re: رفض العمل لان القيامة يوم الجمعة العصر (Re: عبدالله ود البوش)
|
يا ايها الكتاب ناس الخيال الواسع بالله ما تجننو علينا شفعنا في الفاضي ساهي
القيامة دي مافي مخلوق بعرفا كلو كلو
خليها القيامة زمان قبل سنة الفين جننونا في راسنا دا قالوا سنة الفين الكمبيوتر بقيف والطيارات بتقع
.
.
المصريين كلهم سحبوا قروشهم من البنوك هههههههه
قلبت سنة الفين زي الحلاوة وطلع بندق في بحر
.
.
اها اسع نحن المحاسبون شغالون في الميزانية التقديرية 2013 ولا جايبين خبر
.
.
هو ذاتو كان القيامة جات تريحنا من حاو وتر وجر وكر وعر
اللهم ادينا الشهادة والعمل الطيب
قيامتك يوم موتك
الواحد اموت وانتظر القيامة براحتو
دا كلام فاضي دا
تشوفوا براكم يوم 21 و22 و23 ويوم الرواتب المابتحوق كلو اجي ماشييييييي
وكان لي ناس الخيال الواسع ديل في ناس خيالهم اوسع وقالوا الباقي 7 بليون سنة من نهاية الكون
اها نسمع كلام ياتو خيال
انا قايل الاخير ارجح للصواب
الدنيا دي لسع بدري عليها
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: عباس الدسيس)
|
الدسيس يا صاحب
تحياتي
ألذ حاجة اخوهو الكبير متابع معاي اتصل علي قبل شوية عشان اطمئن علي الوضع
قال لي لقيت تلفونو مقفول عشان كدي اتصلت عليك اسألك منو
وريتو بالحاصل
لاعرف اضحك ولا عرف ابكي
قال لي خلاص الجمعة قريبة والله القيامة لو ما قامت الا اوديهو قيامة السودان
وقفل الخط ولايلوي علي شئ الا انتظار الجمعة العصر
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: عبدالله ود البوش)
|
عبدالله ود البوش
كيف انك يا امير ...
بالله في اشاعات زي دي ؟
شايف كم عنوان في المنابر ، لكني لم ادخل ، ولم اقرأ تفاصيل ،
بس اوعى تكون الحاجة دي ، ليها علاقة بالغوث محسن خالد ،
لانو شايف في تساؤلات كدة ،
ان كان هو المهدي المنتظر ...
............................
لكن قريبك دا فوت فرصة للعمل ،
حا تلاقيهو الفرقة ضحى السبت ،
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: عبدالمنعم الطيب حسن)
|
عبدالمنعم الطيب يا وناس ( لمن كنت قدرك كدي كان اسمي ونس ) هههههههههه
سلام وشوق ياخي ليك ولحكاويك
.
.
اشاعة القيامة دي مدورة من زماااااااااان انت كنت وين ؟
الغوث محسن خالد دا كتب بوست طويييييييل وعريض
حمالتك علي انا كنت قايلو داير اعرس هههههههههههههه ( كل زول عندو افقو ) اها انا افقي عرس هههههههه
يا اخوي اسع لمن شفت الحديس حر قلت احسن يوم الخميس اعرس لفريد ولدي باقي بلاهي بالعرس
كان قامت قيامة اكون حققت ليهو مراضو وكان ما قامت تقوم قيامتي انا بحق السماية هههههههههههه باقي الجنا لهفان خلاس
.
.
قلت لي قالت للحيطة شنو ؟ هههههههههههههههه الله اجازي محنك يا المندري
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: mwahib idriss)
|
حبيبنا ود البوش سلام ياخ زولك ده متاكد من كلامو ده علشان الواحد يستعد وكده ؟؟ غايتو يا ود البوش زولك ده تاني امكن وظيفه في سمط لقط ما يحصلها بي هلوساتو دي .. لكن تحوطات كده اعتزر لصاحب العمل وقول ليهو الراجل عيان شوية وبرجع يوم السبت ولو ما نفع حول الوظيفه لي اخوك امكن تكون احسن من الوضع الاحنا فيهو هنا ده .. وعليك الله لما يجي سمعو قصيدة القيامة الكتبها شاعرنا الجميل الدكتور احمد فرح شادول واكيد بيرجع لي صوابو ..
تحياتي : ياسر العيلفون
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: ياسر السر)
|
| Quote: ولو ما نفع حول الوظيفه لي اخوك امكن تكون احسن من الوضع الاحنا فيهو هنا ده .. |
ياسر العيلفون يا فنان
تحياتي ياخي
.
.
هو زول دا مستوى تفكيرو يعني تفتكر تكون الوظيفة شنو ؟
خليها في سرك عامل مكتبك الفاتح علي شارع العليا العام دا
شكرا جزيلا يا جميل
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: mwahib idriss)
|
يا مواهب بنيتي انا مافي الجنا الطفش بقيت في روحي البقت تفكر في العمرة في الوقت الحرج دا
.
.
لكن تاريخك دا
22/2/222
شوفيهو بصادف يوم جمعة
لان الجنا دا تربية حبوبات وسامع القيامة لازما تكون يوم الجمعة العصر
.
.
غايتو اقنعت صاحب العمل بانه عندو ظروف طارئة وبجي يوم السبت لو ما القيامة قامت (والعبارة الاخيرة في سري طبعا)
.
.
شكرا جزيلا بنيتي الفاضلة مواهب ادريس
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: mwahib idriss)
|
ههههههههههههههههه
ود البوش نهارك سعيد ياخى
قلت لى زولك دبقى على اللِيِلْةْ الله سآى؟
ذكرتنى نكتة لاحد اصحابنا قبل عقدين من الزمان قال عندو حبوبتو اسمها رودينا
هههههه المهم يا بوش رودينا دى عندها بت بنتها جاها واحد من حملة المصحق
يعني عريس مستف دين كان انتكى يقع منه حديث صحيح!!
