|
|
 Re: ي.....ا قلب (Re: الطيب شيقوق)
|
يا أميرة
دكتورة نجمة دي بتخش يوم وتغيب سنة
لو مستعجلة هاك:
يا قلب...انا كنت قايلك تبتا من
تعب السفر.....
ومن مخاواة القماري
ومن شراب موية المطر
تاريك كامن لي بشيتًا كتر
مازمان انا وانتا لفينا الموانئ
بالقطارات والمطارات والسفن
دقينا اجراس الجديد...
وعدنا ترتيب المعانئ
الليله راجع لي تبق بق
بتنتل الاهه و ترقرق...
زي تقول ياداب عرفت الاندهاش
ياقليب ما لك علئ...
ما انت عارف نقطة الضعف القديمه
وزي ضايق الارتعاش...
يا قليب يا ما سرحنا
مره جينا والف رحنا
ومره شاي عصريه في طرف الغمامه
ومره دوبيت للمحنه...
ومره حاجاتا جميله
وانحناءت للحمامه...
جاي تسالني الدباره
ياقليب مافيش دباره...
لا المراكب قادره تكسح في النزيف
ولا نحنا شايفين الفناره.....
والكلمات للشاعر الصحفي محمود محمد مدني
| |
 
|
|
|
|
الطيب شيقوق
ALGARADABI
فيس بوك
تويتر
انستقرام
يوتيوب
بنتيريست