|
|
 الابيض بعد 30 عاما ... نشوة الاشتهاء و عمق التلاقي
|
عروس الرمال
عند وصولي لها .... بكيت
كأني الابن العاق العائد لحضن والديه
30 عاما
حرام والله
عدت لها وفي موقف الاتوبيسات .. احسست بطعم الابيض
سحنات مواطنيها
انفاسهم
مدرسة حي الميرم الاولية
مدرسة اهلية المعاصر
مدرسة الابيض الثانوية
مطار الابيض
حي الميرم ( الوحدة حاليا )
حي المعاصر
وانا في عربية طارق غريبة
كنت اتحسس كل الطرق
تشير ايدي بان منزل المرحوم عصام بلدو هنا
نصر الدين عوض الباري
وذكر لي بانه اصبح مدرسة النصر
وخور الحلب
واسواق اشاهدها لاومل مرة
حتى مدرستي العريقة الاهلية اصبحت شأن اخر
ابحث عن مستوصف ود الياس فوجدته ( مدفوسا ) وسط
اسواق واسواق
ووصل بنا الترحال لمنزلنا
منزل حسن غريبة
اشهر بيوتات حي الوحدة
وكان الجميع في استقبالنا
ورغم ظروف البكاء وعويل من كانو معي
ولكني تلمست سحناتهم
جيرانا ... واهلنا وزملاء طفولة
.... ساواصل .......
|
|
  
|
|
|
|
|
|
|
 Re: الابيض بعد 30 عاما ... نشوة الاشتهاء و عمق التلاقي (Re: صلاح غريبة)
|
يامفترى قاعد فى السعوديه القريبه دى 30 سنه ما تزور الابيض....حرام عليك يا صلاح
اولا حمدا لله على السلامه وربنا يغفر لاخيك ويبارك فى زريته....واصل ياصلاح...انا لمن سقت اولادى للمره التانيه وبقو كبار شويه قلت اوديهم للمدراس التى صنعت منى محمد دودى ...فقلت لنفسى لابد ان اذهب اولا اتحسس التاريخ وماذا فعلت الانقاذ ب مدرسه الابيض الغربيه الابتدائيه والاهليه المتوسطه والابيض الثانويه...والله يا صلاح لقد صدمت لم رايت لتكم المنارات التعليميه...ولم اقوى على اخذ ابنائى لمشاهده الدمار لانهم ببساطه لا يستوعبون بان دراست فى تلك الخرابات
دودى
| |
|
|
|
|
|
|
|
|
|
Re: الابيض بعد 30 عاما ... نشوة الاشتهاء و عمق التلاقي (Re: Mohamed Doudi)
|
| Quote: عدت لها وفي موقف الاتوبيسات .. احسست بطعم الابيض |
غايتو أعمل لابد كم يوم كدا أخد ليك كورس دياليكتيكي موغل في نشوة المحلية وعمق الوسط الكردفاني حتى تظهر :
لو قلت الاتوبيسات دي في الموقف الناس ديل حيكسروك ياصلاح : والله لو غايب ليك مية سنة!!
ههههههههه
هنيئاً لك بزيارة المدينة الوادعة!!
| |
|
|
|
|
|
|
|
|
|
Re: الابيض بعد 30 عاما ... نشوة الاشتهاء و عمق التلاقي (Re: Mohamed Doudi)
|
Quote: يامفترى قاعد فى السعوديه القريبه دى 30 سنه ما تزور الابيض....حرام عليك يا صلاح
اولا حمدا لله على السلامه وربنا يغفر لاخيك ويبارك فى زريته....واصل ياصلاح...انا لمن سقت اولادى للمره التانيه وبقو كبار شويه قلت اوديهم للمدراس التى صنعت منى محمد دودى ...فقلت لنفسى لابد ان اذهب اولا اتحسس التاريخ وماذا فعلت الانقاذ ب مدرسه الابيض الغربيه الابتدائيه والاهليه المتوسطه والابيض الثانويه...والله يا صلاح لقد صدمت لم رايت لتكم المنارات التعليميه...ولم اقوى على اخذ ابنائى لمشاهده الدمار لانهم ببساطه لا يستوعبون بان دراست فى تلك الخرابات
دودى |
الله يسلمك دودي
والله حرام غبت من الابيض المدة دي
عارف انا رجعت من الابيض لي اسبوع ولكن الحنين كاتلني ارجع تاني
عاوز اي سبب ارجع
واحتمال ارجع الاسبوع الجاي
اشتهيت ونسة د. معاوية الجبيل
وضحكات ابوبكر بشير التجاني
وقعدات استاذ بشير قمر
واقاشى الابيض النسيت اسمه وودانا ليهو
قريبنا عباس صديق غريبة
وشيات اولاد القولد وطلعوا قرايبي
واكلت البيتزا في الابيض
ومشيت كداري من الوحدة للكنسية
... ساواصل .....
| |
|
|
|
|
|
|
|
|
|
Re: الابيض بعد 30 عاما ... نشوة الاشتهاء و عمق التلاقي (Re: صديق الموج)
|
المناضل دينق.
تحية مسكونة بدعاش المشك ومسنودة بتبريكات الكجور ونيران مباخر المكوك.
أستوقفني حديثك الشيق على المدعو غريبة. وبالمناسبة ولفائدة قراء البورد، لقد أفادني المناضل يوسف كجو وهو خريج طقت وقد زامل المدعو غريبة في أحدا المراحل الدراسية، وكان معروف بصلاح غريبة (بضم الغين) ويتسأل بأنه بقدرة قادر أصبح أسمه صلاح غريبة. وقد زكر المناضل كجو أن غريبة كانت له عادة سيئة جدا وهو أنه دائمايكون عين الاساتذة ضد الطلاب وهو عضو بارز في شعب الطلاب التابعة للاتحاد الاشتراكي المنحل. ويضيف بأن كل أبناء كردفان الشرفاء يدركون ما حل بمناضلي حي القبة بالابيض وحملة الاعتقالات التي طالتهم والكل يعلم من هو الذي كان من وراء تلك الوشاية وهجمة كلاب أمن النميري على المناضلين. على كل حال نحن نتابع ملاحقتكم للسدنة ونستغرب كيف أن لسان المدعوا غريبة قد تطاول على أولياء نعمته في الاحاديث التي يعجز اللسان عن زكرها وفي الختام نثمن صمودكم وملاحقتكم لقوى الظلام وأتباعها أمثال غريبة وتقبل تحيات مناضلي الجبال وعنهم كربوس تية والاحيمر وعثمان قوعنج.
أخوكم دوما/ صلاح كجور
سلارا الجبال السودان الجديد
.
| |
|
|
|
|
|
|
| |
صلاح غريبة
Mohamed Doudi
صديق الموج
Deng
فيس بوك
تويتر
انستقرام
يوتيوب
بنتيريست