قالو ليها يا حبوبة فلانة جاها فلان!!
قالت ليهم وهو شغال شنو؟
قالو ليها حافظ الكتاب
قالت ليهم وهى تاكل الكتاب؟
اخذ الامور على عواهنها لمن يكون فهم الانسان العادى ليها بنطيط عيون بنلتمس ليهو العذر
لكن لمن يكون زول من النخبة وواعى ومدرك وفاهم ده يتصرفو معاهو كيف؟
.
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: محمد عمر الفكي)
|
| Quote: انا بجوني ناس كل يوم بعد الصلاة بنلعب كوشتينة، اها اقول لهم شنو هسي؟ يجو ولا ما يجو؟ |
يا ود الفكي
تحياتي
عندي احساس بان دخلتك خيفة صحي صحي رغم الايقونة الضاحكة ( محروق عليها صاحبك البشاري اداني مشغل انترنت ما عرفت اجيب الايقونات)
فان كان ولابد من الكوشتينة فالعبوا عشرة طيبة وكل بصرة ومعاها تعويذة
.
.
ات في الجنا الطفش كلو كلو ولا فيا انا البقيت ما عندي مشهاد
اسع كان رفعت بوست المحاسبون ولقيت لي زبون زبونين ما اخير لي من التعولق دا
.
.
كان الله هون العمرة وبقينا حيين بجي آخد لي معاكم عشرة وست حااااااااااارة
ناسك حرفا ولا ام زنبيري ؟
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: حسين يوسف مكى)
|
الاخ الفاضل حسين يوسف مكي
تحياتي
.
.
وقفت كثيرا في اسم رودينا ................
.
.
| Quote: لكن لمن يكون زول من النخبة وواعى ومدرك وفاهم ده يتصرفو معاهو كيف؟ |
لا لا زولي ما قدر كدي
زولي زنبار قداد هبوب ساهي
لكن اقوليك حاجة ياخي النفسيات دي عجيبة
زماااااااان زمن مجلة الدوحة الورقا تخاااااان وريحتو تتكرفا تكرف
قريت موضوع يتكلم عن التساؤب وفي نهاية المقال اقوليك اتحداك لو ما تسأبت
وبالفعل كلما اقرأ سطر سطرين اكون اتسأبت وفي الاخر ضحكت علي روحي لكن اصلي ما خليت الموضوع ابقى علي براي
المجلة دي كانت في مكتبة الجامعة قمت ناولتها للزول الجنبي وفاتح ليهو صفحة الموضوع واشرت ليهو انو يقراهو
بدأ يقرأ واعاين ليهو القاهو ليك كل شوية إتسآب ضحك وناولها الجنبو
وعليه كل من مر بالموضوع اتسآب
.
.
بالمناسبة انا فكرت جادي امشي عمرة ........ طولت ما عملت عمرة
شكرا جزيلا اخي حسين يوسف مكي
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: mwahib idriss)
|
عزيزي الأستاذ / ود البوش ...
لك أستاذي الكريم خالص التحايا ....
أتاري الموضوع كده ... وأنا ما ناقش حاجه ... إبني معاذ في السادس إبتدائي ... يعني ممتحن للمتوسط ... بقول ليهو من كم يوم تعال يا معاذ نراجع دروس بكره .... وما تنسى إنك ممتحن السنه دي ...
قال لي يا بابا القيامه قالوا يوم الجمعه العصر ... وما حنلحق نمتحن زاتو ... ارتاح يا حاج ....
أسغربت طبعاً وقلت ليهو ما تصدق الخرافات دي ... لا يعلم وقت القيامة إلا الله تعالي .. حتى الرسول صلى الله عليه وسلم عندما سألوه .. متى تقوم الساعة ؟ ... أجاب صلى الله عليه وسلم : ما المسئول منها بأعلم من السائل ...
عندها اقتنع وأتي يجرجر حقيبته المدرسية لمواصلة المذاكره والتحصيل ....
وبعدين أهو الصغار ديل ممكن تعذرهم .. لكن نقول شنو في زولك العجيب ده اللي رفس النعمه برجله مصدقاً لتلك الترهات ........ وصدقني أخوه ما خاطي عليه ... خليه يقذفو في قيامة السودان أحسن ... هههههه ...
مع خالص ودي وتقديري ؛؛؛؛
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: إدريس محمد إبراهيم)
|
Quote: كان الله هون العمرة وبقينا حيين بجي آخد لي معاكم عشرة وست حااااااااااارة
ناسك حرفا ولا ام زنبيري ؟ |
وست شنو؟ انت قايلنا عزابة؟ نحن معانا شفع بجو يلعبو مع بعض ونحن بنلعب حريق عشان موضوعو طويل لمن تحرق يكون الشفع تعبو من اللعب لكن اكراماً ليك بنلعب معاك ويست ولو ما عجبك بنلعبك ويست امريكي ونشيلك -80 ونودعك الله ونقول لك نقابلك انت وقريبك في الاخرة يوم الاحد ان الله حيانا
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: محمد عمر الفكي)
|
| Quote: لمن تحرق يكون الشفع تعبو من اللعب لكن اكراماً ليك بنلعب معاك ويست |
ولو الشفع تعبوا قبل ان تحرق نقول جارياكن على العربات ههههههههه
اول مرة اشوف لي بطحاني بهرش من الشفع
.
.
اعمل حسابك لو اتا قايل روحك في الحريق واقع من السماء بي جوكرك دفرتك انا ههههههههه
انا النوع البجدع سنبهار وانتظرك المرة الجاية للخمسين
نحنا لعبناها في قهوة الزيبق
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: وضاحة)
|
وضاحة يا حلاة البنات وعزهن ورزهن
صدقيني ... دي مش بداية اغنية بسعد جدا لمداخلاتك معي وكمان بقيت اتكيف ههههههههه
عايني جاي
انتي لو زهجتي للدرجة دي ما تجي تمشي معاي حلتنا الكائنة بالقرب من التكلة الفكي حامد
وقدام سرحان حلة الشيخ تائ الله الذي جمع النفيدية وخلاهن زي الراس في الطاقية
حتى لو شميتي لعوت بدل ريفدور اخير ليك من القيامة
يا بنية هوي حرم كان مشيتي معاي تنسي الدوحة والحاج حمد ذاتو
.
.
دعوة جادة تصدقي
.
.
شكرا جزيلا عزيزتي وضاحة وسعيد بمرورك ( ياربي انا قايمة علي القيامة ولا ماسكاني ام هلا هلا ساهي ؟ )
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: الامين موسى البشاري)
|
| Quote: حســـــــــاااااااده ســاهي مني ... والله صحي |
ألبد قبلك في بكانك دا ( لاحر لابرد) لامكيف ولاسخان
دي اياها وصف ليلة القدر ذاتا ... الدين دا اسعلي منو انا
أها كان مشيت هناك وأبوهريرة قال كلام دا كو انا ما قلتو شقيش تقبل ؟
اخير لك دنيا دا عرفتو وعرفك
.
.
البشاري يا حليلك وحليل ايامك مشتاقين جد جد
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: إدريس محمد إبراهيم)
|
حبيبنا الفاضل / إدريس محمد ابراهيم
سلام واحترام وتقدير لشخصك الكريم
| Quote: قال لي يا بابا القيامه قالوا يوم الجمعه العصر ... وما حنلحق نمتحن زاتو ... ارتاح يا حاج .... |
يا الله ياخي اسع زي الوجع الدخل في هذا الطفل البرئ يعالجو كيف دا ؟
لولا تدخلك لاصابه احباط ويأس وربما دخل في حالات تانية
.
.
بالله قلنا خلاص الناس اتعلمت وخلت الخرابيط الزمان ديك البكتبوها في الورق
واقوليك انا كنت في المدينة وحلمت وشفت فاطنة بت الرسول وأئ زول يكتب الكلام دا عشرة مرات يغنى غني جد
والذي لايكتبه يصاب بمرض الدم هههههههههههه
قلنا خلاص دا كلو راح
جانا بالناكوسي تاااااااااااااااني ومن اوسع الابواب
اللهم احفظنا واحفظ عيالنا من الخرابيط والكلام الفاضي
شكرا جزيلا أخي إدريس لمرورك الكريم
وتحياتي
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: عبدالله ود البوش)
|
ود البوش
سلام
اسمع قريبك ده وديهو المسيد طوالي
واحد من المجاذيب في احدي الطرق الشيخ اشر ليهم للخليج الشيخ عليه رحمة الله توفي وترك الجوازات مع ابنه الذ ي اصبح خليفه
المجذوب جاء بعد العزاء طلب من ابن الشيخ الجواز للسفر الخليفة الجديد قال ليهو جدي قال البلد بتصلح وتبقي احسن بلد
المجذوب رد عليهو قال ليهو الله في القران قال اقرتبت الساعة وانشق القمر لا القيامة قامت ولا القمره انشقت كلام جدك ما مابيهم اديني جوازي خليني اسافر
ههههههههههههههههههههههههههههههههههههههههههه
| |
|
|
|
|
|
|
|
|
Re: رفض العمل لان القيامة يوم الجمعة العصر (Re: saif massad ali)
|
سيف مساعد ود عوج الدرب
سلام وشوق ياخي وينك منتظرنك بفارغ الصبر
جرب الخليج برا اوروبا برا زيفة
.
.
| Quote: اسمع قريبك ده وديهو المسيد طوالي |
مسيد وين يا زول هنا
وأخوهو حالف كان القيامة ما قامت اكبو في جهنم السودان عشان يعرف الله حق والدنيا زمنا طويل
عندنا واحد اسمو حبيب الله قال يوم القيامة أئ زول في حوشو باب زنك ( الزمن داك مافي حيشان علا عند الغنيانين)
يوم القيامة أسعلوا الملائكة تقول ليهو من اين لك هذا ؟
سيد باب الزنكي اتبكم واغلبو الكلام اقوموا اجيبو باب الزنكي دا ذاتو واختو في نار جهنم وتشششششششششش اتشوا بيهو في ضهروا
اها واحد عندو باب زنكي قاليهو واتا يا حبيب الله ما بسعلوك؟
حبيب الله قاليهو اقدروا اسعلوا
بقولوا لي شنو ؟
عندك شنو ؟
عنز واحدة
من اين لك هذا
مولدة ..... ورفع سبابته لاعلى فرحا بالجنة
هههههههههههههه
شكرا يا سيف ونشوفك قريبا في الرياض لو ما قامت القيامة
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: إدريس محمد إبراهيم)
|
سلام صديقنا وحبيبنا ودالبوش
والله غايتوا ياعرب الجزيرة محنكم بتعرفوها براكم ههههههههه
لما كنا طلبة في المرحلة المتوسطة (عهد نميري) بتزكر في عرافة مصرية
اسمها ام عصام (لو في زول بزكر حكايتها) اتنبأت انه في اليوم الفلاني (حددت
تاريخ) حاتحصل مصيبة في السودان وماحددت شكلها المهم الناس قامت وقعدت
في الموضوع ده الناس المتيقنين ما اشتغلوا بالموضوع كتير والناس الخوافين قعدوا
يجقلبوا من ضمنهم واحد اسمه عباس ساكن في حلتنا (زول ظريف جدا) كان مابصلي
بقى يصلي واكتر زول اهتم بالموضوع ده ...المهم اليوم المحدد جاء وماحصلت اي
حاجة فيه قام عباس رجع تاني خلى الصلاة هههههههههههههه .
فيما يقال انه في اخر الزمان المسلمين حاينتصروا على اليهود وتقوم القيامة (عباس من
ضمن الناس الماسك في الموضوع ده قوي) لما صدام دخل الكويت سنة 90 وجاءوا
الامريكان وقوات التحالف حاربوا صدام وقبل الحرب تدور قام امام الجامع جاء بحديث
ضعيف مفاد الحديث انه اخر الزمان حايتقاتل كل سكان العالم على جبل دهب والجبل ده
موجود بين دجلة والفرات وقام فسر انه جبل الدهب ده هو البترول وهسع دول العالم كله
علشان تتحارب من اجل البترول .....المهم صاحبنا عباس مابمشي الجامع ولا بصلي جمعة
ولا سمع خطبة الامام لكن الكلام كان حايم وطقش اضان عباس قام هرش ورجع يصلي
تاني ههههههههه.
لما بدت الحرب وصدام بعد يومين قام اطلق له كم صاروخ لي تل ابيب قام عباس بحكم
مربوط عنده موضوع جبل الدهب وضرب اسرائيل الاتنين بنهاية الدنيا
قام قال مقولة اضحكتنا حتى سقطنا منها ( ياسلااااااام صدام ده مالوا مستعجل على نهايتها)
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: وضاحة)
|
Quote: ما تجي تمشي معاي حلتنا الكائنة بالقرب من التكلة الفكي حامد
وقدام سرحان حلة الشيخ تائ الله الذي جمع النفيدية وخلاهن زي الراس في الطاقية
حتى لو شميتي لعوت بدل ريفدور اخير ليك من القيامة
يا بنية هوي حرم كان مشيتي معاي تنسي الدوحة والحاج حمد ذاتو
دعوة جادة تصدقي |
تمشي وين هو فضل فيها زمن؟
ثم ثانياً تمشي بصفتها شنو؟
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: محمد عمر الفكي)
|
Quote: تمشي وين هو فضل فيها زمن؟
ثم ثانياً تمشي بصفتها شنو؟ |
ود الفكي ؟ تزرزرك دا اخير منو القيامة ( وش احمر انفخ نفخي ) يا البشاري رجع لي اللزرق المدور اخير من الثعلب النار دي ... برجعوا كيف ؟
خليها تجي تريحنا ونشوف مشهادنا
اها برضو عندك رأئ في بنات الحور ؟
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: عبدالله ود البوش)
|
سلام صديقنا وحبيبنا ودالبوش
والله غايتوا ياعرب الجزيرة محنكم بتعرفوها براكم ههههههههه
هسع يا ود البوش صاحبك دا ما داير لى معانا سبب براهو شاحد اللة يقع فى صبيان النفيدية وفى غابة سرحان ويكونوا مافاطرين والساعة 11 وموية فى الترعة مافى وخضارهم عطشان واتفلسف عليهم ويدينهم غير سوط عنج مافيهم عشان يشوف محن عرب الجزيرة الجد جد
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: Mohammed Ahmed Saeed)
|
حبيبنا وقريبنا محمد أحمد سعيد
سلام يا زول وعوافي
.
.
يا زول ما تتور نفسك في الفاضي مع ناس البندر المِنْجَمين ديل
نحن ناس الجزيرة ديل كل السودان بعرفونا كويس ولانحتاج لتعريف
ولبعدين الكوبي دا ذاتو زول جزيرة لكن أهلو باروا السعية لحدي ما دخلو البندر بالغلت هههههههه
.
.
تسلم يا الحبيب تسلم مع تحياتي
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: عبدالله ود البوش)
|
سلامات مولانا عبد الله
بتي اماليا قبل حوالي اسبوعين تلاتة قالت لي نهاية العالم حتكون يوم 12/12/12 ؛ قلت ليها ما في كلام زي دا وما حتكون اقرب من 10 بليون سنة ؛ قامت قعدت تنظر وانها قرت في الانترنت وانو نوسترادموس قال الخ
قلت ليها ما مشكلة خلينا نتشارط : لو اليوم دا كان نهاية العالم انا بديك 1000 زلوتي (حوالي 300 دولار) ؛ لو ما حصلت حاجة انتي تديني 100 زلوتي (حوالي 30 دولار) - العرض طبعا مغري شديد
قالت لي هو فعلا نهاية العالم لكن ما بتشارط معاك ؛ لانو لو ما حصلت حاجة انا حاخسر 100 زلوتي ؛ لو قامت نهاية العالم اشيل قروشي منك كيف ؟؟
لوووول
قريبك غايتو بالغ ....
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: Abdel Aati)
|
| Quote: لو قامت نهاية العالم اشيل قروشي منك كيف ؟؟ |
حبيبنا عبدالعاطي يا جميل
تحياتي
كلام بتك دا ذكرني حكاية الزول السرق العتود وقاليهو يوم القيامة اجيبوك واجيبو العتود وصاحب العتود واخلص حقو منك
قام قال العتود بجيبوهو ؟
قالوا ليهو آي الله قادر وبجيبو
قال طيب الزول ما أشيل عتودو وإمشي تاني داير مني شنو ؟ هههههههههههه
.
.
عاين جاي
ات البلد العملتها زلوتي دي وين ؟ قطع شك طيرا عجمي
الله اردكم لبدكم سالمين بعدما تنزاح عننا هذه الغمة قبل القيامة
شكرا جزيلا ياخي لمرورك الذي اقدره جدا
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: عبدالله ود البوش)
|
| Quote: قال طيب الزول ما أشيل عتودو وإمشي تاني داير مني شنو ؟ هههههههههههه |
ههههه ؛ والله صحي
يشيل عتودو ويتخارج ..
Quote: عاين جاي
ات البلد العملتها زلوتي دي وين ؟ قطع شك طيرا عجمي
الله اردكم لبدكم سالمين بعدما تنزاح عننا هذه الغمة قبل القيامة
شكرا جزيلا ياخي لمرورك الذي اقدره جدا |
بولندا يا حبيب
وانا حقيقي سعيد بالتداخل معك في البوست خفيف الدم هذا .
لك الاحترام والتقدير
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: ابوحراز)
|
أبوحرااااااااااااااااااااااااااااز
الله اقطع شيطانك وشيطان ود الموج
ما بركة الما قال ليك قصة المرة القالت ثم تانيا ولدي بدحيشتو ههههههههههههههههههههه
ناس الشمالية ديل مستهبلين وات براك شفت حلولن حمالتك علي تكون جاري في الرملة كان تلقا روحك فوق راس بيت ههههههه
قال كوم خرا قال
.
.
طارق نقد كان معاهم ضيف جاي جديد من البلد
اها طارق واصحابو ناس الكلاكلة بتونسو ونسة متفلهمة
جاء واحد داخل وقال ما معنى الدهشة
شب زولك الضيف وقال
الدهشة ما جنا الهمارة ههههههههههههههههههههههههههه
.
.
اب حراز لو عارف جنس البوستات دا بجيك جاري كان زمااااااااااان شركت ليك
والله يا اب حراز ضحكت زي المجنون لمن مرقت برا المكتب اقح ..........
قال ريفدور قال
.
.
ياخي لا اخفي امتناني بمرورك بالجد
الجزيرة ابداااااااااااااااااااااع ومتعة وونستك حلوة
وين يا محمد عبدالرحمن تعال انفقع بالضحك قبل القيامة تقوم
وبعد ضحك اليوم دا كان قامت التقوم
عنز واحدة ومولدة تاني في شنو
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: وضاحة)
|
وضاحة ياشمس المشارق
مع الاسف عمك كمبيوترو ما بقول بغم كلو كلو
لكن الظاهر ناس ناسا ديل راح ليهم الدرب بين المجرات السماوية
يا بتي الدنيا دي لسع الباقي ليها كتييييييييييير والاخرة زمنها طويل زي ما بقول ابوي الله يرحمه ويغفر له
الله اديك العافية واهنيك
مع تحياتي
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: حمزه بابكر الكوبي)
|
أوووووووو اخونا الغالي حمزه الكوبي
بابكر كيف عليك الله ؟
تحياتي لكم واشتياقي
والله ماك ساهل القريت الوسطى في عهد النميري والاولية في عهد عبود ههههههههه
وكمان مدعمها بام عصام وناس الربل الجنب الجامع الكبير
| Quote: ( ياسلااااااام صدام ده مالوا مستعجل على نهايتها) |
ههههههههههههههههههههههههههه
دي زي حكاية الزول المشى البحر زعلان وعامل فيها داير اغرق
بس ختت كراعو في القيف اجيهو ليك تمساح هاجم
زولك جري ........... امبشفقنك علي موتي الكرااااااابل دا اسع ما مضيعني كلو كلو ههههههههههه
شكرا جزيلا عزيزي الكوبي مع تحياتي للعيال
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: معاوية المدير)
|
صاحبي الاصيل ود المدير
شوق ياخي
| Quote: هي زاتا القيامة دايرة تقوم. أها... |
والله خازوق لكن ........
عمنا باب الرحمة الله يرحمو ويوسدو الباردة
من العصر واللوري جاهز مقبل علي الخرتوم فجر ملاااااااان عيش
ادا جاموس السواق طرادة وقاليهو دي مصاريف اولادك وتعال بدري يا جاموس صيحة الديك اللولانية
.
.
الليل انتصف والناس هجست كو كو جاموس ضرب باب باب الرحمة
باب الرحمة قام مخلوع مالك آ جاموس جاي نص الليل بعد ما هجسنا ان شاء الله خير
جاموس : أبوي ماااااااااات يا باب الرحمة
باب الرحمة مندهشا وعينو علي اللوري الجاهز للسفر : والله خازوق
.
.
شكرا يا كلس لكن ما تقوم سداري
ات يا اخوي وييييييييييين عيدروس ؟
سلم عليهو كان مالاقيناهو قبل القيامة تقوم
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: عبدالله ود البوش)
|
هو بالله فى قيامة أكثر من الإحنا فيهو دا ( درجة حرارة -3 ) بعيد عنك يا ود عمي
عالم جـــــــــــبانات بشكل ! بالله يقولوا ليهم القيامة قرَبت يجروا على الكعبة طوالي .
كنا بداخلية الطالبات بنقوم نصلي الصبح حاضرا ، بعدين صديقتنا الماركسية كما نحب أن نناديها ترفض أن تقوم للصلاة ، نقوم نخوفها ( زي الجماعة ديل ) والصلاة مهمة وح يجيك ثعبان فى قبرك وكل حركات الهوس الديني الشغالة اليومين دي ، فى يوم يا عبد الله قامت وصحت وإتوضت وقعدت جنب السرير وقالت أسمعوني مش الصلاة تنهي عن الفحشاء والمنكر ، أنا ما بعمل ولا واحدة من الإتنين ديل . والتبجئ تصحيني ح أضربها
أضرب للراجل دا يرجع لشغلوا بالله هههههههههههه
| |
|
|
|
|
|
|
|
|
 Re: رفض العمل لان القيامة يوم الجمعة العصر (Re: مها عبد الله)
|
أووووووووو مها بت عمي عبدالله السمحة ورزينة ودمها حار مولع نار
سلام واحترام ورفع قبعة
| Quote: هو بالله فى قيامة أكثر من الإحنا فيهو دا ( درجة حرارة -3 ) |
قيامة شنو يا بت عمي
نحن منتظرين اليوم التبقي لينا فيهو وزيرة زراعة وشرق الله البارد كلو ابقى قصب سكر وعسل بس
والجزيرة نزرع نتيرب نحقق املنا ونزرع قطنا طويل وقصير التيلة وتعود السنمبرية والحدية والجرول وعشة ام ماقرين
والغرب الحبيب الوطا كلها تملي سمسم وصمغ سودانيييييييييييييييييي
وفي الشمال بركاوينا ومن خير الجنوب جدلينا بعد عودته لحضن الوطن مرة اخرى بعقولكم النيرة
دبايوا يا بت المحلق .... تحياتي التي ما بتغباك
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: عبدالله ود البوش)
|
Quote: ود الفكي ؟ تزرزرك دا اخير منو القيامة ( وش احمر انفخ نفخي ) يا البشاري رجع لي اللزرق المدور اخير من الثعلب النار دي ... برجعوا كيف ؟
خليها تجي تريحنا ونشوف مشهادنا
اها برضو عندك رأئ في بنات الحور ؟ |
سؤال يا بوش
البكاء دا الا ينزلن الدموع؟ مش في بكاء كتامي، سمعنا ببكاء الشوف والسمع برضو بس بكاء القراية دا اول مرة نسمع بيهو
الكوبي دا بطحاني اختاهو
بعد اذنك موجه للاخ عبد العاطي
غايتو انا لو محلتك بقول لاهلي عملتنا اسمها الدولار والصق فيهو اسم البلد الانا فيها
بعدين يا بوش انتو جنسكم دا الا ينزر عشان يمشي الكعبة؟
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: عبدالله ود البوش)
|
Quote: ات زعلت يا ود الفكي ولا شنو ؟
ياخي كل الامر لايعتدى المزاح
وان غلطت في حقك غير قصد فانا آسف ياخي
مع تحياتي |
انت معاي ولا مع زول تاني؟ ياخوي انت شربت شنو الصباح دا؟ غايتو الا يكون عندك روب نسيتو مفتوح كم يوم وقرطعت منو الصباح
هسي حاجة في ذمتك حسيت بالزعل وين في كتابتي دي؟ ما مشكلة شكلك داير تكبر كومك قبال يوم 22
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: singawi)
|
Quote: يا زول الدنيا ما معروفة
للضمان نلحق لينا عمرة الليلة
أكان قامت القيامة بتنفعنا
وكان ما قامت برضو بتنفعنا
الكلام دا اتعلمتو من بنية عادل عبد العاطي الله يحفظها |
حبيبنا سنجاوي
تحياتي
اتمنى لك التوفيق لآداء العمرة ولو ربنا هونا ليك ما تنساني من الدعوات
ودي تكون أهم فائدة من فوائد هذا البوست والله صحي
مرورك هنا اسعدني فلك الشكر والتقدير
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: معاوية المدير)
|
هههههههههه
يشهد الله متابع البوست دا من قام امبارح الجمعة ...
وجيت الليلة من الصباح اتاوق ولما لقيت ابوحراز
(تلب) فى البوست قلت خلاص تمت الناقصة ...ههه ..
ياودالبوش زولك دا حلو ترجعو الحواشات
عشان الكسرة بالشطة تبقى ليهو زى الكبدة
ويعرف الله واحد ...
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: omar arbab)
|
عمر أرباب يا حبيب
تحياتي واحترامي
Quote: عندي صحبي عرسو يوم السبت
جاني قال لي انتا عارف يا عمر لوقامت بكون ريحتني ليك راحه |
راحة شنو بعد دا صاحبك لحدي يوم الخميس بكون جهز كل حاجة
القيامة مافي صلاحو كلو كلو
ياخي ربنا اهنيهو واسعدو ولسع قالوا الباقي 7 بليون سنة
.
.
قارئ اسمه أسامة رسل لي ايميل قال لي لو كلمتونا من زمان ما كان دفعت الايجار
وقد دفعه الاسبوع الفات يا حسرة
.
واقول ليهو لو القيامة قامت حظك لانو سوف يتم خصم الايام التي قضيتها قبل القيامة والدفعة المقدمة تاخدها طوالي من صاحب العقار
حسنات الحسنة تحك الحسنة ..... اصلك ما خسران يا أسامة العريفي فهناك العدل المطلق ..... الله اكبر
.
.
عزيزي عمر أرباب
أشكرك لمرورك من هنا مع تحياتي ومبروك لصاحبك مقدما
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: محمد عبدالرحمن)
|
اُمْحُمَد ولدي يا حبيب
دوشت لي راسي ونان الليلة شنو ياربي ؟
لكن علي قولة حبوبتك بت الضواها القالت كل يوم الشمش تطلع من قدام وتغيب وراء المحيرني كيفن الناس ديل كلهم
اعرفوا الليلة اللربحا وبكرة الخميس !!!!!!!!!!!!!
واحد من الشباب عندو صاحبو حبشي عزمو لعرس اخوهو وقاليهو جيب اصحابك وتعالوا اتعشوا معانا يوم الاربعاء
الحبشي كلم اصحابو وقاليهم صاحبي عازمنا كلنا عشاء
اصحابو فرحو وقالوا ليهو متين ؟
الحبشي نسى كلمة يوم الاربعاء وقاليهم
تعرفو يوم الجمعة ؟
قالوا آآآآآآآي
اتنين يوم وراء هههههههههههههههههه
.
.
يا حليل الكسرة بالشطة اتا قايلها ما أحلى من الكبدة ؟
لكن كمان ما تكون كل يوم هههههههههههههه اجازات بس
.
.
قال كسرة بملاح لبن قال
شكرا جزيلا محمد عبدالرحمن مع تحياتي
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: عبدالله ود البوش)
|
ود البوش يا عزيز
السلام عليكم ورحمة الله وبركاته إنت وزوارك الكرام
تحية طيبة وشاكر لك هذه النفحة القيامية الجميلة
وبالله ادخل لينا واسطة مع الجماعة ديل خليهم يؤخروها شوية
نصرف الراتب ونسدد الديانة وبعدين القيامة حبابة عشرة
والله ما عارف آخر مرة دخلت المنبر متين
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: محمد عبدالرحمن)
|
عزيزنا ود البوش
اسمح لينا نشارك فى بوستك الفنان ده بنكته حكاها
استاذنا خليل الياس فى عدد الميدان الاخير :ـ
Quote:
جاء الى ” جوقته” رجل يحكي رؤياه في حلمه بالامس قال لهم اني رأيت في المنام ان القيامة قامت والناس وزعوهم على الجنة واخرين على النار وفضلنا نحن ناس السودان قاعدين في معسكر لوحدنا ونحن في حالة استغراب. بعد شوية جانا ” ابليس” سألناه يا ابليس الحكاية شنو الناس كلهم واحدين دخلوا الجنة وواحدين دخلوا النار الا نحن قاعدين مافي زول قال لينا نمشي وين!!
رد عليه ابليس قال والله انا سمعت بي أضاني دي قالوا مرجعنكم السودان. |
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: فيصل محمد خليل)
|
Quote:
هسع يا ود البوش صاحبك دا ما داير لى معانا سبب براهو شاحد اللة يقع فى صبيان النفيدية وفى غابة سرحان ويكونوا مافاطرين والساعة 11 وموية فى الترعة مافى وخضارهم عطشان واتفلسف عليهم ويدينهم غير سوط عنج مافيهم عشان يشوف محن عرب الجزيرة الجد جد |
ماكتلتني كتلة لكن يامحمد سعيد ههههههههههه
موديني لي النفيدية البعيدين ديل مالك ؟؟ ود اب صالح ماقريبة مننا
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: حمزه بابكر الكوبي)
|
| Quote: موديني لي النفيدية البعيدين ديل مالك ؟؟ ود اب صالح ماقريبة مننا |
أها يا محمد سعيد انفشيت
ما قلت ليك المنجمين ديل حلوين لكن اتو ناس مسخنين في الهينة والقاسية
بالله يا الكوبي انا حسيت بمحمد سعيد قرب اركب السكين في الشاشة واتقول داير اكسر رقبتو علي الكيبورد هههههههههه
.
.
محمد سعيد اولاد الراحات ديل كان دايرين تنفشوا فيهم عرسو بناتهم قالوا حلوات
ما شفتنا زمان لمن باظ الخرطوم اكتحنا بالتراب ونحن نعوم في الكنار
عووووووووووك بنات الخرتوم شنو كدي ما تعرف وشنو كدي ما تعرف ههههههههه
وفي الحقيقة ديل ناسنا ذاتن شايلين الخرتوم للجناسي ههههههههههههههه
.
.
شكرا حمزة
شكرا محمد سعيد
قلت لي داير تغتس حجرو في كنار سرحان ابو مشاية حديد الحمار ما بقطعا
قطعت قلب الزول ياخي هههههههههههههههههههه
قاليك كفاي طاحونة ود اب صالح
قال عطشانين قال ولا بلبوط واحد ما قبضو هههههههههههههه
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: فيصل محمد خليل)
|
فيصل خليل يا شويعي يا جميل
تحياتي واحترامي الذي لا يغباك كلو كلو
| Quote: رد عليه ابليس قال والله انا سمعت بي أضاني دي قالوا مرجعنكم السودان. |
ههههههههههههههههههههههههههههههههههههههههههههه
في الثانوي العالي كان عندنا استاذ مصري مستهبل
قال لو ربنا يوم القيامة وداني النار بقولو اخصم خمسة سنة قضيتها في السودان
.
.
شكرا لمرورك الرائع جدا
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: جعفر محي الدين)
|
شيخنا جعفر محي الدين
وعليكم السلام ورحمة الله وبركاته
.
.
حلوة كلمة نفحة دي وجمعها نفحات ... ونفحات الصباح والصباح لو لاح لاداعي للمصباح
يا سلام ياخي تذكرت صباح الصيف الجميل وضرب الطوب والرادي فوق الطوب المشنكل ونفحات الصباح وليلى المغربي
وابوعبيدة حسن بايدي عمل حققنا امل والرقم وصل مليووووووووون طوبة
.
ياجعفر اسوأ يوم عندي يوم الرواتب لانه يدخلك في ورطة حل الديون يعني تدي منو وتأخر منو والمشكلة أئ واحد فاكر نفسو الوحيد هههههه
عشان كدي اخير تقوم قبل الرواتب وتريحنا من جدولة الديون الاصلو ابت تنتهي كلو كلو
بالله انت زي دائما مطلوب ههههههه
مع تحياتي يا شيخنا جعفر ودعواتك لنلتقي في جنات النعيم يا رب يا كريم
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: Mohamed Foto7li)
|
Quote: قيامة شنو يا بت عمي
نحن منتظرين اليوم التبقي لينا فيهو وزيرة زراعة وشرق الله البارد كلو ابقى قصب سكر وعسل بس
والجزيرة نزرع نتيرب نحقق املنا ونزرع قطنا طويل وقصير التيلة وتعود السنمبرية والحدية والجرول وعشة ام ماقرين
والغرب الحبيب الوطا كلها تملي سمسم وصمغ سودانيييييييييييييييييي
وفي الشمال بركاوينا ومن خير الجنوب جدلينا بعد عودته لحضن الوطن مرة اخرى بعقولكم النيرة
دبايوا يا بت المحلق .... تحياتي التي ما بتغباك |
وزيرة زراعة عديييييييل كدا هو عليك الله الكيزان ديل فضَلوا فيها زراعة حليييييييييلها يا أبوي ، غايتو إلاَ نزرع فى المزرعة السعيدة فى الفيس بووك
هههههههههههههههه والله يعلم الله مشتاقة لحكاويك الممتعة وقصصك العجيبة ، هسه غايتو إتخيلت شكل قريبنا دا بكون عامل كيف !
بكرة السبت وتبقي سويعات لليوم الموعود ، خلَي قريبنا يقعد بمكة لغاية يوم الإثنين إحتياطيا ، غايتو البوست بتاعك بريحَ الزول شوية من الهلع الحاصل دا ( وش أخضر ) .
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: rosemen osman)
|
العزيزة الشاعرة روزمين الصياد
سلام واحترام وتقدير شديد جدا لمرورك هاهنا
دقائق استراحة محارب قد تزيده قوة
والله اقويك على الهم المشترك
كدي رفعتي معنوياتي مرتين
الاولى بقصيدة لمة بورداب الرياض ( ذوي الخمسين عاما )
والثانية مرورك هنا
شكرا جزيلا
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: مها عبد الله)
|
| Quote: وزيرة زراعة عديييييييل كدا هو عليك الله الكيزان ديل فضَلوا فيها زراعة حليييييييييلها يا أبوي |
كدي بس خلي الكيزان ديل اختونا كدي ولا كدي
والله لتخضر الجزيرة مرة أخرى بعد أن اضحت يبابا
خلاص بنبقيك مفتشة يا مها ههههههههههههههه
سلام واحترام
ثم شوقا شديدا
كان الله رفع القدم المانيا ثم حلة لنضد
قال KAHLEES CAN NOT SEE LONDON قال
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: محمد عمر الفكي)
|
| Quote: عندي اجازة بمناسبة راس السنة من يوم الاتنين الجاي لحدى الخميس وبفكر اجي الرياض، لكن جوكم ما مشجع ولا عندكم لمة |
عليك الله تعال
لو مافي لمة انا براي بسوي ليك حفلة
ياريت نشوفك
.
.
عاين جاي
البي مليون وميتين لوري الطوب مو الالف يا داقس
والجابرك علي الحليفة شنو ؟
امش صلح الحليفة عشان ما تتأرشف وتكون قاعدة ليوم القيامة
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: محمد عمر الفكي)
|
Quote: فهم من كدا انك جليت موضوع العمرة؟
عندي اجازة بمناسبة راس السنة من يوم الاتنين الجاي لحدى الخميس وبفكر اجي الرياض، لكن جوكم ما مشجع ولا عندكم لمة |
ود الفكي سلام
جوالرياض الايام دي جو فول الشمس لينا كم يوم ما شفناها غير المطر
انت اصل لينا وخلي ود البوش ادينا الو نشبعك شيه لما تقيف لمبه
وين في البر لا استراحات لا يحزنون
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: عباس الدسيس)
|
Quote: عليك الله تعال
لو مافي لمة انا براي بسوي ليك حفلة
ياريت نشوفك
.
.
عاين جاي
البي مليون وميتين لوري الطوب مو الالف يا داقس
والجابرك علي الحليفة شنو ؟
امش صلح الحليفة عشان ما تتأرشف وتكون قاعدة ليوم القيامة |
ياخي ابيت، انت ما سمعت ب "لايواخذكم الله باللغو في ايمانكم"؟ الجية دي بشوف الشفع قالو عندهم اختبارات لكن لو ما ضرورية وبتاعة مراجعة ساهي الشافني فجر الاتنين ان الله حيانا في الرياض ما كضب.
الله يسلمك يا عباس
وشكراً على الدعوة وربنا يهون، صراحة وحشوني ال المحرب وبورداب الرياض وابو حسين مع انه في البورد اصلو ما بنراد
انت يا بوش وكت متابع بهناك مالك ما كشكشت الزول دا كان يرسل علبة اللبن؟
| |
|
|
|
|
|
|
|
|
|
Re: رفض العمل لان القيامة يوم الجمعة العصر (Re: عباس الدسيس)
|
Quote: انت اصل لينا وخلي ود البوش ادينا الو نشبعك شيه لما تقيف لمبه
وين في البر لا استراحات لا يحزنون |
عباس يا جميل
دي نواة لي لمة ممتازة تيزة جد
لكن المشكلة نحن التلاتة كلامنا كتير شوفوا لينا نفرين تلاتة سماعين وضحاكين
نحن نكلكل وهم اضحكو .... ارشح طارق نقد وايمن دياب وادريس علم الهدى
| |
|
|
|
|
|
|
| |
عبدالله ود البوش
عباس الدسيس
عبدالمنعم الطيب حسن
ياسر السر
محمد عمر الفكي
إدريس محمد إبراهيم
وضاحة
الامين موسى البشاري
saif massad ali
حمزه بابكر الكوبي
Mohammed Ahmed Saeed
Abdel Aati
معاوية المدير
مها عبد الله
العوض المسلمي
محمد عبدالرحمن
omar arbab
جعفر محي الدين
فيصل محمد خليل
Mohamed Foto7li
rosemen osman
Nasruddin Al Basheer
فيس بوك
تويتر
انستقرام
يوتيوب
بنتيريست